ކުރިއަށް އޮތް ފަސް އަހަރަށް ޓޫރިޒަމާ ބެހޭ މާސްޓާ ޕްލޭން އެކުލަވައިލަން ފެށުން އިފްތިތާހު ކުރުމަށް ދަރުބާރުގޭގައި ބޭއްވި ޖަލްސާގައި ނަޝީދު ވާހަކަފުޅު ދައްކަވަނީ.---ފޮޓޯ: ރައީސް އޮފީސް
22 އޯގަސްޓް 2019 - 13:19
18 comments
ރަށްރަށުގެ މުއްސަނދިކަން އޮންނަން ޖެހޭނީ އެ ރަށްތަކުގެ ރައްޔިތުންނަށް ކަމަށާއި ރަށުގެ އިހްތިސާސްގައި ހުންނަނީ ރަށުގައި ދިރިއުޅޭ ހުރިހާ ރައްޔިތުންގެ މިލްކު ކަމަށް ރައްޔިތުންގެ މަޖިލިހުގެ ރައީސް އަދި ކުރީގެ ރައީސް މުހައްމަދު ނަޝީދު ހުޅުމާލޭގައި މިއަދު ވިދާޅުވެއްޖެ އެވެ.
އެމްޑީޕީ ކައުންސިލަރުންގެ ކޮންފަރެންސް ފަށަން ހުޅުމާލޭ ހުރަވީ ސްކޫލްގައި އޮތް ރަސްމިއްޔާތުގައި ނަޝީދު ވިދާޅުވީ ސަރުކާރަކީ ވެރިކަން ހިންގުމުގެ ބާރު ކަމަށް ވީ އިރު، މިލްކުވެރިކަމަކީ ދައުލަތުގައި އޮންނަން ޖެހޭ އެއްޗެއް ކަމަށެވެ. އަދި ދައުލަތް ބިނާވަނީ ކައުންސިލްތަކާއި ސަރުކާރާއި މަޖިލިސް ހިމެނިގެން ކަމަށް ވިދާޅުވި އެވެ.
ނަޝީދު ވިދާޅުވީ ފާއިތުވެދިޔަ ސަރުކާރުތަކުން ގަބޫލުކުރި ކަމަކީ ރަށު ކައުންސިލަރުންގެ ކިބާގައި ރަށަށް އެކަށީގެންވާ ސިއްހީ ނިޒާމަކާއި ތައުލީމު ނިޒާމެއް ގާއިމްކުރުމަށް ބޭނުންވާ ތައުލީމާއި ހުނަރު ނެތް ވާހަކަ ކަމަށެވެ. އެކަމަކު އެކަން އެމްޑީޕީން ގަބޫލު ނުކުރާ ކަމަށް ނަޝީދު ވިދާޅުވި އެވެ.
އެމަނިކުފާނު ވިދާޅުވި ގޮތުގައި ކައުންސިލަރުންގެ ވިސްނުމާއި ގާބިލްކަމާއި ތަނަވަސްކަމާއި ތަޖުރިބާ އެމްޑީޕީން ބަލައިގަނެ އެވެ. އެމްޑީޕީއަަށް ކައުންސިލަރުންގެ ގާބިލްކަން ހުރި މިންވަރު ދެނެގަނެވޭތީ ކައުންސިލަރުން ބާކީކޮށް އެއްފަރާތް ނުކުރައްވާނެ ކަމަށް ވިދާޅުވި އެވެ.
ދައުލަތުގެ އާމްދަނީގެ ފަސް ޕަސަންޓް ކައުންސިލްތަކަށް ހާއްސަ ކުރަން ލާމަރުކަޒީ ނިޒާމަށް ގެންނަން ނިންމާފައިވާ އިސްލާހުތަކުގެ ތެރޭގައި ހިމެނޭ ކަމަށް ރައީސް އިބްރާހިމް މުހައްމަދު ސޯލިހް ވިދާޅުވުމާ ގުޅިގެން އެކަމަށް އިޝާރާތް ކުރައްވާ ނަޝީދު ވިދާޅުވީ ބަޖެޓުގެ ފަސް ޕަސަންޓް ކައުންސިލްތަކަށް ލިބެން ވާނީ އެ ކައުންސިލްތަކުން ކުރާ މަސައްކަތަށް ބަލައިގެން ކަމަށެވެ.
"ކައުންސިލްތަކަށް ރުފިޔާ އެކަނި ފުރޮޅިގެން ގޮސްގެން އަޅުގަނޑަށް ޔަގީން ތިޔަ ބޭފުޅުން ގަބޫލު ކުރައްވާނެ މިކަން އަދި ލާމަރުކަޒު ވެގެން ދަނީކީ ނޫން. ލާމަރުކަޒު ވުމަކީ ފަސް ޕަސަންޓުގެ މަސައްކަތް ފުރޮޅިގެން ދިއުން. އެ މަސައްކަތާ ގުޅޭ ރުފިޔާ މަސައްކަތުގެ ފަހަތުން ދިއުން،" ނަޝީދު ވިދާޅުވި އެވެ.
ކުރީގެ ރައީސް ނަޝީދު ވިދާޅުވީ އެމްޑީޕީގެ އަމާޒަކީ ތަނަވަސް އަދި ޒުވާނުން ވަޒީފާ އަދާކޮށް ހަލާލު މަސައްކަތެއްކޮށް އާމްދަނީ ހޯދާ ރައްޔިތުންތަކެއް ދިރިއުޅޭ ގައުމަކަށް ރާއްޖެ ހެދުން ކަމަށެވެ. އެކަމަކު ކައުންސިލްތައް ބާކީކޮށްލުމުން މިހާރު ރަށްރަށަށް ލިބިދޭން ޖެހޭ ހަގީގީ އާމްދަނީ ނުލިބޭ ކަމަށް ވިދާޅުވިި އެވެ.
އެމްޑީޕީން ލާމަރުކަޒީ ނިޒާމަކަށް ތާއިދު ކުރަނީ، ނަޝީދު ވިދާޅުވި ގޮތުގައި، ރަށަށް ލިބިދޭން ޖެހޭ އާމްދަނީގެ ހައްގު ވެރިފަރާތަކީ ރަށު ރައްޔިތުން ކަމަށް ވާތީ، އެ ފައިސާ މާލެ އިން ގެންދެވެން އޮތް މަގު ބަންދުކޮށް ރަށު ރައްޔިތުންނަށް ހައްގު މިންވަރު ހޯދައިދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
22 August 2019
ފޮނި ވާހަކަ ދެއްކުން ނޫންކަމެއްނެތް
ލަންދޫ
22 August 2019
33 އިންސައްތަ އަންހެނުންނަށް ދިނީމަ އެ ނުވޭ ހަމަ ހަމަ ކުރުމަކަށް އެވަނީ އަންހެނުންނަށް ފޭވަރކުރުމަށް.. ޤާނޫނު އަސާސީގަ އިވޭ ޖިންސަށްބަލާ ތަފާތުނުކުރަން.. އެހެންވީމަ ހަމަހަމަވާނި އަންހެނުންނަށް 33 އަދި ފިރިހެނުންނަށް ވެސް 33 އަދި ބާކީ 44 ދެޖިންސަށް އޮތުމުން. ނޫނީ މިހާރު އޮތްގޮތަށް ހަމަހަމަ ފުރުސަތު 2 ޖިންސަށްވެސް އޮތުން.. ގަދަބާރުން ހުރިހާކަމެއް ކުރުވާ އުސޫލު ދޫކޮށްލާ އަވެއަނަސްއާ ހިތްވަރުދީގެނަ ބާރުވެރިކުރުވަން އުޅުން މުހިންމު.
އިބިރިހިންބެއްޔާ
22 August 2019
ތިހާ ރައްޔިތުންދެކެ ލޯބިވާނަމަ ކައުންސިލް އިންތިޚާބުތަކުގައި ސިޔާސީޕާޓީތަކުން އެއްފަރާތްވެތިބެ ރައްޔިތުންއެދޭގޮތަށް ކައުންސިލަށް މެމްބަރުން ހޮވިޔަދޭން ކެރޭނެތޯ؟ އިހު، މާލޭގަތިބި ސަރުކާރުގެ ވެރިން ރަށްރަށުގެ ކަންތަކަށް އަތްބާނާވާހަކަ ދައްކަވާއިރު މިހާރު ހަމަ މާލޭގައިތިބޭ ޕާޓީތަކުގެވެރިން، ކައުންސިލަރުން މެދުވެރިކޮށް އަތްބޭނީމާ ދެން ވަކި ކޯޗެއް؟ މިކޮމެންޓް ލިޔަމުންދާއިރު ޔާމީނާއި ޒިޔަތު އެކުރަނީ މިޒުވާބު. ވެރިން އަތްދަށުވެ ޒުވާނެއްގެ ދުވަސް ދަނީ.
ރާއްޖެތެރެ 19
22 August 2019
ވާހަކަ މާ ގިނަވާން ފަށާފި، ހަނީމޫން ނިމިއްޖެ. އަމަލުން ކަންކަން ދައްކަންޖެހިފަ އޮތީ. އެހެން ނޫނީ ކައުންސިލް އިންތިހާބު ދާނީ ދަށްކޮށް
އިދުރީސްނަންބަރު2
22 August 2019
އިހުސާސްތައް އޮޅާލާށެވެ. ވެރިކަމަށް އަންނަންއުޅުނުއިރު ދެއްކިދަޅައިގެ އޮފްދާރުކަން މިހާރު ކެނޑި ރައްޔިތުންގެ އިހުސާސްތައް ތިޔަބައިމީހުން އިންދިރާސްކޮށްފައިފިއެވެ.
ކަމަނަގޯތީއާދަނު
22 August 2019
މީނައަށް ކިޔޭނުކިޔޭއެއް މީނައަށް އިނގޭބާ؟ މީނަ މިޔާއެއްޗެއް އެހެންމީހުންނަށް އިނގޭބާ؟
ގަމާރު ނަމްބަރު 10
22 August 2019
ކަލެއަށް އޭނަ ކިޔާ އެއްޗެއް ނޭގުން އެއީ ކަލޭގެ މައްސަލައެއް
ރަނަނަ
23 August 2019
ކިޔާ އެއްޗެހިވެސް އެބަ އިގޭ. އެކަމަކު ކުރާ އަސަރެއްގެ ބޮޑުކަމުން
ވާލުސޮރު
22 August 2019
އާއްމު ރައްޔިތުންނާ ރަށުގެ ކުރިއެރުމަށް މަސައްކަތްކޮށް ވާހަކަ ދައްކާތީ މިއުޅޭ މަހުޖަނުންނާ ސިޔާސީ މީހުންނަށް ރައީސް ނަޝީދު ކަމުނުދަނީ
ބަބުރުކަލޯ
22 August 2019
ނަޝީދަކީވެސް މަހުޖަނެއް.
ހޮޓްކިންގ
22 August 2019
އެހެންވެތާ ނަޝީދުގެ ވެރިކަމުގައި ރަށްރަށުގެ އަންހެނުންގެ ކޮމެޓީތަކުން މަސައްކަތްކޮށްގެން ހޯދިލާރިކޮޅާއި ރަށްރަށުގެ އިންގީނުގެ އަމިއްލައަށް އެރަށްރަށުން ހިންގައިގެން ލިބުނު ފައިސާކޮޅާއި ރަށުގެ ރައްޔިތުންގެ ބުރަމަސައްކަތުން އެމީހުންގެ ތަރައްގީއަށް އެއްކޮށްފައި ރަށު އޮފީހުގެ ތިޖޫރީގައި ބެހެއްޓިފައިވާވެސް ޕަކަޅާކޮށްލީ. ކެލޭ ތިގޮތަށް ވާހަަކަ ދައްކަން މިއަދު ލަދު ނެތީތީވެސް މަ ހައިރާންވޭ.
އަލިބެއްޔާ، އެކުވެރިސުވައިދީބް
22 August 2019
ޔަހޫދީ ވިސްނުމަށް ސަލާމް. އަނެއްކާވެސް ރައްޔިތުންގެ ބޮލަށް ސަވާރުވާން ތައްޔާރުވަނީ.
ބޭރުމީހާ
22 August 2019
ރ ނަޝީދަށް ތިކަންއެނގޭ އިރު ވެރިކަން ދޫކުރި ދުވަހުގެ ފަހު ދުވަހު ރާއްޖޭގެ އެތައްރަށެއްގައިހުރި ކޯޓުތަކާއި ހުލުހުންގެ އިދާރާތައް އަންދާލީ ކީއްވެގެންބާއެވެ؟ ތިޔަދައްކަވަނީ ދެކޮޅު ނުޖެހޭ މުނާފިގުން ދައްކާއުޅޭ ފާޑުގެ ވާހަކަ ތަކެކެވެ. ތިޔަބޭފުޅާ ކޯޓު ތަކަށާއި ފުލުހުންގެ އިދާރާތަކަށް އެހާވަރަށް ރުޅިއަންނަނީ ކީއްވެގެންބާއެވެ؟ އެއީ ޤާނޫނު ނަގަހައްޓާ ފަރާތްތަކަކަށް ވާތީބާއެވެ؟