31 އޯގަސްޓް 2019 - 14:07
133 comments
ރަށްރަށް ތަރައްގީ ކުރަން އެކުލަވާލައި ކުރަހައިގެން މިހާރު ގެންގުޅޭ ތަސައްވުރުތައް ރަނގަޅު ނޫން ކަމަށާއި އެ "މޮޔަ" ވިސްނުން ދޫކޮށްލަން ޖެހޭ ކަމަށް ރައްޔިތުންގެ މަޖިލީހުގެ ރައީސް، އަދި ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ހުޅުމާލޭ ހުރަވީ ސްކޫލުގައި އެމްޑީޕީން ފެށި ޒުވާންގެ ކޮންފަރެންސްގައި ނަސޭހަތެއް ދެއްވުމަށް ކަމަށް ވިދާޅުވެ ނަޝީދު ވިދާޅުވީ ގިނަ މީހުން މިހާރު ގެންގުޅޭ ރަށު ތަރައްގީގެ ސިޔާސަތު ބަދަލުކުރަން ޖެހޭ ކަމަށެވެ. ނަޝީދު ވިސްނަވައި ދެއްވަން ބޭނުންފުޅުވަނީ ތަރައްގީއަކީ އަޅާ އިމާރާތްތަކެއް ނޫން ކަމެވެ.
"ވަރަށް ގިނައިން ފެނޭ އެއްކައިރީގައި އެއާޕޯޓެއް އަޅާލާފައި، ރަށްރަށް ހިއްކާލާފައި. މާރީތި ކުރެހުމެއް ކުރަހާލާފައި އޮންނަ ރަށު ތަރައްގީގެ ތަސައްވުރެއް. އަނެއްކާވެސް ދަންނަވާލާނީ އެއީ ތަރައްގީއެއް ނޫނޭ. އެއީ ބޮޑު އޮޅުމެއް،" ރައީސް އިބްރާހިމް މުހައްމަދު ސޯލިހް ވެސް އިންނެވި ހަފްލާގައި ނަޝީދު ވިދާޅުވި އެވެ.
މިސާލެއްގެ ގޮތުން ނަޝީދު ދެއްކެވީ އިބްރާހިމް ނާސިރުގެ ވެރިކަމުގައި ހުޅުލޭގައި އެޅުއްވި އެއާޕޯޓެވެ. އޭރު މާލޭގެ ބައެއް އިސް ބޭފުޅުން އެ އެއާޕޯޓް މާލޭގައި އަޅަން ނާސިރަށް ލަފާ ދެއްވި ކަމަށާއި އޭރު މާލޭގައި ބިން ވެސް އޮތް ކަމަށް ވިދާޅުވި އެވެ. އަދި އެ ލަފަޔާ އެގޮތަށް ނާސިރު އަމަލު ކުރެއްވި ނަމަ މިއަދުގެ ހާލަތާ މެދު ވިސްނާލުމަށް ނަޝީދު އެދިވަޑައިގަތެވެ.
އެމްޑީޕީގެ ޔޫތު ކޮންގްރެސްގައި ރައީސް އިބްރާހިމް މުހައްމަދު ސޯލިހާއި ކުރީގެ ރައީސް ނަޝީދާއި އެ ޕާޓީގެ އިސް ބޭފުޅުން ބައިވެރިވެވަޑައިގަންނަވަނީ -- ފޮޓޯ: ރައީސް އޮފީސް
ހދ. ކުޅުދުއްފުށީގައި އަޅާފައިވާ އެއާޕޯޓާއި ހއ. ހޯރަފުށީގައި އަޅަމުން އަންނަ އެއާޕޯޓްގެ ނަން ފާހަގަކުރައްވައި ނަޝީދު ވިދާޅުވީ "އެއީ މޮޔަ ކަމެއް" ކަމަށެވެ. އޭގެ ބަދަލުގައި މަސައްކަތް ކުރަންވީ ހަގީގީ ތަރައްގީ ހޯދަން ކަމަށް ވިދާޅުވި އެވެ.
"ތަރައްގީއަކީ ތިމާޔަށް ވާ ގޮތެއް، ތިމާޔަށް އަންނަ ބަދަލެއް. އެއީ ބޮޑު ހިލަ ބަނދަރެއް ނޫން. އެއީ ރަށުގެ އެއްކައިރީގައި އޮންނަ އެއާޕޯޓެއް ނޫން،" ސަރުކާރުގެ އިސް ވެރިން ވެސް ތިއްބެވި ހަފްލާގައި ނަޝީދު ވިދާޅުވި އެވެ.
އެމަނިކުފާނު ވިދާޅުވީ ރާއްޖޭގައި ގިނަގުނަ ވަސީލަތްތައް އެބަހުރި ކަމަށާއި އަދި މި ގައުމު ކުޑަ ނޫން ކަމަށެވެ.
"ރަނގަޅު ފީފީއަކަށް ކަޅުބިލަ މަސް އަޅައިފިއްޔާ ޑީސަލަށް ވުރެ އަގު ރަނގަޅު. އަޅުގަނޑުމެންގެ ގޮނޑުދޮށްތަކުގައި މީހުން އޮންނަން ވެގެން އަބަދު އަބަދު އަންނަން އެ އުޅެނީ. ހެސްކިޔާފައި ލާރި ދީގެން،" ރާއްޖެއާ މެދު އުއްމީދު އެބަ އޮތް ކަމަށް އިޝާރަތްކުރައްވައި، ވިދާޅުވި އެވެ.
އެމަނިކުފާނު އެދިވަޑައިގަތީ ތަރައްގީގެ ނަމުގައި ރާއްޖޭގެ ވަސީލަތްތައް ހަލާކު ނުކުރުމަށެވެ.
ރައްޔިތުންނާ ބައްދަލު ކުރުމުން ރަށްރަށުގައި އެއާޕޯޓް އަޅައިދޭން އެދެމުން ދާތީ ނަޝީދު ވަނީ ކުރިން ވެސް އެކަންކަމާ ދެކޮޅަށް ވާހަކަފުޅު ދައްކަވައިފަ އެވެ. އެގޮތުން ރަނގަޅު ފެރީގެ ނިޒާމަކާއި ރާއްޖެއާ ގުޅޭ ތަރައްގީތައް ގެނައުން މާ މުހިންމު ކަމަށް ވިދާޅުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞޯދުބެ
02 September 2019
ކުޅުދުއްފުއްޓަށް ތިޔަ ނަޝީދު ވައިގެ މަގުންް ދަތުރު ނުކުރާނެކަމަށް އުންމީދުކުރަން. އެމް ޑީ ޕީ ވެރިކަމަށް ގެނައުމަކީވެސް ރައްޔިތުން ދޫކޮށްލަންޖެހޭ މޮޔަ ޚިޔާލެއް. 2023 ގަ މޑޕ އަށް ނޫނެކޭ ބުނަމާ
ސުންބުލި
01 September 2019
ރައީސް އިބޫގެ ނިމުން މީނަގެ ދޮގުއަނގާއިގެސަބަބުން
ބޮޑުމީހާ
01 September 2019
200 އަހަރަށް ވުރެ ގިނަ އަހަރުވެއްޖެ، ރާއްޖޭގެ ކޮންމެ ރަށެއް ތަރައްގީކުރަން މަސައްކަތްކުރާތާ. މި ވިސްނުން ދޫކޮށް އެއްފަސްކުރުމުގެ ސިޔާސަތު އެކުލަވާލައި ރަށުގެ ތަރައްގީގެ ބަދަލުގައި ގައުމު ތަރައްގީއަށް ވިސްނަންޖެހޭ..ނޫނީ އަހަރެންގެ ދަރިންވެސް.އުޅޭނީ މިހާލުގަ
ޑިމޮކްރަސީ
01 September 2019
ދެންކޮބާތޯ ތަރައްޤީ އަކީ ރާއޖެތޭމީހުން ދުނިޔެ ޢުމުރަށްވެސް އުޅެންވީ ރިޔަލު ދޯނިފަހަރުގަ މަސްދުވަހުން މާލެ ދަތުރެއްނިންމާފަ،ހަޑަސްބުރި ޖަހައިގެން ފާޚާނާކޮށްފައި ނަޖިސްފެނުން ފެންވަރައިގެން ކުޑަސިޓީ ހިފައިގެން މާލެ އައިސްގެންތޯ އެއީތޯ ތިވިދާޅުވާ ތަރައްޤީ އަކީ
ޔާސިރު
01 September 2019
އަތޮޅުތަކުގެ މުއްސަދިކަން އަތޮޅުތަކަށް ނުދީގެން އުޅެނީ އައްޑުއަތޮޅާ ޕޯއްމުލަކުގެ ނުފޫޒުން! މާލޭ މީހުންގެ ނުފޫޒަކުންނޫން. ރަގަޅަށް ވިސްނާލީމަ އިގޭނެ. މާލެ އަތޮޅުގަ މުއްސަދިކަން އެބައޮތް. އައްޑު އަތޮޅާ ފުއައްމުލަކުގެ ނެތީ ރިސޯޓެއް ހަދާލާނެ ރަށެއްވެސް. މާލޭ މީހުންގެ ބޮލުގަ ބަދުނާމު އަޅުވައިގެން އެހެން އަތޮޅުތަކުގެ މުއްސަދިކަމުން މަންފާނަގަނީ އައްޑުއަތޮޅު މީހުނާ ފޯއްމުލަކު މީހުން. ބޮޑުތިލަދުންމަތީ މީހުން މިތިބީ ހޭލާ ބަލަން ..
ލުތުފީ
01 September 2019
ރައީސް ނަޝީދު އެދައްކަވާ ވާހަކަ އެގޭނީ ވިސްނާ ބަޔަކަށް. ބައެއް އަތޮޅުތަކުގަ މިހާރުވެސް 4 އެއަރޕޯޓު އެބައަޅާ. މީގެ ބަދަލުގަ، ތަޢުލީމަށް އިންވެސްޓްކުރަންވީ. މަސައްކަތްތެރިން އުފައްދަންވީ.
އެޑަމް
01 September 2019
ނަސީދުބޭނުންވާނީ ރައްުޔިތުންނާ ސަރުކާރާޖެހޭގޮތައްތިކަހަލަ ވާހަކަ ދައްކައިގެންމިޤައުމައް ބަރުލަމާނީގެންނަން މިނިޒާމަކީޤައުމުގެ ހަލާކު!!
އެޑަމް
01 September 2019
ނަސީދު އެހެންމީހުނައްލިބޭމުސާރަޔާ ސަރުކާރުގެޚަރަދުބޮޑުވާހަކަ ދައްކަން ލަދެއްނުގަނޭތަ?މަޖިލިހުން ލައްކައެއް ރައީސްކަންކުރީތިލައްކައެއް އޮފީސްހިންގުމައް ހަތްދިހަފަސްހާސް މިއީ އާދައިގެ 55ސިވިލް ސާވަންޓުގެމުސާރަތިލަދުކުޑަވާހަކަ ތަންދޮރުނުފިލާމޫހުން ކައިރީދައްކަވާ!!!
ސުޕްރީމްލީޑަރު
01 September 2019
މިހާރު އަންނި އަކީ އިރާނުގަ ހުންނަ ކަހަލަ ސުޕްރީމް ލީޑަރުދޯ، އިބޫ އަކީ ސުޕްރީމް ލީޑަރު އަންނިގެ އެސިސްޓަންޓް.
ހުސެއިން
01 September 2019
ރައީސް ނަޝީދުއަކީ ވިސްނުން ޫނު ބޭފުޅެއް އަސްލުވެސް ިމާއުޅޭ ރަށުގައި ހުރިހާ ކަމެއް ނުވާނެ ، ދާއިރާަކަށް ބަހާލައިގެން ލާމަރުކަޒީ ހަގިގަް ވިސްނަވާ ، އެކިރަށް އުފެދުމުގައި ވެސް ، މީހުންގެވެސް ހުންނާނީ އެކިކަހަލަ ވިސްނުން އެވިސްނުމާއި ޖިއޮގްރަފީ ގޮަށް ބެލިގެން ވަސީލަްތައް ކުރިޔަށް ގެންދެވޭނަމަ ގައުމަށް ލިބޭ ފައިދާ އާއި ކުރިއެރުންވެސް ރަގަޅު ވާނެ! މީހާ ތަރައްގީވާންވީ ކުރިއަރަންވީ ، ވިސްނުން ރަގަޅުކުރަންވީ!