ސީރިއާގައި ހަނގުރާމަވެރިންގެ ބަޔަކު ހަރަކާތްތެރިވަނީ: ރާއްޖޭން މިއަދު ވަނީ ޓެރަރިސްޓުންގެ ގޮތުގައި 17 ޖަމާއަތެއް ކަނޑައަޅާފައި.
19 ސެޕްޓެމްބަރ 2019 - 15:52
21 comments
ޓެރަރިޒަމް މަނާ ކުރުމުގެ ގާނޫނުގެ ދަށުން ޓެރަރިސްޓް ޖަމާއަތްތަކުގެ ގޮތުގައި ރާއްޖެއިން ކަނޑައަޅާ 17 ޖަމާއަތެއް ސަރުކާރުން މިއަދު އިއުލާންކޮށްފި އެވެ.
ޓެރަރިސްޓް ޖަމާއަތްތަކުގެ ލިސްޓް ރައީސް ކަނޑައަޅުއްވައި، އާންމުކޮށް، އިއުލާން ކުރައްވާނެ ކަމަށް މިއަދު ރައީސް ވަނީ ވިދާޅުވެފަ އެވެ. އެ ލިސްޓް އާންމުކުރަން ނިންމީ ގައުމީ ސަލާމަތީ މަޖިލީހުގެ ލަފައާ އެކު ކަމަށް ރައީސް އޮފީހުން ވަނީ ބުނެފަ އެވެ.
ޓެރަރިސްޓް ޖަމާއަތްތަކުގެ ލިސްޓުގައި ހިމެނެނީ އިސްލާމިކް ސްޓޭޓް (އައިއެސް) އާއި އަލްގައިދާ ޖަމާއަތާއި އާއި ޖަބްހަތުއް ނުސްރާ އާއި ލަޝްކަރޭ ތައިބާ އާއި އަލް ގައިދާ އިން ދި އަރަބިއަން ޕެނިންސުއަލާ އާއި އަލް ގައިދާ އިން ދި އިސްލާމިކް މަޣްރިބް އާއި އަލް ގައިދާ އިން ދި އިންޑިއަން ސަބް ކޮންޓިނެންޓް އާއި އަބޫ ސައްޔާފް ގްރޫޕާއި ބޯކޯ ހަރާމް އާއި އަލް ޝަބާބްގެ އިތުރުން ތެހްރިކޭ ތާލިބާން ޕާކިސްތާނާއި ހަރަކާތުލް ޖިހާދު އަލް އިސްލާމީ އާއި ޖައިޝޭ މުހައްމަދާއި އިސްލާމިކް ސްޓޭޓް އިން އިރާގް އެންޑް ލާވަންޓާއި ނޭޝަނަލް ތައުހީދު ޖަމާއަތާއި ޖަމާއަތު މިއްލަތޭ އިބްރާހިމް އަދި ވިލާޔަތު އަލް ސޭލާނީ އެވެ.
ޓެރަރިޒަމް މަނާ ކުރުމުގެ ގާނޫނު ބުނާގޮތުން ޓެރަރިސްޓް ޖަމާއަތްތަކުގެ ލިސްޓެއް ގައުމީ ސަލާމަތީ މަޖިލީހުގެ ލަފައާ އެކު ރައީސް ކަނޑައަޅުއްވައި، ސިފައިން ބަލަހައްޓަމުން ގެންދަން ޖެހޭނެ އެވެ. އެއިން ޖަމާއަތެއްގައި ބައިވެރިވުމަކީ ނުވަތަ މީހުން ވެއްދުމަކީ ނުވަތަ އެއްވެސް އިރުޝާދެއް ދިނުމަކީ 10 އަހަރާއި 15 އަހަރާ ދެމެދުގެ މުއްދަތަކަށް ޖަލަށްލެވޭނެ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެނެޑީ
20 September 2019
އިންޑިއާގެ ހިންދޫއިންގެ އާރްއެސްއެސް ކޮބާ؟
ޖާބިރު
20 September 2019
ބީ.ޖޭ.ޕީ މިލިސްޓްގައި ނެތަތީ ހިތާމަކުރަން.
ސަލަފު
20 September 2019
ހަމާސް އަކީ ކޮންކަހަލަ ޖަމާޢަތެއް؟
އައްބޭބެ
19 September 2019
ކޮބާހޭ އިޒްރޭލް، މިޔަންމާ، އެމެރިކާ، އިގިރޭސިވިލާތް، އިންޑިޔާ، ޗައިނާ، ރަޝިޔާ ފަދަ ޤައުމުތަކުގެ ލީޑަރުންނާއި އެޤަމުތަކުގައި ތިބި ހައްދުފަހަނައަޅާފައިވާ ޖަމާއަތްތައް. މުސްލިމުން މަރަމުންދާ ކްރިސްޓިއަނުން، ޔަހޫދީން، ހިންދޫން އަދި ބުޑިސްޓް ހާމުދުރުންނާއި ފާދިރީންގެ ޖަމާއަތްތައް.
ބެބޭއްއަ
20 September 2019
ތިޔަ ބުނާ ފަރާތްތަކަކީ ޓެރަރިޒްމް ގެ އަމަލުތައް ހިންގާ ބައެއްކަމާމެދު ޝައްކެއް ނެތް. އެކަމު އަދުގެ ދުނިޔޭގަ ތި މީހުންނަށް ޓެރަރިސްޓުންގެ ނަން ރަސްމީކޮށް ދީފިނަމަ އަހަރެމެންނަށް އޭގެ ސަބަބުން ކުރާނެ ގެއްލުން މާ ބޮޑުވާނެ. މިކަހަލަ ބައެއް ދަތިތަކާއެކު މިޔަދު ދުނިޔޭގަ އުޅެވެން އޮތީ. ކެތް ކޮށްލަމާ ދެން
ހޯލި
19 September 2019
ހުސް އިސްލާމިކު ނަންތއް ކިޔާ ޖަމާއަތްތައް؟؟
ާހަމަހަމަ
19 September 2019
ކޮބާ ޕްލޯޓު ޖަމާއަތެއްވެސް ނެތެންނު ؟
އިލާސްތެރި ކަމާއެކު ދިން ވޯޓް
19 September 2019
އިޒްރޭލް މިލިސްޓަށް ނުލީ ކީއްވެ
ކަމަރު
19 September 2019
އިސްލާމްދީން ނޫން އެހެން ދީންތަކާއި ފިކުރު ތަކުގެ ނަމުގަ އުޅޭ ޓެރަރިސްޓު ޖަމާޢަތްތައް ކޮބާ ތި ލިސްޓުގަ؟ ހަމަ ކޮއިންސިޑެންސް އެއްބާ؟
ރާއްޖެ
19 September 2019
އިޒްރާއީލް އަކީ މަމެން ދެކޭ ގޮތުގައި ޓެރަރިސްޓް ޖަމާއަތެކެވެ.
ހުއްބުލް ގަލަން
19 September 2019
މީވަަރަށް ރަގަޅު ކަމެއް. ޓެރަރިސްޓު ޖަމާއަތްތަކަކީ ކޮބާކަން އެންމެންނަށްވެސް އެގެންޖެހޭ.