ހައި ކޯޓުގެ އިސް ފަނޑިޔާރު ޝުޖާއު އުސްމާން: މިއަދު ހެނދުނު 10:00 އަށް ޖޭއެސްސީ އަށް ހާޒިރުވާން ވަނީ އަންގާފައި.---ފައިލް ފޮޓޯ: މިހާރު
16 އޮކްޓޯބަރ 2019 - 07:34
11 comments
ހައި ކޯޓުގެ އިސް ފަނޑިޔާރު ޝުޖާއު އުސްމާނާ ގުޅޭ ގޮތުން ޖުޑީޝަލް ސާވިސް ކޮމިޝަން (ޖޭއެސްސީ) ން ބަލާ މައްސަލައެއްގައި ސުވާލު ކުރުމަށް އޭނާ މިއަދު އެ ކޮމިޝަނަށް ހާޒިރުވާން އަންގައިފި އެވެ.
ފަނޑިޔާރު ޝުޖާއު، މިއަދު ހެނދުނު 10 ޖަހާއިރަށް ޖޭއެސްސީ އަށް ހާޒިރު ކުރަނީ އުއްތަމަ ފަނޑިޔާރު އަންގަވައިގެން މައްސަލައެއްގައި ވަކި ގޮތަކަށް އަމަލު ކުރެއްވި ކަމަށް ބުނާ މައްސަލައެއްގައި ސުވާލު ކުރުމަށް ކަމަށް އެނގިފަ އެވެ.
ފަނޑިޔާރު ޝުޖާއުގެ މައްސަލައެއް ޖޭއެސްސީން ބަލަމުން އަންނައިރު، ހައި ކޯޓުގެ ފަނޑިޔާރު ހަސަން އަލީ ސަސްޕެންޑް ކުރަން އެ ކޮމިޝަނުން ވަނީ މިދިޔަ މަހުގެ 16 ގައި ނިންމައިފަ އެވެ. ފަނޑިޔާރު ހަސަން ސަސްޕެންޑް ކުރީ، ވަގަށް ނެގުމަށް ފަހު މަރާލާފައިވާ ކަމަށް ބުނާ ނޫސްވެރިޔާ އަހުމަދު ރިލްވާން ރާއްޖޭން ބޭރަށް ގޮސް ހަނގުރާމައެއްގައި އުޅެނިކޮށް މަރުވެފައިވާކަން ދައްކަން އުޅުނު ކަމަށް ތުހުމަތުކުރާ މައްސަލައެއްގަ އެވެ،
ޖޭއެސްސީން ބުނެފައި ވަނީ، ރިލްވާން ރާއްޖެ އިން ބޭރަށް ފުރާފައިވާކަން ދެއްކުމަށްޓަކައި އިންޓެލިޖެންސްގެ ދެ ފުލުހަކާ ގުޅިގެން، އިމިގްރޭޝަން ކޮންޓްރޯލަރުގެ މަގާމުގައި ހަސަން ހުންނެވި ދުވަސްވަރު، މަސައްކަތް ކުރައްވާފައިވާ ކަމަށް ތުހުމަތުކުރެވޭ މައްސަލަ، މަރާލާފައިވާ މީހުންގެ ކަންކަން ބަލާ ކޮމިޝަނުން ތަހުގީގު ކުރަމުން އަންނަކަން އަންގާފައިވާ ކަމަށެވެ.
އެހެންވެ، ފަނޑިޔާރުކަމުގެ މަސްއޫލިއްޔަތުތަކާއި ވާޖިބުތަކުން ހަސަން އެކަހެރިކޮށް ބެހެއްޓުމަށާއި ވަޒީފާ އަށް ނުކުމެވަޑައިނުގަތުމަށް އަންގަން ޖޭއެސްސީން ނިންމީ އެވެ.
ޖޭއެސްސީން ބަލަމުންދާ މައްސަލައަކާ ގުޅިގެން ސުޕްރީމް ކޯޓުގެ ބައެއް ފަނޑިޔާރުން ވެސް އެ ކޮމިޝަނަށް މި ހަފުތާގައި ދަނީ ހާޒިރު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުޅި
16 October 2019
މިނާ ވަކިކުރުން ލަސްވެއްޖެ. މަވަރަށް ދެކޭހިތްވޭ މީނާ ކުރި ނުބައިކަންތަކަށް އިންސާފުލިބޭތަން.
މިގޭ
16 October 2019
ކޮލޯ ވަޒީފާގެ ބު ތިޔަދައްކަނީ ހާދަވަރަކަށޭ. ތިޔަހެން ނުހަދަ. ލިބިފައި އޮތްބާރު ވަކިވެގެން ހިނގައިދާނެ.
ވިލިގިލީ ބެއްޔާ
16 October 2019
ތިޔަ ޝުޖާއު އުސްމާނު އަދިވެސް ހައިކޯޓުގެ އިސްފަނޑިޔާރުކަމުގެ މަގާމުގައި ހުރުމަކީ އެމްޑީޕީ ފެއިލްވެފައިވާ ކަމުގެ ނިޝާނެއް. 65 ގޮނޑިއާ ވެރިކަން ދިނީމާވެސް ފަނޑިޔާރުގެ އިސްލާހެއް ނުކުރެވޭ
ތެދުތެދު
16 October 2019
ހުރިހާ ފަނޑިޔާރުން އެެގަލަކަށް އަރުއްވާށެވެ. ޖޭއެސްސީގެ ބިރު ދެއްކުމާއި އަނިޔާ ވެރިކަމަށް ދެކޮޅު ހައްދަވާ ށެވެ. ސިޔާސީ މީހުން އެތާ ތިބެން ޤަބޫލް ވާނެ ކަމެއް ނެތެވެ
ކިޔު5
16 October 2019
ތިމީހުން މިއަދު ތިގޮތަށް ވާހަކަދައްކައި ހުޅުރޯކުރަންއުޅޭއިރު، ތިމީހުން އެތާތިބެ ކަންކުރިގޮތް ރީތިބާ!؟
ހަމަ ބުއްދި
16 October 2019
ޖޭއެސްސީ އަކީ އެއްމެ ސިޔާސީ އަދި އެއްމެ ބޭއިންސާފު ކޮށް ކަންތަށް ކުރާ މުވައްސަސާ ކަން ނޭގެނީ ކާކަށް ބާއެވެ.އެކަކު ދެކުނު އެފްރާގެ ގްރިގްލާ އަށް ޖޭއެސްސީ ކޮމްޕޮޒިޝަން އަކީ މައްސަލަ އަކަށް ނުވުމުން އެބޭފުޅާގެ ރިޕޯޓާ މެދު ސުވާލު ފުންޏެއް އުފެދެއެވެ. ހަމަޔަޤީނުން ވެސް މި ޖޭއެސްސީ އޮވެގެން އަދުލު އިންސާފު ޤާއިމެއް ނުކުރެވޭނެ އެވެ.ކުރިން ވެސް ޖެހުނީ މިމައަސަލައެވެ.ނުފޫޒާ ބިރު ދެއްކުމުގެ މައްސަލަ އެވެ.
ދޯރި
16 October 2019
ފަޑިޔާރުންތައް ސައިޒަށް ތިރި ކުރަންޖެހެއެވެ. ހާއްސަކޮށް ސްޕްރީމް ކޯޓެވެ.
ބޮޑުމީހާ
16 October 2019
އަވަހަށް ސަސްޕެންޑުކުރޭ
ވީނު
16 October 2019
ޝުޖާއު އުސްމާން މިހާރުން މިހާރަަށް ސަސްޕެންޑް ކުރަން ޖެހޭ
ހޫރު
16 October 2019
ވީނުއަަށް ތިހެން ހީވިޔަސް ޝުޖާއުއަކާ ނުކުޅެވޭނެ. ޝުޖާއު ހުރީ ގަދަކޮށް. ތިހެން ތެޅިތެޅި ތިބެން ޖެހޭނީ.. ތެޅުނު ވަރަކަށް ހުޅުނބުދާނީ
ހިގޮ
16 October 2019
"ވަކަރުގަނޑު މާވަޑިޔާގެ ހިތެވެ ނިޔާ ފަޑިޔާރު ހިތެވެ" އެޒަމާންގޮސްސި އިންސާފުން ޖަޖް ނުކުރެވެންޔާ ގަޅި ޖެހޭނެ މިއީ ވަރަށް އިލްމީ ޒަމާނެއް ވާނުވާ އެގޭ ޒަމާނެއްކަން ދަންނަން ޖެހޭނެ