އަންނަ އަހަރުގެ ފޮތްތައް ޗާޕްކޮށްގެން ގެނެސް، ސްކޫލްތަކަށް ފޮނުވަން ތައްޔާރުކުރަނީ
20 އޮކްޓޯބަރ 2019 - 10:50
11 comments
މި އަހަރުގެ ފަހު ޓާމްގެ ރިޕޯޓް ފޮތް ދޭ ދުވަހު އަންނަ އަހަރުގެ ފޮތް ބައި ވެސް ލިބޭނެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ސްޓޭޓް މިނިސްޓަރު އަހުމަދު ރިޔާޒު ވިދާޅުވީ އަންނަ އަހަރަށް ދަރިވަރުންނަށް ބޭނުންވާ ފޮތްތައް ސްކޫލުތަކާ ހަވާލުކުރުމުގެ މަސައްކަތް މިހާރު ކުރަމުން އަންނަ ކަމަށެވެ. އަންނަ އަންގާރަ ދުވަހާ ހަމައަށް މާލޭ ސަރަހައްދުގެ ސްކޫޫލުތަކަށް ފޮތްތައް ބެހުމަށް ފަހު ރަށްރަށަށް ފޮތްތައް ފޯރުކޮށްދޭން ފަށާނެ ކަމަށް ވެސް އޭނާ ވިދާޅުވި އެވެ.
އަންނަ އަހަރަށް ބޭނުންވާ ފޮތްތައް ސްކޫލްތަކަށް ބަހަންވެގެން ނަގަނީ .-- ފޮޓޯ: އަހުމަދު ރިޔާޒު/ ޓްވިޓާ
ރިޔާޒު ވިދާޅުވީ މި އަހަރުގެ ދިރާސީ އަހަރުގެ ކިޔެވުން ނިމުމުގެ ކުރިން ސަރުކާރު ސްކޫލުތަކުގެ ހުރިހާ ދަރިވަރުންނަށް ފޮތްތައް ދޭނެ ކަމަށެވެ.
އެކަޑެމިކް ކަލަންޑަރުގައިވާ ގޮތުން މި އަހަރުގެ ފަހު ޓާމުގެ ރިޕޯޓު ފޮތް ދޭނީ ނޮވެމްބަރު 21 ގަ އެވެ. އަހަރުގެ ބޮޑު ޗުއްޓީއަށް ފަހު ކިޔެވުން ފަށަން ހަމަޖައްސާފައިވަނީ ޖެނުއަރީ 12، 2020 ގަ އެވެ.
"އިރާދަކުރެއްވިއްޔާ ނޮވެމްބަރު 21 ވަނަ ދުވަހު ދަރިވަރުންނަށް އަންނަ އަހަރުގެ ފޮތްތައް ލިބޭނެ،" ރިޔާޒު ވިދާޅުވި އެވެ.
ސަރުކާރު ސްކޫލްތަކުގެ ދަރިވަރުންނަށް ކިޔަވަން ބޭނުން ހުރިހާ އެއްޗެއް ދެނީ ސަރުކާރުންނެވެ. އެކަމަކު ކިޔެވުން ފެށޭ އިރު ބައެއް ޓެކްސްޓް ފޮތްތައް ނުލިބުމުގެ ޝަކުވާ ދޭތެރެދޭތެރެ އިން ދިމާވެ އެވެ.
އެޑިޔުކޭޝަން މިނިސްޓްރީން ބުނީ އަންނަ އަހަރު އެ މައްސަލަ ދިމާނުވެ ފޮތްތައް ލިބޭނެކަމުގެ ޔަގީންކަން އޮތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދާނޯމޮސް
20 October 2019
ޓެބޭ! ގޭގައި ކުދިން ފޯނު ޓެބް ނުކެޅެނީތޯއެވެ. ވޭން ހުރިކަންތަކުގެ ތަޖުރިބާކާރައް އެކަން ވޭނަކަށް ނުވާގޮތަށް ދީ ގެންގުޅެން ނޭންގުނީ ދާއިރާގެ ގޮތުން އަވަދި ނެތި އުޅުމުން ކަމަށް ލަފާކުރެވެއެވެ. ވަރައްސަލާމެވެ.
ބޮންދު
20 October 2019
ޓެބްލެޓުން ޗާރޖް ދިޔައީމާ ނުކިޔެވޭ. އެރަރ އަރާ.
ކަރީމުއްދީން ބާޝާ
20 October 2019
ދަނޑުފުރާ ބަންގާޅީން. ފޮތްތައްބެހުމުގާވެސް ހަމަ ބަންގާޅީން.
ހިރިޔާ
20 October 2019
ބޮޑު ޙަރަދު ކޮށްފަ ޓެބް ތަކެއް ހުރީ ދެވިފަ. އެހެން ކަމުން އާދޭސް ކޮށްފަ ދަންނަވަން މި ބަރު ޓެކްސްޓް ފޮތް ތައް ބުރަކަށީގަ އެލުވައިގެން ސިޑި ތަކުން އަރަން މި ތުއްތު ކުދިންނަށް ނުޖެހޭނެ ގޮތެއް އިންތިޒާމު ކޮށްދެއްވާ. ހަމަ އާދޭސްކޮށްފަ މި ދަންނަވަނީ. މިކުދިންގެ ބުރަކަށީގަ އަޅާވޭން އިހްސާސް ކޮއްލައްވާ
ގައުމީ ލޯބީގާ
20 October 2019
ކުޑަ ކުޑަ ކުދިންގެ ބޮޑެތި ގުދުވެސްލާންފަށައިފި ހާދަބަރުވާނެއޭ ފޮތްތަށް އެހެންނަހަދަބަލަ ޒަމާނީ ޓެކްނޮލޮޖީގެބޭނުން ހިފާބަލަ ކީއްކުރަންދިން ޓެބް ތަކެއްއެއީ ގޭގަ ކަވަރަށްލައްވާފަ ބާއްވަންތަ ؟އެކުދިންއެބަބުނޭ އޭގެބޭނުންހިފާނަމަ ސުކޫލަށްއެގޭނެޔޭ ކޮންމެކުއްޖަކަށް ކޯޑެއްދީފައިންނައިރު .ކީއްކުރަން އެފަދަ މުހިއްމު އެއްޗެހީގެ ބޭނުން ނުހިފާ އެބަރުފޮތްތަށް އުފުލަންޖައްސަނީ .
Ibrahim Asim
20 October 2019
ކޮބާތޯ ޓެބްލެޓް އާއްމުކޮށް ބޭނުން ކުރުމުން ލިބޭ ގެއްލުން
ސަޖޯ
20 October 2019
ސާބަހޭ. އިބޫ ސޯލިހު
ޢެހެންތަ ހީވަނީ
20 October 2019
އަހަރުފެށުނީމަ ތިއެއްއެގޭނީ ސާބަސްދޭވަރުވެއްޖެނަމަ ސާބަސްވެސްދޭނައް ހާދަ ހީނުވެއޭ ކަމެއް ކުރެވިދާނެހެން
ގެދާނޯމޮސް
20 October 2019
ބޮޑުޚަރަދެއް ކޮށްގެން ސަރުކާރުން ސްކޫލުތަކަށް ދެއްވާފަ އެވާ ޓެބަށް ހަދަން ވީގޮތެއް ނޭންގި އެތައްއާއިލާ ތަކެއް މިހާރުވާނީ އެއާއި އެކުއެއްބަސްވެފައިވާ ޤަވައިދާ ޚިލާފުވެފައެވެ. ކުދިންގެ ބުރަކަށްޓަށް ލުޔެއްނުލިބި ބަރުދަބަހަށް އަނެއްކާވެސް ދާންޖެހުމަކީ އައުސަރުކާރުގެ އެއްވެސް ޕްލޭނެއް ނެތްކަން ސާބިތުވާކަމެކެވެ.
ޓެބޭ
20 October 2019
ބުރަކައްޓަށް ލުއި ލިބުނީމަ ނިމުނީ ދެއްތޯ؟ ލޮލުގެ ފެނުމަށް އަސަރުކޮށް ދަރިވަރުން ކިޔެވުމާއި ދުރުހެލިވެ ޓެބްލެޓުގެ ބޭނުން ނަހަމަ ގޮތުގަ ކުރުން އެއީ މައްސަލައެއްނޫން ދެއްތޯ؟ މިހާރުވެސް ގިނަ ބެލެނިވެރިންކުރެން ފޮތްތައް ޑިޖިޓަލްކުރުމާއި ބެހޭގޮތުން އައްސަވައިނަމަ ޖަވާބަކަށްވާނީ އަ ބިގް ނޯ އިނގޭތޯ. ތަޢުލީމީދާއިރާގަ މަސައްކަތްކުރާ ފަރާތެއްހެ ޙައިޘިއްޔަތުން މިވާހަކަ މިދަންނަވާލީ އިނގޭތޯ! ޓެބްލެޓް ދަރިވަރުންނަށް ދޫކުރުން އެއީ ހަމަ ވޭންހުރިކަމެއް އިނގޭތޯ
ޢެހެންތަ ހީވަނީ
20 October 2019
ތައުލީމީ ދާއިރާގެ މައްސައްކަތްކުރާމީހުނޭ .ގޭތެރޭގަ އުޅެނީކީ ޓެބްލެޓެއް އަތަށް ނުލައިތަ ؟ޓެބްލެޓް ކޮންޓުރޯލް ކުރެވޭގޮަށް ކުއްޖާގެ އަތަށް ދޫކޮއްފަ އޮންނަނީ ބޭނުން ކުރެވޭ ސަޢިޓް ތަކާއި ނުކުރެވޭނެ ސައިޓް ކޮންޓުރޯލް ކޮއްފަ ދޫކޮއްފަ އޮންނަނީ .އަތްވެސް ނުލާ ބާއްވާފަ އޮންނަނީ .