ރައްޔިތުންގެ މަޖިލިހުގެ ޖަލްސާއެއްގައި ކާށިދޫ ދާއިރާގެ މެމްބަރު އަބްދުﷲ ޖާބިރު ވާހަކަ ދައްކަވަނީ. --- ފޮޓޯ: މަޖިލިސް
05 ޑިސެމްބަރ 2019 - 14:16
11 comments
އަންނަ އަހަރަށް ލަފާކޮށް، ސަރުކާރުން ރައްޔިތުންގެ މަޖިލިހަށް ހުށަހެޅި ބަޖެޓު ފާސް ކުރަން ނުފެންނަ ކަމަށް ކާށިދޫ ދާއިރާގެ އަމިއްލަ މެމްބަރު އަބްދުﷲ ޖާބިރު މިއަދު ވޯޓު ދެއްވައިފި އެވެ.
މަޖިލިހުގެ ބަޖެޓު ދިރާސާ ކުރި ކޮމިޓީން ގެނައި އިސްލާހުތަކާ އެކު، މަޖިލިހުގެ ތަޅުމުން ބަޖެޓު ފާސް ކުރީ 77 މެމްބަރުންގެ އަޣުލަބިއްޔަތުންނެވެ. އަދި އެ ބަޖެޓާ ދެކޮޅަށް ވޯޓު ދެއްވި ހަމައެކަނި މެމްބަރަކީ ޖާބިރެވެ. ބަހުސް މަރުހަލާގައި ޖާބިރު ވަނީ ބަޖެޓަށް ވަރަށް ބޮޑަށް ފާޑު ވިދާޅުވެފަ އެވެ.
މިދިޔަ މަހުގެ ފަސް ވަނަ ދުވަހު ފިނޭންސް މިނިސްޓްރީން މަޖިލީހަށް ފޮނުވާފައިވަނީ 37.5 ބިލިއަން ރުފިޔާގެ ބަޖެޓެކެވެ. ނަމަވެސް ކޮމިޓީ މަރުހަލާގައި ބަޖެޓަށް އިތުރު ކުރި 366 މިލިއަން ރުފިޔާ އާ އެކު ސަރުކާރުގެ އޮފީސް ހަރަދުތަކާއި ޕީއެސްއައިޕީގެ މަޝްރޫތަކަށް ބަޖެޓު އިތުރު ވެގެންދާނެ އެވެ.
ނަމަވެސް ކޮމިޓީ ރިޕޯޓަށް މަޖިލިހުގައި ބަހުސް ކުރައްވަމުން ޖާބިރު ވިދާޅުވީ ރައީސް އިބްރާހިމް މުހައްމަދު ސޯލިހް ސަރުކާރުގެ ބަޖެޓު އޮތީ ގޯސްކޮށް ކަމަށެވެ. އަދި ސަރުކާރުން ހުށަހެޅީ ދެކޮޅު ނުޖެހޭ ބަޖެޓެއް ކަމަށް ވިދާޅުވެ، ޖާބިރު ވަނީ ވޯޓު ނުދެއްވާނެ ކަން އިއުލާން ކުރައްވައިފަ އެވެ.
"މި ބަޖެޓު އަޅުގަނޑަށް އެއްވެސް ގޮތަކަށް ކަމަކު ނުދޭ،" ޖާބިރު ވިދާޅުވި އެވެ.
ބަޖެޓު ކަމުނުދަނީ ހާސިލުކުރަންޖެހޭ އެއްވެސް ކަމެއް ނެތުމުންނާއި މިދިޔަ އަހަރުގެ ބަޖެޓަށް ވީގޮތެއް ވެސް ސަރުކާރަށް ބުނެދެވިފައި ނުވާތީ ކަމަށް ޖާބިރު ވިދާޅުވި އެވެ.
"އަޅުގަނޑުމެންގެ ދާއިރާ އަށް ކޯއްޗެއްތޯ މީގައި ޖަހާފައި ހުރީ. ވިދާޅުވެ ބައްލަވާ ކާށިދޫ އަށް ކޯއްޗެއްތޯ ހުރީ އިއްޒަތްތެރި މަނިކުފާނު. އަޅުގަނޑު މަނިކުފާނަށް ސިޓީއެއް ފޮނުވިން، ކޮބާތޯ އެއާޕޯޓާ ބެހޭ ވާހަކަ؟ ނެތް. ކީއްވެގެންތޯ ނުޖަހަންވީ" ޑީއާރުޕީގެ ލީޑަރު ކަން ވެސް ކުރައްވާ ޖާބިރު ވިދާޅުވި އެވެ.
ޖާބިރު އިއްޔެ ވަނީ ސަރުކާރުން މަޖިލިހަށް ހުށަހެޅި އިންކަމް ޓެކުހަށް ނަފްރަތު ކުރާ ކަމަށް ވިދާޅުވެ، އެ ބިލަށް ވެސް ދެކޮޅު ހައްދަވައިފަ އެވެ. އެކަމަކު، އެ ބިލަށް ވޯޓަށް އެހި ގަޑީގައި ޖާބިރު މަޖިލިހުގެ ތަޅުމުގައި ނެތެވެ. އިންކަމް ޓެކްސް ބިލަށް މަޖިލިހުގެ ތިން މެމްބަރަކު ވޯޓު ދެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲ މަސްލަޙާ
06 December 2019
ލަދު ޙަޔާތެއްނެތް މީހަކު ކޮންމެ ކަމެއްވެސް ކޮށްފާނެކަމަށް ނަބަވީ ޙަދީސެއްގައި ވެއެވެ. ---- އިމާމް ޝުހްބަތު ----
ކޮކޮކޮބޯއި
07 December 2019
ފްރީޑަމް އޮފް އެ ކްސްޕްރެޝަން
ބާލައާދަނު
05 December 2019
ބައްލަވާ މަނިކުފާނޫ. ކޭބަލްކާރު އަޅަން ފަރިކޮށްފަ އޮތް ތަނަކަށް ކީއްކުރާ އެއާ ޕޯޓެއްތޯ. އެއާޕޯޓު އަޅައިފިއްޔާ ކޭބަލް ކާރުގެ ބޭނުން ކެނޑޭނެ. އަޅުގަނޑަށް މާނަ ކުރެވެނީ ދައުލަތުގެ ޚަރަދުގަ އެއާޕޯޓެއް އަޅާފަ، އެއާޕޯޓު އޮތްތަނެއްގައި ކޭބަލްކާރުގެ ބޭނުމެއް ނޯންނާނޭ ކިޔާ ބޯދަމައިގަންނަންހެން ތިޔަ އުޅުއްވަނީ.
ވައުދު
05 December 2019
ޖާބެ މަޖިލީހަށް ކުރިމަތި ލީ އިރު އަމިއްލަ އަށް ވިދާޅުވީ އެއަރޕޯޓް އަޅާ ވާހަކަ... ކޮސްނުގޮވާ.. އަމިއްލަ އަށް އެއަރޕޯޓް އަޅ
K ބަލް ކާރު
05 December 2019
ޖާބިރުގެ ވާހަކަ ގޯހެއްނޫން. މާލޭގެ 60 ހާސް މީހުނަށް 300މ ޑޮލަރު ޙަރަދުކޮށް ބްރިޖް އަޅާދީ ހިލޭ ދަތުރު ކުރެވޭކަމުގައިވާނަމަ ތުލުސްދޫގައި އުޅޭ 2000 މީހުނަށްވެސް ކޭބަލް ކާރު އަޅާދޭންޖެހޭނެ. އެހެން ނޫނީ ޖާބިރު ދާއިރާގެ ކަންކަން ޖާބިރު އާއި ހަވާލު ކުރޭ.
ބެސްޓް
05 December 2019
މަ ޖާބިރުއަށް ތާއީދު ކުރަނީ މިކަހަލަ ގަޓް ކަންކަން ކުރާތީ. އައްޑޫ އަސްލަމަށްވުރެން ޖާބިރުގެ މަޤުބޫލުކަން ބޮޑު ވެއްޖެ.
ލޮނުމެދުފަޓާސް
06 December 2019
ތަނެއްގަ ހުރި ފައްކާ ބޮޑު އަޅިއެއް.
ހަނުހުންނަ މީހާ1
05 December 2019
ވަރަށް ދެރަ ޑީއާރުޕީގެ ހުރިހާ މަޖިލިސް މެންބަރުން ބަޖެޓަށް ވޯޓްނުދިނީތީ ސަރުކާރުން ތައްޔާރުކުރި ބަޖެޓް ހަޑީތޯ އެއަށް ވޯޓްނުދެއްވީ
ފަފަފދ
05 December 2019
ޖާބިރުގެ ވޯޓު ހޯދުމަށް ބަޖެޓުގަ ޖަހަންޖެހޭ ކާށިދޫގެ އެއަރ ޕޯޓެއް އަޅަން. އަދި ކޭބަލް ކާރުވެސް އަޅަން މިޖެހެނީ ދައުލަތުގެ ބަޖެޓުން. މުޅި ރާއްޖެ ހިގަން މިޖެހެނީ ޖާބިރުގެ މަންފާ އަށް ފަހިވާގޮތަށް
އަހުމަދު.
05 December 2019
ޖަބިރޫ. ދައުލަތުން އަޅުގަނޑުމެންނަށް ދެއްވާ ހުރިހާ އެހީަކާ ކޮށްދެއްވަން ހުރި ހުރިހާކަމެއްވެސް ހިމެނެނީ ތިޔަ ބަޖެޓުގަ، އެކަމަކު އެބަޖެޓް ފާސްކުރަން ޖާބިރު ވޯޓެއް ނުދެއްވަމު. .ވީމާ އަޅުގަނޑުމެންގެ ފަރާތުންވެސް އެއްވެސް ކަމެއްގައި އެހީތެރިކަމަށް މީގެ ފަހުން ނޭދޭނެ ކަމަށް އުއްމީދުކުރަން. އަދި މިދާއިރާގެ 2ރަށްރަށްވެސް ނާރާނެ ކަމަށް އުއްމީދުކުރަން. ޖާބިރަކީ އަހަރެމެނަށް ހެޔޮއެދޭ މީހެއް ނޫކަން މިހާރު އެނގިއްޖެ. މީލައްކަވާހަކަ..
ލޮލީ މަސް މޯޑު___
05 December 2019
ޖާބިރަށް ވޯޓުލާން ނޭގޭ؟ ވޯޓުލާ ގަޑީގަ އި ސުވިޗު ދެއްކީމާ އޭނާ ފިތާނެ