ލޮލުގެ ފަރުވާ ދޭ ސެންޓަރުުގައި މަސައްކަތް ކުރަނީ.-- ފޮޓޯ: ޗައިނާ އެމްބެސެޑަރު
19 ޖެނުއަރީ 2020 - 11:32
12 comments
ހުޅުމާލޭ ހޮސްޕިޓަލުގައި ޗައިނާ ސަރުކާރުން ގާއިމް ކޮށްދިން ލޮލުގެ ފަރުވާދޭ ސެންޓަރުގެ ޚިދުމަތް ފެށިތާ 10 ވަރަކަށް ދުވަސްވީއިރު، ޑޮކްޓަރުގެ އެޕޮއިންޓްމަންޓަށް އެދި 900 އަށް ވުރެ ގިނަ މީހުން އެދިފައިވާ ކަމަށް ރާއްޖޭގައި ހުންނަވާ އެ ގައުމުގެ ސަފީރު ޒާން ލިއޮން ވިދާޅުވެއްޖެ އެވެ.
ސަފީރު ކުރެއްވި ޓްވީޓުގައި ވިދާޅުވީ، ޑރ. އެންޑީ އަބްދުﷲ އަބްދުލް ހަކީމްގެ ނަން ދީފައިވާ އެ ސެންޓަރުން މިހާތަނަށް 1،000 މީހުން ސްކްރީން ކޮށްފައިވާ ކަމަށެވެ. އަދި 94 އޮޕަރޭޝަނެއް ކާމިޔާބުކަމާ އެކު ނިންމާލާފައިވާ ކަމަށް، ލޮލުގެ ސެންޓަރު ހިންގުމުގައި އިސްކޮށް ހުންނެވި ޑރ. ޗެން ވެއިރޮންގްގެ ފަރާތުން އެނގިވަޑައިގެންފައިވާ ކަމަށް ސަފީރު ވިދާޅުވި އެވެ.
ސަފީރު ވިދާޅުވި ގޮތުގައި، ލޮލުގެ ސެންޓަރުގައި މަސައްކަތް ކުރާނެ މުވައްޒަފުންނަށް ބޭނުންވާ ތަމްރީނުތައް މިހާރު ވެސް އަންނީ ދެމުންނެވެ. އޭނާ ކުރިން ވިދާޅުވެފައި ވަނީ ލޮލުގެ ފަރުވާ ދިނުމާއި އެތަނަށް ބޭނުންވާ މުވައްޒަފުން ތަމްރީނު ކުރުމުގަައި ބޭނުން ކުރާނީ އާޓިފިޝަލް އިންޓެލިޖެންސް (އޭއައި) ގެ ޓެކްނޮލޮޖީ ކަމަށެވެ.
ޗައިނާ އިން 11 މިލިއަން ރުފިޔާ ހަރަދުކޮށްގެން ގާއިމްކުރި ލޮލުގެ ސެންޓަރު ރަސްމީކޮށް ހުޅުވީ މިދިޔަ ހޯމަ ދުވަހެވެ. ނަމަވެސް މި މަހުގެ އަށް ވަނަ ދުވަހު އެ ތަނުގެ ޚިދުމަތް ވަނީ ފަށައިފަ އެވެ. އެ ދުވަހު އެކަނި ވެސް 30 އޮޕަރޭޝަން ކުރި އެވެ.
ސެންޓަރުން ފަރުވާދޭ ބަލިތަކުގެ ތެރޭގައި ލޯފުސްވުން، ގުލުކޯމާ، އޮސްކިއުލާ ސާފޭސް ޑިޒީޒް ފަދަ ބަލިތައް ހިމެނެ އެވެ.
ލޮލުގެ ސެންޓަރުގައި އިސްވެ މަސައްކަތް ކުރައްވާ ޗައިނާގެ ޑރ. ޗެން ވެއިރޮންގް އަކީ މިދިޔަ 30 އަހަރު، ލޮލުގެ ފަރުވާ ދިނުމުގައި އުޅުއްވާފައިވާ އަދި އެ ދާއިރާގެ މަޝްހޫރު ޑޮކްޓަރެކެވެ. ލޮލުގެ 100،000 އަށް ވުރެ ގިނަ އޮޕަރޭޝަން އޭނާ ވަނީ ކޮށްފައި ކަމަށް ރާއްޖޭގައި ހުންނަ ޗައިނާގެ އެމްބަސީން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
19 January 2020
ޝުކުރިއްޔ ސީނުކަރަ!
ނާފިޒު ޢަބްދުﷲ
19 January 2020
100،000 އޮޕަރޭޝަންއޭ؟ މިހާތަނަށް ބެލި ބެލުމުން ޑރ. ޗެން ވެއިރޮންގް ލޮލުގެ ބަލިތަކަށް ފަރުވާ ކުރައްވާތާ 30 އަހަރާއި ގާތްކުރާނެކަމަށް ފާހަގަކުރެވެއެވެ. އެހެންކަމަށްވާނަމަ އަހަރަކު 3،333 އޮޕަރޭޝަން، މަހަކު 277 އޮޕަރޭޝަން، ދުވާލަކު 9 އޮޕަރޭޝަން ކޮށްފައިވާނެއެވެ. މިއީ 30 އަހަރުގެ ކޮންމެ ދުވަހަކު މަސައްކަތް ކުރާނަމަ އަންދާޒާކުރެވޭވަރެވެ.
ފުންއަސަރު
19 January 2020
ރަނގަޅު ޑޮކްޓަރުންނަށް ދައްކަން ކިއުބޮޑުވާނެ. އެކަން އެންމެންވެސް ދަނޭ. އެކަމަކު ފުރަތަމަ ފަށާއިރު ކިއުބޮޑުވިޔަސް ޚިދުމަތް ރަނގަޅުވެފާ އަވަސްވާނަމަ، ކުރިޔަށް އޮތްތާ ރަނގަޅު ކުރިމަގެއް ފެންނާނެ. ބޭނުންވަނީ ފުރިހަމަ ޚިދުމަތާއެކު ކަންކުރާނޭ ރަނގަޅު ފެންވަރުގެ މީހުން. އިރާދަކުރެއްވިއްޔާ ދެން ރަނގަޅުވާނެ. ދުވާލަކު އެތައްސަތޭކަ ބަޔަކު އާސަންދައިން ބޭރަށް ފުރުވާލުމުގެ ބަދަލުގާ ތިއޮތީ ކަންކުރަންވީގޮތް ފެނިފާ. ދެންވެސް ނުތިބެ އަވަސްކޮށްބަލަ!
ސީނުން
19 January 2020
އަވަސްވުން ކޮންމެހެން މުހިންމެއްނޫން، ރަނގަޅުފަރުވާ މުހިންމީ!
ބޮޑުމީހާ
19 January 2020
ރަގަޅު ކޮލިޓީ ހިދުމަތެއް ލިބެންޏާ، ކިއު ބޮޑުވާނެ
މުޙުއްމާ
19 January 2020
ތި ސެންޓަރުން ފަރުވާހޯދަން ނަޝީދު ނުދޭބާ؟
އަނެއް
19 January 2020
ކުރީގެ ނައިބު ރައީސްވެސް އެ ހުންނެވީ ގޭ ބަންދުގައި. އޭނާއަށްވެސް އެ ފަރުވާ ވަރަށް ބޭނުންވާނެ.
ޢައްޔުބޭ
19 January 2020
އަހަންނަށް އެނގެނީ ޗައިނާ މިދިން ކްލިނިކްގެ ސަބަބުން ދިވެހިންނަށް ރަގަޅަށް ސާފުކޮށް ފެނި ޗައިނާ އިން ކޮށްދޭ މަސައްކަތްތައް ދިވެހިންނަށް ސާފުކޮށް ފެންނާނެކަން، މިކްލިނިކުން ފަރުވާ އެންމެ ފުރަތަމަ ފަރުވާ ދޭންޖެހެނީ ކުރީގެ ނަޝީދަށް އެހެންކަމުން އެމްބެސެޑަރ އެބަޖެހޭ މިތަނަށް ނަޝީދުގެ އެޕޮއިންޓްމަންޓެއް ދޭން.
ސައްތާރު
19 January 2020
ޗައިނާ އިން ހެލިކޮޕްޓަރެއް ދިންނަމަ ދޯ ؟ ؛ޕ
ނަމަ
19 January 2020
ހެލިކޮޕްޓަރެއް ދިންނަމަ އެ ދުއްވަން އެނގޭ ވަރުގެ ދިވެއްސެއް ނުހުންނާނެ. މިހާރު އޮތް ހެލިކޮޕްޓަރުވެސް ދުއްވަން ނޭނގިގެން އެއުޅެނީ.
ޙަމް
19 January 2020
ޗައިނާ އިން މިލިބެނީ ކޮލިޓީ ހިދުމަތް.
ސޮބުރީ
19 January 2020
ޝުކުރިއްޔާ ޗައިނާ...