22 ޖެނުއަރީ 2020 - 14:31
38 comments
އަންހެންކުދިން ހިތާނުކުރުމާ ގުޅޭގޮތުން، ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ލަފަޔަކަށް އެދުމުން އެކަމުގައި އިސްލާމީ ފަތުވާ ދޭ އެންމެ މަތީ މަޖިލީހުގެ ރައުޔެއް ހޯދަން އިސްލާމިކް މިނިސްޓްރީން ހުށަހަޅައިފި އެވެ.
އިސްލާމިކް މިނިސްޓަރު ޑރ. އަހުމަދު ޒާހިރު އަލީ ސޮއިކުރައްވައި ފަތުވާ މަޖިލީހުގެ ރައީސް ޝައިހް މުހައްމަދު ރަޝީދު އިބްރާހިމަށް ފޮނުއްވި ސިޓީގައި ވިދާޅުވެފައިވަނީ އަންހެނުން ހިތާނުކުރުމާ ގުޅޭ ރައުޔެއް ވީ އެންމެ އަވަހަކަށް ފޮނުއްވައި ދެއްވުން އެދޭ ކަމަށެވެ.
އިސްލާމިކް މިނިސްޓްރީގެ މީޑިއާ އޮފިޝަލް ވިދާޅުވިގޮތުގައި މިނިސްޓަރު އެގޮތަށް ލަފަޔަކަށް އެދިވަޑައިގަތީ އެޗްޕީއޭ އިން މިނިސްޓްރީގެ ލަފަޔަށް އެދުމުން ކަމަށެވެ.
"ދީނީ ކަންކަމުގައި އެގޮތަށް ލަފާ ހޯދުމަކީ އާއްމު އުސޫލު ވީމަ މިނިސްޓަރު އެގޮތަށް އެދިވަޑައިގެންފައި އެ ވަނީ،" އޮފިޝަލް ވިދާޅުވި އެވެ.
މިނިސްޓަރު އެ ސިޓީ ފޮނުއްވާފައިވަނީ މި މަހުގެ ފަސް ވަނަ ދުވަހު އެވެ. އިސްލާމިކް މިނިސްޓްރީން ބުނީ އެކަމާ ގުޅިގެން އަދި ޖަވާބު ނުލިބޭ ކަމަށެވެ.
އަންހެނުން ހިތާނުކުރުމުގެ ކަންކަން ރާއްޖޭގައި ވެސް ކުރާ ކަމަށް ވާހަކަ ދެކެވެ އެވެ. އަންހެނުން ހިތާނުކުރުމުގެ ސަބަބުން ސިއްހީ އެކި މައްސަލަތައް ކުރިމަތިވާތީ އެކަން ނުކުރުމަށް ބައިނަލްއަގުވާމީ ސިއްހީ އިދާރާތަކުން ލަފާދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަކީމް
24 January 2020
ޤާނޫނަކުން މިކަން މަނާ ކުރަން ޖެހޭ.
ރިހިރޭ
23 January 2020
މީ ދެން ކޮންކަމެއް. ހެލްތު ޕްރޮޓެކްޝަން އޭޖެންސީ މޮޔަވީތަ؟ ނޫނީ ކުނާނެ ކަމެއް ނެތީތަ؟ ތީ މިސްތު ގެ ޤަދީމީ މީހުން އަންހެންވެރިންގެ އެދުންވެރިކަން ކުޑަކުރަން ކޮށް އުޅުނު ކަމެއް؟ މިއަދު މި ޤައުމުގަ ދައްކާނެ އެހެން ވާހަކައެއް ނެތީތަ. ނޫނީ ކުތރާނެ އެހެން ކަމެއް ނެތީތަ؟
އަބްދުއްالله
23 January 2020
އަންގެނުން ގެ ޖިންސީ ގުނަވަން ކަތިލުމަކީ ތަހުޒީބު އެންމެހައި ގައުމެއްގަ ޖަލަށް ލުމުގެ ނިޔާ އޮންނަ ޖަރީމާއެއް.
ތައްޚާން
23 January 2020
ރާއްޖޭގައި މިހާރު އެންމެ އާުއްމު ބައްޔަކީ ކެންސަރާއި،ސްޓްރޯކް ޖެހުން މިކަން މިވަނީ ކިހިނެއްތޯ ވަލަން ސާވޭއެއް ހަދައި ދީބަލަ
މުލޭ
22 January 2020
އެޗްޕީއޭ އިން މި ލަފައެއް ހޯދަން އުޅެނީ ބަޔަކު މިކަން ކުރާތީ މިކަން ހުއްޓުވަން ކަމަށް ގަބޫލުކުރެވެނީ. އެއްގޮތަކަށްވެސް މިކަން ކުރުވަން ބާރު އެޅުމުގެ ގޮތުން ކުރަން އުޅޭ ކަމެއް ކަމުގައި ނުބެލެވޭ. ކޮމެންޓް ކުރި ގިނަ ބަޔަކަށް މިއޮތީ ކުށް ހީއެއް ކުރެވިފައި.
ރަންބުއްދި
22 January 2020
ރާއްޖޭގަ އަންހެނުުން ހިތާނުކުރުމަކީ 80 ކުރީގެ އަހަރު ތަކުގަ އާއްމުކަމެއް.މާލޭގަ ވެސް ފޫޅުމައިން އަންހެނުންން ވިއްސި ދުވަސްވަރު އަންހެން ދަރިފުޅަށް 7 ދުވަސް ވުމުން ހިތާނު ކުރޭ.މީޢި ސިްއްހީ ގޮތުން ފައިދާހުރި ކަމެއްނޫން. މިކަމަކީ އަންހެނުންގެ އިންސާނީ ހައްގު ނިގުޅައިގަތުމުގަ ހިމެނޭކަމެއް.އދ ގެ ކުޑަކުދިންގެ ހައްގުތަކާ ބެހޭ ކޮންވެންޝަނުގެ ދަށުންވެސް މިޢީ މުޅިންމަނާކަމެއް
ދަންމަރު ހަސަން
22 January 2020
ޣައުމުގައި ކުރާނެ ކަމެއް ނެތީތޯ؟ ފެއިލްވެފާ ތިބި ބަޔަކުގެ ލަފާ ހޯދާކަށް ނުޖެހޭ. ޢަދި ދީން ބޭނުންކޮށްގެން ގަަުމުގެ ރައްޔިތުން ގުބޯހައްދަން ނޫޅޭ އެހެން ކަމެއް ކުރޭ.
1829
22 January 2020
ދައުލަތުގެ އިދާރާތަކުން ދީނީ ގޮތުން ކަމެއް އޮންނަ ގޮތް ސާފުކުރުމަށް އޮންނަ ރަސްމީ ނިޒާމަކީ ފަތުވާ މަޖިލީހުގެ ފަރާތުން ރައުޔު ހޯދުން. މިނިސްޓަރުގެ ރައުޔެއް ނޫން. މިނިސްޓްރީއަށް ސިޓީއައީމާ ކަމާގުޅޭ އިދާރާއަށް އެއޮތީ ފޮނުވާފައި. ކޮބާ މައްސަލައަކީ؟
ލަތީފު
22 January 2020
މިހާރުދެންނެތެއްނޫން ސަލާމަތެއް. މުސްކުޅިފިރިހެނުންވެސް ކުޑައަންހެންކުދިން ހިތާނު ކުރަމުންދާ ދުވަސްވަރެއްމީ.
އަލްވަލަަ ވަލްބަރާ
22 January 2020
ހަމަ ދީނާ ދެކޮޅަށް ބަޔަކު ލައްވާ ވާހަކަ ދައްކުވަންވެގެން. ދީން އޮތީ ހައްދުފަހަނަ އަޅާފައޭ ކިއަންވެގެން. ދީނާ ދިވެހިންނާ ނުޖައްސުވަބަލަ. ކިހާ ބޮޑު މުސީބާތެއް.