ކުރީގެ ރައީސް ޔާމީން: އެމަނިކުފާނުގެ އިސްތިއުނާފް ޝަރީއަތް ލައިވް ކުރަން އިދިކޮޅުން ވަނީ ގޮވާލާފައި. --ފޮޓޯ/މިހާރު
28 ޖެނުއަރީ 2020 - 11:02
40 comments
ކުރީގެ ރައީސް އަބްދުﷲ ޔާމީންގެ މައްޗަށް އިއްވި މަނީ ލޯންޑްރިންގެ ހުކުމްގެ އިސްތިއުނާފް ޝަރީއަތް ލައިވް ނުކުރަނީ ސަރުކާރުން އެކަން ކުރަން ޖެހިލުންވާތީ ކަމަށް ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެ އެވެ.
ޔާމީންގެ އިސްތިއުނާފް ޝަރީއަތް މިއަދު 11 ޖަހާއިރު ފަށަން ހައި ކޯޓުން ވަނީ ތާވަލްކޮށްފަ އެވެ. ޝަރީއަތް ލައިވްކުރުމާ މެދު ގޮތް ނިންމުމުގެ ބާރު އޮންނަނީ ކޯޓުގެ ފަނޑިޔާރުންގެ މަޖިލީހަށެވެ. އެ މަޖިލީހުން އެފަދަ ނިންމުމެއް އިއްޔެއާ ހަމަ އަށް ނިންމާފައި ނުވާ ކަމަށް ހައި ކޯޓުގެ މީޑިއާ އޮފިޝަލް އަމީން ފައިސަލް ވަނީ ވިދާޅުވެފަ އެވެ.
އިދިކޮޅު ޕީޕީއެމާއި ޕީއެންސީގެ ކޯލިޝަނުން ބޭއްވި ޖަލްސާގައި އަދުރޭ ވިދާޅުވީ ކްރިމިނަލް ކޯޓުން ޔާމީންގެ މައްޗަށް ހުކުމް އިއްވި ޝަރީއަތް ލައިވްކުރުމަށް ފަހު އިސްތިއުނާފް ލައިވްނުކުރަންވީ ސަބަބެއް ނެތް ކަމަށެވެ. އެ ޝަރީއަތް ލައިވްކުރުމުން ޔާމީންގެ މައުސޫމްކަން ރައްޔިތުންނަށް ހާމަވެފައިވާ ކަމަށާއި އެހެންވެ އިސްތިއުނާފް ލައިވްކުރަން ޖެހިލުންވީ ކަމަށް އަދުރޭ ވިދާޅުވި އެވެ.
"އަޅުގަނޑު ގޮވާލަން، އަޅުގަނޑުމެންގެ ވަރަށް ބޮޑު އެދުމެކޭ އިސްތިއުނާފް މަރުހަލާގެ ޝަރީއަތްތައް ލައިވްކޮށް ކުރިއަށް ގެންގޮސް ދިނުމަކީ. ތަކުރާރުކޮށް އަޅުގަނޑު އެދެން އިސްތިއުނާފް ލައިވްކުރަން،" ޔާމީނާ އަރިސް ބޭފުޅުންގެ ތެރޭގައި ހިމެނިވަޑައިގަންނަވާ އަދުރޭ ވިދާޅުވި އެވެ.
އޭނާ ވިދާޅުވި ގޮތުގައި ޔާމީންގެ ޝަރީއަތް ލައިވްކުރަން ދިވެހި ހުރިހާ ރައްޔިތުން ވެސް ބޭނުންވާނެ އެވެ. ސަރުކާރުން ދައްކަން ބޭނުންވެގެން އުޅޭ މަންޒަރު ދިވެހިންނަށް ފެންނާނީ އޭރުން ކަމަށް ވެސް ވިދާޅުވި އެވެ.
ޔާމީންގެ މައްޗަށް މަނީ ލޯންޑްރިންގެ ދައުވާ ކުރީ އެމްއެމްޕީއާރުސީގެ ޚިޔާނާތުގެ ފައިސާ ވަން އެސްއޯއެފްގެ އެކައުންޓަކުން އެމަނިކުފާނަށް އެއް މިލިއަން ޑޮލަރު ޖަމާކުރި މައްސަލައިގަ އެވެ. އެ ފައިސާ އެންޓި ކޮރަޕްޝަން ކޮމިޝަން (އޭސީސީ) އާ އެކު ހެދި އެސްކްރޯ އެކައުންޓެއްގައި ބެހެއްޓުމަށް އެމަނިކުފާނު އެއްބަސްވެ ވަޑައިގަތުމަށް ފަހު އެހެން ފައިސާތަކެއް އެސްކްރޯ އެކައުންޓަށް ޖަމާކޮށް އަދި އެސްއޯއެފުން ޖަމާކުރި ފައިސާ އިސްލާމިކް ބޭންކްގެ ޖެނެރަލް އިންވެސްޓްމަންޓް އެކައުންޓަކަށް ބަދަލުކޮށް، އޭގެ އަސްލު އޮޅުވާލި ކަމަށް ދައުވާގައިވެ އެވެ.
މި ދައުވާގައި ފަސް އަހަރުގެ ޖަލު ހުކުމެއްގެ އިތުރުން ފަސް މިލިއަން ޑޮލަރުން އެމަނިކުފާނު ވަނީ ޖޫރިމަނާކޮށްފަ އެވެ. މި ހުކުމްގެ އިސްތިއުނާފްގެ މުއްދަތު ނިމެންދެން އެމަނިކުފާނު ގޭބަންދަށް ބަދަލުކޮށްދޭން ވަކީން ވަނީ ކަމާބެހޭ މުއައްސަސާތަކަށް ހުށަހަޅުއްވައިފަ އެވެ. އެކަމަކު ހައި ކޯޓުން އެކަމާ މެދު ވެސް މިހާތަނަށް ގޮތް ނިންމައިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯރަބޭ
29 January 2020
ރައީސް ޔާމިނު ދެކެ މިސަރުކާރުން ޖެހިލުންވާނަމަ އަދުރޭމެން ބޭނުންހާ އެއްޗެއް ކިޔަން ތިހެން ދޫކޮށްލައިފަ ނުތިބޭނެ. ޔާމީނެންނު ވެރިކަމުގަ އާރާއި ބާރު ބޭނުން ކޮށްގެން ސިޔާސީއެއްމެން ގެންގޮސް ޖަލަށް އަޅާލީ ކޮންކޮއެއް ބޭބެއެއް ރަންޓެންސެން ނުބަލައި. ޖެހިލުންވާ މީހަ އިގިންޖެތަ.
މަގުފުޅާޓިނު
28 January 2020
ބަލަގަ އަދުރޭ ކަލޭ ތިހިރީ ވަރެއް ވެފާތަ، ކްރޯނާވައިރަސްގެ ބިރު އިންތިހާއަށް އޮތްއިރު އެވާހަކަ ނުދައްކާ ތިވަރުގެ ކަމެއް ކުރަން ގޮވާލަން ކަލޭ ކުޑަކޮށްވެސް ބިރެއް ނުގަނޭތަ.........
ބޮޑުމީހާ
28 January 2020
އަދުރޭ ބުންޏަސް ދެތެއްވާނީ ދެތަކަށް. މިގައުމުގަ މިހާތަނަށް ލައިވްކުރި ފުރަތަމަ ޝަރީއަތަކީ ޔާމީންގެ ޝަރީއަތެއް. ވަކި ޝަރީއަތެއް ލައިވްކޮށްފަ ވަކިޝަރީއަތެއް ލައިވް ނުކުރަމަކީ އިންސާފެއް ނޫން
އަހުމަދުބޭ
28 January 2020
ޔާމީން ސަރިއަތް ރައްޔިތުން ވަނީ އަޑުއަހައި ނިމި އަދި ޔާމީން ކުއްވެރިވާކަމަށް ކަނޑައަޅައިފައެވެ، ދެން އިތުރަކަށް ތިޔަސަރިއަތުގައި ރައްޔިތުން އަޑުއަހާނެ އާވާހަކައެއްނެތެވެ، ދެން ހައިކޯޓުން ނިމިގެން ދާނީ ސްޕުރީމްކޯޓަށެވެ، ހައިކޯޓުން ޔާމީން ބަހައްޓައިނީ ގޭގައެވެ، ދެންދާނީ ބޭސްކުރަން ރާއްޖެއިން ބޭރަށެވެ، އަންނާނީ 5 އަހަރުގެ ހުކުމް ނިމުނީމައެވެ. މިއީ ސިޔާސީ ވެރިން ކުއްވެރިވީމައި ޖަލުގެ ހުކުމް ނިންމާގޮތެވެ.
އޭޑީ
28 January 2020
ވެރިކަމުގައި ހުރެ، ދައުލަތުން ކުރި އެންމެ ބޮޑު ވައްކަމުގެ ބައިވެރިއެއްގެ ގޮތުގައި އޭރުގެ ވެރިއަކަށްހުރި ޔާމީނު ހިމެނުމަކީ މައުސޫމުވުމެއްނޫން. ނުވެސްވެވޭނެ މައުސޫމެއް. ދިވެހި ދައުލަތުގެ ބައިތުލްމާލުން ރޯމާ ދުވާލު އެތަށް ބިލިއަން ރުފިޔާއެއް ވަގަށްނަގުވާ، އެފައިސާ ތިމަންނާ ގެޔަށްވަނޭ، އެންމެފަހުން އެކައުންޓަށް ޖަމާކޮށް، މަނީލޯންޑަރިން ހިންގުމަކީ މައުސޫމު ވެވޭނެކަމެއްނޫން. ޔާމީނުގެ މައްސަލަތަށް ލައްކަ ބައިވަރު އެބަހުރި! ޔާމީނަކަށް ޖަލުނޫންގޮތެއްނެތް
1234
28 January 2020
އަދުރޭ ދެންކިޔާނީ ފިލި ރައީސް ދޯ ކޮބާ 25 ބުރީގެ ހޮސްޕިޓާ އެތަނުންތިކަން ނާނެއެއްނު؟
ވަތަނަބޭ
28 January 2020
ނޫން ނޫން މަނިކުފާނު! އެއީ ކަނޑައެޅިގެން ބޭކާރު ކަމަކަށްވާތީ... އަދި އަދުރޭމެންނަކީ މިހާރު ބަލައިގަންނަ ބަޔަކަށް ނުވާތީ...
ނަޝީދު.
28 January 2020
ލައިވް ނުކުރަނީ ކޯޓު ކޭހެކޭ ކިޔައިގެން ކައުންސިލް އިންތިހާބުގެ ކެމްޕެއިން ޓީ.ވީ އިން ލައިވް ކުރުވަން އުޅޭތީ.
މަންޑޭލާ
28 January 2020
ކޮރަޕްޝަނޭ ކިޔާނެކަމެއްނެ. އިންޑިޔާ މެދުވެރިވެ ރައިސް ޔާމިންގެ ވެރިކަން ވައްޓާލަން އެތަކެށް މިލިޔަން ޑޮލަރެ ހަރަދުކުރި. މީ ދޮގެއްނުން. ރައިސް ޔާމީނަކީ ރާއްޖެ ދެކެ ލޯބިވާ މީހެ.
ނަޖުދާ
28 January 2020
ހިޔާލީ ދުނިޔޭގައި ފޮނުއަރުވަން އުޅުނަސް ތިޔަ ކަހަލަ ވާހަކަ މިއަދު އަޑުއަހާނެ ކަންފަތެއްނެތް! ޔާމީނުގެ ވެރިކަން ބަދަލުކުރީ ދިވެހިރައްޔިތުން ވޯޓުން. ވޯޓުން ވެރިކަން ބަދަލުވުމަކީ ތަބީއީކަމެއް. އެއީ ޑިމޮކްރެސީގައި މާ އާކަޑަވެގެން އުޅޭވަރުގެ ކަމެއްނޫން. 5 އަހަރުން އެއްފަހަރު ރައްޔިތުންނަށް ބަސްބުނަން ލިބޭ ފުރުސަތުގެ ނަތީޖާއިން ވެރިކަން ބަދަލުވާނެ. އާވެގެން ނޫޅޭ. ރައްޔިތުންގެ ނިންމުން އެއީ. އިންޑިޔާގެ ނިންމުމެއްނޫން.
މަންޑޭލާގެ ދަރި
28 January 2020
ރާއްޖެދެކެ ލޯބިވާތީދެއްތޯ ދައުލަތުގެ ޙަޒާނާ ދިރުވާލީ؟؟؟
ޢަބްދުﷲނާފިޒް
28 January 2020
ކިތައްމެ ބައިވަރު ޑޮލަރެއް ޚަރަދު ކޮށްގެން ނަމަވެސް ޔާމީނުގެ ވެރިކަން ނިމުމަކަށް ގެނައުމަކީ ކޮންމެހެންވެސް ކުރަން ޖެހޭ ކަމަކަށްވާތީ ދިވެހި ރައްޔިތުން އެކަން ކުރީ ވެރިކަން ވައްޓާލީކީނޫން، ޔާމީނު ބޭނުންވެގެން ރައްޔިތުން ގާތު އާދޭސްކުރީމަވެސް، ކޮންޓްރެކްޓް ހަމަވެ ދައުރު ނިމުނީމަ އިތުރު ފުރުސަތެއް ރައްޔިތުން ނުދިނީ، ވައްޓާލިއްޔޭ ފުނޑާލިއްޔޭ ބުނުވޭނެ ޖާގައެއް ނެތް، މޮޔަ ވާހަކަ ނުދައްކާ.
ޝޮކްތެރަޕީ
28 January 2020
އަޅުގަނޑައް ހީވަނީ އަދުރޭ އެބުނަނީ ތެދުހެން.