ހެކީގެ މައްޗަށް ބިނާކޮށް އަދުހަމްގެ މައްޗަށް ކުށް ސާބިތު ކުރެވޭނެ: ޝަމީމް

ޕްރޮސެކިއުޓާ ޖެނެރަލް ޝަމީމް: ހެކީގެ މައްޗަށް ބިނާކޮށް އަދުހަމްގެ މައްޗަށް ކުށް ސާބިތު ކުރެވޭނެ ކަމަށް ޝަމީމް ވިދާޅުވި -- ފޮޓޯ/މިހާރު

މުއިއްޒު އިބްރާހިމް، މިހާރު

18 ފެބުރުއަރީ 2020 - 16:40

7 comments

ޓެކްސީ ޑްރައިވަރެއް ކަމަށްވާ ގާސިމް ހަސަންގެ މަރުގެ ދައުވާ ލިބޭ އަދުހަމް މުހައްމަދު ފަހުން ދައުވާ އަށް އިންކާރު ކުރިޔަސް، ހެކީގެ މައްޗަށް ބިނާކޮށް، އޭނާގެ މައްޗަށް ކުށް ސާބިތު ކުރާނެ ކަމަށް ޕްރޮސެކިއުޓާ ޖެނެރަލް ހުސައިން ޝަމީމް މިއަދު ވިދާޅުވެއްޖެ އެވެ.

މިދިޔަ އަހަރުގެ ޑިސެމްބަރު މަހު ހުޅުމާލޭގައި ޓެކްސީގައި ދަތުރު ކޮށްފައި ދަނިިކޮށް، ގާސިމްގެ ކަރަށް ތޫނު އެއްޗަކުން ހަމަލާދީ މަރައިލި މައްސަލައިގައި ދައުވާ ލިބޭ ޅ. ހިންނަވަރު ބޮޑުހިޔާގޭ އަދުހަމް އެ ދައުވާ އަށް ކުރިން ކޯޓުގައި އެއްބަސް ވިޔަސް، އޭނާ މިއަދު ވަނީ އެކަމަށް އިންކާރު ކޮށްފަ އެވެ. އަދުހަމްއާ އެކު، ދައުލަތުން ކުރިން އޮތީ އިއުތިރާފްގެ އެއްބަސްވުމެއް ވެސް ހަދައިފަ އެވެ.

އަދުހަމް ދައުވާ އަށް އިންކާރު ކުރުމާ ގުޅިގެން ޕްރޮސެކިއުޓާ ޖެނެރަލް ޝަމީމް ކުރެއްވި ޓްވީޓެއްގައި ވަނީ އިއުތިރާފްގެ އެއްބަސްވުމާ އެއްގޮތަށް ކުރިއަށް ނުދިއުމަކީ މައްސަލައެއް ނޫން ކަމަށާއި އެ މައްސަލައިގައި ހެކި ހުށަހަޅައިގެން އަދި އެ ހެކީގެ މައްޗަށް ބިނާކޮށް، ތޫނު އެއްޗެއް ބޭނުން ކޮށްގެން މީހަކު މެރުމުގެ ދައުވާ ޝަރީއަތަށް ސާބިތުކޮށް ދޭނެ ކަމަށެވެ.

އިޢުތިރާފު އެއްބަސްވުމާ އެއްގޮތަށް ކުރިއަށް ނުދިއުމަކީ މައްސަލައެއް ނޫން. @PGO_MV އިން، މިމައްސަލައިގައި ޝަރީޢަތަށް ހެކި ހުށަހަޅައިގެން، ހެކީގެ މައްޗަށް ބިނާކޮށް، އިރާދަ ކުރެއްވިއްޔާ، ތޫނު އެއްޗެއް ބޭނުންކޮށްގެން މީހަކު މެރިކަން ޝަރީޢަތަށް ސާބިތު ކޮށްދޭނެ.
— Hussain Shameem (@HuShameem) February 18, 2020

ޝަމީމްގެ ޓްވީޓް

އަދުހަމް، ދައުވާ އަށް މިއަދު އިންކާރު ކުރިއިރު، އޭނާއާ ދެކޮޅަށް ދައުލަތުން ކުރިން ވެސް އޮތީ ހެކި ހުށަހަޅައިފަ އެވެ. އެކަމަކު، އޭރު އޭނާ އެކަމަށް އެއްބަސްވުމުން ހެކިންގެ ހެކިބަސް ނުނަގަން ދައުލަތުން އޭރު އެދުނެވެ. އެކަމަކު މިހާރު ދައުވާ އަށް އިންކާރު ކުރާތީ ދައުލަތުން ވަނީ ހެކިތަކަށް ރިއާޔަތް ކުރަން އެދިިފަ އެވެ.

އެ މައްސަލައިގައި ދެން އޮންނާނީ އިބްތިދާއީ އަޑުއެހުންތައް ކުރިއަށް ގެންދިއުމެވެ.

ކްރިމިނަލް ކޯޓް މީހުން މެރުން ހުސައިން ޝަމީމް (ޕީޖީ) ގާސިމް ހަސަންގެ މަރު ޕީޖީ އޮފީސް ޕްރޮސެކިއުޓާ ޖެނެރަލް

7 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މީރުބަހުރު

19 February 2020

ފުތަރަމަ މަރުހަލާގައި ކުށަށް އިއުތިރާފުވީ އަދުހަމު ކަމަށްވަންޏާ އިތުރުރަށް ދެން ދައްކާނެ ވާހަކައެއް އެބޮތްބާ؟ ގާޒީގެ ކުރިމަތީގައި އިއުތިރާފު ވެފައި ފަހުން އެއިއުތިރާފް އަބުރާ ގެންދެވޭގޮތަށް ދީނުގައި އޮންނަ ނަމަ ދައްކާނެ ވާހަކައެއްނެތް. އެހެންނޫނީ ދެންޖެހޭނީ އެހިސާބުން ހުކުމް ކުރަން. މިއީ ނޭގޭ މީހާއަށްވެސް އެގޭ މިންވަރެއް. އެހެންނޫން. ފުރަތަމަ މަރުހަލާގައި އިއުތިރާފްވީ އަދުހަމު ކަމަށް ނުވާނަމަ ދެންޖެހޭނީ ހެކިންގެ ބަސް ހޯދަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖްމަދު1234

19 February 2020

ތިމާއާ މާތްﷲއާ ދެމެދުގެ ކުށްތަކުގައި އިޢުތިރާފުވެފައި އެއްވެސް މައްސަލައެއް ނެތި އެއިޢުތިރާފު އަނބުރާ ގެންދެވޭ. އެކަމަކު އެހެންމީހުންގެ ޙައްޤުތަކަށް އަރައިގަނެ އަދި އެމީހާ (އަމިއްލައަށް އައިހެއްނޫން) ޤަރީނާތަކުގެ މައްޗަށް ހިފުނީމާ، އިޢުތިރާފުވެފައި ފަހުން އިންކާރުކުރިއަސް އެތަހުގީގު އޭނާގެ ފަހަތުން ހިންގޭނެ. އަދި އެއިޢުތިރާފު ދަލީލުކޮށްދެނީ ދިގުވެރިއެއްކަން އަދި ސީރިއަސް ތަހުގީގެއް ކުރުމަށް ހުރަސްއަޅާ ޢަމަލެއްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

18 February 2020

މަނިކުފާނު ގޮތް ނުނިންމާ މަޑުން ހުރޭ. ތީ ބަންޑާރަ ނައިބު، ކޯޓާއި ހަމަޔަށް މައްސަލަ ގެންގޮސް ހުރި ހެއްކެއް ވިއްޔާ ދެއްކީމަ ޒިންމާ އަދާވީ. ގޮތް ނިންމާނީ ފަނޑިޔާރު. މަޖުލީހުގެ ރައީސް އުޅޭހެން ނޫޅެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

dhanbi

18 February 2020

ދަޢުވާ އަށް އިންކާރު ކުރުމާ ގުޅިގެން މިހާރު އެވަނީ އިއުތިރާފްގެ އެއްބަސްވުން ބާތިލްވެފައެވެ. އެހެންވީމަ ދެން ދަޢުވާ ސާބިތުވެއްޖެނަމަ އެ އެއްބަސްވުމުގައިވާ 17 އަހަރުގެ ޖަލު ޙުކުމުގެ ބަޔަށް ޢަމަލު ކުރާކަށް ނުޖެހޭނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޒް

18 February 2020

މި ޝަމީމުއަކީ ދެން މާ ބޮޑަށް އެނގިފައި ހުންނަ މީހެއް. މީނަ ނޫނީ ނުހުންނާނެ ފޮތް ކިޔާ މީހެއް، ފަތިހު ހޭލާ މީހެއް. އަބަދު އަމިއްލަ މީހާ ޕްރޮމޯޓް ކުރުމުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

18 February 2020

ޕީޖީގެ އަނގަ މާގަދަވެއްޖެ. ހަސަންބެ އަކީ ވަކީލެއްވެސް ނޫނީ ޖަޖެއްވެސްނޫން. އެކަމަކު ހަސަންބެ މިކޮށިވިސްނުމަށްވެސް އެގޭ ކޯޓުތަކުގައި ހިގާ މައްސަލަ އަށް ދައުލަތުގެ މަތީމަގާމުތަކުގައި ތިބޭމީހުން އަނގަ ބޭނުމެން ގަޒީއިންނިމްމާ ނުންމުމަށް އަސަރު ކުރާނެކަން . ތިހުކުން ސާބިތު ވާއިރު ކީކުރަންތޯ 11އަހރުގެ ހުކުމެއް ހޯދަދޭންވެގެން ކުއްވެރިޔާއާއި ޑީލްހެއްދެވީ. ދައުލަތުން ބަލަންޖެހޭނީ މިކަހަލަ ކުއްވެރިންނަށް ވީހާވެސް ބޮޑު އަދަބެއްދެވޭތޯ. ރީދޫކުއްޖެއްވީމާދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

18 February 2020

ހަސަންބެވެސް ތިހުންނަނީ ސިޔާސީ އޮއެވަރުގަ ޖެހި 24 ގަޑިއިރު މުޅި މީހާ ތަޣައްޔަރުވެފަ އުތަ، އާނފަހެ ވަރަށް ފައްކާ ކޮމެންޓެއް ކޮށްލާފަވެސް ނިންމާލަމުން ސިޔާސީ ގުއިދަނޑިގަނޑުގަ ހޭކި ނުލާ ނިންމާ ނުލެވުނެއްނު.