ބޭރުގެ ގައުމެއްގައި ކޮރޯނާ އިން ރައްކާތެރިވުމަށް ފިޔަވަޅު އަޅާފައި: ރާއްޖެ އިން ކޮވިޑަށް އެއްވެސް މީހަކު ޕޮޒިޓިވް ނުވާ ކަމަށް އެޗްޕީއޭ އިން ބުނޭ.
03 މާޗް 2020 - 20:31
20 comments
ޗައިނާ އިން މުޅި ދުނިޔެ އަށް ފެތުރެމުންދާ ކޮރޯނާވައިރަސް ނުވަތަ ކޯވިޑް-19 އަށް ރާއްޖެ އިން އެއްވެސް މިހާތަނަށް ޕޮޒިޓިވެއް ނޫން ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިރޭ ބުނެފި އެވެ.
ރާއްޖެ އިން މި ވައިރަހަށް ޕޮޒިޓިވްވި ބަޔަކު ކަރަންޓީނުކޮށް، ފަރުވާ ދެމުންދާ ކަމަށް ބުނެ ސޯޝަލް މީޑިއާ އާއި އެކި ގްރޫޕްތަކުގައި މިއަދު ދަނީ މެސެޖުތަކެއް ދައުރުކުރަމުންނެވެ. މި ވާހަކަތައް ދޮގުކޮށް، އެޗްޕީއޭ އިން ވަނީ ސީރިއަސް މި ބައްޔާ ގުޅޭ ގޮތުން އެ ގޮތަށް ވާހަކަ ނުފެތުރުމަށް އެދިފަ އެވެ.
ކޮރޯނާވައިރަސް ފެތުރެން ފެށިތާ ކުރީކޮޅު ވެސް މިފަދަ ގޮތަކަށް ދިވެހިންގެ ތެރޭގައި އަޑުފަތުރަމުން ގެންދިޔަ އެވެ. އެ ދުވަސްވަރު ހެލްތު މިނިސްޓަރު އަބްދުﷲ އަމީން ވިދާޅުވެފައި ވަނީ ކޮރޯނާވައިރަސް އަށް ޝައްކު ކުރެވިގެން ރާއްޖޭގައި އެއްވެސް މީހަކު ޓެސްޓް ކޮށްފި ނަމަ އެކަން ވަގުތުން ވަގުތަށް އާންމު ކުރައްވާނެ ކަމަށެވެ.
"މީހަކަށް ޝައްކު ކުރެވިއްޖެ ކަމަށް ވާ ނަމަ ނުވަތަ ކޭސްއެއް ފެނިއްޖެ ކަމަށް ވާ ނަމަ، މިއިން ކޭސް އަކަށް ޓެސްޓް ކުރެވިއްޖެ ކަމަށް ވާ ނަމަ އަޅުގަނޑުމެން ވަގުތުން ވަގުތަށް އެ މައުލޫމާތު އާންމު ރައްޔިތުންނާ ހިއްސާ ކުރާނަން،" މިދިޔަ ޖެނުއަރީ 26 ގައި ބޭއްވި ނިއުސް ބްރީފިންއެއްގައި އަމީން ވިދާޅުވެފައި ވެ އެވެ.
As of 3rd March (19:00hrs), CURRENTLY, there are no confirmed cases of #COVID19 in the Maldives.
— HPA Maldives (@HPA_MV) March 3, 2020
To effectively combat #COVID19 please follow and circulate information from HPA and do not engage in spreading rumours.@MoHmv
ޗައިނާ އިން ރާއްޖެ އައި ބައެއް މީހުންގެ ތެރެއިން ކޮރޯނާވައިރަހަށް ޝައްކު ކުރެވުނު ބައެއް މީހުންގެ ސާމްޕަލްތައް ނަގައި ޓެސްޓް ކުރި އެވެ. ރާއްޖެ އިން އޭރު ޓެސްޓު ކުރެވެން ނެތިގެން އެ ޓެސްޓުތައް ކުރީ އިންޑިއާގެ ޕޫނޭއަށް ފޮނުވައިގެންނެވެ. އެކަމަކު ކޮވިޑް ވައިރަހަށް ޓެސްޓްކުރެވޭނެ ގޮތް މިހާރު ވަނީ އައިޖީއެމްއެޗްގައި ގާއިމްކޮށްފަ އެވެ. ޓެސްޓުގެ ނަތީޖާ 10-12 ގަޑިއިރުގެ ތެރޭގައި ލިބޭނެ އެވެ.
ރާއްޖޭގައި މިހާރު ކޮރޯނާ އަށް ޓެސްޓް ކުރެވޭނެ އިންތިޒާމް ހަމަޖައްސާފައިވާ އިރު، ވައިރަހުން ސަލާމަތްވެ ތިބުމަށް ކުރަންޖެހޭ މަސައްކަތްތަކަށް ރާއްޖޭގައި އިމަޖެންސީ އޮޕަރޭޝަންސް ސެންޓަރެއް ވެސް ވަނީ މިއަދު ގާއިމްކޮށްފަ އެވެ.
އެޗްޕީއޭ އާއި އެންޑީއެމްއޭގެ އިތުރުން ހެލްތް މިނިސްޓްރީ ހިމެނޭ އެ ސެންޓަރުން ގައުމީ ފެންވަރެއްގައި މަސައްކަތްތަކެއް ކުރުމަށް ވަނީ ނިންމައިފަ އެވެ. އަދި ސަރުކާރުން ނިންމާފައި ވަނީ މާލޭގައި ޓްރެވަލް ކްލިނިކެއް ވެސް ގާއިމް ކުރުމަށެވެ. އެ ކްލިނިކުގެ ބޭނުމަކީ ރާއްޖޭން ބޭރަށް ދަތުރުކޮށްފައި އަންނަ މީހުން ކޮވިޑް-19 އަށް ޓެސްޓް ކުރުމެވެ.
"މީހަކަށް ޝައްކު ކުރެވިއްޖެ ކަމަށް ވާ ނަމަ ނުވަތަ ކޭސްއެއް ފެނިއްޖެ ކަމަށް ވާ ނަމަ، މިއިން ކޭސް އަކަށް ޓެސްޓް ކުރެވިއްޖެ ކަމަށް ވާ ނަމަ އަޅުގަނޑުމެން ވަގުތުން ވަގުތަށް އެ މައުލޫމާތު އާންމު ރައްޔިތުންނާ ހިއްސާ ކުރާނަން،" މިދިޔަ ޖެނުއަރީ 26 ގައި ބޭއްވި ނިއުސް ބްރީފިންއެއްގައި އަމީން ވިދާޅުވެފައި ވެ އެވެ.
މި ވައިރަހާ ދެކޮޅަށް ރާއްޖެ ވަނީ ވަރަށް ރަނގަޅަށް ތައްޔާރުވެފައި ކަމަށް ޑަބްލިއުއެޗްއޯގެ ފަރާތުން ރާއްޖެ އަށް ކަނޑައަޅާފައި ހުންނެވި މަންދޫބު، ޑރ. އަރްވިންދް ވަނީ ވިދާޅުވެފަ އެވެ. ކޮވިޑް ވައިރަހަށް ޕޮޒިޓިވް ވެފައިވާ މީހެއް ރާއްޖޭން މިހާތަނަށް ނުފެނުމަކީ އެކަމުގެ ނަތީޖާއެއް ކަމަށް އޭނާ ވަނީ ވިދާޅުވެފަ އެވެ.
ކޮވިޑް-19 މިހާތަނަށް 88،000 އަށް ވުރެ ގިނަ މީހުންނަށް ޖެހި 3،000 އަށް ވުރެ ގިނަ މީހުން ވަނީ މަރުވެފަ އެވެ.
ރާއްޖެ އިން މިހާތަނަށް އެ ވައިރަސް ފެނިފައި ނުވިޔަސް، ރައްކާތެރިކަމުގެ ފިޔަވަޅުތަކުގެ ތެރޭގައި ހިމަނައިގެން ޗައިނާ އިން މީހުން އައުން ވަނީ މަނާކޮށްފަ އެވެ. މީގެ އިތުރުން އީރާނުންނާއި ސައުތު ކޮރެއާގެ ދެ ސަރަހައްދަކުން ވެސް ރާއްޖެ އަށް މީހުން މިހާރު މަނަލެވެ. އަދި ކްރޫޒްލައިނާތައް ރާއްޖެ އައުން ވެސް މިހާރު ވަނީ މެދުކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރުބެ
04 March 2020
ދެން ތިޔަހެން ކިޔާލަ ކިޔާލައި ތިބޭށެވެ، ރާއްޖެއަށް އަންނަ ފަތުރުވެރިން ސްކޭން ކުރެވެންޖެހޭ، ރިސޯޓްތަކުގެ ސްޓާފުންނަށް މިކަމުގެ މައުލޫމާތު ދޭންޖެހޭ، މިދުވަސްވަރު ސްޓާފުން ބޭރަށް ދަތުރުކުރުން މަދުކުރަންޖެހޭ، ބިދޭސީންވެސް އަދި ބޭރު ސްޓާފުންގެ ޗުއްޓީ މަޑުޖައްސާލަންޖެހޭ، ބިރުވެރިކަމަކީ މިޤައުމުގައި އުޅޭ 2 ލައްކަ ނުގަވައިދު ބަންގަލަދޭޝްގެ މީހުންނަށް ޖެހުނީމަ ހަދާނެގޮތް
ކޮތަނބިރި
04 March 2020
ވޯޓުހޯދަން އިގުތިސޯދީ ފުދުންތެރިކަމޭ ކިޔަކިޔާ ތިއްބަސް ޓުއަރިސްޓުން ހުއްޓުވައިފިނަމަ ކައިބޮއެ އުޅެން މަގޫފަތްވެސް ފަސޭހައިން ލިބެންނެތުމާއިއެކީގައި އާދޭހާއިއެކީގައި މިބުނަނީ، ތިޔަ ފަރަންޖީން މީހުން އުޅޭ ރަށްރަށަށް ނުގެންނާށޭ މިދުވަސްކޮޅު. ލޯންޗުފަހަރު ފުރާ މާލެބަލަން މާލެއަށް ގެންނާނެކަމެއްނެތޭ، މާލެއަކީ ކޮންމެހެން އެވަރަކުން އެމީހުނަށް ދައްކާނެ ތަނެއް ހުރިތަނެއްވެސްނޫނޭ، އެއާޕޯޓުން ރިސޯޓަށް ރިސޯޓުން އެއާޕޯޓަށް ދެވޭގޮތަށް ހަދާށޭ.
ޙަބީބު
04 March 2020
ދިވެހި ކާބަފައިން ދިވެހިންނައް މިރާއްޖެ ގެނެސްދީފަ ވަނީ ވަރައްބޮޑެތި ގުރުބާނީ ވެގެން އެއްވެސް ޓެކްނޮލްޖީ ޒަ މާނަކައް ނުވެފަ ބޭރުގެ ހޮޅިންނާ ޕޯޗުގީޒުން ވޯރާވިޔަފާރިތަކާ އިނގިރޭސިންގެ ކުނި މިލައިން ބައެއް މީހުންގެ ހިތްތަކުގަ ލާދީނީ ސިފަޢަށަގަނެފަ ވު މީ ހިތާ މަހުރިކަ މެއް އެޒަ މާނުގަ ބޮޑުތަކުބީރު ކިޔާނެ ގަދަހު މެއް ފެތުރެން ފަށާއިރައް މިސްކިތް ތަކުގަ ސޮލަވާތް ކިޔަވާނެ މިހާރުވެސް ބޮޑުތަކުބީރު ކިޔާ ދުވާުކުރަންޖެހޭ ރާއްޖެއައް މިބަލާ ނުޖައްސަވާތޯ
އެޑްމުންޑޯ
04 March 2020
ރާއްޖެ މިބަލިން އަތުވެްޖެނަމަ ތިހީކުރާހާ ރަގަޅެއްނުވާނެ ، އެތެއްބަޔަކު މަރުވެ ގައުމު ހަފުސްވާނެ ، އެހެންވެ މީގެ ނުރައްކާ ވަޒަންކުރެވޭތީ ޑރ ނިޔާފް ފަދ ބޭފުޅުން އާދޭހާއި އެކު އެވާހަކަ އެދައްކަވަނީ ، ސަރުކާރުންވެސް ރައްޔޔިތުންވެސް މިއީ އާދައިގެ ކަމެއްގެ ގޮތުގައި ނުދެކި ސީރިއަސްވާނެޖެހޭ
ސޮމްޗައި
04 March 2020
ހަދާޓެސްޓު އެމެރިކާގަވެސް ގޯސްކޮށް ނޫނޫ ކޮންޓެމިނޭޓުވެފާހުރީ، މިހާރު ޓެސްޓު ކިޓުތައް ބަދަލުކޮށް ޓެސްޓު ކުރަންފެށީމާ ޕޮޒިޓިވްވާންއެފެށީ. މިހެން މިކަންއޮތްއިރު ބައެއްމީހުން ޓެސްޓު ނެގަޓިވްވެފަ މާފަހުން ޕޮޒިޓިވްވެއެވެ
ވެރިޔާގެބަސް
04 March 2020
ޕީޕީއެމް ކުދިން ބުނާކަހަލަ ވައިރަސް ނުފެނިގެން ހާދަހާ ވާ ދެރައޭ! ބުނަންތަ ވައިރަސް ފެތުރޭއިރު ކޮންޕާޓީއެއްތޯ ނުބަލާނެ! ކޮންމެ މީހަކަށްވެސް ޖެހިދާނެ! އަދި ދަރިއަކަށްވެސް ޖެހިދާނެ! މިކަމާމެދު ވިސްނާ! ހަސަދަ ވެރިކަމުގެ ހުޅުގަނޑުގައި އަނދައިގެން ނުދޭ!
ހަބީބު
04 March 2020
ކޮންމެ ކަމެއް ސިޔާސީ ނުކޮއްބަލަ
ފާތޭ
04 March 2020
ސްކޫލްތަށް ބަންދުކުރަންވެސް ފެނޭ. ކަމެއްވީމައެއް ނޫން ތެޅިގަންނާނީ....
ގަލީބު
04 March 2020
ބައްޔެއްނުން. އަމިއްލަ ދަރި ގޭގައި ބެހެއްޓީމަ ނިމުނީނުން. ރާއްޖެ އޮތީ ކޮރޯނާ ވައިރަސް ފެތުރިއްޖެ ނަމަ އަޅާނެ ފިޔަވަޅުތައެއް އެކަށައަޅާ، އެކަން ޑަބްލިއު އެޗްއޯ އާ ހިއްސާކޮށް، އޭގެ ޕްރޮސީޖަރަލް ޕެލޭން އެކަށައަޅާ ޮޔެ ނިންމާފަ. ކިިތއްމެ ކުޑަ ޤައުމަކަސް، އަދި ކޮންމެ ސަރުކާރެއް އޮތަކަށް، ރާއްޖެ އަކީ ތިކަހަލަ ކޭސްތަކުގައި ވަރަށް ރަނގަޅަށް އެކަށޭނެ ފިޔަވަޅު އަޅާ ޤައުމެއް، ސާރސް، މާރސް، އެންތްރެކްސް އަދި މިހާރު ކޮވިޑް ގެ މައްސަލާގައިވެސް ކަންއޮތީ މިހެން.
ސާޖިދު ނަދި އަދުވާލާ
04 March 2020
ސްކޫލްތައް ބަންދުކޮށްފަ ކޮންމެ ދެރެއިން އެއްރޭ ފާތޭމެން ގޮސް އޮވޭ ކާނިވަލުގަ. ކާނިވާ ސަރަހައްދަށް ތިޔަ ވައިރަހެއް ނާރާނެ. އެހެންޏަ!
ހަސަނު
04 March 2020
ކޮބާ އިޓަލީ ؟؟
ާފުނަދޫ ނަށީދު
04 March 2020
ޕޮޒިޓިވް އެއް ނޫނޭ ޕޮޒިޓިވް އެއް ނޫނޭ. ކަމަކީ ސިއްރު ކުރާ ވަރަށް ވުރެން ނުރައްކާތެރި ކަމެއް. ތިހޭލަބަލަ. ކިހިނެއްވެގެންތަ ތި ތެޅި ފޮޅެނީ؟
ރިސޯޓް ބޯއީ
03 March 2020
އެބަލިން ރައްޔިތުން ރައްކާ ތެރި ކުރަން ކޮން ކަ މެއް ކުރެވުނީ . އަދިވެސް ބަލި އެތެރެ ވާން ހުރި މަގުތައް ހުރީ ހުޅުވިފަ. ބަލި ފެތުރޭ ގައު މިތަނުން ފަތުރު ވެރިން އާދޭ. ރިސޯޓް ބޯއީން ނުރައް ކަލުގެ މަތީގާ. ާ