ކުރެއްދޫ އައިލެންޑު ރިސޯޓު: އެ ރިސޯޓަށް ޗުއްޓީ އަށް އައި އިޓަލީގެ ޓޫރިސްޓަކު އެނބުރި ގައުމަށް ދިޔަ ފަހުން ކޮވިޑް-19 އަށް ޕޮޒިޓިވް ވި ކަން އޭނާ އަށް އަމިއްލަ އަށް ގުޅާފައި އެންގި.
09 މާޗް 2020 - 14:24
86 comments
ކޮރޯނާވައިރަސް އަށް ރާއްޖެ އިން ފުރަތަމަ ޕޮޒިޓިވްވި ދެ މީހުންގެ ހަށިގަނޑަށް އެ ވައިރަސް އެރި ސަބަބު ކަމަށް ބެލެވޭ އިޓަލީގެ ފަތުރުވެރިޔާގެ ހާލަތު ކަމާ ބެހޭ ރަސްމީ ފަރާތްތަކަށް ނޭންގީ ކީއްވެގެންތޯ ބެލުމުގެ ތަހުގީގެއް ކުރިއަށް ގެންދާ ކަމަށް، ޓޫރިޒަމް މިނިސްޓަރު އަލީ ވަހީދު މިއަދު ވިދާޅުވެއްޖެ އެވެ.
އެކަމަކު "މިހާރު" އަށް ދެއްވި ހާއްސަ އިންޓަވިއުއެއްގައި، އެއީ ޅ. ކުރެއްދޫ އައިލެންޑް ރިސޯޓްގެ މެނޭޖްމަންޓުން ގަސްދުގައި ކުރި ކަމެއްތޯ ނުވަތަ އޮޅިގެން ހެދުނު ގޯހެއްތޯ ސުވާލު ދެންނެވުމުން އޭނާ ވިދާޅުވީ ކަން ހިނގި ގޮތް އެނގޭނީ "ތަހުގީގު ނިމުމުން" ކަމަށެވެ.
ކުރެއްދޫ ރިސޯޓްގެ ބޭރު ޑޮކްޓަރުގެ ކިބައިން ވެސް ފެންނަން ފެށީ ކޮރޯނާވައިރަސް އިން ޖައްސާ ކޮވިޑް-19 ބަލީގެ އަސަރުތައް ކަމަށް ލަފާކޮށް، ކަމާ ބެހޭ ފަރާތްތަކުގެ ސަމާލުކަމަށް މައްސަލަ ގެނައީ، އިޓަލީގެ ދަތުރުވެރިޔާ އެނބުރި އިޓަލީއަށް ގޮސް، ކޮރޯނާވައިރަސް އަށް ޕޮޒިޓްވުމުން، އެކަން ދިވެހި ސަރުކާރަށް އެންގުމާ އެކު އެވެ.
"މިހާރު" އަށް އެނގިފައިވާ ގޮތުގައި އެއީ 12 މީހުންގެ ގްރޫޕަކާ އެކު ކުރެއްދޫ ރިސޯޓްގައި ޗުއްޓީ ހޭދަކުރަމުން ދިޔަ މީހެކެވެ. ރިސޯޓުން އޭރު ފުރުވައިލީ އޭނާ އެކަނިތޯ ނުވަތަ ގްރޫޕާ އެކުގައިތޯ، ކަށަވަރެއް ނުވެ އެވެ.
އިއްޔެ ބޭއްވި ނިއުސް ބްރީފިންގައި ޓޫރިޒަމް މިނިސްޓަރު އަލީ ވަހީދު ވާހަކަ ދައްކަވަނީ.---ފޮޓޯ: އަހުމަދު އަވްޝަން އިލްޔާސް/މިހާރު
އިޓަލީ އަކީ ކޮރޯނާވައިރަސް އެންމެ ބާރަށް މިހާރު ފެތުރެމުން އަންނަ ގައުމަށް ވުމާ އެކު އިޓަލީގެ ޓޫރިސްޓަކު ހުން އައިސް ބަލިވެ އުޅުނު ވަގުތު އެކަން ސަރުކާރުގެ ކަމާ ބެހޭ ފަރާތްތަކަށް ނޭންގުމުގެ ގެއްލުން މުޅި ރިސޯޓްގެ އިތުރުން ރާއްޖެ އަށް ވެސް މި ވަނީ ކުރިމަތިވެފަ އެވެ.
ރޭ އޮތް ނޫސްވެރިންގެ ބައްދަލުވުމުގައި ހެލްތު މިނިސްޓަރު އަބްދުﷲ އަމީން ވިދާޅުވީ ކޮރޯނާވައިރަސްއަށް ޕޮޒިޓިވްވި ކުރެއްދޫ ރިސޯޓްގެ ބިދޭސީ ދެ މުވައްޒަފުންނާ ބައްދަލުވެފައި ތިބި މީހުންގެ އަދަދު 173 އަށް އަރާފައިވާ ކަމަށެވެ.
"މިހާރު"އާ ވާހަކަ ދައްކަވަމުން އަލީ ވަހީދު ވިދާޅުވި ގޮތުގައި އިޓަލީގެ ފަތުރުވެރިޔާގެ މައްސަލާގައި "އިހުމާލްވި ފަރާތެއް ވާ ނަމަ ފިޔަވަޅު އަޅާނެ" އެވެ.
"އިޓަލީ މީހާ ފުރައިގެން ދިޔަ ގޮތް ތަހުގީގު ކުރަމުން މިދަނީ،" މިނިސްޓަރު ވިދާޅުވި އެވެ.
"އެ ތަހުގީގު ނިމުނީމާ އެނގޭނެ ވީ ގޮތް."
އިހުމާލު ވެއްޖެ ނަމަ ޖިނާއީ ތަހުގީގަކަށް ދާނެ. މި ކަހަލަ ކަންކަމުގައި ފަރުވާކުޑަކޮށްގެން ނުވާނެ: އަލީ ވަހީދު
އެކަމަކު އޭނާ ވިދާޅުވި ގޮތުގައި ތަހުގީގަކާ ހަމައަށް ދާން ޖެހުނީ ރާއްޖެއިން ފުރިއިރު ބަލީގެ އަލާމާތްތައް އޭނާގެ ކިބައިގައި ހުރުމާއި އޭގެ ފަހުން ރިސޯޓްގެ ދެ މުވައްޒަފަކު ވައިރަސް އަށް ޕޮޒިޓިވްވުމުންނެވެ.
"ބަލީގެ އަލާމާތްތައް ހުރެފައި އޭނާ ރާއްޖެއިން ދިޔަކަން އެނގޭ. އެހެންވެ ތަހުގީގުކުރަން ޖެހުނީ،" އަލީ ވަހީދު ވިދާޅުވި އެވެ.
"އިހުމާލު ވެއްޖެ ނަމަ ޖިނާއީ ތަހުގީގަކަށް ދާނެ. މި ކަހަލަ ކަންކަމުގައި ފަރުވާކުޑަކޮށްގެން ނުވާނެ."
ރާއްޖޭގައި އެންމެ ފުޅާ ދާއިރާއެއްގައި ޓޫރިޒަމްގެ ވިޔަފާރި ހިންގާ ކްރައުން އެންޑް ޗަމްޕާ ރިސޯޓްސްގެ ކުރެއްދޫ މިހާރު އޮތީ 1،300 އަށް ވުރެ ގިނަ މީހުންނާ އެކު ކަރަންޓީންކޮށްފަ އެވެ. އޭގެ ތެރޭގައި 699 ޓޫރިސްޓުން ހިމެނެ އެވެ. ދެން އުޅެނީ 270 ދިވެހި މުވައްޒަފުންނާއި، އިމާރާތްކުރުމުގެ މަސައްކަތަށް ގޮސް ތިބި އެހެން ކުންފުންޏެއްގެ ބިދޭސީންނާ އެކު 420 ބިދޭސީ މުވައްޒަފުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޭކެނޑޭ
10 March 2020
ދަޢުލަތުން މަޙުޖަނުންނަށްޓަކައި ރައްޔިތުން ޤުރުބާން ކުރަނީ. ރައްޔިތުން ހޭއަރާ ތިބޭ. ދަޢުލަތް މިއޮތީ އެފަދަ މަހުޖަނުންގެ އުގަށް ވެއްޓިފާ. އެވެރިންނަކަށް ރައްޔިތުން އެހާ މިޙިންމެއްނޫން ކަމުގައި ދެކެން. ނިކަން ކެރޭނަމަ ތިޔަ ރިސޯރޓް މިލިއަން ޑޮލަރުން ޖޭރިމަނާ ކޮއްލަބަލަ. އޭގެ ފަހުގައި ރައްޔިތުންގެ ޙައްޤު ގައޭ މަސައްކަތް ތިމަންމެން މިކުރަނީ ބުނޭ.
ދަތްނެތްކުއްޖާ
10 March 2020
އެއީ މަޙުޖަނެއްގެ ރިސޯރޓް އެއްގައި ހުރި މީހަކަށް ވެފައި އެ ރިސޯރޓްގެ އަގު ވެއްޓި ދާނެތީ ރައްޔިތުންނަށް ވަރަށް ސިއްރުން ހިންގި ޖަރީމާ އަކަށް ވުން އެކަށީގެންވަނީ. މި ރިސޯރޓްގެ އޯނަރު މިލިއަން ޑޮލަރުން ޖޫރިމަނާ ކުރަންޖެހޭނެ ކަމަށް ރައްޔިތުން ދެކެން. ވިޔަފާރި ވެރިޔާ ބަގުރޫޓު ވެދާނެ ކަމަށް ހީކޮއް ރައްޔިތުން އެ މަޙުޖަނަށްޓަކައި ދަޢުލަތުން ޤުރުބާން ކުރާކަށް ނުޖެހޭ.
އިބިރިހިންބެއްޔާ
10 March 2020
އަމުރުކުރަންވާފަރާތް ނޭގިފައި ތިބީމަ.
ާއުނިމާ
10 March 2020
ބަލިވެ ހުއްޓާ އެތެރެވެ، އެއަރޕޯޓުން ރެޒޯޓަށްގޮސް އެތާއުޅެ، ފުރަން އެއަރޕޯޓަށްގަޮސް ބޯޓުން ބާލާ، އެތާ ކުލިނިކަށް ދައްކާ މާލެ ގެނެސް މާގިރި ހޮޓަލުގައި 2 ދުވަހު ހުރެ، ފިހާރަތަކަށް އެއްޗެތި ގަންނާންގޮސް ކެފޭއިން ކައިބޮއެ އަނެއްކާ އެއަރޕޯޓަށް ގޮސްފުރީ، އޭނަގޮސް ސަރުކާރަށް އެންގީ، އެހެންވީރު ރަނގަޅަށް މޮނިޓަރ ކުރެވިއްޖެނޫންތޯ، ސާބަސް ދަންނަވަންޖެހޭ ކަމާބެހޭ ފަރާތްތަކަށް!
ސަމީ
10 March 2020
އަލީ ވަޙީދު މާ ތާހިރެއް ނޫން ތިޔަ ވާހަކަ ދައްކާ ކަށް، އިޓަލީ އަކީ އެންމެ ބާރަށް ރޯގާ ފެތުރެމުންދާ ޤައުމުކަން އިގިހުރެވެސް އެމީހުިން އެތެރެވުން ނުހުއްޓުވާ ތިބީ ، ފައިސާގެ ދަހިވެތިކަމުގައި، މިހާރު ތާހިރު ވެއްޖެއެންނު ، އަދި އެބަބުނެއެންނު ލަހެއް ނޫނޭ ފިޔަވަޅު އެޅި ވަގުތު. ބަލަ އެމީުންގެ މީހަކު ޕޮސިޓވްވީމަ ތިޔަ ފިޔަވަޅު އެޅި، މީނަ އާއި ދޭތެރޭ ޖެހޭނެ ފިޔަވަޅު އަޅަން
ހަވީރު
10 March 2020
ބޭކާރު ކަންތައް ނުކުރޭ، ރިސޯޓުގެ މަހުޖަނުންނަކަށް އެއްވެސް ކަމެއްނުވާނެ. އައްޔަމެން ތިބޭނީ އެވެރިންގެ އުނގުގަ.
ސަންގު ގޮއްވާ
10 March 2020
ކަންވެނިމުމުން ދެންކޯންޗެއް ބަލާކައް ތިކަމުގަ ހުރިހާދިމާލެއްގެ އިހްމާލް އެބައޮތް ކިތައްމެވަރަކައް ބެލިއަސް ނިކުންނާނާނީ އެކައްޗެއް
މަށެއްނޫން
10 March 2020
އިޓަލީ މީހާ ރަނގަޅުކަމުން އޭނަ ޕޮޒިޓިވް ވާހަކަ ބުނީވެސް. ރިޒޯޓު މެނޭޖުމަންޓަށް އެވަރުވެސް ނުކުރެވުނު. ރިޒޯޓު މެނޭޖުމަންޓުން ކުރިކަމަކީ ރިޒޯޓުގަހުރި ޑޮކަށް އޭނަ ދެއްކީ. ޑޮކުގެވެސް މެނޭޖުމަންޓުގެ ވެސް ނެތް މިކަން އެލާޓުކޮށްލާނެ ހޭވެރިކަމެއް. މެނޭޖުމަންޓަށް ހޭވެރިކަން އައީ އެމީހާ ބޭރަށް ގޮސް ރިޕޯޓުކުރީމަ.
ސްމާރޓ
10 March 2020
މިސަރުކާރުންހިންގާތަހުގީގެއްވެސް ބަލައިގަންނަން ވވވވއުނދަގޫ ސަބަބަކީ ހުރިހާކަމެއްގަވެސް މިއޮންނަނީ ދޮގުހެދުމާއި އޮޅުވާލުމާއި ވައްކަންކުރުން އެއްވެސްގޮތަކައް ރައްޔިތުންނައް ވަފާތެރިސަރުކާރެއްނޫންމިއީކީއެއް
ގައުމީދޫ
09 March 2020
ޢިޓަލީމީހާ ބަލިވެ ހުއްޓާ އެތެރެވީ ގޮތަށް ބޭރުވީ!