މާލެ: މާޗް 3، 2020- ކޮވިޑް-19 އިން ރައްކާތެރިވުމުގެ ގޮތުން ހެލްތު ޕްރޮޓެކްޝަން އެޖެންސީ (އެޗްޕީއޭ) އާއި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) ގުޅިގެން މާލޭގެ ބިސްބުރު ސަރަހައްދުގައި ކުރިއަށް ގެންދިޔަ ޑްރިލްގައި ސިފައިންގެ ބަޔަކު ހަރަކާތްތެރިވަނީ. --ފޮޓޯ: އަހުމަދު އަވްޝަން/މިހާރު
23 މާޗް 2020 - 17:54
18 comments
ކޮވިޑް-19 އަށް ޝައްކުކުރެވިގެން ސިނަމަން ހަކުރާހުރާ މޯލްޑިވްސް އިން އެކަހެރިކޮށްފައިވާ ބިދޭސީ މީހާއާ ޑައިރެކްޓް ކޮންޓެކްޓްވި އެއާޕޯޓުގެ ގިނަ މުވައްޒަފުންތަކެއް އައިސޮލޭޓްކޮށްފި އެވެ.
ނެޝަނަލް އިމަޖެންސީ ސެންޓަރުން ދަރުބާރުގޭގައި މިއަދު ބޭއްވި ނޫސްވެރިންގެ ބައްދަލުވުމުގައި ރައީސް އޮފީހުގެ އަންޑަ ސެކްރެޓަރީ މަބްރޫކް އަބްދުލްއަޒީޒް ވިދާޅުވީ، ހަކުރާހުރާ އިން ޝައްކުވި މީހާގެ ނަތީޖާ އަދި ނުލިބޭ ކަމަށެވެ. އެހެންނަމަވެސް އެ ކޭސްއާ ގުޅިގެން ގިނަ ބަޔަކަށް އައިސޮލޭޝަނަށް ދާން އަންގާފައިވާ ކަމަށް ވިދާޅުވި އެވެ.
އޭގެ ތެރޭގައި ކަސްޓަމްސްގެ 17 މުވައްޒަފުންނާއި އެމްއޭސީއެލްގެ 41 މުވައްޒަފަކާއި އިމިގްރޭޝަންގެ އެކަކާއި ޓީއެމްއޭގެ ތިން މުވައްޒަފެއް ހިމެނޭ ކަމަށް މަބްރޫކް ވިދާޅުވި އެވެ.
އޭނާ ވިދާޅުވީ އެ މީހާގެ ނަތީޖާ އަދި ލިބިފައިނުވި ނަމަވެސް މި އެންމެނަކީ ވެސް އެއާޕޯޓް މުވައްޒަފުން ކަމަށްވުމުން އެ މީހުންނަށް އައިސޮލޭޓްވާން އަންގާފައިވަނީ އެންމެންގެ ސަލާމަތާއި ރައްކާތެރިކަމަށް ވިސްނާފައި ކަމަށެވެ.
މީގެ އިތުރަށް މި މަހު 20 ވަނަ ދުވަހު މާލެ އައި ދިވެއްސަކު ވަނީ އައިސޮލޭޓް ކޮށްފައިވާ ކަމަށާއި އެ މީހާއާ ބައްދަލުވި މީހުން ހޯދަން މާލޭގައި އިތުރު ކޮންޓެކްޓް ޓްރޭސިން ހަދަމުންދާ ކަމަށް ވިދާޅުވެފަ އެވެ.
ރާއްޖޭގައި މިހާރު ކަރަންޓީންގައި ޖުމްލަ 496 މީހުން ތިބި އިރު، 19 މީހުން ވަނީ އައިސޮލޭޓްކޮށްފަ އެވެ.
މީގެ އިތުރަށް މޮނިޓަރިންގައި ވެސް ބައެއް ރިސޯޓުތައް އޮތް އިރު މާލޭގެ ދެ ގެއެއް ވެސް މިހާރު ވަނީ މޮނިޓަރިންގެ ހާލަތަށް ގެނެސްފަ އެވެ.
ރާއްޖެ އިން މިހާތަނަށް މި ބައްޔަށް 13 މީހަކު ޕޮޒިޓިވްވެފައިވާއިރު ފަސް މީހުން ވަނީ މުޅިން ރަނގަޅުވެފަ އެވެ. އެހެންނަމަވެސް ކުރިއަށް އޮތް ދެތިން ހަފްތާއަކީ މިބަލި އެންމެ ޕީކްވާނެ ދުވަސްތައް ކަމަށް ބެލެވޭތީ އެންމެންވެސް ފަރުވާ ކުޑަ ނުކުރުމަށް ސަރުކާރުން އަންނަނީ އިލްތިމާސް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޭބަލިމިތުރު
23 March 2020
މިހާރު އެއަރޕޯޓްބަންދުކުރާކައް އަދިވެސް ނުވޭތޯ؟. ﷲގެ ރަހްމަތުން ރަށުތެރެއައް ބަލިނުފެތުރެނީ، ކޮންޓެކްޓްޓްރޭސިންއަކީ ތިގޮތައްހެދޭނެ އެއްޗެއްނޫން، މިމަހުގެ 6 ގަ ފުރި މީހަކާ ކޮންޓެކްޓް ޓްރޭސިން 7 ދުވަސްފަހުންހަދާނީ ކިހިނެއްބާ؟. ތިޔަޑައިރެކްޓް ކޮންޓެކްޓްވި މީހާ ބައްދަލުވިމީހުނާ އެމީހުން ބައްދަލުވިމީހުން ، އެގޮތައް ކިހާބޮޑު ޗެއިނެއް މިހާރުއޮންނާނެތޯ؟.
ޑރ. ރާމީ ހަަސަން ނިއުޔޯކް/އެެމެރިކާ
23 March 2020
ސަރުކާރުގެ ޕޮލިސީ އަކަށް ވާންވާނީ، "އެންމެ ފުރާނަ އެއްވެސް މުހިއްމު". ނަމަވެސް އިބޫ ގެ ޕޮލިސީ އަކީ، "ހަނގުރާމަ އެއް ވިއްޔާ މީހުންވެސް މަރުވާނެ". ދިވެހި ޑޮކްޓަރުންނާއި މެޑިކަލް އެސޯސިއޭޝަން އިން އަދު ގެ ރައީސް އިބޫ އަށް ވިސްނާދީ އެއަރޕޯޓް މުޅިން ބަންދު ކުރުމަށް އިރުޝާދު ދިނުން ފެނޭ. މި ބަލި ޖެހޭ ކޮންމެ މީހަކު އެތައް އެތައް ބަޔަކަށް މިބަލި ޖައްސާ، ފެތުރިގެން ހިނގައިދާނެތީ !!! ބޭރުގެ އެހީ އިން މިދުވަސް ކޮޅަށް ޑޮލަރު ހޯދެންވާނެތާ!
ތަންބަރލީނާ
23 March 2020
ތިޔަ 20 މާޗުގައި އައި ދިވެހި މީހާގެ ނަތީޖާ ކޮބާތަ?? ޕޮޒިޓިވް ވީތަ ކޮންޓެކްޓް ޓްރޭސިންގ ތިޔަ ވަރަށް ތިޔަ ހަދަނީ
ހަމަވިސްނާ
23 March 2020
ތިގޮތަށް އައިސޮލޭޓް ކުރެވޭނީ އެމްއޭސީއެލް ގެ ކިތައް ބެޗްތޯ؟
އަލިބޭ
23 March 2020
އެއާޕޯޓުގައި މަސައްކަތް ކުރާ ހުރިހާ އޮފީސް ތަކެއްގެ މުވައްޒަފުން ތިބުމާ ކެއިން ބުއިމުގެ ހުރިހާ ކަންކަން އެއާޕޫގައި ހަމަޖައްސަން ފެނޭ. ފްލައިޓް ކުރޫއިންވެސް. ކޮންމެ ދުވަހަކު މާލެ އައުމުގެ ބަދަލުގައި. ރިސްކު އަދިވެސް ކުޑަކުރަންފެނޭ
ހުވާ
23 March 2020
ކާކުއަންނާތީ ތިބެންވީ. 100އެއްހާ މީހުން އަންނާތީ 10ހާސް މުވައްޒަފުން އުޅެންޖެހޭތަ؟ ބަންދުކޮށްބަލަ.
އާާޒާދު
23 March 2020
މިހާރު ހަމަ ކޮންމެ ގަޑިއްގާވެސް އުފުރާލާފަނެ ދެއްތޯ؟
ބަލާއެލެކްސް
23 March 2020
ބަލާނެކަމެެއްނެތް މިއަދުވެސް ގަތަރުން ޓޫރިސްޓުންއަޔޭ. ގަތަރުގާ 483 މީހުން ޕޮޒިޓިވްވެފަޔޭ. މިތާ ފެތުރުނިއްޔާ ސަރުކާރު ފެއިލްވީއޭ
ނެކްސްޓް
23 March 2020
ކޮންޓެކްޓް ޓްރޭސިން ހަދާލާ ހަދާލާ ތިބެންވީ. މިހާރު ބަލަންވީ ކޮންމެ ޤައުމަކުން އަންނަ ކޮންމެ މީހަކީވެސް ވައިރަސް ހިގައިގެން އަންނަ ޕޮޓެންޝަލް ސަސްޓެކްޓެއް ކަމަށް. ކ
ާއަލީ
23 March 2020
ހަމައެކަނި ދިވެހިފުލުހުންނާ ސިފައިންނަކަށް މިކަމެއްނުކުރެވޭނެ. މިހާރުވެސް އެމީހުން ފުރާނަ އަތްމަށްޗަށް ލަައިގެން ހުރިހާ ނުރައްކަލަކާކުރިމަތިލަނީ. ދިވެހިންގެ ގިނަބަޔަކު ކަންބޮޑުވާހެން ހީއެއްނުވޭ ހަވީރު ފިންޏަށްބުރުޖަހާއިރު. ފުލުހުންނާއި ސިފައިންނަކީވެސް އާއިލާއެއްވާބައެއް އެއީވެސް އިންސާނުން. ރައްޔިތުން ވެއްޖެ ހޭއަރަންމިހާރު. ސަރުކާރުން ބަސްގަބޫލުނުކޮށް ބޭރުތެރޭއުޅޭގުރޫޕު ހައްޔަރުކުރަންވީ.
ފޫހި
23 March 2020
ދޮރާށި ހުޅުވައިގެން އިގްތިސޯދޭކިޔައިގެން ތިއްބަސް އެއަރލައިންތަށް ހުއްޓާލާ އެ ގައުމުތަކުގެ މީހުންވެސް އެތިބީ އާދެވޭ ހާލެއްގައެއްނޫން. އިޓަލީވެސް ތިޔަގޮތަށް ހުޅުވާލައިގެން ތިއްބާ ލިބުނުދެރަބަލާލާ.