އެންއީއޯސީން މިއަދު ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާނު، މަބްރޫކް އަޒީޒް ވާހަކަދައްކަވަނީ
22 އެޕްރީލް 2020 - 20:08
20 comments
ކޮވިޑް-19 ކޮންޓްރޯލްކުރަން އެޅި ފިޔަވަޅުތަކުގައި ރިސޯޓްތަކުން މީހުން ފޭބުން މަނާކުރުމަށް ފަހު އެކަމުގައި ލުއި ދީ، ހަމަޖެއްސި އުސޫލާ އެއްގޮތަށް ރިސޯޓުތަކުން ދާ މީހުން އެ މީހުންގެ ރަށްރަށް ދިއުމުން ރަށަށް ނާރުވާ މައްސަލަ ދިމާވާ ކަމަށާއި އެކަން އެގޮތަށް ވެގެން ނުވާނެ ކަމަށް ރާއްޖޭގައި ކޮވިޑް-19 ގެ ހާލަތާ ގުޅޭ ގޮތުން މައުލޫމާތު ދޭން ސަރުކާރުން ހަމަޖައްސާފައިވާ ތަރުޖަމާން މަބްރޫކް އަޒީޒް މިއަދު ވިދާޅުވެއްޖެ އެވެ.
ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ރިސޯޓުތަކުގައި ތިބި މުވައްޒަފުންނަށް ރިލީޒް ލިބި ރަށަށް ދިއުމުން ރަށަށް އެރުން މަނާކުރާ މައްސަލަ ދިމާވެ އެ ޝަކުވާ ލިބިފައިވާ ކަމަށެވެ.
މަބްރޫކް ވިދާޅުވީ ރިލީޒް ލިބިފައިވާ ރިސޯޓުތަކުގައި ތިބި މުވައްޒަފުންނަށް، އެ މީހުން ރަށަށް ދެވޭނެ ކަމަށް އެޗްޕީއޭ އިން އަންގާފައިވާ ކަމަށެވެ. އެގޮތުން، އެ ރިސޯޓެއްގައި ހުރި މުވައްޒަފަކު ދަތުރުކުރާ ރަށަކަށް ރިސޯޓުން އެކަން އަންގަން ޖެހޭނެ ކަމަށް ވިދާޅުވި އެވެ.
އެއްވެސް ރަށަކަށް އެ މީހުން އެރުން މަނާނުކުރެވޭނެ ކަމަށާއި އެ މީހުން ރަށަށް އެރުމުގެ އިންތިޒާމު ހަމަޖައްސާދޭން ޖެހޭނީ ކޮވިޑް-19 އަށް ހާއްސަކޮށް އެ ރަށެއްގައި ކަނޑައަޅާފައި އޮންނަ ޓީމުން ކަމަށް މަބްރޫކް ވިދާޅުވި އެވެ. އެގޮތުން އެ ރަށުގެ ހާލަތަށް ރިއާޔަތްކޮށް އެމީހަކު އައިސޮލޭޓްކޮށް ނުވަތަ ކަރަންޓީންކުރާނެ އިންތިޒާމުތައް ހަމަޖައްސައިދޭން ޖެހޭނީ އެރަށެއްގައި އޮތް ޓީމަކުން ކަމަށް މަބްރޫކް ވިދާޅުވި އެވެ.
މަބްރޫކް ވިދާޅުވީ މިހާތަނަށް ލިބިފައިވާ މިކަހަލަ ކޭސްތަކަށް ބަލާއިރު ވާހަކަދައްކައިގެން މައްސަލަ ހައްލުކުރެވިފައިވާ ކަމަށެވެ. އަދި މިފަދަ ދަތިތައް ދިމާވާ ނަމަ ޓޫރިޒަމް މިނިސްޓްރީ އަށް އަންގަން ވެސް އެ މިނިސްޓްރީން އެދިފައިވާ ކަމަށް މަބްރޫކް ވިދާޅުވި އެވެ.
ރާއްޖެއިން ކޮވިޑް-19 ފުރަތަމަ ފެނުނީ ރިސޯޓަކުންނެވެ. އޭގެ ފަހުން ރާއްޖޭގެ ރިސޯޓުތަކުން މުވައްޒަފުން ފޭބުން ވަނީ މަނާކޮށްފަ އެވެ. ނަމަވެސް މިހާރު ވަނީ ރިސޯޓުތަކުން އެންމެ ފަހު ޓޫރިސްޓް ފައިބާތާ 14 ދުވަސް ހަމަވުމުން ރިސޯޓުން މުވައްޒަފުން ފޭބުން ހުއްދަކޮށްފަ އެވެ.
ރާއްޖޭން މިހާތަނަށް 41 ދިވެއްސަކަށާއި 45 ބިދޭސީއަކު ވަނީ ކޮވިޑް-19 އަށް ޕޮޒިޓިވްވެފަ އެވެ. އާންމުންގެ ތެރޭގައި މި ބަލި ފެތުރެން ފެށީ ރިސޯޓަކަށް އައި ޓޫރިސްޓެއްގެ ކިބައިން ބަލި ފެނުނުތާ 40 ދުވަސް ފަހުން މާލޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމަރޯޅި
23 April 2020
ބުނަންތަ ވާހަކައެއް އިނގިރޭސި ވިލާތާ މެލޭ ސިންގަޕޯރު ދުރު ކަރަކަރާގަ ތިބި މީހުން ވަނީ ރާއްޖެ ގެނެވިފަ އެކަމަކު ރާއްޖޭގެ މީހުން އެއްރަށުން އަނެއްރަށަށް ނުދެވި މާލޭގަ ތާށިވެފަ ތިބީ އެކަމާ އުޅޭ އެކަމާ ވާހަކަދައްކާ މީހަކު ނެތެވެ ދެމަފިރިންނާ ކުއްޖަކާ މާލޭގަ ތަންހިފައިގެން އުޅެނިކޮށް ފިރިހެންމީހާ ރިސޯޓުން ކަނޑާލާފަ ފޮނުވީމަ ކުލި ނުދެއްކި ފުރަބަންދު ވުމުން ރަށަށް ނުދެވި މާލޭގަ އެބަތިއްބެވެ މުޅި މީޑިޔާގަ އިވެނީ ބަންގާޅުންގެ ހައްގުގެ ވާހަކައެވެ ދެނޯ
ބޮޑުމީހާ
23 April 2020
ރިސޯޓުތައް އެކަންޏެއް ނޫން، އަހަރުމެން މާލޭގަ ބޮޑު ކުލީގަ އުޅޭ މީހުންވެސް ބޭނުން ރަށަށްގޮސް 14 ދުވަސް ކީއްކުރަން 30 ދުވަސްވެސް ކަރަންޓީނުގެ ތިބެން. މިއަހަރަކު މިކަމުން ސަލާމަތެއް ނެތް، ކުލި ދެއްކޭނެ ގޮތެއް ނެތް. ދަރަނިވެރިވާން ބޭނުމެއްނޫން، ރަށަށް ދެވޭނެ ގޮތެއް ހޯދައިދީ
ނީރާ
23 April 2020
ރިސޯޓްތަކުން ދާމީހުންަށްވެސް ރަށަށް އެރެންޖެހޭނެއެވެ. ދުނިޔޭގެ އެންެމެ ހައިރިސްކު ޤައުމުތަކުން މީހުން އައިސްތިބީ އެރިސޯޓްތަކުގައި ކަމަށްވީއިރު ޒަރޫރީ ބޭނުންތަކަށް ކޮންމެހެން މާލެ އަންނަންޖެހިގެން މާލެއައިސް ތިބި އަތޮޅުތަކުގެ ރައްޔިތުންނަށްވެސް އެމީހުންގެ ރަށްރަށަށް ދެވެން ޖެހޭނެ. ތުއްތު ތުއްތު ކުދިންތައް ދޫކޮށްފައި މާލެ އަންނަން މަޖުބޫރުވެގެން މާލެ އައިސްތިބި އެތައް ދެމަފިރިންނެއްވެސް މީގެ ތެރޭގައި ހިމެނޭ.
އެޑްމުންޑޯ
23 April 2020
ކައްޕިތާނުގެ ކޮމެންޓަށް މަވެސް ވަރަށް ތާއީދު
މަންމަ
23 April 2020
މަބްރޫކް ބުނެފިއްޔާ އުޑަށްވެސް އެރޭނެހެން ހީވަނީ. ސަރުކާރު މަންދޫބުން ޓީ.ވީ އަށް އަރާފަ އެކަން ވާންޖެހޭނޭ ބުނު މަކުން ނުފުދޭ. އެހެން ބުނަންޖެހޭނީ އެރޭނެ ގޮތް ހަދާފަ. ރެސޯރޓް ސްޓާފުންނަށް ހެދިގޮތުގެ ނަތީޖާ ދައްކާނީ ކުރިއަށް ބާވާ އިންތިޚާބު ތަކުން. ހަނދާނެއް ނުނެތޭނެ ތިހަދަ މުން ގެންދާ ގޮތްތަކެއް. ރެޑީވޭ މިސަރުކާރު.
މުދިމު ކަތީބު
23 April 2020
ރިސޯޓުގައި ތިބެފައި ދާމީހުން ޓެސްޓު ނުކުރާނަމަ ރައްކާތެރިކަމެއް ކަށަވަރެއް ނުކުރެވޭނެ
ސަލީމު އިދުރީސް
23 April 2020
ދިވެހެންގެ ނާނާތަހުޒީބުކަން ބޮޑީ އޮންނަ އުސޫލުން ބޭރުން ކައުންސިލަރުން ކޮއްފާނެ ކޮންމެފަދަ ކަމެއްވެސް މިވަރު ބަޔަކައް ލާމަރުކަޒީ ބަރުތަކެއް ދިނުމަކީ މޮޔަކުއަތައް ކަނޑިޔެއް ދުނުމެކޭ އެއްފަދަ ކަމެއްގޮތުގަ ދެކެން
ށީޒާ
23 April 2020
މިއަދުވެސް މަށައް ގުޅި ކުއްޖަކު ބުނީ ރިސޯޓުން އައިގޮތައް ރޫމެއް ހިފައިގެންނޭ މިއުޅެނީ މިހާރު އަތުގަ ލާރިއެއްވެސް ނެތޭ 4ދުވަސް ވެއްޖެޔޭ އެންމެ ކަޕް ނޫޑުލްސް އެއް ކައިގެން ހުންނަތާ. ބޭރަކަށް ނުދެވެޔޭ ޑެލިވަރީ އަކަށް ގުޅިޔަސް ގެނެސް ނުދެޔޭ. ދެން ކިހިނެއް އެމީހުންނަށް ރޯދަހިފަން ކާއެއްޗެއް ލިބޭނީ. މާރަގަޅުވާނެ އެމީހުން ރަށައް ފޮނުވީޔާ. މިހާރު އަދަބެއް ދީފަ ތިބި ބައެއްހެން.
ކައްޕިތާނު
23 April 2020
ރޯދަމަސް ޖެހިއްޖެ ރިސޯޓްތަކުން އައިސް ރަށައް ނާދެވި ތިބި ކުދީން ރަށައް ފޮނުވާފަ ރަށުގަ ތިބޭފުޅުން ބޭނުންވާތަނެއްގަ އިތުރު14ދުވަސް ވަންދެން އެކަހެރިކޮށްފަ ބައިތިއްބާ. އޭރުން އަހަރުމެން އެމީހުންނަށް ކާއެއްޗެހި ގެެންގޮސް ފާރުމަތިން ނަމަވެސް ހަވާލު ކޮށްދީފާނަން. އެގޮތަށް ވަކީން ބައިތިއްބާނެ ތަނެ ހަމަޖައްސައިދެވެން ނެތީޔާ އެމީހުންގެ އާއިލާތަކަށް އަންގާ މީހުން ނުއުޅޭ ވަކިތަނެއް ހަމަޖައްސަން. މިހާރު މާލޭގަ އެމީހުން އެއުޅެނީ ވވވވވނިކަމެތި ހާލުގަ ނުކައި
ޒަމް ހަރީރާ
23 April 2020
އައްޑޫގެ ޒުވާނުން ރިސޯޓް ތަކުން މާލެ އައިސް މާލޭގަ މަގުމަތިވެފަ ތިބިއިރު އަައްޑޫ ސިޓީ ކައުންސިލު އޮތީ ނުކުޅެދިފަ އެއްކަމެއް ވެސް ކުރެވޭބައެއް ނޫން ފެއިލް ވެފަ އޮށް ކައުންސިލެއް