މަޓާޓޯ އާއި ބޯޓިން އެސޯސިއޭޝަންގެ ބޭފުޅުން މަޝްވަރާއެއްގައި: ހާލުގައި ޖެހިފައިވާ 500 މީހަކަށް ރޯދަ މަހު ކާބޯތަކެތި ފޯރުކޮށްދޭނެ.
23 އެޕްރީލް 2020 - 10:02
13 comments
ކޮވިޑް-19 މާލެ އަށް ފެތުރިފައިވާ މިވަގުތު އެކި ސަަބަބުތަކާ ގުޅިގެން ވަންނާނެ ތަނެއް ނެތި ހާލުގައި ޖެހިފައިވާ މީހުންނަށް ރޯދަ މަހު އެހީތެރިވާން ތިން ފަރާތެއް ގުޅިގެން ނިންމައިފި އެވެ.
ހާލުގައި ޖެހިފައިވާ 500 މީހަކަށް އެހީވާން ނިންމީ މޯލްޑިވްސް އެސޯސިއޭޝަން އޮފް ޓްރެވެލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އާއި ނޭޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް) އަދި ކޮކާކޯލާ މޯލްޑިވްސް އިންނެވެ.
މަޓާޓޯ އިން ރޭ ނެރުނު ބަޔާނެއްގައި ބުނީ މާލެ އާއި ހުޅުމާލޭގައި ސަރުކާރުން ކަނޑައަޅާފައިވާ ވަގުތީ ހިޔާތަކުގައި ތިބި މީހުންނަށް ބޭނުންވާ ކާބޯތަކެތި މާދަމާ ފަށާ ރޯދަ މަހު ފޯރުކޮށްދޭނެ ކަމަށެވެ. އެ ޖަމިއްޔާ އިން ބުނީ ހާލުގައި ޖެހިފައިވާ މީހުންނަށް ކާބޯތަކެއްޗާއި ބޭސްފަރުވާ ނުލިބިއްޖެ ނަމަ އިތުރަށް ހާލަތު ގޯސްވާނެ ކަމަށެވެ.
އެކި ސަބަބުތަކާ ހެދި ވަގުތީ ހިޔާތަކުގައި މި ވަގުތު ބިދޭސީން ވެސް ތިބުމާ އެކު، މަޓާޓޯ އާއި ބޯޓިން އެސޯސިއޭޝަނުން ނިންމާފައި ވަނީ އެއްވެސް ތަފާތު ކުރުމެއް ނެތި ދިވެހިންނެކޭ އެއްގޮތަށް ބިދޭސީންނަށް ވެސް ކާބޯތަކެތި ފޯރުކޮށްދިނުމަށެވެ. އެގޮތުން 500 މީހުންނަށް ބޭނުންވާ ކާބޯތަކެތި ފޯރުކޮށްދޭނެ ކަމަށް މަޓާޓޯ އިން ބުނެ އެވެ. މި ކަމުގައި މަޓާޓޯ އާއި ބޯޓިން އެސޯސިއޭޝަނަށް އެހީތެރިވަނީ ކޮކާކޯލާ މޯލްޑިވްސް އެވެ.
"ސަލްސާ ކޭޓަރިންގެ އެހީތެރިކަމާ އެކު އަޅުގަނޑުމެން ވަނީ މާލެ އިން މި ކަމަށް ޚާއްސަ ބަދިގެއެއް ކަނޑައަޅާފައި. އަދި ހުޅުމާލެ އިން ބަދިގެއެއް ހޯދުމުގެ ކަންކަން ކުރިއަށް އެބަދޭ،" މަޓާޓޯގެ ބަޔާނުގައި ވެ އެވެ.
މަޓާޓޯ އިން ބުނިގޮތުގައި ކޮވިޑް-19 ގެ މި ބަލިމަޑުކަމުގައި ކުރިމަތިވާ މައްސަލަތަކަށް ހައްލެއް ހޯދުމަށް ކަމާ ގުޅޭ އިދާރާތަކާ އެކު އަންނަނީ މަޝްވަރާ ކުރަމުންނެވެ. ހާލުގައި ޖެހިފައިވާ މީހުންނަށް ކާބޯތަކެތި ފޯރުކޮށްދޭނީ އެ އިދާރާތަކުގެ އެހީތެރިކަމާ އެކު ކަމަށް މަޓާޓޯ އިން ބުންޏެވެ.
"އެހީތެރިވާން ބޭނުންވާ އެހެން ފަރާތްތަކުން ވެސް މިކަމުގައި ބައިވެރިވާނެ ކަމަށް ދެކެން،" މަޓާޓޯ އިން ބުންޏެވެ.
މަޓާޓޯ އާއި ބޯޓިން އެސޯސިއޭޝަނަކީ މީގެ 10 އަހަރު ކުރިން އުފައްދާފައިވާ އަމިއްލަ ދެ ޖަމިއްޔާ އެވެ. އެ ދެ ފަރާތުން ވެސް އަންނަނީ މިދިޔަ މުއްދަތުގައި ޓޫރިޒަމް ދާއިރާގައި ދިވެހިންގެ ހިއްސާ ބޮޑުކުރެވޭ ކަންކަންމަށް މަގުފަހި ކުރަމުންނެވެެ.
މާލެ ސަރަހައްދު ލޮކްޑައުން ކުރިއިރު، ހާލުގައި ޖެހި މަގުމަތިވި 80 އަށް ވުރެ ގިނަ މީހުންނަށް ވަގުތީ ބޯހިޔާވަހިކަމާއި ކެއުންބުއިމުގެ އިންތިޒާމު ހަމަޖައްސަމުން ގެންދާ ކަމަށް މިދިޔަ އަންގާރަ ދުވަހު ޖެންޑާ މިނިސްޓްރީން ބުނެފައި ވެ އެވެ.
އަދި 400 އަށް ވުރެ ގިނަ މީހުންނަށް އެފަދަ އިންތިޒާމު ހަމަޖައްސައިދޭން އެދި މާލޭ ސިޓީ ކައުންސިލަށް ވެސް ހުށަހަޅާފައިވާތީ އެ މީހުންނަށް އެހީވުމަށް އެ ކައުންސިލާ އެކު މަސައްކަތް ކުރަމުން އަންނަ ކަމަށް އެ މިނިސްޓްރީން ބުނެފައި ވެ އެވެ. މީގެ އިތުރުން ކުލި ނުދެއްކިގެން ތަންތަނުން ނެރޭ މީހުންނަށް ވެސް ޖެންޑާ މިނިސްޓްރީން އަންނަނީ ވަގުތީ ހިޔާތަކުން ފުރުސަތު ދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެރަވ
23 April 2020
ހެޔޮނުވާނެ މިދަނޑިވަޅުގައި ބިދޭސީން މޯޓިވޓްނުކޮށް އެމީހުންގެ އާއިލާގާތަށް ދިއުމަށް ނަސޭހަތްތެރިވެ އެމަގުން މަސައްކަތް ކޮށްބަލަ. ދެން އިގްތިސޯދު ރަނގަޅު ވުމުން ބިދޭސީން ބޭނުންވާ ކުންފުނިތަކުން އެމީހުން ގެންނާނީ. މިހާރުވެސް ދައުލަތަށް އާމްދަނީ ލިބުން ހުއްޓިއްޖެ. ގައުމުތަކުގެ އެހީގައި ހޯދާފައިވާ އެތިކޮޅު ހުސްވީމާ ދެން ދައުލަތް ދަރަނިވެރިވާނީ.
ކިހިނެއްތަ
23 April 2020
ކިހިނެއްތަ ހާލުގައިޖެހުނީ؟ ކުލިނުދެއްކުނީ މަ ގޭގެވެރިން ގެއިން ބޭރުކޮށްލީ؟
ކޮރަލް
23 April 2020
ހާލުގަ ޖެހޭ .މީހުން.ވަގުތީ ގޮތުން ރިސޯޓް ތަކުގަ ބަހައްޓަން ވީ އެވެ. ރިސޯޓް ހުރީ ހުސްކޮށެވެ.
ފަހުދު
23 April 2020
ރަނގަޅު ޚިޔާލެއް. ޢެކަމު ކުރީދުވަހު ކަރަންޓީނުގަ ތިބިބަޔަކު އުޅުނު ރިސޯޓުގެ ކޮޓަރި ހީވަނީ މަގުމަތީ ކާނުގަންޑެއްހެން.
ނިރު
23 April 2020
މިޤައުމުގަ ވެސް އެބަތިބި ދޯ މަހުޖަނުން ... ރައްޔެތުން ހާލުގަޖެހުނު ދުވަހު އެއިގެން އެކަކުވެސް ނެތް ފެންނާކަށް ... ސިޔާސީ ކަމެއްނަމަ މިއުޅޭ ނަން މަޝްހޫރު މަހުޖަނުން މިލިޔަނުން ޙަރަދު ކޮއްލާކަށް ޖެހުލުމެއް ނުވާނެ
ދެރަ
23 April 2020
ދިވެހިންނަށްވުރެ ގިނަ ބިދޭސީން ބަލަހައްޓަންޖެހޭނެކަމީ ޝައްކެއްއޮތްކަމެއްނޫން. ޢެއީ ހާލުގައި އުޅޭބައެއް. ޢެކަމަކު އެއީ މިކަހަލަ ދަނޑިވެއްގައި ނާޖާއިޒްފައިދާ ވެސް ނަގާބައެއް ރަމަޟޯމަހު މިސްކިތްތަކުގައި ރޯދަވިއްލާގަޑީގައިވެސް މިސްކިތްތަކަށް ގެންދާ ތަކެތި ގިނައަދަދަކަށް ހޯދައިގެން ގެނެސް އެމީހުންގެ ކަންމަތީ ފިހާރަތަކުގައިވިއްކާ. މިދަރަޖައަށް މި ބިދޭސީންގެ ކަންތައްދިޔައީ ދައުލަތާއި ބޮޑެތި މަހުޖަނުންގެ އިހްމާލުން.
އަސޭލާ1
23 April 2020
ކޮބާތަ މިޖަޒީރާގެ ބިން ހިފައިގެން ތިބި އެތައް ސަތޭކަ ރިސޯޓުތައް؟
ވޯޓް
23 April 2020
މި ތިން ފަރާތަށް ދޯ ރައްޔިތުން ވޯޓް ދިނީ. މިހާރު ކޮބާ ދޮރުން ދޮރަށް ހިގި މީހުން. ޢެދޮރުތައް އެދުވަހު ހުޅުވި މީހުން މިހާރު އެތިބީ ބޯހިޔާވަހިކަ މެއް ނެތި.
އެ މެރިކާ
23 April 2020
މިހާރު މީ ޖަޒީރާ އެއް ނޫން. އެ މެރިކާ. ދެން ހޯ މްލެސް މީހުން ދޭ ރަޖިސްޓްރީކުރަން.
ޙުސާމް
23 April 2020
ބަރާބަރު
ޢެހެންތަ ހީވަނީ
23 April 2020
އެއްވެސް ބަރާބަރެއް ނޫން ތިހާ ބޮޑެތި މަހުޖަނުންހާލުގަޖެހުނު ރައްޔިތުން ނަށް 3 އިރު ކާންދޭން ތިބިއިރު ގޭގެ ކުލި ދައްކާލާ ދާއިމީ ގޮތަކަށް އަމިއްލައަށް ކައްކައިގެން ކެވޭނެ ގޮތް ހަމަޖައްސާ ދިންނަމަ ތިޔަ ބަޔަކަށް ވެސް ފަސޭހަ ވެ ހިތްހަމަޖެހިލައިގެން ތިބެވޭނެ އެދިރިއުޅުނު ތަނެއްގަ .ދިވެހިރައްޔިތުންނަކީ ވަގުތީ ބައެއްނޫން .އައިޑީކާޑަކީ ވަގުތީ އެއްޗެއްނޫން .އަދި އެބަޔަކު ލާވޯޓަކީވެސް ހުސްބޭކާރު އެއްޗަކަށް ނުވާތީ މުއްދަތެއް ކަޑައެޅިފަ ތިބޭ ބަޔަކަށް މަގާމުލިބޭ
އިހްލާސްތެރިކަން
23 April 2020
މަބްރޫކް މެން ބީ ކައިންޑް އޭ ބުނެފަ ދޫކޮށްލުމުގެ ނަތީޖާ. މަގުމަތިވާ މީހުން އަދިވެސް ވާނީ އިތުރު. ގާނޫނަކުން ހިމާޔަތްދޭނެހާ އިހްލާސްތެރިކަން ނެތީމަ.
އަޙުމަދު
23 April 2020
ޟަގުމަތިވާ މީހުނަށް ޤާނޫނަކުން ހިމާޔަތް ދެނީ މަބުރޫކެއް ނޫން. ތިއުޅެނީ އޮޅިގެން. މާލޭގައި ސަލާން ޖަހަން ބާޒާރު މަތީގަޔާ ބައެއް ބޭންކް ބުރާންޗް ތަކުގެ ކުރިމަތީގައި ސަލާންޖަހަން އެތިބެނީކީ ގޮތެއްނެތިގެން ތިބޭބައެއްނޫން. ގޮތްތްހުރި މީހުންވެސް އެތާތިބޭ. މީހެއްކައިގާ ތެދުވެރިކަމާއެކު މަސައްކަތްކޮށްގެން އުޅުމުގެ ބަދަލުގައި ސަލާންޖެެހުން އެއީ އެބައެއްގެ ކަށީގަ ހިފާފަ ހުންނަކަމަކަށް ވާތީ އެގޮތަށް އުޅެނީ. ދައުލަތުން ފައިސާދޭމީހުންވެސް އެތަންތާތިބޭ.