މާލޭގެ ރައްޔިތުންނާ ނަޝީދު ވާހަކަފުޅު ދައްކަވަނީ. --ފައިލް ފޮޓޯ
19 މެއި 2020 - 21:28
23 comments
ގައުމުތަކުގެ ބޯޑަރުތައް ބަންދުކުރުމަކީ، ކޮވިޑް-19 ގެ ހާލަތުން އަރައިގަތުމަށް އޮތް ހައްލެއް ނޫން ކަމަށާއި ވީ އެންމެ އަވަހަކަށް ބޯޑަރުތައް ހުޅުވާލުން މުހިއްމު ކަމަށް ރައްޔިތުންގެ މަޖިލީހުގެ ރައީސް، ކުރީގެ ރައީސް މުހައްމަދު ނަޝީދު ގޮވާލައްވައިފި އެވެ.
ކޮމަންވެލްތުން "އިމީޑިއެޓް ރެސްޕޮންސް އެންޑް ފިއުޗާ އޮޕޮޗުނިޓީސް" ގެ ނަމުގައި ޓޫރިޒަމް ދާއިރާއާ ގުޅޭ ގޮތުން ބޭއްވި ވީޑިއޯ ކޮންފަރެންސްގައި އެމަނިކުފާނު ވިދާޅުވީ، ކޮވިޑް-19 އިން ރައްކާތެރިވުމަށްޓަކައި ގައުމުތައް ލޮކްޑައުންކޮށް، ބޯޑަރުތައް ބަންދު ކުރުމަކީ އެންމެ މުހިއްމު ފިޔަވަޅުކަމަށް ގައުމުތަކަށް ހީވި ނަމަވެސް، އެކަން އެގޮތަށް ކޮންގެން އެއްވެސް ގައުމަކަށް ސަލާމަތެއް ނެތް ކަމަށެވެ.
"ރާއްޖޭގެ ސިއްހީ ނިޒާމު ވަރަށް ރަނގަޅު. އަދި މިކަމުން އަރައިގަތުމަށްޓަކައި ހިދުމަތްތައް ފޯރުކޮށްދިނުމަށް ވަރަށް ފަސޭހަ. އެހެންވީމަ މީހުން ކަރަންޓީނު ކުރުން އެއީ އެންމެ ރަނގަޅު ހައްލެއް ނޫން،" އެމަނިކުފާނު ވިދާޅުވި އެވެ.
ނަޝީދު ވިދާޅުވީ، ރާއްޖޭގެ 70 ޕަސެންޓް މީހުން ވަޒީފާ އަދާކުރަނީ ޓޫރިޒަމް ދާއިރާގައި ކަމަށްވާ އިރު ބޯޑަރުތައް ބަންދުކޮށްގެން، ޓޫރިޒަމް ހުއްޓުމަކަށް ގެނެސްފި ނަމަ، މުޅި ދުނިޔޭގެ އިގްތިސާދު އަޑިއަށްގޮސް އިންޓަނޭޝަލް ސްޓެބިލިޓީ ގެއްލޭނެ ކަމަށެވެ.
އެހެން ކަމުން މި ހާލަތުގައި އެންމެ މުހިއްމު ކަމަކީ ބޯޑަރުތައް ހުޅުވާލުން ކަމަށް އެމަނިކުފާނު ވިދާޅުވި އެވެ.
ނަޝީދު މިހެން ވިދާޅުވެފައިވާ އިރު މިދިޔަ މަހުގެ 15 ވަނަ ދުވަހުން ފެށިގެން މާލެ ސަރަހައްދު ވަނީ ލޮކްޑައުންގެ ހާލަތަކަށް ގެނެސްފަ އެވެ. މީގެ އިތުރުން މާޗް މަހުގެ ފަހުކޮޅުން ފެށިގެން ރާއްޖޭގެ ބޯޑަރު ވެސް ބަންދުކޮށްފައިވެ އެވެ.
ކޮވިޑް-19 ގެ ހާލަތާއި ގުޅޭ ގޮތުން ސަރުކާރުން ވަނީ އެންމެ ބޮޑު އިސްކަމެއް ދޭނީ މި ބަލިން ރައްކާތެރިވުމަށް ކަމަށާއި އިގްތިސާދީ ހަރަކާތްތައް އަންނާނީ އެއަށް ފަހު ކަމަށް ބުނެފަ އެވެ. އެގޮތުން ބަލިން ސަލާމަތްވުމަށްޓަކައި އަޅަން ޖެހުނު ހުރިހާ ފިޔަވަޅެއް އަޅާނެ ކަމަށާއި މި ހާލަތުގައި އަމަލު ކުރާނީ، ސިއްހީ ހިދުމަތްތެރިންގެ ލަފާ އާއި އިރުޝާދާ އެކުގައި ކަމަށް ސަރުކާރުން ބުނެ އެވެ.
ރާއްޖެއިން މި ބަލި 1,143 މީހުންނަށް ޖެހިފަ އެވެ. މި ބަލީގައި ރާއްޖެ އިން މިހާތަނަށް ހަތަރު މީހަކު މަރުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
20 May 2020
ރާއްޖޭގެ މީހުންގެ ބޯހަރު ކަމާއެވެ. ދުނިޔޭގެ އެތަށް މިލިއަނަރުންނެއް ރާއްޖެ އަންނަން ރިސޯޓް އޯނަރުންނަށް ރިކުއެސްޓް ކުރާ ވާހަކަ ދައްކަނީ ނަޝީދެއް ނޫން. ބޯޑަރު ހުަޅުވައިގެން ސަލާމަތް އޮތީ. މަރަށް ބިރުގަތަސް ބޮޑުވަރު ޓައިޕިކަލް ދިވެހިން
ޚިޔާލު
20 May 2020
ބޯޑަރު ހުޅުވިޔަސް މާގިނަ ބަޔަކު ނެތް އަންނާކަށް. ހައްލުއޮތީ ބަބުކެޔޮ ގަސް އިންދައިގެން. ކޮންމެ އާއިލާއަކަށް ބަބުކެޔޮ ގަހެއް އިންދައިގެން، ގޯތިތެރޭ ފަޅޯ، މުރަނގަ، ފަލަމަޑީގެ ބާވަތްތައް ހައްދައިގެން އުޅެންވީ. ހުޅަނގު މޫސުމުގައި ނަގަމުންދާ ބިޔަ ރާޅުތަކާއި އުޑުމަތި ބައްދާލާފައިވާ ކަޅުވިލާތައް ނަޝީދަށް ނުފެނުނަސް އަހަރެމެންނަށް އެބަފެނޭ. މަހުޖަނުންގެ ތާއީދު ހޯދަންވެގެން ލޮކްޑައުން އުވާލާ ބޯޑަރު ހުޅުވާ ވާޙަކަދައްކަނީ. ދުނިޔޭގައި މިހާރު ތިބީ މިކަހަލަ 3 ލީޑަރުން
އަނގަ ފޫޅު
20 May 2020
ބަލަ ބޯޑަރު ހުޅުވާފައި ހުއްޓަސް ޓޫރިސަޓުން ނާންނާނެއޭ.. އަހަރެމެން ބޯޑަރު ހުޅިވާގެން ތިއްބާ އެހެން ޢައުމު ތަކުން ބަންދު ކުރި ތަނެއް ތި ދެލޮލަކަށް ނުފެނޭތޭ ؟ހުރިހާ އޯނަރުން ރިޒޯޓް ތަށް ބަނދު ކޮށްފައި ގެޔަށް ދިޔައީ ތި ބޯޑަރު ހުޅުވާފައި ހުއްޓާ ނޫންތޭ؟
ރަދުން999
20 May 2020
މީނަ މިފަހަރު މިބުނީ ރަނަގަޅުވާހަކަ އެއް. މީނައަށް ދުނިޔޭގައި ކަން ހިނގާގޮތް އެބަ އެނގޭ.
ރަދުން999
20 May 2020
މަޖްލިސްގެ ރައީސް ނަޝިދު ގިނަފަހަރު މޮޔަވާހަކަ ދެއްކިނަމަވެސް މިފަހަރު އެބޭފުޅާގެ ވާހަކަ %100 ރަނގަޅުކަމަށް ބަލަންޖެހޭ. ބޯޑަރުތައް ބަންދުކުރުމަކީ ވިޔަފާރި ހަލާކުކޮށްލައި މީހުން ހާލުގައި ޖެއްސުން ކަމަށް ބޮޑެތި ގައުމުތަކުގައި ރައްޔިތުން ދަނީ އަޑު އުފުލަމުން. ހަމައެކަނި އެއްބަޔަކަށް ބިުރަނުވެ ދުނިޔޭގެ ހަބަރުތަކާ ދިރާސާތައް ކިޔާ ބަލައި ހެދުން ރަނގަޅު.
ކަންނާޑި
20 May 2020
އަތްމަތި ހުސްވެ ފާގީރު ވެއްޖެ !
ކުރަފި
19 May 2020
އެއްކަލަ ޓްރަމްޕްގެ ބެސްޓްފްރެންޑް ފެށީދޯ؟ ބަލަގަ ރާއްޖޭން ބޯޑަރު ހުޅުވިޔަސް ދުނިޔޭގެ އެހެން ޤައުމުތަކުން ބޯޑަރު ނުހުޅުވާ ފްލައިޓް ނުބާއްވަންޏާ މެހި މާބުރަށްތަ ބޯޑަރު ހުޅުވަނީ؟ ބޯހަމަޖެހޭ ވާހަކަ ދައްކަބަލަ ނަޝީދު!
އޮނަރަބްލް އަފީފު ދީދީ
19 May 2020
ބަރާބަރު. އެމީހުން މިހާރު ވިސްނަމުން ގެންދަނީ ހަނިމާދޫއާއި ގޭން އެއަރޕޯޓްގެ ބޭނުން ނުކުރެވޭގޮތް ހަދާ އަނެއްކާވެސް އެތަންތަނުގެ ދުވަސް ދުއްވާލަން. # އިއްޒަތް ތެރި ރައީސް. ހުވަދޫ އަތޮޅުން 80 ރަށް 35 އަހަރުގެ މުއްދަތަށް ރިސޯޓް ހިންގުމަށް ބައިނަލް އަޤުވާމީ ބިޑަށް ހުޅުވާލަން ސޯލިޙް އަށް ހުށަހަޅުއްވާ. # ބިދޭސީ ކުންފުނިތަކަށް ޑައިރެކްޓްކޮށް އިންވެސްޓްކުރާން ފުރުސަތުދޭންޖެހޭކަން މިފަހަރު ރާއްޖޭގައިތިބި ބިދޭސީ އިންވެސްޓަރުން ސާބިތުކޮށްދީފި.
ކައުން ސެލަރު
19 May 2020
ބޭފުޅާ ކިޔެވީ ޑެންމާރކު ފޮތުން@@ އެފޮތުގައި ލިޔެފައިވާ ގޮތުން ބޯޑަރު ބަންދުކުރުމަކީ ހައްލެއް ނޫން އެހެންވެ ބުނީ
ގޯސް
19 May 2020
މުޅިދުނިޔޭގައިވެސް މިކަހަލަ ތިން މީހަކު އުޅެނީ. ޢެެއީ އެމެރިކާ އާއި ބްރެޒިލް އަދި މިގައުމުގަ މީނަ. ނަސީބަކުން މި ގައުމުގަ މީނައަކީ އިސްވެރިޔާއަށް ނުވުމުން މީނާގެ ބަހެއް ނުވިކުނު. ދެން އެމެރިކާއާއި ބްރެޒިލް އަށް ވީފަދަ ގޮތެއް މިގައުމަށް ނުވުން އެދެން. މީނާގެ ރައްޓެހި ބޮރިސް ޖޯންސަން ވެސް އެހުރީ ލޮކްޑައުންކޮށްގެން. ދެންވިސްނާލާ ޓުއަރިޒަމް ނެތީ ކޮން ގައުމެއްގަ. ޢަހަރެމެން ޓުއަރިޒަމް ނޫން ގޮތްތައް އިގްތިސޯދަށް ހޯދަންޖެހޭ.
ކުރަފި
20 May 2020
ނަޝީދުގެ އަނެއް ދެ ބެސްޓްފްރެންޑުން ނަރެންދުރަ މޯދީ އާއި ބޮރިސް ޖޯންސަން ވެސް ލިސްޓަށް ލާންޖެހެ