މިނިވަން މުއައްސަސާތަކާ ބެހޭ ކޮމިޓީގެ ބައްދަލުވުމެއްގައި މެމްބަރު އުޝާމް ބައިވެރިވެވަޑައިގަންނަވަނީ.
25 މެއި 2020 - 21:16
10 comments
ސިއްހީ ހިދުމަތުގެ ފެންވަރު ބެލުމުގެ އެންމެ އިސް ފަރާތުގެ ގޮތުގައި "ކޮމިޝަނާ އޮފް އެޝުއަރެންސް" އައްޔަންކުރަން ގާނޫނަކުން ލާޒިމްކުރިތާ ހަތަރު އަހަރު ވީއިރު ވެސް އެ މަގާމަށް ބޭފުޅަކު ހަމަނުޖައްސައި އޮތް މައްސަލަ ބަލަން ރައްޔިތުންގެ މަޖިލީހުގެ ވިލިމާލެ ދާއިރާގެ މެމްބަރު އަހުމަދު އުޝާމް ހުށަހަޅުއްވައިފި އެވެ.
މަޖިލީހުގެ މިނިވަން މުއައްސަސާތަކާ ބެހޭ ކޮމިޓީ އަށް އެ މައްސަލަ ހުށަހެޅުއްވާފައިވާނެ ކަމަށް އަމިއްލަ މެމްބަރު އުޝާމް މިއަދު ވިދާޅުވީ، އޭޑީކޭ ހޮސްޕިޓަލްގައި މިދިޔަ ހުކުރު ދުވަހު މަރުވި ތުއްތު ކުއްޖާގެ މައްސަލައާ ގުޅޭ ޚަބަރަކާ އެކު ކުރެއްވި ޓުވީޓެއްގަ އެވެ.
އުމުރުން އެންމެ ހަތަރު މަހުގެ އެ ކުއްޖާ މަރުވީ ފަރުވާ ދިނުން ލަސްވެެގެން ކަމަށް އެ ހޮސްޕިޓަލްގެ ބައެއް ޑޮކްޓަރުން ފަހުން އެއްބަސްވި ކަމަށް ކުއްޖާގެ އާއިލާއިން ވަނީ ބުނެފަ އެވެ. އުޝާމް ވިދާޅުވީ އެފަދަ މައްސަލަތައް ބެލުމަކީ ގާނޫނުގައި އޮންނަ ގޮތުން ކޮމިޝަނާ އޮފް ކޮލިޓީ އެޝުއަރެންސްގެ ޒިންމާއެއް ކަމަށެވެ.
"...މިފަދަ ކަންކަން ބަލާ ތަހްގީގް ކުރުމަކީ “ކޮމިޝަނަރ އޮފް ކޮލިޓީ އެޝުއަރަންސް”ގެ ޒިންމާއެއްކަމަށް ސިއްހީ ހިދުމަތްދިނުމުގެ ގާނޫނުގެ ތިން ވަނަ ބާބުގައި ބަޔާންކޮށްފައި އޮންނައިރު ގާނޫނު ފާސްކުރިތާ ހަތަރު އަހަރުވެގެން ދާއިރު އަދި މިހާތަނަށް ވެސް އެ މަގާމަށް މީހަކު އައްޔަންކޮށްފައި ނެތުމަކީ ސިވިލް ސާވިސް ކޮމިޝަން އަދި ސަރުކާރުތަކުގެ ބޮޑު އިހުމާލެއް،" ތުއްތު ކުއްޖާ މަރުވި މައްސަލައިގައި އުޝާމް ވިދާޅުވި އެވެ.
އޭނާ ދެކެވަޑައިގަންނަވާ ގޮތުގައި، ހޮސްޕިޓަލްތަކުން އިހުމާލުގެ މައްސަލަތައް މިނިވަންކަމާ އެކު، ބެލޭނީ ކޮމިޝަނާ އޮފް އެޝުއަރެންސްގެ މަގާމުގައި ހުންނަވާ ބޭފުޅަކަށެވެ. މިހާރު މި ފަދަ މައްސަލަތައް ބަލަނީ ހެލްތު މިނިސްޓްރީގެ ޚާއްސަ ޑިޕާޓްމަންޓަކުންނެވެ. އެކަމަކު، "ކޮމިޝަނާ އޮފް އެޝުއަރެންސް" އައްޔަން ކުރުމުގެ ގާނޫނުގެ ދަށުން ލިބިދޭ ބޮޑެތި ބާރުތަކެއް ހެލްތު މިނިސްޓްރީއަކަށް ނެތެވެ.
ސިއްހީ ހިދުމަތްދޭ ތަންތަނުގައި ދިމާވާ މިފަދަ ކަންކަން ބަލާ ތަހްގީގްކުރުމަކީ “ކޮމިޝަނަރ އޮފް ކޮލިޓީ އެޝުއަރަންސް”ގެ ޒިންމާއެއްކަމަށް ސިއްހީ ހިދުމަތްދިނުމުގެ ގާނޫނުގެ 3 ވަނަ ބާބުގައި ބަޔާންކޮށްފައި އޮންނައިރު ގާނޫނު ފާސްކުރިތާ 4 އަހަރުވެގެންދާއިރު އަދިމިހާތަނަށްވެސް 1/2 https://t.co/FkVAIO0SQF pic.twitter.com/susiUy0xLr
— Ahmed Usham (@a_usham) May 25, 2020
އުޝާމްގެ ޓްވީޓް
ސިއްހީ ހިދުމަތް ދިނުމުގެ ގާނޫނުގައިވާ ގޮތުން ސިވިލް ސާވިސްގެ އޮނިގަނޑުގައި އޮންނަ ޑިރެކްޓާ ޖެނެރަލްގެ ފެންވަރުގައި ކޮމިޝަނާ އޮފް ކޮލިޓީ އެޝުއަރެންސްް ގެ މަގާމަށް މީހަކު އައްޔަން ކުރުމަކީ ސިވިލް ސާވިސް ކޮމިޝަނުން ކުރަންޖެހޭ ކަމެކެވެ. އެ ގާނޫނުގައި އޮންނަ ގޮތުން އެ މަގާމަށް ހަމަޖައްސަން ޖެހޭނީ ސިއްހީ ދާއިރާއިން މާސްޓާސް ޑިގްރީ ހާސިލުކޮށްފައިވާ މީހެކެވެ. އެހެން މަސައްކަތެއް ނުކޮށް އުޅެވޭ ވަރުގެ މުސާރަ އާއި އިނާޔަތްތައް އެ މަގާމުގައި ހުންނަ މީހަކަށް ހަމަޖައްސައިދޭން ވެސް އެ ގާނޫނު ލާޒިމް ކުރެ އެވެ.
ސިއްހީ ހިދުމަތްދޭ ތަނަކުން މީހަކަށް ނުރައްކާތެރި އަނިޔާއެއް ވެއްޖެ ނަމަ ނުވަތަ އިހުމާލެއް ވިކަމުގެ މައުލޫމާތު ލިބިއްޖެ ނަމަ އެކަން ތަހުގީގު ކުރުމަކީ ކޮމިޝަނާ އޮފް ކޮލިޓީ އެޝުއަރެންސްގެ ޒިންމާ އެކެވެ. އެފަދަ ކަންތައްތަކުގައި އާއްްމުން އުފުލާ ޝަކުވާތައް ބެލުމަކީ ވެސް އެމަގާމުގައި ހުންނަ މީހަކު ކުރަން ޖެހޭ ކަމެކެވެ.
އެގޮތުން ކުރާ ތަހުގީގުގެ ރިޕޯޓް ހުށަހަޅަން ޖެހޭނީ ހެލްތު މިނިސްޓަރަށާއި މެޑިކަލް ބޯޑަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިޔާލު3
26 May 2020
މިކަންކުރަންޖެހޭ މީހަކު މިކަން ނުކޮށްއޮތްއިރު އެކަމާއި ހަވާލުވެ ހުރިމީހަކު ކުއްވެރިވެސްނުވޭތޯ؟ ދަވްލަތުން އެތަށް ހަރަ ދެއް ކޮންގެން އަމަލު ނުކުރާ ގާނޫން ހެ ދުމުގެ ބޭނުމެއް ކޮބައިތޯ؟ މަޖީލީހުގެ ވެސް ބޭނުމެއް ކޮބައިތޯ؟ މިއީ އިހުމާލެއް މިއީ ކުށެއް މިއީ ގަސް ދިގައި ދަވްލަތުގެ ފައިސާ ބޭކާރުކުރުން މިއީ ރައްޔިތުންނަށް ހަރާންކޯރުވުންނޫންތޯ؟ މި ކަމުގެ އުގޫބާތަކަށް 4 އަހަރު ޓެކްސް ދެއްކުން ހުއްޓާލުންތޯ އަ ދަބަކަށްވާންވީ؟
ޢާއްކޮ
26 May 2020
ތި މަޖއލީހުގަ އަލީ ހުސޭނާ އުޝާމް އާ ނޫނީ ތިބީ ހައއތަހާވެސް ބޯ.
ވިސްނާ ކޫދު
26 May 2020
މަތީ މަގާމުތަކުގައި ތިއްބެވި ވެރީންނާއި އެމީހުންގެ އާއިލާތައްވެސް އާސަންދާގެ ތެރެއިން ރާއްޖޭގެ ސިއްހީ ނިޒާމުގެ ތެރެއަށްލެވި, ބޭރު ޤައުމުތަކުން ފަރުވާކުރަންދީފައިވާ އިންޝުއަރެންސް ކަނޑާލަންޖެހެއެވެ. އޭރުން ތިޔަފަދަ މުހިއްމު މަޤާމުތައް އުފެދި, މިހާރު ރާއްޖޭގައި ނުހެދޭ ޓެސްޓުތައް ހެދެންފެށި, މިހާރުނެތް މެޝިންތައްވެސްލިބި, ހޮސްޕިޓަލްތަކުގެ ހިދުމަތްތައް ގާތުންބެލި, މުޅި ނިޒާމު ތަރައްޤީވާނެއެވެ.
ައަފުރާސިޔާބު
26 May 2020
ކޮމިޝަނަރ އޮފް ޓެކްސޭޝަން ފިޔަވައި އިތުރު ކޮމިޝަނަރ އަކު މިގައުމަށް ބޭނުމެއްނުވާނެ. އެއީ ރައްޔިތުން ގުދާރު ބިންދައިގެން ކުރާ މަސައްކަތުން ލިބޭ ފައިސާކޮޅުން ޓެކްސް ނަގައިގެން މަޖިލީހު މެންބަރުންނަށް މުސާރައާއި އިނާޔަތަށް ފައިސާ ހޯދަން. ކޮބާ ޑިރެކްޓަރ ޖެނެރަލް އޮފް ހެލްތް ސާވިސް. އޭނާވެސް ކަންކަން ރަނގަޅުކުރަން ވާހަކަ ދައްކާތީ ބޭރުކޮށްލާފައި މަގާމަށް އިޢުލާންކުރުމުން އޭނާ ނޫން އެހެންމީހަކު ނުވީމާ ނުލައްވާ ދޫކޮށްލީ އަސްރުމާކުލަ ނުޖެހޭތީ.
ކުޑޭ
26 May 2020
ތިޔަމަގާމު އުވާލަބަލަ ހެޔޮނުވާނެ، ދައުލަތުގެ ފއިސާ އިސްރާފް ނުކުރޭ މިހާރުވެސް ހުރި ކޮމިޝަންތައް މަދެއްނޫން
ލަދު
25 May 2020
ރައްޔިތުންގެ މަޖިލީހުގެ މެމްބަރުންގެ ކަންކަން ބަލާ ފިޔަވަޅުއަޅާ ކޮމެޓީއެއް ހަދަން ގޮވާލަން.
ނަދަ
25 May 2020
ތި ކަންކަން ބެލޭނެ ގޮތެއް ނެތް.. މަޖިލިސް ހުއްޓިފަ
ދަންނަ ނުދަންނަ
25 May 2020
ބޭކާރު ގާނޫނު ހަދަމުން ހަދަމުން ގޮސް އޭގައި އޮތް އެއްޗެއް ނެތް އެއްޗެއް ދަންނަ އިންސާނަކު ނެތްވަރަށް ތިޔަ އެއްޗެއް ގިނަވެ، ކޮންމެ ގާނޫނަކުން 40 ހާސް ރުފިޔާ ލިބޭ މަގާމުތައް ހަދަމުން ގޮސް ދައުލަތް ދަރަނިވެރިވެއްޖެ. ހަތަރު ލައްކަ ހަމަނުވާ ގައުމެއްގައި 42 ހާހަށްވުރެ ގިނަ ދައުލަތުގެ މުވައްޒަފުން އެބަތިބި. ކޮންމެ އަށެއްކަ މީހުން ކުރެ އެކަކީ ދައުލަތުގެ މުވައްޒަފެއް. މިއީ ދުނިޔޭގައި ރެކޯޑް ހަދަން މަގާމު އުފައްދާ ގައުމެއް.
ރަދީފު
25 May 2020
ރާއްޖޭގެ ސިއްހީ ހިދުމަތުގެ ފެންވަރު ބަލާނީ ކިހިނެތްހެއްޔެވެ. މުޅި މަތީ ފަޑިޔާއި މަޖިލިސް މެންބަރުންގެ ފެމިލީގެ ސިއްހީ ހިދުމަތް ބިނާވެފައި އޮތީ ސިންގަޕޫރާއި, މެލޭޝިޔާއާއި އިންޑިޔާގައެވެ. ވީއިރު ތިންވަނަ ދަރަޖާގެ އާއްމު ރައްޔިތުންނާއިގެން އުޅޭނެކަމެއްނެތެވެ.
އައްޔަނު
25 May 2020
އެކަން ނުކުރަނީ އެކަން ނުބަލަންވެގެން. ޖަވާބު ވ ސާފެއްނޫންތޯ?