ހަނިމާދޫ އެއާޕޯޓް. އިންޑިއާގެ އެހީގައި މި އެއާޕޯޓް ބޮޑުކުރަން ވަނީ ނިންމާފައި.
15 ޖުލައި 2020 - 22:57
39 comments
ރާއްޖެ އާއި އިންޑިއާ އިން ސޮއިކޮށްފައިވާ 800 މިލިއަން ޑޮލަރުގެ ލައިން އޮފް ކްރެޑިޓް އެއްބަސްވުމުގެ ދަށުން ހިންގާނެ އެއް މަޝްރޫއަކީ ބޮޑެތި މަތިންދާބޯޓު ޖެއްސޭ ވަރަށް ހަނިމާދޫ އިންޓަނޭޝަނަލް އެއާޕޯޓު ބޮޑުކުރުން ކަމަށް ކަނޑައަޅައިފި އެވެ.
ރާއްޖޭގައި ހުންނަވާ އިންޑިއާގެ ޑެޕިއުޓީ ހައި ކޮމިޝަނަރު ރޯހިތު ރަތިޝް "މިހާރު" އަށް މިރޭ ވިދާޅުވީ، އެ އެއްބަސްވުމުގެ ދަށުން ހަރަދު ކޮށްގެން ހިންގާ ޕްރޮޖެކްޓްގައި ހަނިމާދޫގެ އެއާޕޯޓުގެ ރަންވޭ 2،200 މީޓަރަށް ދިގުކުރަން ނިންމާފައިވާ ކަމަށެވެ. އެއާޕޯޓުގެ ރަންވޭގެ މިހާރުގެ ދިގުމިނަކީ 1،200 މީޓަރެވެ.
އޭނާ ވިދާޅުވި ގޮތުގައި ރަންވޭ ދިގު ކުރުމުގެ އިތުރުން އެއާޕޯޓުގެ ޓާމިނަލް ވެސް ބޮޑުކުރާނެ އެވެ.
"އެ ވަރަށް ބޮޑުކުރުމުން ވައިޑްބޮޑީ އެއާކްރާފްޓްތަކަށް އެ އެއާޕޯޓަށް ޖެއްސޭނެ،" ރޯހިތު ވިދާޅުވި އެވެ.
އޭނާ ވިދާޅުވި ގޮތުގައި، ހަނިމާދޫ އެއާޕޯޓު ބޮޑުކުރުމުގެ ކޮންސަލްޓެންޓަކީ އެއާޕޯޓްސް އޮތޯރިޓީ އޮފް އިންޑިއާ އެވެ. އެއީ އިންޑިއާގެ ސަރުކާރުގެ އެެއާޕޯޓުތައް ޑިޒައިންކުރާ ކުންފުންޏެވެ. ރާއްޖެ އާއި އިންޑިއާއާ ދެމެދު ވައިގެ ދަތުރުތައް ފެށުމާ އެކު ކޮންސަލްޓެންޓުން ރާއްޖެ އަށް އަންނާނެ އެވެ.
"ސާވޭ ނިމި، ތަފްސީލީ ރިޕޯޓެއް ތައްޔާރު ކުރެވުމާ އެކު ޓެންޑާ ކުރާނެ. ވީހާ އަވަހަކަށް އަޅުގަނޑުމެން އެ މަސައްކަތް ކުރާނަން. ޕެންޑެމިކްގެ ހާލަތު އޮތަސް އަޅުގަނޑުމެން އެ މަސައްކަތް ވަރަށް އަވަހަށް ކުރާނަން،" ރޯހިތު ވިދާޅުވި އެވެ.
ރާއްޖެ އާއި އިންޑިއާ އިން ސޮއިކޮށްފައިވާ ލައިން އޮފް ކްރެޑިޓް އެއްބަަސްވުމުގެ ދަށުން ކުރާ މަސަައްކަތްތައް ހަވާލުކުރުމުގައި އިސްކަން ދޭން ޖެހޭނީ އިންޑިއާގެ ކުންފުނިތަކަށެވެ. އެހެންވެ، ކޮންޓްރެކްޓަރަކު ހޯދާނީ ބައިނަލްއަގްވާމީ ބީލަމަކުން ކަމަށް ރޯހިތު ވިދާޅުވި އެވެ.
"އަޅުގަނޑުމެން މި ބަލަނީ މި އަހަރު ނިމެންވާއިރަށް އަމަލީ މަސައްކަތް ފެށޭނެ ކަމަށް،" އޭނާ ވިދާޅުވި އެވެ.
އެއާޕޯޓު ބޮޑުކުރުމުގެ މުޅި މަަަސައްކަތް ކުރިއަށް އޮތް ދެތިން އަހަރެއްގެ ތެރޭގައި ނިމޭނެ ކަމުގެ ޔަގީންކަން އެބަ އޮތް ކަމަށް ވެސް ރޯހިތު ވިދާޅުވި އެވެ. އެއީ ދިވެހި ސަރުކާރުން ވަރަށް އިސްކަންދޭ ޕްރޮޖެކްޓަކަށް ވާތީ އިންޑިއާ އިން ވަރަށް އިސްކަންދޭނެ ކަމަށް ވެސް ވިދާޅުވި އެވެ.
ރާއްޖެ އާއި އިންޑިއާ އިން 800 މިލިޔަން ޑޮލަރުގެ ލައިން އޮފް ކްރެޑިޓް އެއްބަސްވުމެއްގައި ސޮއިކުރީ ރައީސް އިބްރާހީމް މުހައްމަދު ސޯލިހު 2018 ގައި އިންޑިއާ އަށް ކުރެއްވި ރަސްމީ ދަތުރުފުޅުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާރީ
16 July 2020
ނުވާނެ ތިކަމެއް ތިކަހަލަ ކިތައްމެ ހުވަފެނެއް ދަށްކާފި
ދަންޑަހެލު
16 July 2020
މިއީ ވަރަށް ނުރައްކާތެރި ރޭވުމެއްގެ ދަށުން ހިންގާ ކަމެއް. ސިޔާސީ މީހުން މި ވާހަކަ ނުދެއްކިޔަސް މި ވާހަކަ ދައްކަން އެބަޖެހޭ. އިންޑިޔާއަކީ ދިވެހިންނަށް އެއްވެސް އިރެއްގައި ހެޔޮއެދޭ ބައެއް ނޫން. 1965 ވަނަ ދިވެހިރާއްޖެއިން އ.ދ. ގެ މެމްބަރަކަށް ވުމަށްވެސް އިންޑިއާއިން ހެދީ ދެކޮޅު. ވިސްނާ ބަޔަކަށް އިބުރަތަކަށް ވާނެ.
ސަރީފު
16 July 2020
ޔާމީނު އިރު ފާފު އަތޮޅު ތަރައްގީ ކުރަން ސައުދީއަށް ދޭން އުޅުން އިރު މުޒާހަރާތަކާއި ޖަލްސާތައްއޮތީ ފުރިފައި، މިހާރު ގޮތްނޭގޭ އެއްބަސް ވުމެއް އިންޑިއާއާއި އެކީ ހެދީމާ ދިވެހިން ނަށް ހަމަ އޯކޭ...އެމްޑީޕީ ވިއްޔާ ހަމަ އޯކޭ ވެފައި ދިވެހިން ތިބެނީ...އިންޑިއާއަކީ ވަރައް ހަސީލަތް ނުބައި ބައެއް...އަދި ދިވެހިންނަށް ވިސްނޭނެ.
ނަން
16 July 2020
އިންޑިއާ އެއާޕޯސް ބޯޓު ދޯ؟
ފާރިހަތު ޖަލީލު އީސްޓް ވެސްޓް
16 July 2020
ފާރިގެ ނަޒަރުގައި މިފަދަ ޕްރޮޖެކްޓްތައް ހިންގަންޖެހޭނީ ނަޝީދު ސަރުކާރުގައި ހިންގިކަހަލަ ޕަބްލިކް-ޕްރައިވެޓް-ޕާޓްނަރޝިޕްގެ ދަށުން. މިޕްރޮޖެކްޓުގެ އެންމެ ބޮޑު މައްސަލައަކީ ޑެބްޓް އެކްޕޯޝަރ ބޮޑުވުން. ޑެބްޓް އެކްސްޕޯޝަރ ބޮޑުކުރަންޖެހޭނީ ޑައިރެކްޓް ރެވެނިއުއާއި ގުޅުންހުރި ކަންކަމަށް. މިހާރު އުތުރު ސަރަޙައްދުގެ ބެޑް ކެޕޭސިޓީއަށް ބަލާއިރު، ފާރިއަކަށް ނުވިސްނޭ މިވަރުގެ އިންވެސްޓްމެންޓްއެއް ވަޔަބަލްވާނެކަމަށް. ކަމެއް ކުރާއިރު އަބަދު ވޯޓަށް ވިސްނާކަށްނުވާނެ!
އަލީ އަބުދުއްލާވަހީދު
16 July 2020
މިޕްރޮޖެކްޓުގެ އެންމެ ބޮޑު މައްސަލައަކީ ޑެބްޓް އެކްޕޯޝަރ ބޮޑުވިމެއްނޫން ....މިޕްރޮޖެކްޓުގެ އެންމެ ބޮޑު މައްސަލައަކީ އިންޑިއާ ބޭނުން ވެއްޖެ ހާލަތެއްގައި މި އެއަރޕޯޓް ބޭނުން ކުރެވޭ ގޮތަށް އެއްބަސް ވެފައިވާ އެއްބަސްވުން...ގައުމުގެ މިނިވަން ކަމަށް މީގެން އަސަރު އެބަކުރޭ...އިންޑިއާއަކީ އަބަދުވެސް ދިވެހި ރާއްޖެ އެމީހުންގެ ދަށުގައި ބާއްވަން ބޭނުންވާ ބައެއް..އެކަން ކުރުމުގެ ފުރަތަމަ ފިޔަވަހިމީ..
ހަބީބު
16 July 2020
ހަމަކޮރަފްޝަން ހިލޭއެހީ ނޫންކަމުގަވާނަމަ ބީލަމައް ލައިގެން މެނުވީ ތިކަން ކޮއްގެންނުވާނެ ތީދަރަނީގެ ބޮޑުދަންތޫރައެއް
ަލިބެ
16 July 2020
އެމް ޑީ ޕީ ސަރުކާރެއް ގެނެސް އެމް ޑީ ޕީ 2 މެމްބަރުންނަށް ގޮޑިދީ ހެދީމަ ކަާޑެއްދޫ އެއަރޕޯރޓްވީ ނަންވެސް ދުނިޔޭގައި ނެތްތަނަކަށް. އިންޓަރނޭޝަނަލް ވެގެންގޮސް ތިނަދޫއާއި ކާޑެއްދޫއާއި ދޭތެރެ ހިކި ބްރިޖްއެޅި ވަރަށް ފުރިހަމަ ވެއްޖެ. ސާބަސް މެމްބަރުންނަށް
އޮނަރަބްލް އަފީފު ދީދީ
16 July 2020
އިންޑިޔާ ކީއްކުރަން ބްޑިސްޓް ޗައިނާ އާއި އެމަރިކާ، ޖަރުމަނާއި އިޤިރޭސިން ނުވަތަ އިޒްރާއީލް ދައުލަތުން އިންވެސްޓް ކޮށްގެންވެސް ތިޔަ އެއަރޕޯޓް ތަރައްޤީކޮށް މާލޭގެ ކުލީ އަޅުވެތިކަމުން ނެއްޓިގަތުން މާރަނގަޅު ވާނެ. # އެކަމަކު ޔަޤީނަށް ބުނަންކެރިދާނެ ކިންގް ފަހުދު ނުވަތަ ޝެންހާއީ ޕުޑޮންގ އާއި އެއްވަރު ބޮޑު އެއަރޕޯޓެއް އެޅި ކަމުގައި ވިޔަސް ތިތަނަށް ބޯޓެއ ހައްސާން މާލޭސަރުކާރު ހުއްދައެއް ނުދޭނެ. އޭގެ މިސާލަކީ ގޭން އިންޓަރނޭޝަނަލް އެއަރޕޯޓް.
ނަން
16 July 2020
ގޭން އޭ؟ އެއީ އައްޑުއަތޮޅު ގަން. ކޮންތާކު އޮތް ގޭން އެއްތަ؟
އުތުރުހަޅަ
16 July 2020
ކިތަންމެ ދުވަހެއް ބޮޑުކުރާތާ އެކަމަކު އިންޓަރނޭޝަނަލް ކުރީ ބޮޑެއް ނުކޮށް އިންޑިޔާއަށްވެސް ފަހިވާނީ ބޮޑުކުރެވިގެން އޭރުން އެފް 16 ގެ ހަނގުރާމަމަތީ ބޮންއަލާ ބޯޓުވެސް ޖެއްސޭނެ
ޝޮކްތެރަޕީ
16 July 2020
އިންޑިޔާގެ ރޭވުން ވަނީ ނިމިފަ. މިކަމައް އެހީވަނީ ނަޝީދު ޤައުމަ ޣައްދާރުވަނީ ހަމަ ދިވެހިން.