ދަރިވަރުންތަކެއް ސްކޫލުގައި.-- ފޮޓޯ: އެޑިއުކޭޝަން މިނިސްޓްރީ
18 އޯގަސްޓް 2020 - 17:36
17 comments
ސިއްހީ ނުރައްކަލުގެ ކުއްލި މި ހާލަތުގައި ދަރިވަރުންނަށް ކިޔަވައިދޭ ވަގުތުތައް އެޑިއުކޭޝަން މިނިސްޓްރީން މަދުކޮށްފި އެވެ.
އެ މިނިސްޓްރީން ސްކޫލްތަކަށް ފޮނުވި ސާކިއުލާއެއްގައި ބުނީ ޕްރިންސިޕަލުންނާއި ޓީޗަރުންގެ ފަރާތުން ލިބުނު ހިޔާލާއި މަޝްވަރާތަކަށް ފަހު، ކިޔަވައިދިނުން 45 މިނިޓުން 35 މިނިޓުގެ ވަގުތަކަށް މަދުކޮށްފައިވާ ކަމަށެވެ. އެ ބަދަލާއެކު، ކޮންމެ ހަފުތާއަކު ނަގަންޖެހޭ މާއްދާތަކުގެ އަދަދުތަކަށް ވެސް ބަދަލު ގެނެސްފައި ވެ އެވެ. ކިޔަވައިދޭ ވަގުތު މަދުކުރި ނަމަވެސް ކޮންމެ ހަފުތާއަކު ނަގަންޖެހޭ ޖުމްލަ މާއްދާތައް ކުރިއަށް ވުރެ އިތުރުވާނެ ކަމަށް އެޑިއުކޭޝަން މިނިސްޓްރީން ބުންޏެވެ.
ކޮންމެ ހަފުތާއަކު ނަގައިދޭ ޕީރިއަޑްތަކަށް ގެނައި ބަދަލު:
- ގްރޭޑް 5،6 (ކުރިން 19 ޕީރިއަޑް، ދެން ނަގައިދޭނީ 24 ޕީރިއަޑް)
- ގްރޭޑް 7،8 (ކުރިން 17، ދެން ނަގައިދޭނީ 24 ޕީރިއަޑް)
- ގްރޭޑް 9،10 (ކުރިން 17، ދެން ނަގައިދޭނީ 23 ޕީރިއަޑް)
"ވީމާ، އޮގަސްޓް 23، 202 އިން ފެށިގެން މަތީގައި ދެންނެވުނު ބަދަލުތަކާ އެއްގޮތަށް ކިޔަވައިދިނުމުގެ ކަންކަން އިންތިޒާމް ކުރެއްވުމަށް ދަންނަވަމެވެ. އަދި ކުރިއެކޭ ވެސް އެއްފަދައިން އާ އާއްމު ހާލަތުގައި އަމަލުކުރުމަށް ދީފައިވާ އިރުޝާދުތަކާ އެއްގޮތަށް ސެޝަން ގަޑީގެ ތެރެއިން އަތްދޮވުމާއި އެހެނިހެން ކަންކަމަށް 1 ގަޑިއިރު ލިބޭނެ ގޮތަށް، ސެޝަންތަކުގެ ދިގުމިން ހަތަރު ގަޑިއިރަށް ވުރެ ދިގުނުވާނެހެން ހަމަޖެއްސެވުން އެދެމެވެ،" މިދިޔަ އާދިއްތަ ދުވަހު ފޮނުވި ސާކިއުލާގައި ވެ އެވެ.
އެ އުސޫލުގައިވާ އަދަދަށް ގަޑި ނުނެގޭ ނަމަ އެ ގަޑިތައް ގެންދާނީ އޮންލައިންކޮށް ކަމަށް މިނިސްޓްރީން ބުންޏެވެ.
ކޮވިޑުން ރައްކާތެރިވުމަށް މާޗު 12 ގައި ސްކޫލުތައް ބަންދުކޮށް، އަލުން ކިޔަވައިދޭން ފެށީ ތިން މަހަށް ފަހު މިދިޔަ ޖުލައި، 1 ގަ އެވެ. އޭރު މާލެ ސަރަހައްދުގައި ކިޔަވައިދޭން ފެށީ ގްރޭޑު 9 އިން މައްޗަށެވެ. އެހެން ރަށްރަށުގައި މިދިޔަ މަހުން ފެށިގެން ހުރިހާ ގްރޭޑަކަށް ވެސް އަންނަނީ ކިޔަވައިދެމުންނެވެ.
ނަމަވެސް މާލެ ސަރަހައްދުގައި ކޮވިޑްގެ ކޭސްތައް އަނެއްކާ ވެސް އިތުރުވާން ފެށުމާއެކު، ސްކޫލުތައް އިތުރު ދެ ހަފުތާއަށް ބަންދުކުރުމަށް ފަހު އޮންލައިންކޮށް ކިޔަވައިދޭން ވަނީ ފަށައިފަ އެވެ.
ސްކޫލުތައް ބަންދުކޮށްފައިވާ މުއްދަތުގައި އަދި މިހާރު ވެސް ބައެއް މާއްދާތައް އޮންލައިންގެ އެކި ވަސީލަތްތައް ބޭނުންކޮށްގެން ކިޔަވައިދެ އެވެ. ނަމަވެސް އިންޓަނެޓުގެ މައްސަލަތަކާ ހެދި އެގޮތަށް ކިޔަވައިދިނުމަކީ އުނދަގޫ ކަމެއް ކަމަށް، ބައެއް ޓީޗަރުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިއުނޯމަލް
19 August 2020
ސްކޫލެއްގެ އަހަރުތެރޭ އަންނަ އިޖްތިމާއީ ކަންކަމަށް ބޭކާރުވާހާ ދުވަސްތައް ނެތިއްޖެ. މިހާރު އޮންނަނީ ހަމައެކަނި ކިއެވުމަށް ފޯކަސް. ކުދިންގެ ޔުނިފޯމާހެދި އުޅޭކަށް ނުޖެހޭ. ގަޑިޖެހޭތީ އަވަސްއަރުވާލައިގެން ސައިބޮއި ތައްޔާރުވުމެއް ނެތް. ސްކޫލަށް ދާން ހޭދަވާ ގަޑިއެއްނެތް. ޓީޗަރުން ކިޔަވައިދޭ ގޮތް ފެނޭ. ދޭ މަސައްކަތްތައް ފިލާވަޅުތައް ނިންމަންވާ ތާރީޚާއެކު ފެނޭ. އޮށޯވެގެންނާ ފާޚާނާގަ އިނދެވެސް ކްލާހަށް އެޓެންޑްވެވޭ. ކްލާސް ހިނގާ ގަޑީގައި ކެވޭ އަދި ބޮވޭ
ފާތިމަތު އިބްރާހިމް
19 August 2020
އާޓިކަލް ކިޔާލީމަ ދޭހަވީ ކިޔަވާދޭ ވަގުތު ދިގުވިހެން، އެކަމަު ހެޑިންގަ މަދު ވި ވާހަކަ.؟؟؟
ވާގސހސހސ
19 August 2020
ބައްލަވާ މިނިސްޓްރީ އޮފް އެޑިއުކޭޝަންގެ ނަންބަރު 2020/41 (16 އޮގަސްޓް 2020) ސާކިއުލަރ ސިޓީ.. ތިޔަ ސުރުޚީ ނުބައި..
ާއުނިމާ
19 August 2020
އެޑިޔުކޭޝަން މިނިސްޓްރީ ނިދިން ހޭލައިފި
ޚަލީ
19 August 2020
9-12ގައި ތިބެނީ ބޭރު ޓީޗަރުންނާއި މައުމޫނު އިރު އުޅެ ބޮޑުވެ ޓީޗަތުންނަށްވީ މީހުން. އެހެންވެ ބިރުން ބަހެއްވެސް ބުނަން ނުކެރެނީ. ބޮޑު ބަލިމަޑުކަމެއްގެ ތެރޭގައި ހާޒިރީ %36 ޕަސެންޓް ހުންނަ އިރު ސްކޫލްތައް ހުޅުވައިގެން އުޅެނީ ޓިޗަރުންނަށް ޖެއްސުން ކުރަންތަ؟ ބަލަ އޮންލައިން ކޮށް ކިޔަވާދޭންވެސް ޓީޗަރުން ހާދަ ތައްޔާރެއް ވާންޖެހެޔޭ. ޑާޓާ ކޮޅު ހިލޭ ދެވޭނެ ގާބިލްކަން ނެތީމަ އެކަން ފޮރުވަން ސްކޫލް ހުޅުވަނީ.
ޒުލޭ
19 August 2020
މިރޭވެސް 170 މޯހުން ޕޮޒިޓިވް. ދެން އާދީއްތަ ދުވަހު ސްކޫލް ހުޅުވަނީ ކުދިންނާއި ޓީޗަރުންނަށް ބަލި ޖައްސަންތަ؟ މާލޭގެ ސްކޫލްްތަކުގައި ރަނގަޅަށް ވައި ދައުރު ވަނީއެއް ނޫން. ކުދިން ފެންބޮއި އިންޓަވަލް ކައި ހަދަން މާސްކް ބާލާ. އެހެން ނޫނަސް މިހާރު ސްކޫލަށް ގޮސް ގޮނޑިން ނުތެދުވެ 4 ގަޑިއިރު ތިބެން ޖެހެނީ ކުދިން. ކިޔެބޭ ވަރަށް ފްރީ ޑާޓާ ދީފަ އޮންލައިން ކްލާސް ބާއްވަންވީ
ައައިޝަތު އަލީ
19 August 2020
އަދިވެސް ތި ފޮތިފޭލި ޔުނިފޯމުތަ ލަނީ؟
ޟމނބއ
18 August 2020
ކިޔަވާދޭ ވަގުތު އިތުރުވީ ނޫންތަ......ސުރުހީ ބަލާލަބަލަ
ޝިފާނ
18 August 2020
އަޅުގަނޑުގެ ދަރި އަދި ފޮނުވޭކަށް ނެތް. ޖަލައި މަހު ސްކޫލަށް ފޮނުވަ ފޮނުވާ ހުއްޓާ އެ ކްލާސް ކުއްޖަކު ޕޮޒިޓިވް ވި. އެކަން އެނގުނީ ޕޮޒިޓިވް ވީ ކުއްޖާ އަޅުގަނޑުގެ ދަރިފުޅަށް ގުޅާފަ ބުނީމަ. ކުލާސް ޓީޗަރަށް، ލީޑިން ޓީޗަރަށް ގުޅާ ގުޅާ އެކަމާ އެއްޗެކޭ ނުބުނި. ފަހުން އެނގުނީ ކުއްޖަކު ޕޮޒިޓިވް ވިޔަސް އެކަން އެހެން ޕޭރަނޓްސްއަށް އެންގުން މަނާކަން.
އެދުރުބޭ
18 August 2020
އެޑިއުކޭޝަން މިނިސްޓަރު ސަލާންބުނި
ނާންގަނީ.....
18 August 2020
އަހަރުމެންގެ ދަރިންނާ އި، އަހަރުމެން އެންމެން ވެސް މިތިބީ، ކޮވިޑްގެ ނުރަ އްކަލަށް ހުށަހެޅިފަ އެވެ. ސަލާމަތުން ތިބެވޭނީ ކިހަ އި ދުވަހަކު ކަމެ އް ބުނާކަށް ނޭނގެ އެވެ. އެހެންކަމުން ދަރިވަރަކު ކޮވިޑަށް ޕޮޒިޓިވް ވިޔަކަސް އެކު އްޖަކު ހަވަރަށް ދޭކަށް ނުޖެހެ އެވެ. އެކު އްޖަކު ގޭގަ އި މަޑުކުރުމަށް އަންގަ އި ރަ އްކާތެރި ކަމުގެ ފިޔަވަޅު އެޅީމަ އި ނިމުނީ އެވެ. ރަނގަޅުވީމަ އި ހާސްކަނޑާލަ އިފަ އި، އުފަލާ އި އެކު އެދަރިވަރު ބަލަޢިގަންނަން ވެސްވާނެ އެވެ.
ކިޔަވާ ދަރިވަރު
18 August 2020
ހާދަހާ ދެރަ އޭ.. މުޅި ކިޔެވުން ހަލާކުވެ އްޖެ.މިނިސްޓަރ ޔޫ ހޭވް ރު އިންޑް މަ އި ލަ އިފް..
ޒުލް
18 August 2020
ކުއްޖަކު ޕޮޒިޓިވް ވީމަ އެ ކުލާހުގެ އެހެން ޕޭރެންޓްސްއަށް އަންގަން ޖެހެނީ ކުއްޖާ ޑައިރެކްޓް ކޮންޓެކްޓް ވުމުގެ ފުރުސްތު ބޮޑީމަ. ކުލާހުގަ ކުދިން މާސްކު ތިރިކޮށްގެން ފެންބޮއި ހަދާ. އެކުއްޖާ އަތްލީ ތަންތާނގަ އެހެން ކުދިންނަށް އަތްލެވިފަ ހުރެދާނެ. ކޮންޓެކްޓް ވިކަން ނޭންގީމަ ދެންތިބި ކުދިންނަށް ނޭނގި ގޭގަތިބި މާމަމެންނަށް ބަލި ގެންގޮސް ދެވިދާނެ. ނޭންގީމަ ވަގޮތް ސާފުވެއްޖެ؟
އައިސްތު
18 August 2020
އެއއްކަމެއްވެސް ކުރެވުނު މިނިސްޓަރެއް ނޫންތީކީ. ރީނދުލެއްވީމަ މަގާމުގަ ހުރެވެނީ.
ބާލައާދަނު
18 August 2020
ވަރަށް ފަސޭހައިން ތިހެން ބުނެވިއްޖެ ދޯ. މި ހާލަތުގައި ތިޔަބޭފުޅާ ދުރުވެ ނިކްނ ހިންގާލަ ބަލަ. އަހަރެމެން ތިބޭނަން ދެއަތް ފޫދަންދެން އަތްޖަހަން.
އައިސްތު
18 August 2020
ކޮމެންޓު ކުރުމަށްވުރެ މިނިސްޓަރުގެ ޒިންމާއާ ހަވާލުވެ މަހު މުސާރަނަގައިން އިންނަން އަދި މާފަސޭހަ. އަހަރު ނިމޭ އިރު އޭ ސްޓާ މިލިބުނީ މިނިސްޓަރަށް. އެވެސް މަޖިލީހުން. މަދަރިއަށް ގްރޭޑު ނިންމޭނެ ދުވަސްވެސް ނޭންގެ. އަތްޖަހަން ކީއްކުރަން، މަށަށް ވިއްޔާ ބެރުޖަހާ ފަޓާސްވެސް އަރުވަން ރަނގަޅު
ކާޅުބޭ
19 August 2020
އެންމެ ފަހަރަކު ސްކޫލެއްގެ ތެރެއަށް ވަނިންތަ ނިއު ނޯމަލްގަ؟ ނޭނގޭ ނަމަ އަޑު އަހާ. ކޮންމެ ހާލަތެއްގައި ކުދިން ސްކޫލު ހަތަރު ފާރުތެރޭ ތިބޭނީ 3ފޫޓް 3 ފޫޓް ދުރުގަ. ސްކޫލަށް ވަންނަނީ އަތް ދޮވެގެން ހޭންޑް ސެނިޓައިޒް ކޮށްގެން. ކޮންމެ ދުވަހަކު ހުރިހާ މޭޒާއި ޑެސްކް ސިޑީ ރެއިލިން، ދޮރުގެ ތަޅު، ފާހާނާ، ސެނިޓާއިޒް ކުރޭ. ސްކޫލަށް މާސް އަޅައިގެން ނޫނީ ނުވަދެވޭ. ކުދިންނާ ޓީޗަރުން 3 ފޫޓު ދުރުގަ އުޅޭ، މަދުވާ ފިލާވަޅު އޮންލައިންކޮށް ނަގާ. މިވަރު ކުޑަތަ؟