ރ. އަތޮޅުގެ ކުރީގެެ މެމްބަރު އިސްމާއިލް ޒަކަރިއްޔާ ވެންޓިލޭޓަރުގައި

ރ.އަތޮޅުގެ ކުރީގެ މެމްބަރު އިސްމާއީލް ޒަކަަރިއްޔާ. އޭނާ ކޮވިޑަށް ޕޮޒިޓިވްވެ ހާލުބޮޑުވުމުން މިހާރު ފަރުވާދެމުން އަންނަނީ ވެންޓިލޭޓަރުގެ އެހީގައި.

މުހައްމަދު ނަސީމް، މިހާރު

20 އޯގަސްޓް 2020 - 10:22

13 comments

ރައްޔިތުންގެ މަޖިލީހުގެ ރ. އަތޮޅުގެ މެމްބަރުކަން ކުރިން ކުރެއްވި އަދި ރާއްޖޭގެ ކުރީގެ މަޝްހޫރު ފުޓްބޯޅަ ކުޅުންތެރިޔާ ޝާހު އިސްމާއިލްގެ ބައްޕަ، އިސްމާއިލް ޒަކަރިއްޔާއަށް ކޮވިޑް-19 ޖެހި ހާލު ބޮޑުވެގެން ވެންޓިލޭޓަރުގައި ފަރުވާދޭން ފަށައިފި އެވެ.

އިސްމާއީލް ޒަކަރިއްޔާގެ ދަރިކަލެއް ކަމަށްވާ އަދި އެމްއެންޑީއެފްގެ މޭޖާ އިބްރާހީމް އާޒިމް "މިހާރު"އަށް ވިދާޅުވީ މި މަހު 13 ގައި ކޮވިޑަށް ޕޮޒިޓިވް ވުމާ އެކު ފަރުވާދެމުން އައީ ހުޅުމާލޭ މެޑިކަލް ފެސިލިޓީގައި ކަަމަށެވެ. އެކަމަކު އުމުރުން 79 އަހަރުގެ އިސްމާއިލް ޒަކަރިއްޔާ ހާލު ބޮޑުވުމުން ދަރުމަވަންތަ ހޮސްޕިޓަލަށް ވަނީ ބަދަލުކޮށްފަ އެވެ.

R.Atoll ge kureege Majilis member Kan kuri, Alhugaduge loabivaa Bappa, R. kadholhudhoo Ismail Zakariyya,Covid ah positive ve annanee Hulhumale Medical fecilityge ICU gai faruvaa dhemun. Allah ge Heyo rahumathun Avas Shifaa eh minvaru Koh dhehvaashi. Aameen. pic.twitter.com/KzumIvRQVn
— Ibrahim Azim (@IbrahimAzim9) August 14, 2020

ހުޅުމާލެ މެޑިކަލް ފެސިލިޓީގައި ވެސް އޭނާއަށް ފަރުވާދެމުން އައީ އައިސީޔޫގަ އެވެ.

އިސްމާއީލް ޒަކަރިއްޔާ އަކީ ސަރުކާރުގައި ދިގު މުއްދަތެއްގައި ހިދުމަތްކުރެއްވި ބޭފުޅެކެވެ. އަދި 1990ގެ އަަހަރުތަކުގައި ދެ ފަހަރެއްގެ މަތިން ރައްޔިތުންގެ މަޖިލީހުގެ ރ. އަތޮޅު މެމްބަރުކަން ވެސް ކުރެއްވި އެވެ. އާ ގާނޫނުއަސާސީގެ ދަށުން 2009 ގައި ބޭއްވި އާންމު އިންތިހާބުގައި ދުވާފަރު ދާއިރާއަށް ވާދަކުރައްވާ އޭނާއަށް ނާކާމިޔާބުވެވަޑައިގަތީ ވެސް ވަރަށް މަދު ވޯޓުކޮޅަކުންނެވެ.

ސަރުކާރުގެ ހިދުމަތްތަކުގެ ތެރެއިން އިސްމާއިލް ޒަކަރިއްޔާ އެންމެ ފަހުން މަސައްކަތްކުރެއްވީ ކުޅިވަރާ ބެހޭ މިނިސްޓްރީގަ އެވެ.

ކޮވިޑް ބަލިމީހުންގެ ތެރެއިން 152 މީހަކު މިހާރު ވަނީ އެޑްމިޓްކޮށްްފަ އެވެ. އައިސީޔޫގައި ބާއްވައިގެން ފަރުވާދެނީ އޭގެ ތެރެއިން އަށް މީހަކަށެވެ. ވެންޓިލޭޓަރުގައި ތިބީ ތިން މީހެކެވެ.

ސިއްހަތު ޕަބްލިކް ހެލްތު ޝާހު އިސްމާއިލް (ސާޔާ) ދަރުމަވަންތަ ހޮސްޕިޓަލް ބަލިތައް

13 ކޮމެންޓް, 56 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރުޝްތުމް ރަޝީދު

20 August 2020

މަގޭ ބޭބެ އަށް އަވަސް ޝިފާއެއް ދެއްވާނދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުށާސީ2020

20 August 2020

އިއްސޭއަށް އަވަސް ޝިފާއަށް އެދެން. އިއްސޭއަކީ ހުރިހާ އެންމެންނާ ގުޅޭ ގާތް ބޭފުޅެއް، މިނިސްޓްރީގެ ހުރިހާ އެންމެންގެ ލޯބި ލިބިފައިވާ ބޭފުޅެއް އިއްސޭއަކީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްވެރިޔާ

20 August 2020

އަވަސް ޝިފާއެއް މިންވަރުކުރައްވާށި އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާއްތަ

20 August 2020

ޒަކަރިއްޔާބެ އަށް އަވަސް ޝިފާއަކަށް އެދެން. ޒަކަރިއްޔާބެއަށް ވުރެ ދޮށީމީހުންވެސް ތިބަލިން ފަސޭހަވެގެން އާދޭ. ބައްޔަބޭނުން ވާ ބޭސް ދުނިޔޭގެ އެތައްމިތަނުގައި އެބަހުރި އެކަމަކު ޑޮކްޓަރުން ބޭސްނެތޭ ކިޔާފައި މިކުޅެނީ ޑްރާމާ.