ޕީޕީއެމް އޮފީހުގައި އެޅުވި ތަޅު ބުރުމާއަކުން މީހަކު ކީހާލަނީ. - ފޮޓޯ: މިހާރު
28 އޮކްޓޯބަރ 2016 - 20:43
56 comments
ޕީޕީއެމް އޮފީސް، ރައީސް އަބްދުﷲ ޔާމީނަށް ތާއީދު ކުރާ ފެކްޝަންގެ ބާރުގެ ދަށަށް މި ރޭ ގެންގޮސްފި އެވެ. އަދި އެ އޮފީހުގައި ހުރި ތަކެތި ނެރެގެން އެހެން ތަނަކަށް ގެންދަން މިހާރު ވަނީ ފަށައިފަ އެވެ.
ރައީސް ޔާމީން ފެކްޝަންގެ ދާންދޫ ދާއިރާގެ މެމްބަރު އަހުމަދު އަސްއަދާއި އިތުރު ތިން މީހަކު ވަނީ އާޓިފިޝަލް ބީޗު ކުރިމަތީގައި ހުންނަ ހ.ތެމާ އަށް ވަދެ، އޮފީހުގައި އަޅުވާފައި ހުރި ތަޅު ކީހާލުމަށް ފަހު އޮފީހަށް ވަދެފަ އެވެ.
އޭގެ ތެރެއިން އެކަކު ޕާޓީގެ އޮފީހަށް ވަދެ، ރަތްކުލައިގެ ކޮތަޅެއްގައި އެއްޗެހިތަކެއް ގެންދިޔަ މަންޒަރު ފެނުނެވެ. ނަމަވެސް އެ މީހާ ގެންދިޔައީ ކޮން އެއްޗެއް ކަމެއް ނޭނގެ އެވެ. ޕީޕީއެމް އޮފީސް ތެރޭގައި އަސްއަދާއި އިތުރު ބަޔަކު އަދިވެސް އެބަތިއްބެވެ.
ބުރުމާއެއް ބޭނުންކޮށްގެން ތަޅު ހަލާކުކޮށްލި އިރު، ފުލުހުން ދިޔައީ އެ ސަރަހައްދުގައި ފޯރިމަރަމުންނެވެ. އަދި އަސްއަދުގެ އަމަލުތައް ހުއްޓުވާކަށް ފުލުހުން އެއްވެސް މަސައްކަތެއް ނުކުރެ އެވެ.
ޕީޕީއެމް އޮފީސް ތެރޭގައި އެ ތިން މީހުން ހަރަކާތްތެރިވަމުން އަންނަ އިރު، ފުލުހުން ވަނީ ޕީޕީއެމް އޮފީހަށް ނުވަދެވޭ ގޮތަށް ބެރިކޭޑު ޖަހައި ބަންދުކޮށްފަ އެވެ. އެކަމަކު ރައީސް ޔާމީން ފެކްޝަންގެ މީހުން ޕީޕީއެމް އޮފީހަށް ވަންނަން ދިޔައިރު ފުލުހުން ހުރަސް އަޅާފައެއް ނުވެ އެވެ.
ނަމަވެސް ޕާޓީގެ ރައީސް މައުމޫން އަބްދުލްގައްޔޫމަށް ތާއީދު ކުރައްވާ ފެކްޝަންގެ މެމްބަރުން ބެރިކޭޑްތަކަށް ވުރެ އެތެރެ އަށް ވަންނާކަށް ފުރުސަތެއް ނުދެ އެވެ. ބެރިކޭޑްތައް ކައިރީ ތިއްބެވި ބޭފުޅުންގެ ތެރޭގައި ބާރަށު ދާއިރާގެ މެމްބަރު އިބްރާހިމް ސުޖާއު އާއި ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ) ހިމެނިވަޑައިގަންނަވަ އެވެ.
ފުލުހުން ބެރިކޭޑް ޖަހާފައިވާ ސަރަހައްދަށް ފުލުހުން ހުއްދަ ދީގެން ވެއްދި ބޮޑު ދެ ޕިކަޕް ޕީޕީއެމް އޮފީސް ދޮށަށް ކައިރި ކޮށް އެ އޮފީހުގައި ހުރި އެއްޗެހިތައް އަރުވަނީ.
ޕީޕީއެމް ހިންގުމުގެ ހުރިހާ ބާރެއް އެ ޕާޓީގެ މުސްތަޝާރު، ރައީސް އަބްދުﷲ ޔާމީނަށް ލިބިވަޑައިގަންނަވާ ގޮތަށް ސިވިލް ކޯޓާއި ހައި ކޯޓުން ކުރި ހުކުމް އިސްތިއުނާފް ކުރަން މައުމޫންގެ ފަރާތުން ސުޕްރީމް ކޯޓަށް ހުށަހެޅި އެވެ. އެކަމަކު ސުޕްރީމް ކޯޓުގެ ފަނޑިޔާރުން ނިންމީ އެ މައްސަލަ ބަލައިނުގަތުމަށެވެ. އެހެންވެ، ޕީޕީއެމް އޮފީހުގައި ހުރި ހުރިހާ މުދާތަކާ ހަވާލުވުމުގެ ކަންކަން ރައީސް ޔާމީންގެ ފެކްޝަންގެ ބޭފުޅުން ދަނީ ކުރަމުންނެވެ.
ޕީޕީއެމް އޮފީސް ހުރި ސަރަހައްދު، ފުލުހުންގެ ބެރިކޭޑްތަކުން ބަންދުކޮށްފައިވާ އިރު، ދެ ޕިކަޕެއް އެ ސަރަހައްދަށް ވައްދަން ފުލުހުން ހުއްދަ ދިނުމުން، އެ ދެ ޕިކަޕް މިހާރު އޮތީ ޕީޕީއެމް އޮފީސް ދޮރުމަތީގަ އެވެ. އަދި ޕީޕީއެމް އޮފީސް ތެރޭގައި ހުރި އެއްޗެހިތައް ނެރެގެން އެ ދެ ޕިކަޕަށް މިހާރު ދަނީ އަރުވަމުންނެވެ.
ނަމަވެސް ރައީސް މައުމޫން ފެކްޝަންގެ ބޭފުޅުން ތަކުރާރުކޮށް ބުނަމުން އަންނަނީ ކޯޓު އަމުރެއް ނެތި ޕީޕީއެމްގެ ހަރުމުދާތައް ހަވާލު ނުކުރެވޭނެ ކަމަށެވެ. އަދި ވަކި ބައެއްގެ ހިމާޔަތުގައި ފުލުހުން މަސައްކަތް ކުރަމުން އަންނާތީ އެކަމާ ހިތާމަ ކުރާ ކަމަށް ވެސް އެ ފެކްޝަނުން ބުނެ އެވެ.
ދެބައިވެފައިވާ ޕީޕީއެމްގެ ދެ ފެކްޝަންގެ ސަޕޯޓަރުންގެ ދެމެދު ކޮންމެވެސް ވަރަކަށް ހަމަނުޖެހުންތަކެއް ވެސް ހިނގި އެވެ. އަދި މައުމޫން ފެކްޝަންގެ ސަޕޯޓަރުންނާ ފުލުހުންނާ މެދު ހޫނު ޒުވާބުތަކެއް ވެސް ހިނގި އެވެ. ނަމަވެސް އެ ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަކުރުބެ
29 October 2016
މީހަކަށް ދަށުދަރަޖައިގެ އަމަލެއް ހިންގޭނީ މިވަރަށް. ފިނޑި ކަމުގެ ހައްދެއްވެސް ނެތް. އަހަރެންނަމަ، އަލަށް ޕާޓީއެއް ހަދަން ޖެހުނަސް، ބައްޕަގެ މަގާމުގަ ހުރިމީހާގެ ކަރުގަ ވަޅިނޭޅީމު. އެބުނާ ހިއްވަރާ ގަޓު ހުރިނަމަ، ދައުަތުގެ ސަލާމަތީ ބާރު ބޭނުން ކޮއްގެން ސިޔާސީޕާރޓީއެއް ފޭރިގަނެގެން ނުދާނެ.
ފޭސް ރިއަލިޓީ
29 October 2016
ފެކްޝަނެއް ކިޔާނެ ކަމެއްނެތް. ކޯޓު އަމުރަށް ބޯނުލެބީމަ ވާނެގޮތް މިވަނީ. މައުމޫން ބޭނުންވަނީ ވީހާ ހަޑިކޮށް ގެންދަން. އެހެންވީމަ ހަޑިވާނެ. އޮތީ އެންމެ ޕީޕީއެމް އެއް. އެޕާޓީ މިހާރު ގާނޫނީގޮތް ހިންގަވަނީ ރައީސް ޔާމީން. ހުރިހާ ގެއްލުމަކާ ދެރައެއް ލިބޭނީ މައުމޫން އާއި އެމަނިކުފާނުގެ ސަޕޯޓަރުންނަށް. ރައީސް ނަޝީދުމެން ކަހަލަ ބޭފުޅުން ތިއްބާ 2018ގަ މައުމޫންގެ ބޭފުޅަކަށް މިގައުމުގެ ރައީސްކަން ލިބުން ވަރަށް ވަރަށް ދުރު. އެހެން ގޮތަކަށް ބުނާނަމަ އިމްޕޮޒިބަލް!
މަރްޔަމް އަޒުރާ
29 October 2016
ޕާރޓީގެ ކޭކު ފެޅުއްވުމާއެކީ ރަސްމީކޮށް ޕާރޓީ ދެފަޅި ވީ އެވެ. ޔައުނީ އެކަން ރަސްމީކޮށް އިއުލާނު ވެގެން ދިޔައީ އެވެ. އެއީ ކުރީގެ ރައީސް އަލްއުސްތާޛް މައުމޫނު ޢަބްދުލްޤައްޔޫމްގެ ފަޅިއާއި ރައީސް ޔާމީނުގެ ކުޑަ ފަޅި އެވެ.
ބޭރުދުނި
29 October 2016
ރައީސް މައުމޫނު މިހާރު އެހުރީ ޕީޕީ އެމުން ބޭރުކޮށްލާފަ އެވެ. ދެން މައުމޫނު ބަހެއް އެޕާރޓީގެ ޔާމީނު ފަޅީގެ ތެރެއަކު ނުވިކޭނެ އެވެ. ހަމަ އެހެން މައުމޫނު ފަޅީގަ ޔާމީނު ބަހެއްވެސް ނުވިކޭނެ އެވެ. ދެން ހަދަންވީ ގޮތެއް އެނގިވަޑައިގަންނަވާނީ މައުމޫނަށެެވެ. މަމެންނަށް ފެންނަނީ ޑީއާރުޕީ އަށް ގުޅޭށެެވެ. އެހެންނޫނީ އަވހަހަށް އަނެއްކާ އެހެން ޕާރތީއެއް ހަދަން ވީ އެވެ. އަދި ޖުމްހޫރީ ޕާރޓީ ލީޑަރާއެކު އޭނާ ރައީސް ކަމަށް ދެން ރައީސް މައުމޫނަށް ފެނިވަޑައިގަންނަވާނަމަ ނައިބުރައީސަކަށް ފާރިޝް
ފަރީޝާ
29 October 2016
ޖަންގަލީގެ އުސޫލުތީ، ވަރަށް ހަނޑިގޮތެއް،
އަޒުމް
29 October 2016
އަނިޔާއަކީ މަސްތެއް، އޭގެ ވެރިން ކައިރީގައި އެއީ ހައްގު އިންސާފު. އެހެންވީމާ ގިނަ އަނިޔާ އޭގެ ނިމޭކޮޅުގައި ފިސާރި އިންތިހާއަށް ދާނެ. މިހިސާބަށް އަނިޔާގެ ކަންކަން އަންނަންވެސް ވެއްޖެ! ކައިރިން ފެނި ކަރުބުޑުގައި ހިތިރަހަ ލައިގެން ނޫނީ ވަކިނުވާ ދަރަޖައަށް އަގުތަކާ އުސޫލުތައް ވަނީ އޮޅުވައިލެވިފައި. އާންމު އިންތިޚާބަކުން ހޮވި ބޮޑު ހުވަޔަކުން އަހުދުހިފިގެން، ލިޔެވިފައިވާ ދައުލަތުގެ އިދާރީ ތަންފީޒީ ބާރާއި ހަވާލުވާ މީހަކު، ދައުލަތުގެ އެހެން ބާރުތަކުގެ މައްޗަށް ބަޣާވާތްކޮށް ގަދަވެގަތުން އެއީ އެފަރާތުގެ ޝަރްޢީ ހައްގަކަށް މިހާރު ވެއްޖެ ކަހަލަ. އެހެނީ ވަކީ ޠާއިފާއަކަށް އިސްލާމްދީނުން ބަޣާވާތް ކުރުން ހަލާލުކޮށްދޭ ކަހަލަ..؟ ކީރިތިޤުރްއާނުގެ ޞ 516 ރަނގަޅަށް ބައްލަވާ. ދައުލަތުގެ ފައިސާއާ ސަލާމަތީ ބާރު އެއީ އެފަރާތަކަށް، ރައްޔިތުން އަޅުވެތިކުރަން ލިބިފައި އޮތް ކެރެޓާ އަސައަށް އެބަ ހަދާލެވޭ. ރައްޔިތުންގެ ފަރާތުން ސަރުކާރަށް ފާރަވެރިވަން ހޮވުނު މަންދޫބުންނާ ކޯޓުގަކުގެ އިސްގާޒީންނަށް (އެމީހުންގެ މައިންބަފައިންގެ ގޭގައި ތިއްބާ ނުލިބޭނޭހައި) ހަދިޔާތައް ދީގެން ހަދާލާ ގާނޫނީ ސިފަލިބިފައި އޮންނަ ގޭންގު ޖަމާޢަތަކުން ގައުމު އެބަ ހިސޯރުކޮށްލެވޭ. ދައުލަތުންނާ މުއްސަނދި ފަރާތްތަކުން އެފަދަ ހަދިޔާ (ދީނުގައި ނަމަ ހަރާމްވެގެންވާ ނުބައިކަންބޮޑު ރިޝްވަތު) ދިނުން އެއީ މައްސަލައެއް ނޫންކަމަށް މީޑިޔާގައި ރަސްމީ ބަޔާން އެބަ ދެއްވޭ!! ފުރަތަމަ ކަމަކަށް ރއްޔިތުން އެބަޖެހޭ، އެބައެއްގެ ދާއިރާއިން ހެޔޮލަފާ ގޮތުގައި އެނގި ފެނި ބޮޑެތިވެފައި ތިބި ވަފާތެރި ދަރީން މަޖިލިސް މެމްބަރުންނަށް ހޮވަން.
ގޮއްޔެ
29 October 2016
ތަންތަން ފަޅާ ލޫޓްވާ މީހުންގެ ހިތްތަކުގައި ބިރުވެރިކަން އުފައްދަމުން ދިޔަޔަސް ތީކީ ދާއިމީ ކަމެއްނޫން. ތިޔަ މީހުންގެ ކިބައިން އަޅަމެންނާއި އަޅަމެންގެ ޤައުމު ސަލާމްތް ކުރައްވާށި. އާމީން
ފަޅުވެރިން
29 October 2016
ތިޔައީދޯ ޢުމަރު ނަޞީދު އެބުނާ ތޮށިގަނޑަކީ؟ އެހެންވީމާ ތޮށިގަނޑު ލިބެންވާ މީހާއަށް ތިއޮތީ ލިބިފައިތާ؟ މައުމޫން، ރައީސް ޔާމީނަށް ކުރެއްވި ތާއީދު އަނބުރާ ގެންދެވީމާ ނުކުތް ނަތީޖާއަކީ ކޮބައިބާ؟ ނުކުތް އެއް ނަތީޖާއަކީ، "އިދިކޮޅު ލީޑަރު" ގެ ހައިސިއްޔަތު ކެނެރީގޭ ނަޝީދުގެ ކިބައިން ނެގި، މައުމޫނަށް އެހައިސިއްޔަތު ލިބުން. ދިވެހިރާއްޖޭގެ ޤާނޫނު އަސާސީގައި ނެތޭ ލިޔެފައެއް މ. އެންދެރިމާގޭ ޢަބްދުﷲ މައުމޫން ކިޔާ ބޭފުޅެއްގެ ތާއީދު އަނބުރާ ގެންދަވައިފިނަމަ އެއިރަކު ހުންނަވާ ރައީސުލްޖުމްހޫރިއްޔާއެއްގެ ވެރިކަމުގެ ހައިސިއްޔަތު ގެއްލޭނެކަމަކަށް. . . އަނެއް ނަތީޖާއަކީ، ދިވެހި ރައްޔިތުންގެ އެތައްހާސް ބަޔަކު މިއަދާހަމައަށް މައުމޫނަށް ކުރަމުންދިޔަ އިޙްތިރާމް (ތާއީދެއް ނޫން، ނަމަވެސް އިޙްތިރާމް! މިއީ މުޅިން ދެއެއްޗެއް. ތާއީދަކީ ވެރިކަމުގައި ހުންނަވާ ބޭފުޅާއަށް އޮންނަ އެއްޗެއް.) ނިމުމަކަށް އައުން. މިނޫން ނަތީޖާއެއް ނުނިކުމޭ!
Fasy
29 October 2016
ތިޔަގެނދެވުމީ މައުމޫނު ފެކްޝަނުން އަތޮޅު ކައުންސިލަށް ހުށަހެޅި ފޯމުތައް. ދެން ބުނެވޭނެދޯ ޔާމީނު ފެކްޝަނަށް ލިބުނޭ 550 ފޯމު. ހޮވަން ޖެހޭޭ މެމްބަރުން 650 ވީމާ މުޅިން ޔާ ފަޅިޔަށް މިއޮތީ ކައުންސިލް ލިބިފައެއްނު
ކިކި
29 October 2016
ސިންގަޕޫރgު ެޅަފަތުގަ މިކަހަލަ ކަންކަން ވާނެ. އަޅާނުލާ..