14 އޮކްޓޯބަރ 2020 - 22:16
14 comments
ކަންނެލި ދޯންޏަކުން ފެނުނު 130 ކިލޯގެ ޑްރަގް ސުމަގުލް ކުރުމުގައި އިސްކޮށް އުޅުނުކަމުގެ ތުހުމަތަށް ހައްޔަރުކޮށްފަައިވާ ޝަހީބު އިބްރާހީމް ޕީއެންސީގެ ކައުންސިލުން ސަސްޕެންޑް ކޮށްފި އެވެ.
ޕީއެންސީން މިއަދު ނެރުނު ކުރު ބަޔާނެއްގައި ބުނީ ޝަހީބުގެ މައްޗަށް ތުހުމަތު ކުރެވޭ މައްސަލައެއްގައި އޭނާ ހައްޔަރުކުރުމާ ގުޅިގެން، އެ މައްސަލައިގައި ވަކި ގޮތެއް ނިމެންދެން އެ ޕާޓީގެ ކައުންސިލުން އޭނާ ސަސްޕެންޑްކޮށްފައިވާ ކަަމަށެެވެ.
ކަންނެލި ދޯނިން ފެނުނު ޑްރަގްގެ މައްސަލައިގައި ޝަހީބް ހައްޔަރުކުރީ މިއަދު އެވެ.
އޭނާއަކީ ޕީޕީއެމް/ޕީއެންސީގެ ހަރަކާތްތަކުގައި އިސްކޮށް އުޅުނު އެކްޓިވިސްޓެކެވެ. އެންމެ ފަހުން ބޭއްވި ރައްޔިތުންގެ މަޖިލިސް އިންތިހާބުގައި ގއ. ވިލިނގިލީ ދާއިރާ އަށް އިދިކޮޅު ކޯލިޝަންގެ ފަރާތުން ވާދަ ވެސް ކުރި އެވެ. ކުރީގެ ރައީސް އަބްދުﷲ ޔާމީންގެ ސަރުކާރުގައި އުސޫލުން ބޭރުން މީހުން އަތުން ފައިސާ ނަގައި ފްލެޓު ދިން ކަމަށް ތުހުމަތުުކުރެވުނު މައްސަލައިގައި ވެސް ޝަހީބުގެ ބައިވެރިވުން އޮތް ކަމަށް ތުހުމަތުކޮށްފައި ވެއެވެ.
ފުލުހުން ބުނި ގޮތުގައި އޭނާ އަކީ ރާއްޖެ އަށް މަސްތުވާތަކެތި އެތެރެކުރާ ކަމަށް ތުހުމަތުކުރެވޭ މައްސަލައަކާ ގުޅިގެން ފުލުހުން މިދިޔަ އަހަރުގެ ނޮވެމްބަރު މަހު އަތުލައިގަތް އީރާން ބޯޓުގެ މައްސަލައާ ވެސް ގުޅުން އޮތް މީހެކެވެ. ނަމަވެސް އެ ބޯޓުން ހައްޔަރުކުރި ހަތް މީހުންނާ ޖާމިނު ވެފައިވަނީ ޝަހީބް ކަމަށާއި އެ މައްސަލާގައި އޭނާ އާއި އީރާންގެ ހަތް މީހުން ކްރިމިނަލް ކޯޓުން ދޫކޮށްލާފައިވާ ކަމަށް ވެސް ފުލުހުން ބުންޏެވެ.
ޑްރަގްސް އެތެރެކުރި ކަންނެލި ދޯނި ފުލުހުންގެ ބެލުމުގެ ދަށަށް ގެންދިޔައީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި ކަނޑުމަތިންނެވެ. އެ ދޯނި އަތުލައިގަނެ ހުޅުމާލެ ފަޅަށް ވައްދައި ފާސްކުރި އިރު އެއިން 130 ކިލޯގެ މަސްތުވާތަކެތި ފެނުނެވެ.
މި މައްސަލައިގައި ޝަހީބުގެ އިތުރުން ހއ. ހޯރަފުށީ ވައިލެޓްވިލާ އަހްމަދު މޫސާ އާއި އިތުރު ހަތަރު މީހަކު ވެސް ހައްޔަރުކޮށްފައި ވެއެވެ. އޭގެ ތެރޭގައި ކުޑަކުއްޖަކު ވެސް ހިމެނެ އެވެ.
ޝަހީބުގެ ބަންދަށް ކްރިމިނަލް ކޯޓުން 15 ދުވަހުގެ މުއްދަތެއް ދީފައިވާއިރު އަހްމަދު މޫސާ ގެ ބަންދަށް ދިނީ ފަސް ދުވަހެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާހީމްސ
15 October 2020
ލަސްނުކޮށް ތުހުމަތުކުރެވޭ މީހާ ސަސްޕެންޑުކޮށް މަސްއޫލިއްޔަތުން އެކަހެރިކުރުމަކީ ޕާޓީން އެޅި ވަރަށް ހަރުދަނާ ފިޔަވަޅެއް. މިފަދަ ޖަރީމާތައް ހިންގާ މީހުންނާމެދު ފިޔަވަޅު އެޅުމުގައި އެހެން ޕާޓީތަކުންވެސް ފަސްނުޖެހޭނެކަމަށް އުއްމީދުކުރަން.
ހިތާމަ ހުރި
15 October 2020
ރާއްޖޭގެ ސިޔާސީ ދާއިރާގެ ހާލު.. ހަރާން ގޮތުގައި ފައިސާ ހޯދާގެން އިންތިޚުގައި ވޯޓް ގަތުން .ރައްޔިތުން ވޯޓް ވިއްކުން..
ކަންނާޑި
15 October 2020
އިންޑިޔާ އައުޓު ކޯސްޓް ގާޑް އައުޓު ގޮވާސަބަބު މިފެންނަނީ ....ކަންނެލި ދޯންޏާއި ބޯޓުތަކުން އެތެރެވާ 130 ކިލޯގެ ޑްރަގް ސުމަގުލް ކޮށް ޓްރާންސިޓް ޑުރަގު ޑީލްކުރަމުންދިޔަ ފަރާތްތަކަށް ދޮރުތައް މިދަނީ ބަންދުވަމުން
ލޮލީ ޖާ
15 October 2020
ކޯޓުފަޓުލޫނު ލާފަ ޑީލަރުން ސިޔާސީބޮދެތިމަގާމުތަކަށް ފޫގަޅާގެން މިއުޅެނީ ދެންކިހިނެއް މިގައުމުން ޑުރަގުހުސް ކުރާނީ މަގޭޚިޔާލަކީ ދިވެހި ދައުލަތުން ބޯމީހުންނަށް ޑްރަގު ދޭންވީހިލޭ ބޯޖީލް ފަނާވެދަންދެން މިހެންހެދީމަ މީގެވިޔަފާހުށްޓި އެއްވެސްޑިމާންޑެއްނޯންނާނެނު މިގަންނަންފައިސާހޯދަން ވަށްކަން ކުރާމީހުން ޢޭރުންވަށްކަންކުރާކަށްވެސްނުޖެހޭނެއްނު ..... ކޮބާތިބޭފުޅުންގެ ޚިޔާލަކީ
ބަޞަންދ
15 October 2020
ޑްރަގް އެތެރެ ކުރާ މީހުންފެނޭނު.... އަދި އެސަރުކާރުގައި އެތެރެ ކުރި ވަރެއްވެސް ނޭނގޭ....
ނަސީމްބެ
15 October 2020
މިކަހަލަ ވަގުން މިތިބެނީ ޕޕއމ ޕއނސީގަ. ޓިނު އަދުރޭގެ ހިސާބު މިފަހަރު ބުނަނީ ކީކޭބާ؟
ވައިސޫރި
15 October 2020
ޑުރަގު ޑީލަރުންނާއި ގޭންގުތައް އޮޕްރޭޓް ކުރަނީ ކޮންބައެއްކަން މިހާރު ވަރައްސާފުކޮއް އެނގޭނެ
މުޖުނޫ
15 October 2020
ޕީޕީއެމް އަކީ ހަމަ ހަމަ ޕާޓީއެއް
ފޮނަދޫ ގަސް ބުޑު
15 October 2020
ވީމާ ޑްރަގު ޑީލަރުން ނަށް ވެސް ތި ޕާޓީ ގައި ހަމަ ހަމަ ފުރުސަތު އޮތީ ތާއެވެ
ކަރަފު ޝަން
15 October 2020
ފިތުނަ ފަސާދަ ފަތުރާ ޗެނަލަށް އަދި ވެސް މީނަ ޢާއި ބެހޭ ގޮތުން ޓިނު ބަސްދީ ގަތުމެއް ނުދޭ ކަމަށް ވަނީ
ްބޮޑޭ
15 October 2020
ޕީއެންސީއަކީ މި ޤައުމުގައި ޑްރަގުގެ ގަސް އިންދި މީހުން، މިއަށް ކިޔާނެ އިތުރު އެއްޗެއް އޮތްކަމަކަށް ނުދެކެން