ޚަބަރު / އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު

މަހްލޫފަށް ފަރުވާ ނުދިނުމަކީ އަނިޔާއެއް، ގެއަށް ބަދަލުކުރަން ޖެހޭ: ނަޝީދު

ކްރިމިނަލް ކޯޓައި ބޭއްވި ޝަރީއަތަކަށް ފަހު މަހްލޫފް ފުލުހުންގެ ވެހިކަލުގައި. --ފޮޓޯ: މުހައްމަދު ޝަރުހާން

ފަޒީނާ އަހުމަދު، މިހާރު

31 އޮކްޓޯބަރ 2016 - 09:56

ފުލުހުންގެ ވާޖިބަށް ހުރަސް އެޅުމުގެ ކުށުގައި ޖަލަށް ލާފައިވާ ގަލޮޅު ދެކުނު ދާއިރާގެ މެމްބަރު އަހްމަދު މަހްލޫފް އާލާސްކަންފުޅާ އުޅުއްވާއިރު އޭނާ އަށް ފަރުވާ ނުދިނުމަކީ ދޭ އަނިޔާއެއް ކަމަށް ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެ އެވެ.

ނަޝީދު ކުރެއްވި ޓުވީޓެއްގައި ވިދާޅުވީ މަހްލޫފް އާލާސްކަންފުޅާ އުޅުއްވާ ކަމަށް އާއިލާ އިން ބުނާ ކަމަށެވެ. އެހެންވެ ފަރުވާ އަށް އޭނާ ގެއަށް ބަދަލުކުރަން ޖެހޭ ކަމަށާއި އެކަމުގައި މޯލްޑިވްސް ކަރެކްޝަނަލް ސާވިސް އިން ފަރުވާ ކުޑަކުރުމަކީ ވެސް ދެވޭ އަނިޔާއެއް ކަމަށް އެމަނިކުފާނު ވިދާޅުވި އެވެ.

MP Mahloof balive ulhuvvakamah aaila in vidhalhuvey. Faruva ah geyah badhalu kuranjehey. MCS in mikamuga faruva kudakurumee dhevey aniyaa eh
— Mohamed Nasheed (@MohamedNasheed) October 30, 2016

ނަޝީދުގެ ޓުވީޓް.

މަހްލޫފްގެ އަނބިކަނބަލުން ނަޒްރާ ނަސީމް (ނަޒޫ) މިދިޔަ ހަފުތާގައި ވިދާޅުވެފައިވާ ގޮތުގައި މަހުލޫފް ޖަލަށް ގެންދިޔަ ފަހުން އެލާޖިކްވުމުގެ މައްސަލަތައް ކުރިއަށް ވުރެ ބޮޑުވެފައިވާ ކަމަށެވެ. އަދި އެކަމުގެ ސަބަބުން ފުރާނަ އަށް ނުރައްކާވެދާނެ ކަމުގެ ބިރު އެބަ އޮތް ކަމަށް ވެސް އޭނާ ވިދާޅުވި އެވެ.

ޖަލުގައި ތިން މަސް ވީއިރު ވެސް، ނަޒޫ ވިދާޅުވި ގޮތުގައި، މަހްލޫފްގެ ބައްޔަށް އެކަށީގެންވާ ފަރުވާއެއް ނުދެ އެވެ. ހަމާއި ލޮލުގެ ބައްޔަށް ބޭސް ބޭނުންކޮށް، ކަރުގެ މައްސަލައެއްގައި ފިޒިއޮތެރަޕީ ހަދާފައިވާއިރު، އެއީ މަހްލޫފަށް އެކަށީގެންވާ ފަރުވާ ނޫން ކަމަށް ވެސް އާއިލާ އިން ބުނެ އެވެ.

މަހްލޫފާ ދޭތެރޭ ކަންކަން ކުރަމުންދާ ގޮތް އާއިލާ އިން ވަނީ ހިއުމަން ރައިޓްސް ކޮމިޝަނަށް ވެސް ހުށަހަޅައިފަ އެވެ.

މަހްލޫފް ޖަލަށް ހުކުމްކޮށްފައި ވަނީ، މުޒާހަރާއެއްގައި ފުލުހުން ބަންދުކޮށްފައިވާ ސަރަހައްދަކަށް ވަތްކަން ސާބިތުވެގެންނާއި ފުލުހުންގެ ބަންދުގައި ހުރިއިރު ފުލުހުންގެ ވެހިކަލަށް އަރަން ދެކޮޅު ހައްދަވައި، ފިލަން އުޅުއްވި ކަން ސާބިތުވުމާ ގުޅިގެންނެވެ. ވަކިވަކިން އިއްވި ދެ ހުކުމުގައި، މަހްލޫފް ޖަލަށް ލީ 10 މަސް ދުވަހަށެވެ.

ގައުމާއި ރައްޔިތުންގެ ހައްގުގައި ކުރީގެ ރައީސް މައުމޫން އަބްދުލް ގައްޔޫމާއި ނަޝީދު ކުރައްވާ އިސްލާހީ މަސައްކަތްޕުޅަށް ޝުކުރު އަދާކުރައްވައި މަހްލޫފް ނެރުއްވި ބަޔާނުގައި، ގައުމަށް ހެޔޮއެދޭ ހުރިހާ އެންމެން އެ މަސައްކަތުގައި ބައިވެރިވާން ގޮވާލެއްވި އެވެ.

މަހްލޫފް ވިދާޅުވީ ޖަލު ގޮޅީގައި އޭނާ ހޭދަކުރައްވަނީ ހިތްދަތި ދުވަސްތަކެއް ކަމަށާއި، ރައްޔިތުންގެ މަޖިލީހުގެ އެހެން އެއްވެސް މެމްބަރަކު އެ އަނިޔާ ތަހައްމަލް ކުރައްވަން އެދިވަޑައިނުގަންނަވާ ކަމަށެވެ.

ރައީސް އަބްދުﷲ ޔާމީންގެ ސަރުކާރުން ރައްޔިތުންނަށް ދޭ އަނިޔާއާ ދެކޮޅަށް ތެދުވަން މަހްލޫފް ވަނީ މެމްބަރުންނަށް ގޮވާލައްވައިފަ އެވެ.

ރައީސް މުހައްމަދު ނަޝީދު ފުލުހުން ކްރިމިނަލް ކޯޓް މަޖިލީހުގެ މެމްބަރުން އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު ކަރެކްޝަނަލް ސާވިސް އިދިކޮޅު ފަރާތްތައް

6 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝިފާގު

31 October 2016

މަހުލޫފު ތިކުރާ ތަޖުރިބާއަކީ ދިވެހިރައްޔިތުންގެ ހައްގުގައި ވެވަޑައިގަންނަވާ ގުރުބާނީއެއްކަމުގައި ބައްލަވާ، ތިޔަފުރުޞަތު ދެއްވިކަމަށްޓަކާ ރައްޔިތުންނަށް ޝުކުރުވެރިވެވަޑައިގަންނަވާށެވެ. ރައްޔިތުންނަށް ޚިދުމަތްކުރުމުގައި ޖަލުގެ ގޮޅީގައި މަޑުކުރައްވާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުދައްރިސް

31 October 2016

މަހުލޫފު ފޮނުވޭނީ މިހާރު ފަރުވާއަށް ގޮސް އިނގިރޭސި ވިލާތުގަ ހުރި މީހާ އައިމަ އެއްނު. ސުކޫލު ގަ ވެސް އެކަކު ނިމުނީމަ ދެން ހުރި ކުއްޖާއަށް ފާހަނައަށް ދެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާއިލީ

31 October 2016

އިނގިރޭސިވިލާތުގައި ހުންނަ ދިވެހި އާއިލީ ކްލިނިކުން އެބަލިތަކަށް އެންމެ އެދެވޭ ފަރުވާ ލިބޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

31 October 2016

ޖަލަށް ހުކުމްކުރާއިރަށް ކޮންމެ މީހެއްގެ މައިބަދަ އާޢި ލޮލާޢި ބޮލާއި ހުރިހާ މައްސަލަތަކެށް އެބަދިމާވޭ ، މިސާލަކަށް 2 ނާޒިމްވެސް ވީއެހެން ، ސިންގަރޕޯޜއަށް ބޭސްފަރުވާއަށް 2 މީހުންވެސް ދިޔަ އޭގެތެރޭން އެކަކު އިނގިރޭސިވިލާތަށް ހިނގައްޖެ ،، މިހާރު ބައްޔެއްވެސް ނޫން ،، ހަމައޮގޮތަށް ރައީސްނަޝީދުވެސް މައިބަދައިގެ އޮޕަރޭޝަންއެއް ކުރަންޖެހޭކަމަށް ބުނެގެން އިނގިރޭސިވިލާތަށް ދިއައީ ، އެކަމު ކުރި އޮޕަރޭޝަންއެއް ނެތް ،،، ވީމާ މަހްލޫފްވެސް ތިޔަދައްކަނީ އަސްލު މަންޒަރެއްތޯ ނޫނީ ދަޅައެއްތޯ ބެލުމަކީވެސް އޮތްކަމެށް ކަމަށް ފެނޭ ،،، ވަރަށް ސަލާމް