ހަނދުގައި މުއާސަލާތީ ވިއުގަ ގާއިމުކުރުމުގެ މަޝްރޫއު ނޮކިއާ އަށް

ނާސާ އިން ނޮކިއާ ލެބްސްއާ މަޝްރޫއު ހަވާލުކުރީ 14.1 މިލިއަން ޑޮލަރަށް

އަހުމަދު އަދްޝަން، މިހާރު

20 އޮކްޓޯބަރ 2020 - 07:08

ހަނދުގައި މުއާސަލާތީ ހިދުމަތް ލިބޭނެ ގޮތް ހެދުމަށް ކުރިއަށް ގެންދަން ނިންމާފައިވާ މަޝްރޫއު، 4ޖީ ނެޓްވޯކް ލިބޭ ގޮތަށް ކުރިއަށް ގެންދަން އެމެރިކާގެ ޖައްވީ އިދާރާ ނާސާ އިން ފިންލެންޑްގެ މުއާސަލާތީ ކުންފުނި ނޮކިއާއާ ހަވާލުކޮށްފި އެވެ.

ހަނދުގައި ގާއިމުކުރާ ފުރަތަމަ ސެލިއުލާ ވަޔަލެސް ނެޓްވޯކް ނޮކިއާ ބެލް ލެބްސްއާ ހަވާލުކުރީ 14.1 މިލިއަން ޑޮލަރަށެވެ. މި މަޝްރޫއުގެ ދަށުން 4ޖީ ނެޓްވޯކް ގާއިމުކުރުމަށް ފަހު، އެ ނެޓްވޯކް 5ޖީ އަށް އަޕްގްރޭޑް ވެސް ކުރާނެ އެވެ. ނާސާ އިން މިފަދަ މަޝްރޫއެއް ކުރިއަށް ގެންދަން ނިންމައި ނޮކިއާ އެކު އެއްބަސްވުން ހަދާފައި ވަނީ 2024 ގައި ހަނދަށް އަލުން ދާން "އާޓެމިސް" ގެ ނަމުގައި ބޮޑު ޕްރޮގްރާމެއް ވެސް ފަށާފައި ވަނިކޮށެވެ. މިކަމުގައި އެމެރިކާއާ އެކު މިހާރު އަށް ގައުމަކުން ބައިވެރިވެ އެވެ.

To the moon! 🌕

We are excited to have been named by @NASA as a key partner to advance “Tipping Point” technologies for the moon, to help pave the way towards sustainable human presence on the lunar surface.

So, what technology can you expect to see? (1/6) pic.twitter.com/wDNwloyHdP
— Bell Labs (@BellLabs) October 15, 2020

މީގެ އިތުރުން ނާސާއާ ގުޅިގެން މަހުޖަނު އީލޮން މަސްކްގެ ސްޕޭސް އެކްސް އިން ވަނީ ޓޫރިސްޓުންގެ ގޮތުގައި ހަނދަށް މީހުން އުފުލަން ވެސް ނިންމައިފަ އެވެ.

ނާސާ އިން ބުނީ ނޮކިއާ އިން ހަނދުގައި ގާއިމުކުރާ މުވާސަލާތީ ވިއުގައާ އެކު ހަނދާ ގުޅުން ހުރި މިޝަންތަކަށް ބޮޑެތި ކުއެރުންތަކާއި ފަސޭހަތައް ލިބި، އެސްޓްރޮނޯޓުންގެ މެދުގައި ކުރެވޭ މުއާމަލާތްތަކަށް ވެސް ވަރަށް ބޮޑަށް ފަސޭހަވެގެން ދާނެ ކަމަށެވެ.

This mission will validate the future of other operational deployments and the potential for human habitation on the moon. (6/6)

Learn more about the “Tipping Point” project here: https://t.co/M372GpU09q
— Bell Labs (@BellLabs) October 15, 2020

އެގޮތުން މިޝަންތަކުގައި ބޭނުންކުރާ އުޅަނދުފަހަރު ކޮންޓްރޯލްކޮށް އެ އެއްޗިއްސާ ބެހޭ ޑޭޓާތައް އެއްކޮށް ރިއަލް-ޓައިމް ނެވިގޭޝަނާ އެކު ހަނދުގެ މަންޒަރުތައް އެޗްޑީ ކޮލިޓީގައި ބިމަށް ފޯރުވައިދޭނެ އެވެ.

މިކަމާ ބެހޭ ގޮތުން ބެލް ލެބްސް އިން ބުނީ ހަނދުގައި ގާއިމުކުރާ މުއާސަލާތީ ވިއުގަ އަކީ އާދައިގެ ކުޑަ މަސައްކަތަކަށް ނުވާނެ ކަމަށެވެ.

Our pioneering innovations will be used to build and deploy the first wireless network on the moon, starting with #4G/LTE technologies and evolving to #5G. (2/6)
— Bell Labs (@BellLabs) October 15, 2020

"އަދި މި ޕްރޮޖެކްޓްގެ ނަތީޖާ ގުޅިފައި އޮތީ ކުރިމަގުގައި ކުރިއަށް ގެންދާނެ މިފަދަ މަސައްކަތްތަކާ،" އެ ކުންފުނިން ބުންޏެވެ. "މިއީ ހަގީގަތުގައި މުއާސަލަތީ ވިއުގަ ގާއިމުކުރުން މުޅިން އެހެން އުސްމިނަކަށް ގެންދިއުމުގެ ފެށުން."

ނާސާގެ ސްޕޭސް ޓެކްނޮލޮޖީގެ އެސޯސިއޭޓް އެޑްމިނިސްޓްރޭޓަރު ޖިމް ރޮއިޓާ ވިދާޅުވި ގޮތުގައި ނޮކިއާ ގުޅިގެން ޓެކްނޮލޮޖީގެ ދާއިރާ އިން މުޅިން އާ މަސައްކަތެއް ފެށުމަކީ ވަރަށް ބޮޑު އުފަލެކެވެ.

ނޮކިއާއާ އެކު ނާސާ އިން ހެދި އެއްބަސްވުމަކީ އެތަނުން "ޓިޕިން ޕޮއިންޓް" ގެ ނަމުގައި ކުރިއަށް ގެންދަން ނިންމާފައިވާ 370 މިލިއަން ޑޮލަރު ގްރާންޓް ޕްރޮގްރާމް ބައެކެވެ.