ކުރީގެ މެމްބަރު މުހައްމަދު ނަޝީދު: މީހަކަށް ދެ މިލިއަނަށް ވުރެ ގިނަ ރުފިޔާ ދައްކަން ނަޝީދުގެ މައްޗަށް ކުރި ހުކުމް ހައި ކޯޓުން ވަނީ ބާތިލް ކޮށްފައި -- ފޮޓޯ/މަޖިލިސް
29 އޮކްޓޯބަރ 2020 - 18:19
9 comments
މީހަކަށް ދެ މިލިއަނަށް ވުރެ ގިނަ ރުފިޔާ ދައްކަން ކުރީގެ ލީގަލް ރިފޯމް މިނިސްޓަރު އަދި ރައްޔިތުންގެ މަޖިލީހުގެ ކުޅުދުއްފުށީ ދެކުނު ދާއިރާގެ ކުރީގެ މެމްބަރު މުހައްމަދު ނަޝީދުގެ މައްޗަށް ކޮށްފައިވާ ހުކުމް ހައި ކޯޓުން ބާތިލްކޮށްފި އެވެ.
އިންޑިއާގެ މީހެއް ކަމަށްވާ ޑރ. އަލަކާ ސިންގަށް 150،000 ޑޮލަރު ދައްކަން ނަޝީދުގެ މައްޗަށް 2018 ވަނަ އަހަރު ސިވިލް ކޯޓުން ހުކުމްކުރީ އަލަކާ އިންވެސްޓްކުރި "ބަރުތީލަ" ނަމަކަށް ކިޔާ ކަނޑު އުޅަނދެއް އެހެން މީހަކަށް ވިއްކާލުމުގެ މުއާމަލާތަކާ ގުޅިގެންނެވެ. އެ އުޅަނދު އެހެން މީހަކަށް ވިއްކާލާފައިވަނީ ބޭނުންވި އަގަށް ވުރެ ކުޑަ އަގެއްގައި ކަމަށް ވާތީ އެކަމުގެ ބަދަލެއްގެ ގޮތުން 150،000 ޑޮލަރު ނަޝީދު ދޭން އެއްބަސްވެފައިވާ ކަމަށް ބުނެ އެވެ. އެކަމަކު ނަޝީދުގެ ފަރާތުން ބުނެފައިވަނީ އެކަމުގައި ގާނޫނީ ގޮތުން ބަނދެވޭ އެއްބަސްވުމެއް ނެތް ކަމަށެވެ.
އެ މައްސަލަ ނަޝީދުގެ ފަރާތުން އިސްތިއުނާފް ކުރުމުން ހައި ކޯޓުން ކުރި ހުކުމުގައިވަނީ ދެ ފަރާތުގެ ދެމެދުގައި ބަދަލުކުރި އީމެއިލްތަކުގައި، އެ ފައިސާ އަކީ ނަޝީދުގެ ފަރާތުން ލާޒިމްވުމެއް ނެތި ދިނުމަށް ހުށަހަޅާ ފައިސާއެއް ކަމަށް ބުނުމުން އަލަކާ ވެސް އެކަމަށް އެއްބަސްވެފައިވާ ކަމަށެވެ. އަދި ނަޝީދުގެ އެ ހުށަހެޅުމުގެ ނިޔަތަކީ ކޮބައިކަން އެ އުޅަނދު އެހެން މީހަކަށް ވިއްކާލުމުގެ ކުރިން އޭނާ ސާފުކޮށް ދީފައިވާ ކަމަށާއި އެހެންވެ، ގާނޫނީ ގޮތުން ބަނދެވޭ އެއްބަސްވުމެއް ނަޝީދާ އެކު ނެތް ކަމަށް އެ ހުކުމުގައިވެ އެވެ.
އެހެންވެ، 150،000 ޑޮލަރު ދައްކަން ނަޝީދުގެ މައްޗަށް ކުރި ހުކުމް ބާތިލްކުރާ މައްސަލަ އެ މައްސަލަ ބެއްލެވި ތިން ފަނޑިޔާރުންގެ އިއްތިފާގުން ކުރެއްވި ހުކުމުގައިވެ އެވެ.
އެ ހުކުމް ބާތިލް ކުރިޔަސް، ނަޝީދުގެ ފަރާތުން އެ މައްސަލާގައި ދަށު ކޯޓަށް ހުށަހެޅި ރައްދު ދައުވާ އެ ކޯޓުން ބަލައިނުގަތީ ރަނގަޅަށް ކަމަށް ހައި ކޯޓުގެ ހުކުމުގައިވެ އެވެ. ސަބަބެއްގެ ގޮތުގައި އެ ހުކުމުގައިވަނީ ނަޝީދު ހުށަހެޅުއްވި ރައްދު ދައުވާ އަކީ އެ މައްސަލައިގެ ތެރެއިން ވަޒަން ކުރެވިގެންދާނެ ވާގިއާތަކާ ގުޅުންހުރި ދައުވާއަކަށް ނުވުމެވެ. އަދި އެ ފައިސާ ދައްކަން ނަޝީދަށް ދަށު ކޯޓުން ދިން މުއްދަތުގެ ސަބަބުން އޭނާގެ އިސްތިއުނާފީ ހައްގަށް އުނިކަމެއް އައިސްފައި ނުވާ ކަމަށް ވެސް ހުކުމުގައިވެ އެވެ.
އެ މައްސަލަ ހައި ކޯޓުން ބެއްލެވީ ފަނޑިޔާރު ހާތިފް ހިިލްމީ އާއި ފަނޑިޔާރު އަބްދުއްރައޫފް އިބްރާހިމްގެ އިތުރުން ފަނޑިޔާރު މުހައްމަދު ނިޔާޒެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
31 October 2020
މި ބޭފުޅާ ސިޔާސީ ދާއިރާ އިން ރިޓަޔަރ ކުރީތަ؟
2000
30 October 2020
ނަޝުދު ފަދަ ޤާބިލް މީހަކަށް މިގައުމު އެބަ ގޮވާ.... ގާނޫނީ އިލްމީ މީހުންނަށް މިގަުމު ވެރިކަން ދޭންވީ. މާލޭގެ ދެއާއިލާއަކަށް ރާއްޖެ ވެރިކަން މިލްކުވެފައި އޮތުމަކީ ގިނަ ދިވެހިން އެދޭ ގޮތެއް ނޫން
މުކޮޅު
31 October 2020
ޢޭރުން "ރައީސް ނަޝީދު"ތައް ރާއްޖޭގައި މާގިނަވެދާނެ.. އޮޅޭގޮތް ވެދާނެ.
އަހްމަދުކަލޯ
31 October 2020
މާލޭތެރެ ރާޖެތެރެ ކިޔާގެން ފަނި ހަދާނެ ކަމެއްނެއް... އެހެންޏާފަހެ މިހާރު ވެރިކަމުގަ ހުންނެވީ މާލޭ މީހެއް ވިއްޔަ؟
ހާމިދު ޝާހިދު
30 October 2020
މިގައުމުގެ ވެރިކަމަށް ނަޝީދު ފަދަ އިލްމީ ގާބިލިއްޔަތު ލިބިގެންވާ ބޭފުޅަކު އައުމަށް އެދި އެދި މިތިބީ. ސިޔާސީ ހަރަކާތައް އަލުން ވަންނަވާ، ގައުމު ހަމަމަގަށް އަޅުވަން މަސައްކަތް ކުރައްވާ!
އަހަންމާފުތާ
30 October 2020
އިލްމީ ގާބިލިއްޔަތު ލިބިގެންވުމަކީ ރައްޔިތުންނަށް ހެޔޮވެރިކަމެއް ކުރުމުގެ ގާބިލްކަން ލިބުމެއްނޫން. 1980ގެ އަހަރުތަކުގައި ރާއްޖޭގެ ހުރިހާ ދިމާއަކުން 24ގަޑިއިރު އަޑުއިވެމުން ދިޔައީ ވެރިކަމުގައި ހުންނެވީ މުޅި ދުނިޔެ ނުދެކޭފަދަ އިސްލާމީ އިލްމް ވެރިއެއްކަމަށް. 1 ޖީލް ހަލާކުވެގެންގޮސް ޑްރަގް ނެގުން އާންމު ވެފައި މިއޮތީ، ކުއްކުރުން އެހާގިނަ. ބޭސްފަރުވާއަށް އަދިވެސްހަމަ ސަލާންޖަަހަނީ. ގެދޮރުގެ ދަތިކަމަށް ހައްލެއްނައި.
ހަކީމް
30 October 2020
ލާޒިމް ނުވުމަކީ އަދި ދޭން ނުޖެހުމެއް ނޫން.
ހަކީމްބެއަށް
30 October 2020
ލާޒިމްވާ ގޮތަށްދޯ އެގްރީމެންޓް ހަދަން ޖެހޭނީ
ކޮރެކްސް
30 October 2020
ނަޝީދުއަށް މަރުހަބާ ތިކޭސް ވިންވީތީ.