ދަރުބާރުގޭގައި މިރޭ ބޭއްވި ނޫސްވެރިންގެ ބައްދަލުވުމުގައި އާރިފް (ކ) ބައިވެރިވެވަޑައިގަންނަވާއިރު، ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ (މ) އަދި ޕީޕީއެމްގެ ޕާލަމެންޓްރީ ގުރޫޕުގެ ލީޑަރު ނިހާން.--- ފޮޓޯ: ޓުވިޓާ
01 ނޮވެމްބަރ 2016 - 23:02
26 comments
ހ. ތެމާގައި ހިންގި ޕީޕީއެމްގެ އޮފީހުގައި ހުރި ލިޔެކިޔުންތައް ބަޔަކު ނައްތާލި މައްސަލައެއް ފުލުހުންނަށް ހުށަހަޅާފައިވާ ކަމަށް ރައީސް އަބްދުﷲ ޔާމީންގެ ފެކްޝަނުން މިރޭ ބުނެފި އެވެ.
ދަރުބާރުގޭގައި ނޫސްވެރިންނާ ވާހަކަ ދައްކަވަމުން ކެލާ ދާއިރާގެ މެމްބަރު އަލީ އާރިފް ވިދާޅުވި ގޮތުގައި، ކޯޓު އަމުރު ތަންފީޒު ކުރުމަށް ފުލުހުންގެ އެހީތެރިކަމާއެކު، ޕީޕީއެމްގެ އޮފީހަށް ވަދެ ތަކެތި ގެންދިޔައިރު، ޕާޓީގެ އޮފީހުން ކޮންމެހެން ލިބެން ޖެހޭ މުހިއްމު މައުލޫމާތު ނައްތާލާފައިވާކަން ފާހަގަކުރެއްވޭ ކަމަށެވެ. އެ ގޮތުން ބައެއް ކޮމްޕިއުޓަރުތަކުގައި ހާޑް ޑްރައިވް ނެތްއިރު، ހާޑްޑްރައިވް ހުރި ކޮމްޕިއުޓަރުތަކުގައި ހުރި އެއްޗެހި ފޮހެލާފައިވުމަކީ ހިންގި ބޮޑު ޖަރީމާއެއް ކަމަށް އޭނާ ވިދާޅުވި އެވެ.
"ޕާޓީގައި ބޭނުންކުރަމުންދިޔަ ހުރިހާ ކޮމްޕިއުޓަރުތަކެއްގެ ހުރިހާ އެއްޗެއްގެ ހާޑް ޑިސްކު ހުރީ ނަގާފައި. ހާޑްޑިސްކެއްގައި ވެސް ހުރި ހުރިހާ އެއްޗެއް ވަނީ ފޯމެޓް ކޮށްލާފައި،" އާރިފް ވިދާޅުވި އެވެ.
އޭނާ ވިދާޅުވީ ޕީޕީއެމްގެ ހިސާބުތަކާއި ޖަލްސާތަކުގެ ޔައުމިއްޔާތަކާއި އެކި ފަރާތްތަކާއެކު ހަދާފައި ހުރި އެއްބަސްވުންތައް ފަދަ މުހިންމު ލިޔެކިޔުންތައް ގެއްލިފައިވާ ކަމަށެވެ. އަދި ޕާޓީ ހިންގުމުގެ ކަންކަމުގައި ހަރަކާތްތެރިވާ މީހުންނާ ހަވާލުކުރަން ޖެހޭ ބައެއް ތަކެތި އޮފީހުން ނެރެގެން ގެންގޮސްފައިވާ ކަމަށް އާރިފް ވިދާޅުވި އެވެ.
އޭނާ ވިދާޅުވި ގޮތުގައި ޕީޕީއެމްގެ ރައީސް މައުމޫން އަބްދުލް ގައްޔޫމްގެ ފެކްޝަނުގެ ބާރުގެ ދަށުގައި ހުރި އެ ޕާޓީގެ އޮފީހުގެ ބައެއް ލިޔެކިޔުންތައް ނައްތާލީ މައްސަލަ ފުލުހުންނަށް ހުށަހެޅީ އާންމު މެމްބަރުންގެ ހައްގުތަކަށް ބަޔަކު އަރައިގެންފައިވާތީ އެވެ.
ތެމާގައި ހިންގި ޕީޕީއެމްގެ އޮފީހުގެ ލިޔެކިޔުންތަކެއް ނައްތާލި ކަމަށް ރައީސް ޔާމީންގެ ފެކްޝަނުން ބުނާއިރު، މައުމޫންގެ ފެކްޝަނުން ބުނެފައި ވަނީ އެ އޮފީހުގައި ހުރި ތަކެތި ރައީސް ޔާމީންގެ ފެކްޝަނުން ގެންގޮސްފައިވާ ކަމަށެވެ. ޕީޕީއެމްގެ އޮފީސް ހިންގި ތަން މައުމޫންގެ ދަރިކަނބަލުން ޔުމްނާ މައުމޫނަށް މިއަދުން ފެށިގެން ހަ މަސް ދުވަހުގެ މުއްދަތަށް ދޫކުރުމަށް، ގޭގެ ވެރިފަރާތުން ވަނީ އެއްބަސްވެފަ އެވެ. ޔުމްނާ ވިދާޅުވެފައިވާ ގޮތުގައި އެތަނުގައި ދެން ހިންގާނީ "ޕީޕީއެމްގެ ރައީސްގެ އޮފީސް" އެވެ. އަދި ވަރަށް އަވަހަށް މައުމޫންގެ މަސައްކަތްތައް ތެމާގައި ފައްޓަވާނެ ކަމަށް ޔުމްނާ ވިދާޅުވެފައިވެ އެވެ.
ބޮޑު ކޯޅުންގަނޑެއްގެ ތެރޭގައި އޮތް ޕީޕީއެމްގެ އޮފީހުގައި ހުރި މުދާތައް މިދިޔަ ހުކުރު ދުވަހުގެ ރޭ ރައީސް ޔާމީންގެ ފެކްޝަނުން ވަނީ ދަރުބާރުގެއަށް ގެންގޮސްފަ އެވެ. އެހެންވެ، ޕީޕީއެމް އޮފީހުގައި އިދާރީ ގޮތުން ކުރަން ޖެހޭ ކަންކަން ވަނީ ހުއްޓުމަކަށް އައިސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިހާން އަބްދުއްރަހީމް
02 November 2016
ދެން ތިއީ އެއްބައެއްނު. ޕޮލިހަކީ ތިފެންޝަންގެ ކުދިންކޮޅެއްނޫންތަ
އައިއީޑީ
02 November 2016
އައިއީޑީ ހޯދަންކުރި މަސައްކަތަށްވުރެ ބުރަ މަސައްކަތްކުރަންޖެހޭނެ ދެން ތިޔަ ތަކެތި ހޯދަން.
މުހަންމަދު
02 November 2016
ދެބެންގެކޯޅުން އައު އުސްމިނަކަށް ދިޔައީކަހަލައެވެ! ޤަބޫލުކުރަން ދަތިނަމަވެސް، ނިއުޅިގެންމިދަނީ ވިސްނުންތެރިކަމާއިއެކު ރޭވިތަރުތީބުވެގެން ނިޔުޅަމުންގެންދާ ޑުރާމާއެއްގޮތުގައި ފެނެއެވެ. ކޮންމެއަކަސް، "އަޞްލު" ވީތަނެއްނޭނގެއެވެ. އިވެނީ ދެފަރާތުގެ ޝަކުވާއެވެ! ޢިބުރަތްތެރި ފިލާވަޅުތަކެކެވެ.
ބަބާ
02 November 2016
އަނެއްކާވެސް ފިސްތޯލައެއް ފެންނަންއުޅެނީބާ!!!
ކީކޭ
02 November 2016
މަ ހީހީ ހަލާކުވެއްޖެ...ހެހެހެހެހެ...
އަލީ
02 November 2016
އަނެއްކާ ކޯންޗެއްހޯދަންބާ ތިވަރަކުން ތިއުޅެނީ. ތިވާނީ އަދުރޭމެންނައް ތިހޯދަންއުޅޭއެއްޗެއް ބެހެއްޓުނުތަނެއް ހަދާންނެތުނީކަމައް، ތި ފެކްޝަނުން މިހުރިހާދުވަހު ޕާޓީގެކަންކަން ހިންގީ މެޑަމް އޮފީހުގަ ދެން ކިހިނެއް އަދުރޭމެންގެ އެއްޗެއް އަނެއްފެކްޝަން އޮފީހުގަހުންނާނީ.
1234
02 November 2016
އެހެންވެއޭ ބުނަނީ ގޫގުލް ކުލައުޑުގައި ފައިލްތައް ސްޓޯކުރާށޭ. ހާޑުގަ ހުރީމަ ފޯމެޓްކޮށްލެވުނީ.
ކެނެޑީ
02 November 2016
ހޯހޯ މިރާއްޖެ ކޯޓުން އަމުރު ކޮށްފާނެ ގޫގަލް ޑްރައިވް ކޯޓު އަމުރަކުން ކޯޓަށް ހާޒިރު ކުރަން ލޮލް
ވގ
02 November 2016
ހުސް ދޮގު!
އިޙްތިރާމް
02 November 2016
ކޮންމެ ފަހަރަކު ވާހަކަ ފައްޓަވަމުން ވިދާޅުވާނެ، މަޢުމޫނުގެ ޚިދުމަތް ތިމަންނަމެން ބަލައިގަންނަމޭ. އެއީ ޒަޢިމޭ، މަޢުމޫނަށް ވަރަށް އިޙްތިރާމް ކުރަމޭ. އެކަމަކު، މަޢުމޫނު ގޮވައިގެން ކޯޓަށް ހިނގައްޖެ. މަޢުމޫނު ގެ ބާރު ޕާޓީ އިން ކަނޑުވާލައިފި. މަޢުމޫނު ބާއްވަވަން އުޅުނު ޖަލްސާ ހުއްޓުވައިފި. ވާހަކައިގެ މެދުތެރެއިން އަނެއްކާވެސް ވިދާޅުވާނެ މަޢުމޫނަކީ މި ޤަޢުމު ތަރައްޤީކޮށްދެއްވި ޒަޢީމޭ. މަޢުމޫނަށް ނިހާޔަތަށް އިޙްތިރާމް ކުރަމޭ. އެކަމަކު، މަޢުމޫންގެ އޮފީސް ބަންދުކޮށް ތަޅުއަޅުވައިފި. އެ އޮފީސްގެ ފާރުތަކުގައި ފާޑު ފާޑުގެ ޖޫހާއި ކޮކްޓެއިލްތައް މަޢުމޫނަށް ވެދުމަށް އަރުވައިފި. މަޢުމޫނު ބާކީކޮށް މުޅިން އެކަހެރިކޮށްލައިފި. އަނެއްކާވެސް، ވާހަކަކޮޅު ނިންމާލަމުން ވިދާޅުވާނެ މަޢުމޫނާ ދެކޮޅަށް ކަމެއް ކުރާކަށްވެސް އަދި ވާހަކަ އެއް ދައްކާކަށްވެސް ބޭނުމެއް ނޫނޭ. މަޢުމޫނަށް އިންތިހާއަށް އިޙްތިރާމް ކުރަމޭ. އެއި ޒަޢީމޭ. މިއޮތީ ވާ ލާމަސީލު އިޙްތިރާމެއް. އަޅުގަނޑަށް ރަނގަޅީ، އަޅުގަނޑުގެ ދަރިޔަކުވެސް، ތިމާގެ މީހަކަުވެސް، އަވަށްޓެރިޔަކުވެސް، ދަންނަ މީހަކުވެސް، ނުވަތަ ހަތުރަކުވެސް މިގޮތަށް އަޅުގަނޑަށް ދުވަހެއްގެ ކޮޅުންވެސް އިޙްތިރާމު ނުކުރިއްޔާ.
އެންތަނީ
02 November 2016
މިކިޔަނީ ފަލޮލޭތަ! އާރިފް ކޮބާ ލަދު
ހަޤީޤީ ފަޅި.
02 November 2016
ޕޕއެމް "ފްރޭމް" ފެކްޝްންގެ 3 "ފްރޭމް" އެކްސްޕާޓުން. ތިބުނާ ތަކެތި ފަހަރެއްގައި ޕޕ އެމް ގެ ރައީސް އަލްއުސްތާޒް މަޢުމޫން ޢަބްދުލް ޤައްޔޫމް ނިދިކުރައްވާ ކޮޓަރިޔަށް ނުފޯރައިފިއްޔާ ކިތައްމެހާވެސް ރަނގަޅު. މިކަމާ ވިސްނާތިބުން މުހިއްމު.