ބޯޑަރު ހުޅުވި ފަހުން އެއްލައްކަ ވަނަ ޓޫރިސްޓު މާދަމާ އަންނާނެ

ޓޫރިސްޓުންގެ މެދުގައި ރާއްޖެ މަޝްހޫރުވެފައި އޮންނަނީ ހިމޭން، ރީތި، ހިތްގައިމު ގައުމެއްގެ ގޮތުގައި. މީގެ ކުރިން ނަމަ ޓޫރިސްޓުން މަތިންދާބޯޓުން ފައިބައި އިރު ވެސް އެ ފެންނަ ހިނިތުންވުމުން އެމީހުންގެ އުއްމީދުތައް ދެނެގަނެވޭ. އެކަމަކު ކޮވިޑް-19އިން ރައްކާތެރިވާން އަޅާ ފިޔަވަޅުތަކުގައި، އެ ހިނިތުންވުމެއް ވެސް މިއަދަކު ނުފެނޭ. މިއަދު އޮތީ މޫނުމަތި އަޅައި ގައިދުރުކުރުން.

މުހައްމަދު ނަސީމް، މިހާރު

11 ޑިސެމްބަރ 2020 - 15:07

18 comments

ކޮވިޑް-19 ގެ ބަލިމަޑުކަމާ ހެދި ޓޫރިޒަމް ހުއްޓުމަކަށް އައުމަށް ފަހު ރާއްޖޭގެ ބޯޑަރު އަލުން ހުޅުވިފަހުން އަންނަ އެއްލައްކަ ވަނަ ޓޫރިސްޓް މާދަމާ އަންނާނެ ކަމަށް ޓޫރިސްޒަމް މިނސްޓަރު ޑރ. އަބްދުﷲ މައުސޫމު މިއަދު ވިދާޅުވެއްޖެ އެވެ.

ފޭސްބުކްގައި ކުރެއްވި ޕޯސްޓެއްގައި މައުސޫމް ވިދާވީ ބޯޑަރު އަލުން ހުޅުވި ފަހުން އަންނަ އެއްލައްކަ ވަނަ ޓޫރިސްޓް އައުމަކީ ހާސިލުވި މައިލްސްޓޯންއެއް ކަމަށެވެ. އެކަމުގެ އުފާ މާދަމާ ހެނދުނު ފާޅުކުރައްވާނެ ކަމަށް އޭނާ ވިދާޅުވި އެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން، ރާއްޖޭގެ ބޯޑަރު އަލުން ހުޅުވި ފަހުން މިއަދާ ހަމައަށް 96،953 ޓޫރިސްޓުން ވަނީ ރާއްޖެއަށް ޒިޔާރަތްކޮށްފަ އެވެ.

ހިސާބުތަކުން އެނގޭ ގޮތުގައި ރާއްޖޭގެ ބޯޑަރުތައް އަލުން ހުޅުވި ފަހުން ދުވާލަކު އަންނަ ޓޫރިސްޓުންގެ އަދަދު ކޮންމެ ދުވަަކުވެސް އައީ އިތުރުވަމުންނެވެ. އެގޮތުން ޖުލައި 15 އިން އެ މަހުގެ ނިޔަލަށް ދުވާލަކަށް އެވްރެޖްކޮށް 100 މީހުން އައި ނަމަވެސް އޮގަސްޓްމަހު އެވްރެޖްކޮށް ދުވާލަކު 246 މީހުން ރާއްޖެއަށް އަ އެވެ.

ރާއްޖޭގެ ޓޫރިޒަމް ކޮންމެވެސްް ވަރަކަށްް ރަނގަޅުނާ ފެށީ މިދިޔަ އޮކްޓޯބަރު މަހު އެވެ. އެ މަހު ޖުމްލަ 21،515 މީހުން އައެވެ. އެއީ ދުވާލަކަށް އެވްރެޖްކޮށް 698 މީހުންނެވެ. އޭގެ ފަހުން މިދިޔަ މަހު ވަނީ ދުވާލަކު އަންނަ މީހުންގެ އަދަދު ފުރަތަމަ ފަހަރަށް އެއްހާހުން މަތިވެފަ އެވެ. އެ މަހު ދުވާލަކު އެވްރެޖްކޮށް 1،119 ޓޫރިސްޓުން ރާއްޖެއަށް ޒިޔާރަތްކުރި އެވެ. އަދި ޖުމްލަ 35،759 ޓޫރިސްޓުން ރާއްޖެއަށް ޒިޔާރަތްކުރި އެވެ.

ޑިސެމްބަރު މަހުގެ މިހާތަނަށް 20،812 ޓޫރިސްޓުން ރާއްްޖެއަށް އައި އިރު އެއީ ދުވާލަކަށް އެވްރެޖްކޮށް 2081 ޓޫރިސްޓުންނެވެ.

ކޮވިޑް-19 ފެތުރޭތީ ރާއްޖޭގެ ބޯޑަރު މިދިިޔަ މާޗް މަހު ބަންދުކުރުމުގެ ކުރިން ރާއްޖެއަށް ދުވާލަކު އެވްރެޖްކޮށް 4،000 އަށް ވުރެ ގިނަ ޓޫރިސްޓުން އަންނަމުން ދިޔަ އެވެ. އެހެންވެ، ޖެނުއަރީ އެކަކުން ފެށިގެން، ބޯޑަރު ބަންދުކުރުުމާ ހަމައަށް 382،760 ޓޫރިސްޓުން ރާއްޖެއަށް އައިސްފައިވެ އެވެ.

މިހާރުގެ އަދަދުތަކާ އެކު ވެސް ރާއްޖޭގެ ޓޫރިޒަމް އިންޑަސްޓްރީ ކުރިއަށްދާ ރޭޓް އަދިވެސް ހުރީ މައިނަސް ގަ އެވެ. އެހެން ނަމަވެސް ޖުލައި 15 ގައި ބޯޑަރު އަލުން ހުޅުވި އިރު ހުރިވަރާ އަޅައި ބަލާ ނަމަ ގްރޯތު ރޭޓުވެސް ރަނގަަޅެވެ.

ކޮވިޑް ފެތުރެން ފެށުމުން ރާއްޖެ އާއި އެހެން ގައުމުތަކުން އެޅި ރައްކާތެރިކަމުގެ ފިޔަވަޅުތަކާ އެކު ޓޫރިޒަމް އިންޑަސްޓްރީ ހުއްޓުމުން ރާއްޖެ އަށް އިގުތިސާދީ ބޮޑެތި މައްސަލަތައް ވަނީ ކުރިމަތިވެފަ އެވެ.

އިގްތިސާދު ދިވެހި ސަރުކާރު ޓޫރިސްޓުން ޓޫރިޒަމް ޑރ. އަބްދުﷲ މައުސޫމް (ޓޫރިޒަމް މިނިސްޓަރު)

18 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިމާރާތްކުރާނީއޭ

11 December 2020

ސަރުކާރުން އެބަޖެހޭ ކޮވިޑް ތެރޭން ރަނގަޅު ފިލާވަޅެއް ދަސްކޮށްގެން ރާއްޖެ އަކީ އެއީ އިންޑަސްޓްރިއަލައިޒްޑް ކަންޓްރީ އަކަށް ބަދަލު ކުރަން މަސައްކަތް ކުރަން އެގޮތުން އެކަން ކުރަން ބޭނުން ނަމަ ފުރަތަމަ މާލެ ސަަރަހައްދުގައި ހުރި ފަޅު ތައް ވިއްކާލަންވީއޭ ރާއްޖޭގެ ވިޔަފާރި ވެރިންނަށް ފަޅެއް 10 މިިލިއަން ޑޮލަރުގެ ރޭޓުން ޝަރުތަކީ އެއީ އެފަދަ ފަޅެއްގައި ކުރަން ޖެހޭނީ އިންޑަސްޓްރިއަލް މަސައްކަތް ކަމަށް ޝަރުތު ކޮށްފައޭ އިންޑަސްޓްރިއަލް ޕާރކް ހިމެނޭ 150 ބުރީގެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމައަށޭ

11 December 2020

ރާއްޖޭގެ އިގްތިސާދުގެ %95 އިންކަމް ވަންނަނީ އެއީ ޓޫރިޒަމް ކަމަށްވުން އެއީ މަމެން ހިތާމަ ކުރާ ކަމެކޭ މިކަން އެބަޖެހޭ ބަދަލު ކުރަން ސަރުކާރުން އެބަޖެހޭ ރާއްޖޭގެ އިގްތިސާދުގެ ހިތް ކަމަށްވާ މާލެ ސަރަހައްދުގައި އޮތް ތިލަފުށި އެއްކޮށް ހިއްކާލާ އެތަނުން ބިން ތައް މާލެ ސަރަހައްދުގަިއ ރަޖިސްޓްރީ ކޮށްފައިވާ ކޮންމެ އަމިއްލަ ކުންފުންނަކަށް 10 ހާސް އަކަފޫޓްގެ ބިމެއް އަކަފޫޓަކަށް މަހަކު 1 ރުފިޔާ އަށް ކުއްޔަށް ދޭން އަދި އުތުރު ތިލަފަޅު ހިއްކަމުން ދާންވީއޭ ނަކައްޗާއި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަސްފާގު އަލީ

11 December 2020

ދިވެހިންގެ ބޭންކަށް ރިސޯޓަކުން ވަންނަ ޑޮލަރެއް ނެތް. ޑޮލަރު ލިބޭ ބަޔަކު ވަކިން އޮފީސް ހަދައިގެން 19.25 އަށް ބަންގާޅިން އަތަށް ޑޮލަރު ދީގެން ދިވެހިންނަށް ވިއްކުމުގަ އެއުޅެނީ އަވަދި ނެތި. ވީމާ ގެސްޓުން އަޔަސް އޮތް އުފަލަކީ ކޮބާ. އެމްޑީޕީގެ ކޮންމެ ވެރިކަމަކީ ޑޮލަރުގެ އަގު މައްޗަށްދާ ވެރިކަމެއް. އަނެއް ކޮޅުން ގައުމުގެ ވެރިންގެ ގޮތުގައި ތިބި މީހުނަކީ މިކަހަލަ ކަމެއް ހައްލުކުރަން އެގޭ ވަރުގެ ބައެއް ނޫން. މިސަރުކާރުން މިކަމާއި ލަދު ނުގަންނަނީ ކީއްވެބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

11 December 2020

ރިސޯޓް ތައް ޗެކް ކޮށް ގަވާއިދާ ހިލާފައް ހުރި ބިދޭސީ މުވައްޒަފުން ބޭރު ކޮށް ބަލާށެވެ. 50 ކޯޓާ ދިނީމަ 90 ބިދޭސީން މާލެ އިން އެކި މީހުންގެ ނަމުގަ އެބަ ގެނެ އެވެ. އަދި ހަދާ ރިސޯޓް ތަކަށް އެއްވެސް ލިޔެ ކިއުމެއް ނެތް މީހުން ގިނަ އެވެ. މައްސަލަ އެއް ޖެހުނީ މަ ބެލޭނެ ގޮތެއް ނެތެވެ. ބިދޭސީން ރިސޯޓް ތަކުގަ މަސައްކަތް ކުރި ގްރޫޕް ތައް ބޭރު ކޮށްލައިފި އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނި ފުލެޓު ދޮންބެ

11 December 2020

ޝުކުރިއްޔާ ސަރުކާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

11 December 2020

ޓޫރިޒަމް މިނިސްޓްރީ އަކީ ތަފާސް ހިސާބު ބަލަހައްޓާ ތަނެކެވެ. އެމްބަސީ ތަކުގަ އަރާމުގަ އުޅެ އާއިލާ އަށް ހަރަދު ކޮށް ކިޔަވާދެނީ އެވެ. ރިސޯޓް އޯނަރުން ރިސޯޓް ޕްރޮމޯޓް ކޮށް ގެސް ޓުން ރާއްޖެ ގެންނަނީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ހާމިދު

11 December 2020

އަޅުގަނޑަކީ ޓޫރިސްޓް ރިސޯޓެއް ގައި މަސައްކަތްކުރާ ފަރާތެއް. ޖުލައި މަހުން ފެށިގެން އަދި ރިސޯޓުން ރަށަށް ނުދެވޭ. އާއިލާއާއި ރައްޓެހިންނާއި ދުރުގައި 6 މަސް މިވަނީ. މިހާރު ލިބެނީ ކުރީގެ މުސާރައިގެ 1/2 ބައި. މަޖުބޫރު ހާލަތެއް މިއީ. އަޅުގަނޑުމެންގެ ސަބަބަބުން ގައުމަށް ބޭރު ފައިސާ ދަނީ ވަންނަމުން. ގައުމީ ހިދުމަތެއް އަސްލު އަޅުގަނޑުމެން މި އަދާކުރަނީ. ނަމަވެސް ޓޫރިޒަމް ދާއިރާގައި މަސައްކަތް ކުރާ ފަރާތްތަކަށް ރަނގަޅު ގާނޫނެއް އަދިވެސް ހެދިފައެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަސްފާގު އަލީ

11 December 2020

ވަރަށް ރަގަޅު ވާހަކަ އެއް. ތިޔަ ވާހަކަޔަށް އަޅުގަޑު ސެލިޔުޓު ދޭނަން. ސުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

11 December 2020

މުޅިދުނިޔޭގެ އެހެނިހެން ޓޫރިސްޓް މަންޒިލްތައް ބަންދުކޮއްފައި އޮތްދަންޑިވަޅެއްގައި މިއީ ވަރައްވެސް ކުޑަ އަދަދެއް. އެކަމަކު މިވަރުވީކަމައްވެސް ޝުކުރުވެރިވަން.