އޯލެވެލް އިމްތިހާނު ހަދަން ދަރިވަރުންތަކެއް ތައްޔާރުވަނީ -- ފޮޓޯ: ހުސެއިން ވަހީދު/ މިހާރު
07 ޖެނުއަރީ 2021 - 13:49
ކޮވިޑް-19 ކޮންޓްރޯލްކުރަން މިދިޔަ އަހަރު އެޅި ފިޔަވަޅުތަކާ އެކު އޯލެވެލް އާއި އޭލެވެލް އިމްތިހާނު ފަސްކުރަން ޖެހުނު ނަމަވެސް، ކުރިން ރާވާފައިވާ ގޮތަށް އެ ދެ އިމްތިހާނު އަންނަ ޖޫން/ ޖުލައިގައި ބާއްވާނެ ކަމަށް އެޑިއުކޭޝަން މިނިސްޓްރީން އިއްޔެ ބުނެފި އެވެ.
މިނިސްޓްރީން ކުރި ޓްވީޓެއްގައި ބުނެފައި ވަނީ ކެމްބްރިޖް އާއި އެޑެކްސެލް އިމްތިހާނު އަންނަ ޖޫން/ޖުލައި މަހު ކުރިއަށް ދާނެ ކަމަށެވެ.
2021 ވަނަ އަހަރު މެއި/ޖޫން ގައި ބޭއްވުމަށް ހަމަޖެހިފައިވާ ކެމްބްރިޖް އަދި އެޑެކްސެލް ގެ އިމްތިހާނުތައް ތާވަލުކޮށްފައިވާ ގޮތަށް ދިވެހިރާއްޖޭގައި ކުރިޔަށް ދާނެ ވާހަކަ މަޢުލޫމާތައްޓަކައި ދެންނެވީމެވެ.
— Ministry of Education (@MoEdumv) January 6, 2021
އެޑިއުކޭޝަން މިނިސްޓްރީން އިއްޔެ ކުރި ޓްވީޓެއް
ރާއްޖޭގައި އޯލެވެލް އިމްތިހާނު ކެމްބްރިޖް އިން ކުރިއަށް ގެންދާ އިރު އޭލެވެލް އިމްތިހާނުތައް ބާއްވަނީ އެޑެކްސެލް އިން އެވެ.
ސްކޫލްތަކަށް މިދިޔަ އަހަރު އެޑިއުކޭޝަން މިނިސްޓްރީން ފޮނުވާފައިވާ ސާކިއުލާއެއްގައި ބުނެފައި ވަނީ އިމްތިހާން ފަސްކުރަން ނިންމީ ސިލަބަސް ފުރިހަމަކުރާށާއި އިމްތިހާނަށް ތައްޔާރުވާން އެކަށީގެންވާ ވަގުތު ދަރިވަރުންނަށް ނުލިބޭތީ ކަމަށެވެ. އޯލެވެލްގެ ފުރަތަމަ އިމްތިހާނު އޮންނާނީ އޭޕްރިލް މަހުގެ 14 ވަނަ ދުވަހު އެވެ. އެއީ އާޓް އެންޑް ޑިޒައިން ޕޭޕަރެކެވެ. އެންމެ ފަހު އިމްތިހާން ކަމަށްވާ ބައޮލޮޖީގެ ޓެސްޓެއް އޮންނާނީ ޖޫން މަހުގެ 11 ގަ އެވެ.
މިދިޔަ އަހަރު އޭލެވެލް އިމްތިހާނު ރާއްޖޭގައި ބޭއްވީ ބިލަބޮންގް ހައި ސްކޫލުން އެކަންޏެވެ. އެ ސްކޫލުގެ 12 ދަރިވަރުން އެ އިމްތިހާނު ފުރިހަމަކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
