މީހަކު ދުންފަތުގެ އިސްތިއުމާލު ކުރަނީ: ރާއްޖެއަށް ދުންފަތުގެ ބާވަތްތައް އެތެރެ ކުުރާ ނިސްބަތް ވަނީ އިތުރު ވެފައި
08 ނޮވެމްބަރ 2016 - 11:48
28 comments
ދައުލަތަށް އާމްދަނީ އިތުރުކުރަން އަންނަ އަހަރުން ފެށިގެން ސިނގިރޭޓަކުން 1.75ރ. އަދި ފިޒީ ޑްރިންކާއި އެނާޖީ ޑްރިންކުން 20 ޕަސެންޓްގެ އެޑްވެލޮރަމް ޓެކްސްއެއް ނަގަން ސަރުކާރުން ނިންމައިފި އެވެ.
ފިނޭންސް މިނިސްޓަރު އަހުމަދު މުނައްވަރު މިއަދު ރައްޔިތުންގެ މަޖިލީހަށް ހުށަހެޅި އަންނަ އަހަރުގެ ބަޖެޓްގައި އާމްދަނީ އިތުރުކުރުމަށް ހުށަހެޅި ކަންތައްތަކުގެ ތެރޭގައި ސިނގިރޭޓަކުން ނަގާ ޓެކްސްއަށް 50 ލާރި އިތުރުކުރުމާއި ފިޒީ ޑްރިންކާއި އެނާޖީ ޑްރިންކުން 20 ޕަސެންޓް އެޑްވެލޮރަމް ޓެކްސްއެއް ނެގުމުން ނުވަ މިލިއަން ރުފިޔާ އިތުރަށް ލިބޭނެ ކަމަށް ލަފާކޮށްފައިވެ އެވެ.
ސިނގިރެޓަކުން ނަގާ ޓެކްސް 1.75ރ. އަށް ބޮޑުކޮށްގެން 200 މިލިއަން ރުފިޔާގެ އާމްދަނީއެއް ލިބޭނެ ކަމަށް ލަފާކޮށްފައިވެ އެވެ. އެންމެ ފަހުން ސިނގިރޭޓްގެ ޑިއުޓީ ބޮޑުކޮށްފައި ވަނީ 2014 ވަނަ އަހަރު އެވެ.
ސިނގިރޭޓުގެ ވިޔަފާރިކުރާ ކުންފުންޏެއްގެ އޮފިޝަލަކު ވިދާޅުވީ ޑިއުޓީ ބޮޑުކުރުމުން، މިހާރު 48ރ. އަށް ވިއްކާ ފޮއްޓެއްގެ އަގު 65ރ. އާއި 70ރ. އާ ދެމެދުގެ އަގަކަށް ބޮޑުވާނެ ކަމަށެވެ.
"ޑިއުޓީ ބޮޑުކުރުމުން ފޮއްޓަކަށް ދިހަ ރުފިޔާ އިތުރަށް ދައްކަން ޖެހޭނެ. މިހާރު ފޮއްޓަކަށް 25ރ. އެބަ ނަގާ ޑިއުޓީގެ ގޮތުގައި. ޑިއުޓީގެ އިތުރުން ޖީއެސްޓީއާއި ފައިދާ ހިމެނުމުން ފޮއްޓެއްގެ އަގު 65ރ. އަށް ވުރެ ބޮޑުވާނެ ކަމަށް ލަފާކުރެވޭ،" އޭނާ ވިދާޅުވި އެވެ.
"މިހާރު"ން ބެލިބެލުމުން ސިނގިރޭޓުގެ ހުރިހާ ބްރޭންޑަކުން ވެސް ޑިއުޓީ ނަގާ ގޮތަށް އެންމެ އަގު ބޮޑު އެނާޖީ ޑްރިކުގެ ދަޅަކުން ވެސް އެ އުސޫލުން ޑިއުޓީ ނަގައިފި ނަމަ ދައުލަތަށް އަހަރަކު 15 މިލިއަން ރުފިޔާގެ އާމްދަނީއެއް އިތުރުވާނެ ކަމަށް ލަފާކުރެވެ އެވެ.
ތަފާސްހިސާބުތައް ދައްކާ ގޮތުން މިދިޔަ އަހަރު ރާއްޖެއަށް 19 މިލިއަން އެނާޖީ ޑްރިންކް ދަޅު އެތެރެކޮށްފައިވެ އެވެ. އެއިން ޑިއުޓީގެ ގޮތުގައި މިހާރު ނަގަނީ 15 ޕަސެންޓެވެ.
އެނާޖީ ޑްރިންކުން ނަގާ ޑިއުޓީ ބޮޑުކުރުމުން، މިހާރު އެންމެ ގިނަ ބަޔަކު ބޭނުންކުރާ ރެޑްބުލް ދަޅަކުން ގާތްގަނޑަކަށް އެއް ރުފިޔާ އަދި އެކްސެލް ދަޅަކުން ވެސް ރު ރުފިޔާއެއް ބޮޑުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހްސާންތެރިޔާ
28 December 2016
ތީވަރަށް ރަގަޅު ނިންމުމެއް. ތިވަރުވެސް ކުޑަ.
ކިޔުން ތެރިއެއް
09 November 2016
ސަރުކަާރުން ކޮންމެކަމެއް ކުރިޔަސް ރައްޔިތުންނައް އޯކޭ ، އަންނި ސަރުކާރުން ބޮޑުކުރަން އުޅުމުން ބުނީ ރައްޔިތުން ހަނާ ވަނީ ފަނާވަނީ ، މިހާރު ކިތައްމެ ބޮޑުކުރިޔަސް އޯކޭ ، މިހާރު ރައްޔިތުން ހަނާވަނީ ފަނާވަނީ ކީ ނޫންބާ، ހުރިހާ އެއްޗަކުންވެސް އަގު ބޮޑުކުރަނީ ، މި ފުކެއް ބޮޑުވަރު
މަބުނީ
09 November 2016
އިނދެގެން އުޅޭ ކޮންމެ ދެމަފިރިއެއްގެ އަތުންވެސް ބޮލަކަށް 100ރ. ނަގންފެނޭ.
ހަސަން
08 November 2016
ތަމެން ބިއުޓިފުލް އޯސަމް ސަރުކާރު ކަޑައޭ
ލިއަލީ
08 November 2016
އެނާރޖީ ޑްރިންކްސް، ދުންފަތުގެ ބާވަތްތައް އަދި ސުޕާރީ ފަދަ ސިއްޙަތަށް ގެއްލުންދޭ ބާވަތްތަކުގެ ޑިއުޓީ ބޮޑުކުރަންޖެހޭނީ އިތުރު ޢާމްދަނީ ހޯދުމުގެ މަޤްޞަދުގައެއް ނޫން. އެތަކެތި އެތެރެކުރުން މަދުކުރުމާއެކު އެތެރެކުރުން ހުއްޓުވަން/މަނާކުރުމުގެ ޕްލޭނެއް އެކުލަވާލައިގެން. މިހާރު މިވީގޮތަކީ ސަރުކާރަށް ލާރިލިބެންޏާ މައްސަލައެއްނެތް ކިތަންމެ ނުރަނގަޅު އެއްޗެއް އެތެރެކުރިޔަސް. އަނެއްކާ އިންވޮއިސް ކޮމެޓީން ފާސްކުރާ އަގަށް ބަލައިގެން ބޮޑުކުރި ޑިއުޓީ ނެގިޔަސް މާބޮޑު ތަފާތެއް ނާންނާނެ. އެއީ ބައެއް މީހުން ހުށައަޅާ އިންވޮއިސް ތަކަކީ ކޮމެޓީއަށް ދިއުމުގެކުރިން އަގުފާސްވެފައި ހުންނަ ލިޔުންތަކަށް ވާތީ. އޭގެ ބަދަލުގައި ދަޅަކުން ޢަދަދު ބޮޑުކޮށްފިނަމަ މާ ހަމަޖެހޭނެ.
ވާވެ
08 November 2016
ޓެކްސް އާ ލައިގެން ކަމެއް ކުރަންވެއްޖެ މި ސަރުކާރުން.
ޢަބްދުﷲނާފިޒު
09 November 2016
ވާވެ ތިބުނީ ވަރަށް ރަނގަޅު ވާހަކައެއް، ޓެކްސް އާ ލައިގެން މިސަރުކާރުން ކުރަންވީ ކަންތައް މިތަނުގަ ލިއާކަށް ނުކެރޭނެ، އެއީ ޤައުމީ ސަލާމަތަށް ޓަކާ........ހެހެހެ.
ރަބަރޭ
08 November 2016
ތަމެންގެ ބިއުޓިފުލް އޯސަމް ސަރުކާރައް ރަންރީދޫ ޓުވިޓަރޭ ސަލާމް ބުނި
އަލީ
08 November 2016
އަނެއްކާ ތިބޯކުދިންތައް ތިގަންނާނެފައިސާ ނެތިގެން އަހަރެމެންނައް އުދަގޫ ބޮޑުކުރާނީ މިހާރުވެސް މިއުޅެނީ ގޭގަނިދާއިރުވެސް އެއްބަޔަކު ފޯރިއައް ތިބެގެންނޫނީ އޮބިނޯވެގެން.
GAN Island
08 November 2016
ހަމަ އެކަނި ސިގިރޭޓާއި Energy Drinks އެކަނި ޑިއުޓީ ބޮޑު ކުރުމަކީ ''ވިޔަފާރީގައި އެހެން ބަޔަކަށް މަންފާ ތަކެއް ހޯދާ ދިނުމަށް'' ޤާނޫނުގެ ތެރެއިން ފުރުސަތު ދިނުން ކަމުގައި ބެލެވިދާނެ. . . އެހެން މިދެންނެވީ ސައިންސް ހޯދުން ތަކާއި އެއްގޮތަށް ބަލާ ކަމުގައިވާނަމަ Energy Drinks އާއި އެއްވަރަށް ކޮކަކޯލާ އާއި އެކިކަހަލަ Energy Drinks ނުވަތަ Fizzy Drinks ތަކުގެ ސަބަބުން ސިއްހަތަށް ގެއްލުން ލިބޭތީ. . . ރާއްޖޭގެ މަހުޖަނަކު ފްރަންޗައިސް ނަންގަވައިގެން ރާއްޖޭގައި އުފައްދާ މިފަދަ އުފެއްދުން ތަކުން ވެސް ރޮޔަލްޓީ ނުވަތަ މިޤާނޫނު އެފަދަ އުފެއްދުން ތަކުގެ މައްޗަށް ހިގާގޮތަށް ނޫން ގޮތަކަށް މިޤާނޫނު ހަދައިފިނަމަ މިއީ ''އަނެއްކާވެސް އިތުރުވި ބޭއިންސާފު ޤާނޫނެއް'' ކަމުގައި ބެލެވޭނެ.
ލިއަލީ
08 November 2016
ފިޒީ ޑްރިންކްސް އިންވެސް އެނަރޖީ ޑްރިންކްސް އިން ނަގާވަރު ގެ ޑިއުޓީއެއް ނަގާވާހަކަ ނޫންތޯ އާރޓިކަލް ގައި ލިޔެފައި އެއޮތީ. ތިޔަބުނާ ބައެއްގެ އަތުން ރޯޔަލްޓީ ނަގަން ކެރޭނެހެނެއް ހިއެއްނުވޭ.
އިބޫ
08 November 2016
ސިނގިރޭޓަކުން 1.75ރ. އަދި ފިޒީ ޑްރިންކާއި އެނާޖީ ޑްރިންކުން 20 ޕަސެންޓްގެ ޓެކްސްއެއް ނެގުމަކީ ރަގަޅުކަމެއް އެކަމަކު މިއިން ހެލްތު ޕްރޮމޯޝަނަށް ފައިސާނުދީ ސަރުކާރުގެ އާމުދަނީ އިތުރުކުރަން މިކަންކުރާނަމަ އެހާރަގަޅެއްނޫން އޫރުމަހާއި އޫރުގެ ބާވަތްތަކުންވެސް ނަގާ ޓެކުސް އިތުރުކުރަންޖެހޭ