ހުޅުމާލޭގައި ލާލޭ ސުކޫލް ހިންގި އިމާރާތް: މި ތަން އެހެން ބަޔަކަށް ވަނީ ދީފައި.-- ފޮޓޯ: ނިއުމަތުﷲ އިދުރީސް
12 ނޮވެމްބަރ 2016 - 21:12
103 comments
ހުޅުމާލޭގައި ލާލޭ އިންޓަނޭޝަނަލް ސްކޫލް ހިންގި ފަރީދިއްޔާ ސްކޫލް ހިންގުމުގެ ބިޑް ކާމިޔާބު ކުރި ކުންފުނީގައި ހައި ކޯޓުގެ ދެ ފަނޑިޔާރެއްގެ އަނބިކަނބަލުންގެ ހިއްސާ އޮއްވާ އެ ދެ ބޭފުޅުންގެ ހިއްސާ ކުންފުނިން މިހާރު އުނިކޮށްފި އެވެ.
ހަތަރު ފަރާތަކުން ކުރިމަތިލި އެ ބިޑް ކާމިޔާބު ވެފައިވާ ކޮލިޓިއޭޓް އެޑިއުކޭޝަންގައި، ހައި ކޯޓުގެ އިސް ފަނޑިޔާރު އަބްދުﷲ ދީދީގެ އަނބިކަނބަލުން ޣާނިއާ އަބްދުލްޣަފޫރާއި އެ ކޯޓުގެ ފަނޑިޔާރު ޝުޖާއު އުސްމާނުގެ އަނބިކަނބަލުން މިންނަތު ނަސީރުގެ ހިއްސާ އޮތެވެ.
އެ ސްކޫލް ހިންގުން އެ ކުންފުންޏާ ހަވާލު ކުރުން އެންޓި ކޮރަޕްޝަން ކޮމިޝަންގެ އެންގުމަކާ ގުޅިގެން މަޑުޖައްސާލާފައި ވަނިކޮށް ޣާނިއާ އާއި މިންނަތުގެ ހިއްސާ އެ ކުންފުނިން ވަކިކުރީ މިދިޔަ ހަފުތާގެ ތެރޭގައި ކަމަށް ވަނީ އެނގިފަ އެވެ. އެކަމަކު އެ ދެ ބޭފުޅުން ހިއްސާ ވިއްކާލީ ކަމެއް ނުވަތަ ދޫކޮށްލީ ކަމެއް ސާފެއް ނުވެއެވެ.
ރާއްޖޭގެ ކޮރަޕްޝަން ހުއްޓުވުމުގެ ގާނޫނު ބުނާ ގޮތުން ހައި ކޯޓުގެ ފަނޑިޔާރުންގެ އަނބިން/ފިރިން، ބޭރުގެ އެއްވެސް ބަޔަކާ ގުޅިގެން ވިޔަފާރިކުރުން މަނަ އެވެ. ކޮލިޓިއޭޓް ކުންފުނިން ސްކޫލް ހިންގަނީ ބޭރު ކުންފުންޏެއް ކަމަށްވާ ގޭޓްވޭ އިންޓަނޭޝަނަލް ސްކޫލާ ގުޅިގެންނެވެ.
ލާލޭ ސްކޫލް ހިންގި އިމާރާތުގައި އެހެން ސްކޫލެއް ހިންގުން ކޮލިޓިއޭޓް ކުންފުންޏަށް ދޭން ނިންމިކަން ސަރުކާރުން ކަށަވަރުކޮށް ނުދިނަސް އެ ކުންފުނިން ވަނީ އެ ސްކޫލްގެ ބެލެނިވެރިންނަށް ލިޔުމެއް ފޮނުވައި، އަންނަ އަހަރުން ފެށިގެން އެ ސްކޫލް ހިންގާނީ އެ ކުންފުނިން ކަމަށް ބުނެފަ އެވެ
ކޮލިޓިއޭޓް ކުންފުންޏާ އެ ސްކޫލް ހިންގުން ހަވާލުކުރަން ނިންމިއިރު ދަރިވަރުންގެ އަތުން އެންމެ ކުޑަ ފީއެއް ނަގަން ހުށަހަޅާފައި އޮތީ ކުރިން އެ ސްކޫލް ހިންގި ތުރުކީގެ ބިޒް އެޓޯލްސް އިންނެވެ. ބިޒް އެޓޯލްސް އަތުން އެތަން އަތުލީ އެތަން ހިންގުމުގެ މުއްދަތު ހަމަވުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތައ
14 November 2016
މި ދެން ވަރަށް ދެރަ ކަމެއް. އެތަން ރަނގަޅަށް ހިންގަނިކޮށް އަތުލުމުގެ ބޭނުމެއް ކޮބާ. މިކަހަލަ ޚިދުމަތެއް އަތުލެވެންވާނީ ޚިދުމަތުގެ ފެންވަރު ކުރަންޖެހޭ ޚަރަދާއި އަޅުވާ ބަލާއިރު ދަށްފެންވަރެއްގައި ކުރާނަމަ. އެހެން ނޫނީ ދައުލަތުގެ ބޮޑުންގެ ޖީބައް ލާރި ވައްދާނެ އެހެން ގޮތެއް ވެސް ނެތިގެން އުޅޭ ބަޔަކު ކަންކުރާހެން މި ކަންކުރަނީ ކީއްވެތަ
ހުއްބުލްވަޠަން
14 November 2016
އެއްބަސް ވުމުގެ މުއްދަތު ހަމަވީޔޭ! ދެން އެހެން ބަޔަކުވެސް ޝައުޤުވެރިކަން ފާޅު ކުރަންޏާ ވާދަވެރިކަމަށް ހުޅުވާލަން ޖެހޭނެތާ! އެއީ ވީ ގޮތަކީ!
އަހުމަދު
13 November 2016
އަލުން ބިޑަށް ލާން ޖެހެއެވެ.
ހުއްބުލްވަޠަން
14 November 2016
އަލުން ބިޑަށް ލައިގެން ސަކަރާތް ޖަހާނެހާ ވަގުތެއްނެތް!
ޙަސަންދީ
13 November 2016
ރޯމާ ދުވާލު އެއްވެސް ޖެހިލުމެއްނެތި ކުރަމުން ގެންދާ ކަންތައް މިހިރީ ފެންނަން ދެން ނިކަން ވިސްނަވާ އިންސާފެއް އެއްވެސް ރަށްޔިތަކައް ލިބިދާނެތޯ؟
ހެޔޮމީހާ
13 November 2016
އަސްލު ޖަލްސާގައި ރައީސް ވިދާޅުވެފައިއޮތީ، ގާނޫނުގައި ލިޔާށޭ. ތަންފީޒުކުރައްވަން ކެރިވަޑައިގަންނަވާނެއޭ. އެހެންވީމާ ހަނދުމަފުޅުކޮށް އަރުވަން. ގާނޫނު ނަންބަރު 2000/2 ގެ މާއްދާ 15 ގެ (ހ) ގައި އެއޮތީ ލިޔެފައި. އަވަހަށް ތަންފީޒު ކުރައްވައި، މި ކޮރަޕްޝަން ހުއްޓުވައި، މަނިކުފާނުގެ ވައުދު ފުއްދަވައިދެއްވުން އެދެން.
ތާތު
13 November 2016
ކޮމެން ކުރައްވާ ބޭފުޅުން އަސްލު ޕޮއިންޓްގެ ފޯކަސް ގެއްލުވާލަން އުޅޭކަމަށް ފެނޭ. ބަލަންވާ ނުކުތާއަކީ، ކޮރަޕްޝަން އެބައޮތްތޯ ނުވަތަ ނުންތޯ؟ ކުށެއް ކޮށްފިތޯ ނުވަތަ ނުންތޯ؟ ވާދަވެރި ފަރާތްތަކުގެ ކުންފުނިތަކުގެ މޮޅުދެރަ ވާހަކައަކީ އެހެން ވާހަކައެއް.
ރާޅު
13 November 2016
ކޮރަޕްޝަނޭ! ކޮން ކޮރަޕްޝަނެއްގެވަހަކަތަ؟ އެއްވެސް ކޮރަޕްޝަނެއް ނެތެވެ. ގާނޫނޭ! ކޮން ގާނޫނެއްގެ ވާހަކަ؟ މިހާރު މިގައުމުގައި ގާނޫނަކީ އަދި ކޮރަޕްޝަނަކީ ކޯޗެއްކަން އަދުލު އިންސާފަކީ ކޯޗެއްކަން ނެއެނގޭ ބަޔަކު ތިބެގެން ނުވާނެއެވެ. ކޮރަޕްޝަނަކީ އެމީހާ ކަނޑައަޅާ އެއްޗެއް. އަދުލު އިންސާފަކީ އެމީހާގެ ބަސް. ގާނޫނަކީ އެމީހާ އެދޭހާގޮތް.
ހުއްބުލްވަޠަން
13 November 2016
ރަނގަޅު ވާހަކައެއް. ފުރަތަމަ ތި ބިޒް އެޓޯލްސް އިން ހޯދީ ކޮރަޕްޝަން އެކުލެވޭ ގޮތަށް. އެކަން އެމީހުންނަކަށް ފިޔަވަޅެއް ނޭޅޭ. އަދިވެސް ދޭންވީ އެމީހުންނަށް ދެއްތޯ؟ އެހެން ބަޔަކު ޝައުޤުވެރިކަން ފާޅުކުރިއަސް ހަމަ ހެސްކިޔާފައި ބަދުނާމު. ކޮބާ އިންސާފަކީ
މުހައްމަދު
13 November 2016
ސްކޫލް ހަވާލުކުރެވުނު ގޮތް ބެހޭގޮތުން އެޗް.އާރް.ސީ.އެމް އިން 2010 ޖޫންގައި ނެރެފައިވާ "ލާލޭ ޔޫތް އިންޓަރނޭޝަނަލް ސްކޫލް ތަޙްޤީޤް ރިޕޯޓް" ގެ ޞަފްޙާ ނަމްބަރ 26 ގައިވަނީ "ހުށަހެޅުން 49: އެޑިއުކޭޝަނާއި މަސްޢޫލުވެރިފަރާތާ (ބިޒް އެޓޯލްސް) މެދު ވެފައިވާ އެއްބަސްވުމާއި ކިޔަވައިދޭ ތަންތަން ރަޖިސްޓްރީކޮށް ހިންގުމުގެ ޤަވާޢިދާ ޚިލާފުވެފައިވާ މިންވަރަށާއި، ޢަދަދަށް ބެލުމަށްފަހު، ސްކޫލު ހިންގުމުގައި ދަރިވަރުންގެ މަސްލަހަތު ޙިމާޔަތް ކުރެވެމުންނުދާތީއާއި، ސްކޫލްގެ މުވައްޒަފުންނާމެދު ޢަމަލުކުރުމުގައި ދިވެހިރާއްޖޭގެ ޤާނޫނު އަސާސީއާއި، ވަޒީފާއާ ބެހޭ ޤާނޫނާއި، ދިވެހިރާއްޖެ ބައިވެރިވެފައިވާ ބައިނަލްއަޤްވާމީ މުޢާހަދާތަކާ ތަޢާރުޟުވާ ކަންތައްތަކެއް ހުރުމާއެކު، އަދި، މަސްއޫލުވެރިފަރާތަކީ އެތައް ކުދީންނަކަށް ތަޢުލީމު ދިނުމުގެ ޒިންމާ އުފުލައިގެން މަސައްކަތްކުރުމުގެ ޤާބިލްކަން ލިބިފައިވާ ފަރާތެއް ކަމަށް ނުފެންނާތީ، އެކަށީގެންވާ އަވަސް މުއްދަތެއްގެ ތެރޭގައި ދަރިވަރުންގެ ކިޔެވުން މެދުނުކެނޑޭނޭ ގޮތަށް، ކިޔަވައިދޭ ތަންތަން ޤާއިމްކޮށް ހިންގުމަށް މަސްއޫލުވެރިފަރާތަށް ދޫކޮށްފައިވާ ރަޖިސްޓްރީ ބާޠިލްކޮށް، ސްކޫލުގެ ހިންގުން ދެފުށްފެންނަ އުޞޫލެއްގެ ދަށުން، ކަމާއެކަށީގެންވާ ފަރާތަކާ ޙަވާލުކުރުން." މިހުރީ ތި ބިޒް އެޓޯލްސް އާއި ތިތަން ހިންގަން ހަވާލުކުރެވުނު ގޮތް. މިހާދުވަހު ތިތާގެ ހުއްދަ ބާޠިލް ނުކޮށް ހިނގުނު ގޮތެއްވެސް ބަލަން. ކޮރަޕްޝަނާއި އަހަރުމެން ދެކޮޅު. ލިންކް ބައްލަވާ ލައްވާ http://www.hrcm.org.mv/publications/otherreports/LaleYouthInternationalSchoolReport6July2010Dhi.pdf
އާންތް
13 November 2016
މިކަންވެސް ބެލުމަށް ކަމާބެހޭ މުއައްސަސާތަކަށް ގޮވާލަން. މަސްލަހަތަށް އެމީހުން އަތުން މިހާރު ސްކޫލް ވަކި ކުރަން ޖެހޭ. އެއްބަސްވުމުގެ މުއްދަތު ހަމަވެފައިވާތީ.
ދޮންތު
13 November 2016
ބަލަ ދީފައިވާ ލިންކުގައި ހުރީ ތިބުނާ ގޮތާ ހިލާފަށް. ދޮގު ނަހަދާ
ގްރޭޑް 5 ޕޭރެންޓް
13 November 2016
އޯމައިގޯޑް!!!! ތިޔަ ކަން ތިޔަހެން އޮއްވާ ދޯ މި ބިޒް އެޓޯލްސް އަށް އަދިވެސް ތިތަން ނުދީގެން މި ރުޅިގަދަވަނީ. ޢެހަންވީމަ މި މީހުނަކަށް ނެތްތާ ބައެއްގެ ކޮރަޕްޝަނޭ ކިޔައިގެން އަނގަހުޅުވޭކަށް. ޢަހަރެން ދެން ނުދާނަނަން ތިޔަ ލާލެ ހިމާޔަތް ކޮށްދޭން އެއްވެސް ތަނަކަށް. ކުރިން މި މީހުން އަދޭސް ކުރާ ވަރުން ދެވުނު. ޢެކަމު ހަޤީގަތް އަދި މި ފެންނަނީ. މީސްމީހުންގެ އަބުރަށް އަރައިގަނެ، ނޭގޭ ވާހަކަ ދައްކާ، ދޮގުވާހަކަ ބެލެނިވެރިންގެ މެދުގައި ދައްކާ، ބެލެނިވެރިންގެ މެދުގައިވެސް ފިތުނަ ފަސާދަ އުފައްދާ ހަދައިފި. މި މީހުން މި ހިންގަނީ ކޮރަޕްޝަނާ ނުލާ ކަން މި އޮތީ ފެންނާކަށްނު. މާދަމާވެސް އަވަހަށް މި މީހުނަށް ދީބަލަ. ޢެ ނުވާނެ ކޮރަޕްޝަނަކަށްވެސް. ޢެހެންވެގެންތާ އެ ކިޔަނީ ތިމަންމެން ކުޑަފީ ހުށހެޅީމަވެސް އެހެން ބަޔަކަށް ދިނީއޭ. ޓެކްނިކަލް ބިޑްވެސް އޮއްވާ. ޢޮޅުވާލިޔަސް ބޮޑުވަރު
އަހުމަދު
13 November 2016
ކުރީން ބަޔަކު ގޯސްކޮށް ކަމެއްކޮށްފަ އޮތުން އެއީ މިހާރު ގޯސްކަންކަން ކުރަން ލިބޭހުއްޖަތެއް ނޫނެވެ.
ހާލަތު
13 November 2016
މި ރާއްޖޭގެ ހާލަތާ މެދު ކަންބޮޑު ނުވޭ ހެއްޔެވެ. އިންސާފު ގާއިމް ކުރުމުގެ ދެވަނައަށް އެންމެ މަތީ ކޯޓްގެ ފަޑިޔާރުން (އަނބިމީހާ) ގާނޫނުތަކަށް އަހުލުވެރިވެފައިވާ މިންވަރާމެދުއެވެ. އެކަށީގެންވާ އަދަދެއްނަމަ ހަލާލެއް ހަރާމެއް އަނބިމީހާ ނުބާލާނެކަމަށް ވަލިއްޔުލްއަމުރު ވިދާޅުވިއަސް، ވިޔަފާރިއެއް ފަށާނަމަ ފިރިމީހާގެ އާނބަސް ނުހޯދުމުގައި ދިވެހިމުޖުތަމައާ ގުޅުން ހުރިކަމެއް ނޫނެވެ. މި ވިޔަފާރިއަކީ ސީދާ މި ސްކޫލް ހޯދުމުގެ އަޒުމުގައި އުފެއްދި ކުންފުންޏެއްކަމަށް ބެލުމުގެ ޖާގަ ބޮޑެވެ. މި ފަދަ ކަމެއް ކުރާއިރު ގާނޫނީ ލަފާވެސް ހޯދާނެކަމަށް ބެލެެއެވެ. އެއްކޯޓެއްގައި މަސައްކަތްކުރާ ދެ ފަޑީޔާރެއްގެ އަނބިކަބަލުން ހިއްސާވެގެން ކުންފުނި ރަޖިސްޓްރި ކުރުމުން ދޭހަވާ މާނަ ބާއްވާށެވެ. ދެރައީ ދައުލަތުގެ އެހެން އިދާރާތަކުން މިފަދަ ކަންކަމަށް ފުރުޞަތު ހުޅުވާލަދޭތީއެވެ. ނަޒާހަތްތެރިކަމުގެ ފުލެޓުން ނުކުތް ނަތީޖާވެސް ސާފެވެ. މިކަންވެސް ނިމިގެން ދާނީ ފައިލަން ކޮންއެއްޗެއް އެޅިގެން ކަމެއްވެސް ނޭންގެއެވެ. ދެން މިހާރު ހިއްސާ ދޫކޮށްލުމަކުން އެކަމުގައި ސާމިލު ނުވާ ކަމަކަށް ނުވާނެއެވެ. އަދި ކޮރަޕްޝަނުގެ އަމަލެއްގެ ތެރެއިން އުފައްދާފާއިވާ ކުންފުންޏަކުން ކާމިޔާބުކުރާ ބީލަން ވާންޖެހޭނީ ބާތިލް އެއްޗަކަށެވެ. އެއްގޮތަކީ ދެވަނައަށް ދިޔަފަރާތައް ދިނުމެވެ. ނުވަތަ އަލުން ބަޔަކު ހޯދުމެވެ.
ހުއްބުލްވަޠަން
13 November 2016
މީގެ ހަޤީޤަތް ބަލާފިއްޔާ ތި ބިޒް އެޓޯލްސް އިން ވާނީ ވަރަށް ބޮޑެތި އޮޅުވާލުން ތަކެއް އޮޅުވާލާފައި.
ޝަމްސަތު
13 November 2016
2010 އަދި 2011 ގައި ލާލޭގެ ޑީޕީ އަކަށް ހުރީ މޫސަ. އެހެންނޫނަސް އެއީ މާޒީ އެވާހަކަ ދައްކައިގެން މިއަދު މިހިންގި ޖަރީމާ ރަނގަޅެއް ނުކުރެވޭނެ. އެޑިޔުކޭޝަން މިނިސްޓްރީގެ ބޭފުޅުންގެ މިއަމަލާހެދި ލަދުވެތިވަން. ލާލޭ ސްކޫލުގެ އެއްވެސް ކުއްޖަކު ނުހުންނާނެ ލާލޭ ސްކޫލުގެ ހިންގުން އެހެންބަޔަކަށް ލިބުމަށްއެދޭ. މިކަމެއް ހިނގަންފެށީންސުރެ ލާލޭގެ ދަރިވަރުން އެތިބެނީ ހަދާނެގޮތް ހުސްވެފައި.
މުހައްމަދު
13 November 2016
މިހާރުން މިހާރަށް ލާލޭ ހިންގުން ބިޒް އެޓޯލްސް އިން ވަކި ކުރަން ޖެހޭ. އެއްބަސްވުމުގެ މުއްދަތު ވަނީ 02 އޮކްޓޯބަރ 2016 ގައި ހަމަވެފައި. މިހާރު ހިންގާ މުއްދަތަކީ ފާޅުކަން ބޮޑުވެގެންވާ ކޮރަޕްޝަން.
ޕުލަމްބަރު
13 November 2016
ހަކުރުޓައްޕުގެ ބޭރުގައި އެޖެހީ އެއީލޮނުކަމަށް.
ހުއްބުލްވަޠަން
13 November 2016
ނިކަން ކެރެންޏާ ތި ބިޒް އެޓޯލްސްގެ ބިތު ފަންގި ނަގާ ބަލަ. އަދި ބެލެނިވެރިން ކިޔާފައި އުޅޭ ބައެއްގެ ނަން ހާމަކޮށްލަބަލަ. ލައްކަ އެއްޗެއް ފަޅާ އަރާނެ.