މަޖިލީހުގެ އިދާރާ ގޮއްވާލާނެ ކަމަށް ބުނި މީހާގެ ބަންދަށް 15 ދުވަސް

ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ހަމަލާއަށް ފަހު ސަލާމާތީ ބާރުތަކުން މާލެ ތެރޭގައި ސަލާމަތީ ކަންކަން ބަލަހައްޓަނީ. -- ފޮޓޯ: ނިޝާން އަލީ/މިހާރު

މާއިދާ މުހައްމަދު ރަޝާދު، މިހާރު

02 ޖޫން 2021 - 18:47

5 comments

ރައްޔިތުންގެ މަޖިލީހުގެ އިދާރާ ގޮއްވާލާނެ ކަމަށް ބުނެ ފޭސްބުކްގައި ކޮމެންޓެއް ކުރި މީހާ 15 ދުވަހުގެ މުއްދަތަށް ބަންދުގައި ބަހައްޓައިގެން ތަހުގީގު ކުރިއަށް ގެންދަން ކްރިމިނަލް ކޯޓުން އަންގައިފި އެވެ. އެ މައްސަލައާ ގުޅިގެން ކޯޓު އަމުރެއްގެ ދަށުން އުމުރުން 28 އަހަރުގެ ދިވެހި ފިރިހެނަކު ހައްޔަރުކުރީ ރޭގަ އެވެ. އޭނާގެ ބަންދުގެ މުއްދަތު އިތުރުކުރަން ކޯޓަށް ގެންދިއުމުން މިއަދު 15 ދުވަސް ދީފައިވާ ކަމަށް ފުލުހުން ބުންޏެވެ.

މަޖިލީހުގެ އިދާރާ ގޮއްވާލާނެ ކަމަށް ބުނެ މީހަކު ސޯޝަލް މީޑިއާގައި ކޮމެންޓް ކުރި މައްސަލައެއް ބަލަމުން އަންނަ ކަމަށް ފުލުހުން ބުނީ މިދިޔަ މަހު 18 ގަ އެވެ. ފުލުހުން ވަނީ ޓެރަރިޒަމަށް ހިތްވަރު ލިބޭ ގޮތަށް ތަންތަނަށާއި މީހުންނަށް ގެއްލުން ދޭނެ ކަމަށް ބުނެ ސޯޝަލް މީޑިއާ އާއި އަދިވެސް އެކި ގޮތްގޮތުންދޭ އިންޒާރުތައް ސީރިއަސް މައްސަލައެއްގެ ގޮތުގައި ބަލައި ފިޔަވަޅު އަޅާނެ ކަމަށް ބުނެފަ އެވެ.

އިންޒާރާ އެކު މަޖިލީހުގެ އިދާރާގެ ސެކިއުރިޓީ ވެސް ވަރުގަދަކުރި އެވެ. އެ އިދާރާ އަށް ތްރެޓެއް އޮތް ކަމުގެ މައުލޫމާތު ލިބުމުން އެ އިމާރާތާއި އެ ތަނުގެ ވަށައިގެންވާ ސަރަހައްދުގެ ސެކިއުރިޓީ އެމްއެންޑީއެފުން މަތިކުރި އެވެ.

މަޖިލިހުގެ އިދާރާ ގޮއްވާލާނެ ކަމުގެ އިންޒާރުދިނީ މިދިޔަ މަހުގެ ހަ ވަނަ ދުވަހުގެ ރޭ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު އަވަހާރަކޮށްލަން ބޮމުގެ ހަމަލާއެއް ވެސް ދީފައިވަނިކޮށެވެ.

ފުލުހުން ޓެރަރިޒަމް ރައްޔިތުންގެ މަޖިލިސް މަރުގެ އިންޒާރު ބޮމުގެ އިންޒާރު ދިނުން

5 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްބެ

02 June 2021

ކުރާ ކޮމެންޓަކަށް ބުނާ ބަހަކަށް މީހުން ހައްޔަރުކޮށް އަދަބު ދިނުމަށްވުރެ މާރާމާރީ ހިންގައި ވައްކަންކޮށް މަސްތުވަމުން އެތަކެތީގެ ވިޔަފާރިކުރަމުން ހަށިވިއްކައި ޒިނޭކޮށް ހަދަމުން ދުވާ ބައިގަނޑު ހަންމަތަކޮށްފައި އޭގެފަހުން ދެންހެޔޮ މީހަކު ބާރަށް ވައެއް ލައިގެން ހައްޔަރުކުރިޔަސް. މިހާރު ދެންވާނެގޮތަކީ މީހަކު ގަސްދެއްނެތި ޖެއްސުމަށް ކުރާ ކޮމެންޓަކުން ހައްޔަރުކޮށް ބޮޑެތި ކުއްވެރިންގެ ތެރެއަށް ޖަލައްގޮސް އެތަނުން ނިކުންނަނީ މުޖުރިމެއްގެ ގޮތުގައި.