ދީބާޖާއަށް ބަދަލު ނުދޭން ހުކުމްކުރި މައްސަލަ ސުޕްރީމް ކޯޓުން ބަލައިގެންފި

ސުޕްރީމް ކޯޓު: ދީބާޖާއަށް ބަދަލު ނުދޭން ކުރި ހުކުމުގެ އިސްތިއުނާފް ބަލައިގަތުމަށް އެ ކޯޓުން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

15 ޖޫން 2021 - 14:30

8 comments

ދީބާޖާ އިންވެސްޓްމަންޓަށް ބަދަލުގެ ގޮތުގައި 348 މިލިއަން ރުފިޔާ ދޭންނުޖެހޭ ކަމަށް ހައި ކޯޓުން ކުރި ހުކުމުގެ މައްސަލައިގެ އިސްތިއުނާފް ބަލައިގަތުމަށް ސުޕްރީމް ކޯޓުގެ ފަނޑިޔާރުންގެ މަޖިލީހުން ނިންމައިފި އެވެ.

އެމްޑީޕީގެ ވެރިކަމުގައި 2010 ވަނަ އަހަރު އުތުރު ޕްރޮވިންސްގައި ފެރީގެ ޚިދުމަތް ދޭން ދީބާޖާއާ އެކު ހެދި އެއްބަސްވުން 2013 ގައި ސަރުކާރުން ބާތިލްކުރި މައްސަލާގައި ގެއްލުމުގެ ބަދަލުގެ ގޮތުގައި 348 މިލިއަން ރުފިޔާ ދައްކަން ސިވިލް ކޯޓުން 2016 ގައި ކުރި ހުކުމް ހައި ކޯޓުން އޮތީ 2018 ގައި ބާތިލްކޮށްފަ އެވެ. ހައި ކޯޓަށް މައްސަލަ ބަލައިގަތީ އިސްތިއުނާފް މުއްދަތު ހަމަވިފަހުން ކަމަށްވާތީ ސުޕްރީމް ކޯޓުން 2019 ވަނަ އަހަރު ހައި ކޯޓުގެ ހުކުމް ބާތިލްކުރި އެވެ.

ސުޕްރީމް ކޯޓުގެ އެ ނިންމުން ރިވިއުކުރަން ދައުލަތުން ހުށަހެޅުމުން މިދިޔަ އޭޕްރީލް މަހު އެ ކޯޓުން ވަނީ އެ ކޯޓުގެ ކުރީގެ ނިންމުން ބާތިލްކޮށްފަ އެވެ. އަދި ހައި ކޯޓުގެ ހުކުމް އިސްތިއުނާފް ކުރަން ސުޕްރީމް ކޯޓަށް ދީބާޖާއިން އަލުން ހުށަހަޅައިފި ނަމަ، އެ މައްސަލަ ބެލޭނެ ކަމަށް އެ ހުކުމުގައި ކަނޑައެޅި އެވެ.

އެ ހުކުމާ އެއްގޮތަށް ދީބާޖާ އިން އެ މައްސަލަ އިސްތިއުނާފަށް ހުށަހެޅުމުން މިދިޔަ މަހު ސުޕްރީމް ކޯޓުގެ ރަޖިސްޓްރާ ނިންމެވީ އެ މައްސަލަ ބަލައިނުގަތުމަށެވެ. އެ ނިންމުން ދީބާޖާ އިން ސުޕްރީމް ކޯޓުގެ ފަނޑިޔާރުންގެ މަޖިލީހުގައި އިސްތިއުނާފް ކުރުމުން އެ މައްސަލަ ބަލައިގަތުމަށް އިއްޔެ ނިންމާފައިވާ ކަމަށް އެ ކުންފުނީގެ ވަކީިލުން ކަށަވަރުކޮށްދިނެވެ.

ދީބާޖާ އަށް ބަދަލު ދޭން ކުރި ހުކުމަށްފަހު ކޯޓުން ބޭރުގައި މައްސަލަ ހައްލުކޮށް، ބަދަލުގެ މިންވަރު 174 މިލިއަން ރުފިޔާ އަށް ދަށްކުރަން ދީބާޖާ އާއި ސަރުކާރުން އެއްބަސްވި އެވެ. އެކަމަކު ފަހުން ސަރުކާރުން ވަނީ އެ ނިންމުން ބަދަލުކޮށް، އެ މައްސަލަ ރިވިއު ކުރަން ސުޕްރީމް ކޯޓަށް ހުށަހަޅައިފަ އެވެ.

ސުޕްރީމް ކޯޓް ހައި ކޯޓް ފެރީގެ ޚިދުމަތް ކޯޓް މައްސަލަތައް ދީބާޖާ އިންވެސްޓްމަންޓް

8 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަސީރާ

16 June 2021

ތިޔަ ދަތުރު ޕްރިޖެކްޓް ހިންގީ އެންމެ ބަޔަކު މީމުފާފު ދާލު ޕްރްވިންސްގަ. ކުރިމީހުން ކުއްވެރިވީ އެއްވެސް ބިމެއް ނުދީ ހުރިހާއެއްޗެއް އަތުލީ ⚖️ މިކަން ކޮންމެސް މީޑިއާ އަކުން ބަލާލުން ރަގަޅު. ރަށްތަކާ އެއްޗެހި ވިއްކާފަ އެކަން ނުކުރާމީހުނަށް މިބަހަނީ ޓެކްސް ފައިސާ.. އެމްޓިސީސީ އަށް ދިން ފޮއްތެޔޮ ކޮބާތޯ !!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

15 June 2021

ފުރަތަމަ ކުއާޓަރއިން ލިބުނު ޓެކްސް ފައިސާ ބޯގަންވިލާ ކުދިންނަށްދީފައި. ދެވަނަ ކުއާޓަރއިން ޓެކްސްއަށް ލިބޭ ފައިސާ ދޭނެ ފަރާތަކަށް ތައްޔާރުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުޗީ

15 June 2021

މީހުސްރޭވިގެން ކުރާ ކަންކަން. އިބްރާގެ 15 މިލިޔަން ދީފަ ދެން މިއޮތީ ދީބާޖާ. ރާވާފަ އޮތީ ދީބާޖާ އެދުނުވަރު ނުދިނަސް ބޮޑު އަދަދެއް ދޭން. މިފަސް އަހަރު ނިމުމުގެ ކުރިން މިކަން ކުރާނެ. ދެން ޕޕމ އައިސް އެމީހުންގެ މީހުންނަށް ބަދަލުދޭން ފަށާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

15 June 2021

އަނެއް ލާރިގަޑު، އަހަރުމެންގެ ޓެކްސް ފައިސާ ހުސްމިވަނީ މިހެން. ބޯގަންވިލާއަށް ދެވޭން ހުރި އެއްޗެއް ހުރިތޯ ބަލާ އަވަސް ކުރޭ، އިބުރާ! ލިބެން އޮތް އެއްޗެއް އޮތްތަޯ ބަލަމާ ހިގާ، މި 5 އަހަރުމީ ތިކުދިންގެ 5 އަހަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

15 June 2021

ހަގީގަތަށްވެސް 384 މިލިއަން ލިބޭ ނަމަ އެ އަދަދު 174 މިލިއަނަށް ދަށްކުރަން އެއްބަސްވާނީ މޮޔައިން ތިބި ކުންފުންޏެއް، ނޫންނަމަ އެއްވެސް ބަދަލެއް ހަގީގަތުގައި ލިބެން ނުޖެހޭތީ ލިބޭ ކޮންމެ އެއްޗަކަށް އެއްބަސްވަނީ