ޚަބަރު / ރައީސް މައުމޫން އަބްދުލްގައްޔޫމް

ޕީޕީއެމްގެ ޕްރައިމަރީ ވީހާވެސް އަވަހަކަށް ބާއްވަން މައުމޫން ގޮވާލައްވައިފި

ޕީޕީއެމް އޮފީހުގައި ބޭއްވެވި ބައްދަލުވުމަށް ފަހު މައުމޫން ވަަޑައިގަންނަވަނީ. މައުމޫން ވަނީ ޕްރައިމަރީ ވީހާވެސް އަވަހަށް ބޭއްވުމަށް ގޮވާލާފައި.---ފޮޓޯ: މުހައްމަދު ޝަރުހާން/މިހާރު

އަބްދުﷲ ޖަމީލު، މިހާރު

26 ނޮވެމްބަރ 2016 - 13:40

6 comments

އަންނަ ލޯކަލް ކައުންސިލްގެ އިންތިހާބުގައި ޕީޕީއެމުން ވާދަކުރާނެ ކެންޑިޑޭޓުން ހޮވުމަށް ބާއްވަން ހަމަޖެއްސި ޕްރައިމަރީތައް ވީހާ ވެސް އަވަހަކަށް ބޭއްވުމަށް އެ ޕާޓީގެ ރައީސް މައުމޫން އަބްދުލް ގައްޔޫމް ގޮވާލައްވައިފި އެވެ.

ޕާޓީގެ ޕްރައިމަރީ ފަސްކޮށްފައިވާ މައްސަލައާ ބެހޭ ގޮތުން މައުމޫން މިއަދު ނެރުއްވި ބަޔާނެއްގައި ވިދާޅުވެފައި ވަނީ އެ ޕާޓީގެ އަސާސީ ގަވައިދު ބުނާ ގޮތުން އެ ޕާޓީގެ ޓިކެޓްގައި ވާދަކުރާނެ ކެންޑިޑޭޓުން ކަނޑައަޅާނީ ޕްރައިމަރީއެއް ބާއްވައިގެން އެ ޕާޓީގެ އާއްމު މެމްބަރުންގެ ވޯޓުން ކަމަށެވެ.

"ކަން މިހެން އޮއްވައި ވަކި މުއްދަތެއް ނެތް ގޮތަށް ޕްރައިމަރީ ފަސްކޮށްފައިވާ ކަމަށް ބުނާއިރު، ޕާޓީގެ ޓިކެޓްގައި ވާދަކުރާނެ ކެންޑިޑޭޓުން ހުކުރު ދުވަހު ކަނޑައަޅާނެ ކަމަށް ބުނުމަކީ ޕާޓީގެ ޕްރައިމަރީގައި ވާދަކުރަން ތިބި ގިނަ ކެންޑިޑޭޓުންނާއި އާއްމު މެމްބަރުން ވަރަށް ބޮޑަށް ހިތްހަމަނުޖެހޭ ކަމެކެވެ،" ރައީސް ޔާމީން ފެކްޝަނުގެ ނިންމުމަށް އިޝާރާތް ކުރައްވައި މައުމޫންގެ ބަޔާނުގައި ވެ އެވެ.

އެ ޕާޓީގެ ރައީސް ވިދާޅުވެފައި ވަނީ ޕީޕީއެމް އަކީ އަސާސީ ގަވައިދާއި ހިންގާ ގަވައިދާ އެއްގޮތަށް މިހާތަނަށް ހިންގަމުން އައި ޕާޓީއެއް ކަމަށެވެ. އަދި އެ ޕާޓީގެ ކަންކަމުގައި މިހާތަނަށް ބަސް ބުނަމުން ގޮސްފައި ވަނީ ޕާޓީގެ އާއްމު މެމްބަރުން ކަމަށެވެ. އެހެންކަމުން އަސާސީ ގަވައިދާ ހިލާފަށް ގިނަ ކަންތައްތަކެއް ކުރަމުންދިއުމަކީ ޕީޕީއެމްގެ އާއްމު މެމްބަރުން ވަރަށް ކަންބޮޑުވާ މައްސަލައެއް ކަމަށް ވެސް މައުމޫން ވިދާޅުވެފައިވެ އެވެ.

ޕީޕީއެމްގެ މުސްތަޝާރު އަދި ރައީސް އަބްދުﷲ ޔާމީންގެ ފެކްޝަނުން ނިންމާފައި ވަނީ އެހެން ގޮތަކަށް ކަނޑައަޅަންދެން ވަކި މުއްދަތެއް ނެތް ގޮތަށް ޕްރައިމަރީ ފަސްކޮށްފައިވާ ކަމަށެވެ. އެކަމަކު ކުއްލިއަކަށް އިއްޔެ ނެރުނު ބަޔާނެއްގައި ވަނީ އެ އިންތިހާބުގައި ވާދަކުރާނެ ކެންޑިޑޭޓުން ކަނޑައެޅުމުގެ މަސައްކަތް އިއްޔެ ކުރަމުން އަންނަ ކަމަށެވެ.

ރައީސް މައުމޫން އަބްދުލްގައްޔޫމް ސިވިލް ކޯޓް އިލެކްޝަންސް ކޮމިޝަން ލޯކަލް ކައުންސިލްތައް ޕީޕީއެމް ޕީޕީއެމްގެ ކޯޅުން

6 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބާރު ބާރު

27 November 2016

ކައުންސިލްތަކުގެ ބާރު ކަނޑުވާލާފަ، ދެން ކޮން ކައުންސިލަރުންނެއް ނުހޮވިގެންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކިފަތި 3 އަހަރު ކޭކު

27 November 2016

އެމީހުން އިންތިހާބު ދެކެ ވަރަށް ބިރުގަނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮގުބާ

26 November 2016

ތީކާކުތަ އިންތިހާބަށް ނުފޫޒުފޯރަން 30އަހަރު ވެރިކަންކުރީ ވޯޓް އޮޅުވާލައިގެން ކަތިބުންއަތަށް ވޯޓްފޮށީގެ ތަޅުދަނޑި ދީގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުނެބަލަ

26 November 2016

ޕީޕީއެމް ޕްރައިމަރީ ބާއްވަން ރައީސް މައުމޫނު ގޮވާލެއްވި ނަމަވެސް މަމެން އަސްލު ޕިންކީން އެކަމުގައި ތެޅި ނުގަންނާނަމެވެ. މަމެން މިރާއްޖޭގެ ވެރިކަމާއި ހަވާލުވީ މައިގަނޑު ދެ ކޯސް އަށެވެެ. ޕްރައިމަރީ ކޯސް އަކީ އިދިކޮޅު ކްރިޓިކްސް ގެ އަޑު ކަނޑުވާލާ އަދި ރަންރީނދުލޭ މެންގެ ނަންވެސް ރާއްޖޭން ފުހެލާ އެމެންގެ ޕާރޓީވެސް ސިޔާސީ ގޮތުން އުވި އާ ޕާރޓީ އެއް ފޯމް ވެގެން ދިއުމަށެވެ. މިކަން ކުރެވެން އޮތީ ލޯކަލް ކައުންސިލު އިންތިޚާބު ލަސް ކޮށްގެން ކަމަށްވާތީވެ މަމެން އަސްލު ޕިންކީންގެ ސަރުކާރުން ބޭނުންވަނީ މިކަން މިގޮތަށް ކުރަން އެވެ. މިކަމުގައި ރުހޭ ބަޔަކު ރުހެންވީ އަދި ނުރުހޭ ބަޔަކު ނުރުހެންވީ އެވެ. މީގައި ނޯންނާނެ އިތުރު އެއްވެސް ޗޮއިސް އެއްވެސް އަދި އިތުރު އެއްވެސް އެކްސްކިއުޒެއް ވެސް. ގާނޫނު އަސާސީ ބަދަލުކޮށްގެން މިކަން ކުރަންވި ނަމަވެސް މިކަން މަމެން ކުރާނަމެވެ. ކުރާނަމޭ ކުރާނަމޭ ކުރާނަމޭ އަހާން ކުރާނަމޭ އެއް ނޫންހޭ މިބުނަނީ. ތަމެންނަށް އަޑު ނީވެނީތަ. އޭން ބުނެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނަސް

26 November 2016

ތިޔަ ޕްރައިމަރީއެއްގެ އޮތީ މިހާރު ކޮން މާނައެއްތޯ؟ ތިޔައިގެ ނަތީޖާއަކީ މުސްތަޝާރު އޮފީހުން ނެރޭނެ އެއްޗެއް. މިއުޅޭ ފަނޑިޔާރުގެތަކުން ނެރޭ ޕެންޑްރައިވް ޙުކުމަށްވުރެ އެންމެ ތަންކޮޅެއްވެސް ސަހަލުވާނެތޯ. ދެން ތިހިސާބުން އެ ކެނޑިޑޭޓަކަށް އެއްވެސް ދޮރަކުން އިންތިޚާބާ ކައިރިވުންވެސް ހަރާމްވީ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރިބޯށި

26 November 2016

މައުމޫނު ހާދަ ވަރަކަށް ދަލު ބޭރުން އެބަޖެހެޔޭ .. ގޮތްހުސްވެފަ ހުރި ބޭކަލެއް. އުމަރު ވެސް ހުރި ހަދާނެ ގޮތްހުސްވެ ފުރުސަތަކަށް ބަލަބަލަ .... 2018 ގައި ޕޕމ އިން ކުރިމަތި ލާން އޮތީ އެންމެ ނަމެއް އެއީ ޔާމީން.