އަރަބިއްޔާ ސްކޫލުގެ ދަރިވަރުންތަކެއް-- ފައިލް ފޮޓޯ: މިހާރު
19 އޮކްޓޯބަރ 2021 - 12:57
24 comments
ހުޅުމާލޭގައި އަރަބި މީޑިއަމަށް ކިޔަވައިދޭ ސްކޫލެއް ހުޅުވައިދިނުމަށް އެދި 3،000 އަށްވުރެ ގިނަ ބެލެނިވެރިންގެ ސޮޔާ އެކު އެޑިއުކޭޝަން މިނިސްޓްރީއަށް މިއަދު ޕެޓިޝަނެއް ހުށަހަޅައިފި އެވެ.
އެ ޕެޓިޝަން ތައްޔާރުކުރުމުގައި އިސްކޮށް އުޅުނު އަރަބިއްޔާގެ ބެލެނިވެރިއެއް ކަމުގައިވާ ޔޫސުފް އަބްދުﷲ "މިހާރު" އަށް ބުނީ ހުޅުމާލޭގެ އާބާދީ ބޮޑުވަމުން އަންނައިރު، އަރަބި މީޑިއަމަށް ކިޔަވައިދޭ ސްކޫލެއް ވަރަށް މުހިއްމު ކަމަށެވެ.
މާލެ ސަރަހައްދުގައި އަރަބި މީޑިއަމަށް ކިޔަވައިދޭ ހަމައެކަނި ސްކޫލު، އަރަބިއްޔާގެ ގިނަ ދަރިވަރުންތަކެއް ވެސް ހުޅުމާލެއަށް ބަދަލުވެފައިވާއިރު، ދަތުރުފަތުރުކުރުމުގައި ހުރި ދަތިތަކާ ހެދި ބައެއް ދަރިވަރުން އެ ސްކޫލުން ވަނީ ވަކިވެފަ އެވެ. އޭގެ އިތުރުން، ހުޅުމާލޭގައި މި ވަގުތު ދިރިއުޅޭ މީހުންގެ ތެރޭގައި ވެސް އަރަބި މީޑިއަމަށް ކިޔަވައިދޭ ސްކޫލެއް ބޭނުންވެފައި ތިބި މީހުން ގިނަކަމަށް އޭނާ ބުންޏެވެ.
އެ ކަންކަމާ ގުޅިގެން 3،264 ބެލެނިވެރިން ސޮއިކުރި ޕެޓިޝަން އެޑިއުކޭޝަނާއި އިސްލާމިކް މިނިސްޓްރީ އާއި ރައީސް އޮފީހާއި އެޗްޑީސީ އަދި ދީނީ ޖަމިއްޔާތަކަށް ހުށަހަޅާފައިވެ އެވެ. އެއީ އަރަބިއްޔާގެ ބެލެނިވެރިންގެ އިތުރުން ހުޅުމާލޭގައި މި ވަގުތު ދިރިއުޅޭ މީހުންގެ އިތުރުން އަރަބި މީޑިއަމަށް ކިޔަވައިދޭ ސްކޫލެއް ބޭނުންވެފައި ތިބި ބެލެނިވެރިންނެވެ.
"ހުޅުމާލެ ބަދަލުވި ކަމުގައި ވިޔަސް އިނގިރޭސި މީޑިއަމަށް ކިޔަވަމުން އައި ކުދިންނަށް، އެ ކުދިންގެ ކިޔެވުން އެބަ ކުރިއަށްގެންދެވޭ ހުޅުމާލޭގެ އެހެން ސްކޫލަކުން. ނަމަވެސް އެ ފުރުސަތެއް އަރަބި މީޑިއަމަށް ކިޔަވާ ކުދިންނަކަށް ނެތް. އެކަން ފަހިކޮށްދިނުމަށް މި އެދެނީ،" ނިމިދިޔަ ދައުރުގައި އެ ސްކޫލުގެ ޕީޓީއޭގެ ނައިބު ރައީސަކަށް ހުރި ޔޫސުފް ބުންޏެވެ.
އޭނާ ބުނީި ގޮތުގައި އަރަބި މީޑިއަމް އިން މަތީ ތައުލީމް ހާސިލްކުރުމުން ދަރިވަރުންނަށް މަތީ ތައުލީމުގެ ސްކޮލަޝިޕްގެ ފަހި ފުރުސަތުތައް ލިބެ އެވެ. މިސްރުން ދިން ސްކޮލަޝިޕްގައި މި ވަގުތު ވެސް ރާއްޖޭގެ 35 ދަރިވަރަކު ކިޔަވަމުން އަންނަކަން އޭނާ ފާހަގަކުރި އެވެ.
"ލިބޭ ސްކޮލަޝިޕްތަކާ އެއް ވަރަށް ކުދިން ކިޔަވަން ނުފޮނުވި މި އޮންނަނީ. މި ހުރިހާ ކަމަކަށް ބަލާއިރު ވަރަށް ބޭނުންވޭ އަރަބި މީޑިއަމްގެ ސްކޫލެއް،" ޔޫސުފް ބުންޏެވެ.
ހުޅުމާލޭގައި އަރަބި މީޑިއަމްގެ ސްކޫލެއް ހިންގާނެ ބިމެއް ލިބޭނެ ކަމުގެ ޔަގީންކަން މީގެ ފަސް އަހަރުކުރިން އޭރުގެ ސަރުކާރުން ދިން ކަމަށް ކަމަށް ޔޫސުފް ބުންޏެވެ.
އެޑިއުކޭޝަން މިނިސްޓްރީން ވެސް ވަނީ ހުޅުމާލޭގައި އިތުރު ސްކޫލުތަކެއް އަޅަން ނިންމައިފަ އެވެ. އޭގެ ބައެއް ސްކޫލުތައް އަޅަން ބަޔަކާ ހަވާލުކުރި ނަމަވެސް އަރަބި މީޑިއަމަށް ކިޔަވައިދޭ ސްކޫލެއް ހިމެނޭކަމެއް އަދި ސާފެއްނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކކކކ
20 October 2021
ކިޔަވާ އުމުރު މެދުތެރޭން އިންގިރޭސި މ ސުކޫލުން ކަނަޑަލާފަ އަރަބިއްޔާއައް ވެއްދީމަ ކުދިން ގެ ކިޔެވުން ހަލާކުވިޔަސް،، ތީ ޖަޒުބާތީ ކަމެއް، މަގެދީނާ ނުކުޅެއްޗޭ ކަހަލަ ކަމެއް. ސުކޫލު އަވަހައް ހަދާ، އެހެންނޫނަސް މާ ކަންކަމާ ފުންކޮއް ވިސްނާބަޔެއްނޫން ދިވެހިންނަކީ
ހަސަނު
20 October 2021
ތިޔައީ ޖަޒްބާތީ ވާހަކައެއް.. ފިކުރީ ވާހަކައެއްނޫން..
މުޅިއަރަބިދުނިޔެ ގަމާރު ކަންމަތީގައި އެތައް ގަރުނެއް
20 October 2021
ދުނިޔޭގެ ހަބަރު ދަބަރު ނުބަލާ ބަޔެއްދޯ މިއީ! ވަގުތު ބޭކާރު ކުރަނީ މޮޔަވެގެންތަ؟ ހުޔޮނުވާނެ ދިވެހި ދަރިންތަކަކައް މިކަހަލަ ބޮޑު ލަނޑެއްދޭން ވިސްނާކައް!
ޔޫސޭ
19 October 2021
ހުޅުމާލޭގައި ޢަރަބިއްޔާ އެޅުން އަވަސްކޮށްދެއްވާ! ދިވެހިންނަކީ ޢަރަބި ބަހަށް ލޯބިކުރާ ބައެއް. ދިވެހި ބަހުގަ ގިނައީ ޢަރަބި ލަފްޒުތައް. ދިވެހިންނަށް ކިޔަނީ ޢަރަބި ނަންތައް. ދިވެހިން ވާހަކަ ފަށަނީ ޢަރަބިން االسلام عليكم ދިވެހިން ހެނދުނާ ހަވީރު ޒިކުރު ކުރަނީ ޢަރަބިން. ދިވެހިން 5 ނަމާދުގައި ކޮންމެ ދުވަކު ﷲ އަށް ދަންނަވަނީ ޢަރަބިން. ދިވެހިން ޤްރުއާން ކިޔަވަނީ ޢަރަބިން. ދިވެހިން މަރުވީމަ ވަޅުލަނީވެސް ޢަރަބިން ﷲއަށް ދަންނަވާ ނަމާދު ކުރުމަށް ފަހުއެވެ.
ސީތާ
19 October 2021
ބަންގަލަދޭސް ބަސް ކިޔަވަދިނިން މާމިހިއްމު.
ބޮޑުމީހާ
19 October 2021
މިދައުރުގަ އެމީހުން ކައިރީ ބުނެބަލަ ފަންޖިފުޓިން ނަމަވެސް ސްކޫލެއް އަޅައިދޭން
Coronavirus
19 October 2021
އަރަބި ބަހަކީ އެހާ ކުރިއަރާފައިވާ ބަހެއް ނޫން. ދުނިޔޭގައި އެއްމެ މަދުން ފޮތް ތަރުޖަމާ ކުރާ ބަހަކީ އަރަބި ބަސް، އަދި އަރަބި ބަހަކީ ސައިންސާއި ވަރަށް ބީރައްޓެހި ބަހެއް. ވަކި ބަހަކުން ކިޔަވަން ބޭނުންނަމަ އިގިރޭސި ބަހަށްވުރެ މޮޅު ބަހެއް ނެއް. އެކަމަކު އިތުރު ބަހެއް ކިޔަވައި ދޭނަމަ މެންޑެރިން ނޫނީ ކެންޓޮނީޒް ކިޔަވާ ދީ. ސިންގަޕޫރު ކުރިޔަށް ދިޔަ އެއްމެ ބޮޑު އަސްލު އިގިރޭސި ބަސް. ސޮމާލިޔަ ސޫދާން ކަހަލަ ގައުމުން ފިލާވަޅު ނަގާ
ނޫނޭ ނޫނޭ
19 October 2021
އިސްލާމްދީން ދަސްކުރަން ބޭނުންވާ މީހުން އިގިރޭސިބަހަށްވުރެ އަހަންމިއްޔަތުކަން ދޭނީ ޢަރަބިބަހަށް. ދަރިންނަށްވެސް ދަސްކޮށްދޭން ބޭނުންވާނީ އެބަސް. ސުވަރުގޭގެ އަހުލުވެރިންވެސް ސުވަރުގޭގައި ވާހަކަދައްކާ އުޅޭނީ އެބަހުން. ބޭފުޅާވެސް ދުނިޔެ ފަހާ ދުވަން ނޫޅެ އާޚިރަތަށް އެއްޗެއް ރައްކާކުރެވޭތޯ މަސައްކަތް ކުރައްވާ. ހުރިހާ ބަހެއް ވެސް ކިޔަވަންވާނެ. އެކަމު ޢަރަބިބަހަކީ ދަށް ފެންވަރެއްގެ އެއްޗެއް ކަމަށް ނުދެކޭ.
ވަހީދު
20 October 2021
އިނގިރޭސި ބަހުން ލިޔެފައި ހުރި ފޮތްތަކަށްވުރެ ޢަރަބި ބަހުން ލިޔެފައި ހުރި ފޮތްތަށް މާ ގިނަ. ގަބޫލު ނުކުރެވެންޏާ އަމިއްލަ އަކަށް ދިރާސާއެއް ހަދާލަ ބަލަ. އަނދިރީގައި އުޅޭ މީހުންނަށް ނުފެންނާނެޔޭ ބުނަނީ ކަމެއްވެގެން.
87654
21 October 2021
ވަހީދު ކޮންތާކުން ބެލި ދިރާސާއެއް. އަރަބިންނަކީ އިލްމު ދަންނަ ބަޔެއް ނޫން. އެކަން ފެންނާނެ އަރަބި ގައުމުތަކަށް ބަލާލީމަ. މުޅިންވެސް ބޮން ގޮއްވުމާއި ޓެރަރިޒަމް އާއިގެން އުޅޭ ބަޔެއް. ތެޔޮ ވެސް އަމިއްލަޔަށް ނަގަން އެގޭ ބަޔެއް ނޫން. އިލްމެއް ކުރި ނައަރާނެ މިނިވަން ކަމާ އެކީ ދިރާސާ ނުކުރެވޭ ގައުމުތަކުގައި. އަރަބިންގެ ތެރޭ އަދިވެސް އޮތީ ޖާހިލު ކަމާއި ނަފުރަތު.
އަހުންގެހިޔާލު
19 October 2021
އިނގިރޭސި މީޑިއަމަށްވުރެ އަރަބި މީޑިއަމް އަޅުގަނޑަށް މާ މުހިއްމު. އަރަބި ކިޔަވައިގެން ބަނޑަށް ޖެހޭނެ ކަމުގެ ބިރު ދައްކާ ޖާހިލު ބައެއް މީހުންވެސް އުޅޭ.
ތަރުމޯޒު
19 October 2021
މުޅިއަކުން ރަނގަޅެއްނޫން. އިނގިރޭސި މީޑިއަމަށް ކިޔެވެނީ ގުރޭޑު 10 އާ ހަމައަށް. 11، 12 ކޮބާ؟ ހަމަ މާލެ އަންނަން ޖެހޭނީ. އެކުދިންނަށް ވެސް ހަމަހަމަ ފުރުސަތު އޮންނަންޖެހޭ.
ވަހީދު
19 October 2021
ނިމިދިޔަ ސަރުކާރާއި މިސަރުކާރުގެ ނިޔަތް މިކަމުގައި ވަރަށް ސާފު. އެނގިފައިވާ ގޮތުން އަރަބި މީޑިއަމުގެ ސްކޫލެއް އަޅަން ބިމެއް ވަނީ ކަނޑައަޅާފައި. އެބިން ހަމަ އެގޮތަށް މިސަރުކާރުގައި ވެސް ބާއްވާފައި އެބަ އޮތް. އެއްމެން ވެގެން އަވަހަށް ސްކޫލް އަޅަން އުޅެމާ.