އިންޑިއާ އައުޓް ޕެޓިޝަން އަށް ސޮއި ހޯދުމަށް އިދިކޮޅުން ހިންމަފުށީގައި ކުރިއަށްގެންދާ ޑޯޓުޑޯ ހަރަކާތުގެ ތެރެއިނ--- ފޮޓޯ:ޕީޕީއެމް
26 އޮކްޓޯބަރ 2021 - 15:14
10 comments
ރާއްޖޭގައި ތިބި އިންޑިއާގެ ސިފައިން ރާއްޖެއިން ބޭލުމަށް ގޮވާލައި އިދިކޮޅު ޕީޕީއެމް/ޕީއެންސީ ކޯލިޝަނުން ކުރިއަށްގެންދާ ޕެޓިޝަނަށް ސޮއި ހޯދުމަށް އެ ޕާޓީގެެ ލީޑަޝިޕް މިއަދު ކ. ހިންމަފުއްޓަށް ހިނގައްޖެ އެވެ.
އިންޑިއާގެ ސިފައިންނާއި ވަސީލަތްތައް ރާއްޖެއިން ބޭލުމަށް އިންޑިއާ ސަރުކާރަށް ގޮވާލައި "އިންޑިއާ މިލިޓަރީ އައުޓް" ނަމުގައި ޕެޓިޝަނެއް ހުށަހަޅަން އިދިކޮޅުން ނިންމީ މިދިޔަ ސެޕްޓެމްބަރު މަހު އެވެ.
ޕީޕީއެމްގެ ސްޕޯކްސްޕާސަން ހީނާ ވަލީދު ވިދާޅުވީ އެ ޕެޓިޝަނަށް ސޮއި ހޯދުމަށް މިހާރު ވެސް ރަށްރަށުގައި އަމިއްލަ ފަރާތްތަކުން ހަރަކާތްތައް ހިންގަމުންދާ ކަމަށެވެ. އަދި ކުރިއަށް އޮތް ތަނުގައި ލީޑަޝިޕްގެ ބޭފުޅުން އެހެން ރަށްރަށަށް ވެސް ދަތުރުކުރުމަށް ހަމަޖެހިފައިވާ ކަމަށާއި ހިންމަފުއްޓަކީ ކެމްޕޭނުގެ ފުރަތަމަ މަންޒިލް ކަަމަށެވެ.
އިންޑިއާ އައުޓް ޕެޓިޝަން އަށް ސޮއި ހޯދުމަށް އިދިކޮޅުގެ ލީޑަޝިޕްގެ ބައެއް ބޭފުޅުން ހިންމަފުއްޓަށް ފުރަނީ--- ފޮޓޯ:ޕީޕީއެމް
އޭނާ ވިދާޅުވި ގޮތުގައި ޑޯޓުޑޯ ހަރަކާތުގައި ހިންމަފުށީގެ ރައްޔިތުންގެ ފަރާތުން ޕެޓިޝަނަށް ވަރަށް ބޮޑު ތަރުހީބެއް އަންނަނީ ލިބެމުންނެވެ.
"އަޅުގަނޑުމެން ވަރަށް ހިތްހަމަޖެހޭ އަދަދަކަށް މިކޮޅުން ސައިން ލިބެމުން އެބަދޭ. ހުރިހާ އެންމެން ވެސް މިކަމަށް ވަރަށް ސަޕޯޓިވް. އިންޑިއާ ސިފައިން ރާއްޖޭގައި ތިބުމާ ދެކޮޅަށް ހުރިހާ ބޭފުޅުން ވެސް ބޭނުންވޭ ޕެޓިޝަން ހުށަހަޅަން،" ހީނާ ވިދާޅުވި އެެވެ.
ޕެޓިޝަނަށް ސޮއި ހޯދުމުގެ މަސައްކަތަށް އިދިކޮޅު ލީޑަޝިޕުން އަތޮޅުތަކަށް ދަތުރުކުރަން ނިންމާފައިވާއިރު، ހިންމަފުށީގައި ސޮއިކުރުން އޮންނާނީ މިއަދު އެކަންޏެވެ.
އިންޑިއާ އައުޓް ޕެޓިޝަން އަށް ސޮއި ހޯދުމަށް އިދިކޮޅުން ހިންމަފުށީގައި ކުރިއަށްގެންދާ ޑޯޓުޑޯ ހަރަކާތުގެ ތެރެއިނ--- ފޮޓޯ:ޕީޕީއެމް
އިދިކޮޅުން ހުށަހަޅާ ޕެޓިޝަންގައި ބުނެފައި ވަނީ ރައީސް އިބްރާހިމް މުހައްމަދު ސޯލިހުގެ ސަރުކާރުން އިންޑިއާގެ ސަރުކާރާ އެކު ސިއްރު އަސްކަރީ އެއްބަސްވުންތަކެއް ގާއިމްކޮށް، ރާއްޖޭގައި އިންޑިއާގެ އަސްކަރީ ބޭނުންތަކަށް ތަންތަން ދޫކޮށްފައި ވަނީ ގާނޫނާ ހިލާފަށް ކަމަށެވެ.
މި އެއްބަސްވުންތަކުގެ ސަބަބުން ރާއްޖޭގެ ޑިމޮކްރަސީގެ ނިޒާމާއި މުއައްސަސާތަކުން ރައްޔިތުންގެ ބާރުވެރިކަން ގެއްލި، ކަނޑުގެ ވަސީލަތްތަކުގެ މައްޗަށް ދިވެހިންގެ ސިޔާދަތީ ބާރުކެނޑި އަދި މި ގައުމުގެ މިނިވަން ކަމަށް ބުރޫ އަރާފާނެތީ އިންޑިއާ ސިފައިން ރާއްޖެއިން ބޭލުމަށް މި ޕެޓިޝަނުގައި ވަނީ އެދިފަ އެވެ.
އިދިކޮޅު ޕީޕީއެމް/ޕީއެންސީ ކޯލިޝަނުން މިރޭ ބޭއްވި ޖަލްސާގައި އެންމެ ބޮޑަށް އަޑުއުފުލާފައިވާ އިންޑިއާ ސަރުކާރުން ރާއްޖޭގައި ނުފޫޒު ގަދަކުރާ ކަމަށް ބުނެ އެވެ. އިންޑިއާގެ ސިފައިން ރާއްޖޭގައި ތިބުމުގެ އިތުރު، މި ސަރުކާރުން ރާއްޖެ އިންޑިއާ އަށް ދަރުވާލުމަށް ސިއްރު ރޭވުންތަކެއް ރާވަމުންދާ ކަމަށް ތުހުމަތުކޮށް، އެކަމާ ދެކޮޅަށް ވެސް ވަނީ އަޑުއުފުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެއްލްބޭ
27 October 2021
އިންޑިއާ އައުޓުކުރީމަ ދިވެހިރާއްޖެއަށް ވާނެ ފައިދާތަކާ ގެއްލުންތައް ރައްޔިތުންނަށް ޕޕޕ ކުދިން ކިޔާލަދީބަލަ އަހަރެން ފެންނަ ގޮތުގަ އެއްވެސް ފައިދާއެއް ނެތް އޮތީ މުޅިންވެސް ދިވެހިންނަށް ދަތިތަކާ ގެއްލުން
ގިތެޔޮގުޅި
27 October 2021
ފޮޓޮޔަށް ބަލާލީމާ އެބަ އެނގޭ ސޮއި ހޯދަނީ ކިހިނެއްކަން އަދި ބައެއް މީހުން، ފައިލު ހިފައިގެންދާ މީހުން ތިބޭ ގޮތަށް ބަލާފަ، ދެރަ ނުކުރާން ސޮއިކޮށްލަނީކަންވެސް. ދިވެހީންނަކީ ވަރަށް ހިތްހެޔޮ ބައެއް. މި ކޮމެންޓުން ހަމައެކަނި މި ފާހަގަކުރަނީ ރާއްޖޭގަ ޕެޓިޝަންހެދުމާމެދު.
ނިޔަމަ
27 October 2021
އެންމެފުރަތަމަ ރާޑަރުތަށް ބަހައްޓަން ރައްރަށުން ބިންނަގާ ރާޑަރްތަށް ބަހައްޓާނެ ތަންތަށް ހަމަޖެއްސީ ނިމިދިޔަ ސަރުކާރުން.
ރަތްރާޅުމެނޭޖަރު
26 October 2021
ތިގޮތަށް މެމްބަރުން އިތުރު ކުރަންށޭ ކިޔައިގެންވެސް އުޅުނު. އެވެސް ދިޔައީ ޗޮކުން. ތިވެސް ދާނީ ޗޮކުން. ކައުންސިލުގައި ތިޕާޓީގެ މެމްބަރުން ތިބި ރަށްރަށަށް ޗުއްޓީއަށް ގޮސް އެމީހުންނާއިއެކު ސައިބޮއި ފޮޓޯ ނަގާފައި ނިންމާލާ. އެހެން ގައުމެއްގެ އަސްކަރީ ބަޔަކު މިރާއްޖޭގައި ތިބިނަމަ އަހަރެމެންނަށް ފެންނާނެ. ވުޖޫދުގައި ނެތްކަމެއް އުފައްދައިގެން ތިއުޅެނީ ރައްޔިތުންނަށް އޮޅުވާލައިގެން ތާއީދު އިތުރުކުރަން. އެނޫން އެއްވެސް ބޭނުމެއްނެތް
އެމްސް
26 October 2021
ރަޢިއްޔަތުންނަށް ބޯހިޔާވަހިކަމާއި ދެކޮޅުޖެހޭ އާމްދަނީގެ ވަޒީފާ ހޯދަދޭން މިފަދަ ކަމެއް ނެތް؟ އުޅެންވީ ހަމަ އެކަނި ވެރިކަމާއި ބާ؟
ކަލޯބެއްޔާ
26 October 2021
ކީއްްވެ އަހަރެމެން މާލޭގައި އުޅޭ މީހުންނަށް ފުރުސަތު ނެތީ؟ އަހަރެމެންވެސް ބޭނުން ތީގަ ސޮއި ކުރަން.
ނަބީލާ ނަބީލް
26 October 2021
އަދުރޭއާ މުހައްމަދު ސައީދު ދައްކާ ޗަރުކޭހެއް
ހަސަން އަލީން
26 October 2021
ޕޕޕ ވެރިކަމަށް އަންނަން ކުރާ ކެމްޕެއިން
ތޮމިއަންކާ
26 October 2021
ކަލޭމެންގެ އަމިއްލަ އެދުން ފުއްދަން ތިޔަކުރާ މަސައްކަތުން އިންޑިއާ ހިތްހަމަ ނުޖެހިގެން ރާއްޖެއަށް އެއްޗެހި ވިއްކުން ހުއްޓާލައިފިނަމަ އޭގެ ގެއްލުން ހުރިހާ ރައްޔިތުންނަށްކުރާނެ ކަލޭމެން ވެރިކަން ވައްޓާލަން ބޭނުންވިޔަސް ތިކުޅެނީ ވަރަށް ހަޑި ކުޅިވަރެއް
ޢަރުތަ
26 October 2021
"އިދިކޮޅުން ހުށަހަޅާ ޕެޓިޝަންގައި ބުނެފައި ވަނީ ރައީސް އިބްރާހިމް މުހައްމަދު ސޯލިހުގެ ސަރުކާރުން އިންޑިއާގެ ސަރުކާރާ އެކު ސިއްރު އަސްކަރީ އެއްބަސްވުންތަކެއް ގާއިމްކޮށް، ރާއްޖޭގައި އިންޑިއާގެ އަސްކަރީ ބޭނުންތަކަށް ތަންތަން ދޫކޮށްފައި ވަނީ ގާނޫނާ ހިލާފަށް ކަމަށެވެ". މިހެން ހަމަ އެކަނި ބުނެގެން ތިޔަ ޕެޓިޝަނުގަ މަމެން ސޮއިނުކުރާނަން، ޤާނޫނާ ޚިލާފުކަން ލިއެކިއުމުން ދައްކަދޭން ޖެހޭނެ، ސިޔާސީ މީހުން ކޮންމެފަދަ އެއްޗެއްވެސް ކިޔާފާނެ.