ބާޒާރުމަތީ ފިހާރަ އަކަށް ވިޔަފާރިކުރަން އައިސް ތިބި މީހުން.-- ފޮޓޯ: ނިޝާން އަލީ/މިހާރު
16 މެއި 2018 - 09:05
21 comments
ކަރާ، މިރުސް އަދި ދޮންކެޔޮ ލިބުން ދަތިވެ، ރޯދަ މަހު ދިވެހިން އާއްމުކޮށް ބޭނުން ކުރާ ތަކެތީގެ އަގުތައް އުފުލެން ފަށައިފި އެވެ.
ރޯދަ ވީއްލާ ގަޑީގައި ކަރާ ފަނި ތައްޓެއް ބޯލުމަކީ ދިވެހިން ލޯބިކުރާ ކަމަކަށް ވީ ނަމަވެސް މި އަހަރުގެ ރޯދަ މަސް މިއަދު ފެށި އިރު ބާޒާރުގައި ކަރާ ހުރީ ވަރަށް މަދުންނެވެ. ދިވެހި ކަރާ ލިބުން ވަނީ ވަރަށް ބޮޑަށް ދަތިވެފަ އެވެ. ވިއްކަން ހުރި މަދު ކަރާކޮޅުގެ ތެރޭގައި ގިނައީ އިންޑިއާ އިން އެތެރެކޮށްފައިވާ ކަރާ ކަމަށް މާރުކޭޓުގެ ގޮޅިތަކުން ބުންޏެވެ.
ކަރާ ކިލޯއެއް މިހާރު ހުރީ 30-35ރ. އަށެވެ. އެއީ މީގެ ދެ ދުވަސް ކުރިން ކަރާ ކިލޯއެއް ވިއްކި އަގާ އަޅާ ބަލާއިރު ދެ ގުނަ އަށް ވުރެ ބޮޑު އަގެކެވެ.
"ރޯދަ މަހުގެ ތެރޭގައި ދިވެހި ކަރާ ލިބެން ފަށާނެ ކަމަށް މި ބަލަނީ. މިހާރު ވެސް ވަރަށް މަދުން އެބަ ލިބެމުން ދޭ،" މާރުކޭޓުގެ ގޮޅިއެއްގައި އިން ވިޔަފާރިވެރިއަކު ބުންޏެވެ.
ރަށްރަށުން މި އަހަރު ދޮންކެޔޮ ގެންނަ ވަރު ވަނީ ވަރަށް ބޮޑުތަން މަދުވެފަ އެވެ. އެގޮތުން މާރުކޭޓުގައި ހުރި މަދު ދޮންކެޔޮކޮޅުގެ ތެރޭގައި، ގާތްގަނޑަކަށް މުޅިން ވެސް ހުރީ ލަންކާ އިން ގެނެސްފައިވާ ދޮންކޭލެވެ.
ދޮންކޭލުގެ އަގުތައް އުޅެނީ، ކުރިން 200-300ރ. އަށް ވިއްކި ސައިޒުގެ ދޮންކެޔޮގަނޑެއް 600-700ރ. އަށް ވުރެ މަތީގަ އެވެ. ވަކިން ދޮންކެޔޮ ވަކެއްގެ އަގަށް ބަލާ ނަމަ، މާޅޮސްކެޔޮ ވަކެއް 7-12ރ. އާ ދެމެދުގައި އުޅޭއިރު އާދައިގެ ކެޔޮވަކެއް 7-10ރ. އާ ދެމެދުގަ އެވެ.
މާރުކޭޓު ގޮޅިއެއްގައި، ރާއްޖޭން ބޭރުން ގެނެސްގެން ވިއްކަން ބަހައްޓާފައި ހުރި މިރުސްތަކެއް.
ރާއްޖޭގަައި ހައްދާފައިވާ މިރުސް މި އަހަރު ވަނީ ވަރަށް ބޮޑަށް މަދުވެފަ އެވެ. އެގޮތުން މިރުސް ލިބުން ތާށިވުމުން، މިރުހުގެ އަގުތައް ވެސް ވަނީ ކުރިން 250ރ. އަށް ވިއްކި މިރުސް ކިލޯއެއްގެ އަގު 700-800ރ. އާ ދެމެދުގެ އަގުތަކަށް އުފުލިފަ އެވެ.
މާރުކޭޓުގައި ވިޔަފާރި ކުރާ ފަރާތްތަކުގެ ތެރެއިން "މިހާރު"ން ވާހަކަ ދެއްކި ގިނަ މީހުން ބުނީ، ބައެއް އެއްޗެހި ލިބުން ދަތިވެގެން އުޅެނީ ރާއްޖޭގެ ރަށްރަށަށް މާ ބޮޑަށް ވިއްސާރަ ކުރުމުން ދަނޑުވެރިންނަށް ގޮންޖެހުންތަކާ ކުރިމަތިވެފައިވާތީ ކަމަށް ގަބޫލުކުރެވޭ ކަމަށެވެ.
އެ މީހުން ބުނީ ކޮންމެ އަހަރަކު ވެސް ރޯދަ މަހާ ދިމާކޮށް އެއްޗެހީގެ އަގު ބޮޑުވާ ކަމަށެވެ. އެގޮތުން އާންމު ގޮތެއްގައި ހުރިހާ އެއްޗަކުން ވެސް މި އަހަރު 5ރ. ވަރު ބޮޑުވާނެ ކަމަށް ވެސް އެ މީހުން ބުންޏެވެ.
ކަރާ، މިރުސް އަދި ދޮންކޭލުގެ އިތުރުން އާންމުކޮށް ދިވެހިން ބޭނުންކުރާ އެހެން ކާބޯތަކެތި، މާ ބޮޑު ދަތިތަކެއް ނެތި ބާޒާރުގައި ލިބެން ހުރިއިރު، އެ އެއްޗެހީގެ އަގުތައް ވެސް ވަނީ މަޑުމަޑުން އުފުލެން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސުމޭމީ
16 May 2018
މާރުކޭޓުގެ ކަންތައްތައް ބެލުން ކޮންމެ ރޯދަމަހަކު ހަވާލުކުރަންވީ މޫސުމާބެހޭ އިދާރާއަކަށްނު..ކޮންމެ ރޯދަ މަހެއް ފެށެން ކައިރިވާއިރަށް މި ދަނޑުތައް ހަލާކު ވަނީ މޫސުމީ ބަދަލެއްގެ ސަބަބުންތޯ ބަލަން
އަސްލުހާލަތު
16 May 2018
ކަރާ ނުގަނެ މަޑު ކޮށްލަނިކޮށް ކަރާތަށް ފީވެ އަގު ތިރިވާނެ.. ކަރާ ކޮންމެހެން މާ މީރު އެއްޗެއްވެސް ނޫން. އެއަށް ވުރެއް މާ މީރު ފަނިތަކާ މިލްކް ޝޭކުތައް ހުރޭ.
ސަރީފް
16 May 2018
މިގައުމުގައި އެއްމެ ގޮތެއް ފޮތެއް ނެތް ބަޔަކީ މަސްވެރިންނާ ދަނޑުވެރިން. މި މީހުންނަށް އެއްވެސް ސަބްސިޑީއެއް ދިނުމަކީ ވަރަށް ބޮޑުގޯހެއް. ގަސްތުގަ އެއްވެސް ސަބަބެއްނެތި އެއްޗެހީގެ އަގުބޮޑުކޮށްލަނީ.
ޖޯޖް
16 May 2018
ދެން ހަމަ ކޮންމރހެން ދިވެހި ދަނޑުގައި ހައްދާ މިރުހާ ކަރާޔާ މިރުހާ އެކަނިތަ ބަނޑަށް ލެވޭ ކަމައް ވަނީ
ބުރުގާ
16 May 2018
ތީހަމަ ޓޯކިޔޯގެވެސް ހާލު. ދޯ މުއިޒޫ..
މަ
16 May 2018
އަގުން 5ރ ތަ ބޮޑެވެފަ އެހެރީ. ރޯދަ މަހަކީ ތިއަ މާރުކޭޓު މީހުން މުއްސަނދިވާ މަސް. ތީ އަބަދުވެސް ރޯދަމަހު ކިޔާ ލަވައެއްނު
ހުސޭނު ގޯތި ކަތްދަ
16 May 2018
ތަކެތި އުފައްދާ އެތެރެކޮށް ވިއްކާ މީހުން ތަކެތި މި ބާޒާރަށް ނެރެނީ 4 ލައްކަ އާބާދީއެއް ކަމަށް ބަލައިގެން. އެކަމަކު ދިވެހި ރާއްޖޭގައި ދިރިއުޅޭ ހީވާ ގޮތުން ގާތްގަޑަކަށް 6 ލައްކަ މީހުން. ދެން ތަކެތި ހުސްނުވެ ހުންނާނެތަ. އަގުވެސް ބޮޑުވާނެ... ދަނޑުވެރިންގެ ސިކުޑީގައި އިންނަނީ 4... ދަނޑުވެރީންނަށް ވިސްނަދޭންވި 6 ކަމަށް. އޭރުން އޯކޭ ވާނެ. ވިޔަފާރި ހުއްދަވުމުގެ ޙިކުމަތަކީ މީސްތަކުންނަށް ފަސޭހަ ކޮށްދިނުމަށް. ތަކެތީގެ އަގު ބޮޑުކުރާ ފަރާތްތަކަށް ބުނެލަން އޮތީ. ތަކެތީގެ އަގު ކިތައްމެ ބޮޑުކުރިޔަސް އިރާދަކުރެއްވިއްޔާ އަހަރެމެން ތިބޭނީ ބަނޑަކަށް ނޫނޭ. ޝުކުރިއްޔާ.
މަޖޫރިން
16 May 2018
އަދިވެސް ފަގީރު މަޖޫރީ މީހާއަށް ލިބޭ އާމްދަނީ ކޮންޓްރޯލް ކުރޭ. ގެތަކުގެ ކުލިއާއި ތަކެތީގެ އަގު ކިތަންމެ ބޮޑަސް މަޖޫރީ މިނިސްޓަރު ލިޕްސްޓިކް ސައިދާ އަށް އޯކޭ.
ޝާއްނާ
16 May 2018
ބަލަ ރޯދަމަހަކީ ކެއުމާއި ބުއިމުގެ ފެސްޓިވަލްއެއްތޯ . ރޯދަވީއްލުމާޢި ހާރުކެއުމާޢި މިއޮންނަނީ . އަނެއްހެން ބުނާނަމަ ހަވީރު ސަޔާއި ރޭގަޑު ކެއުން ،،، ހެނދުނާއި މެންދުރު ނޯވޭ ،، ވީމާ ދެން ކޮންހާ ބައިވަރު ސާމާނެއް ހޯދާކަށް ، ވީހާވެސް މަދުން ގިނަބާވަތްތަކުގެ ތަރުކާރީ އާއި ފުރުޓް އަދި ސާފްބޯފެން ، ގިނައިން އެޕަލްސިޑަރ ވިނިގަރ މަތިގަނޑެށް ދުވާލަކަށް ،، މިހެންބޮމުންގޮސް އެއްމަސް ވާއިރު ފުދޭވަރަކަށް ޑިޓޮކްސްވާނެ . ވަރަށް ޙަރަދުކުޑަކޮށް އެކަންކަން ކުރެވޭނެ ، ބަނޑުފުރާ ކާކަނުޖެހޭނެ ، މިލިއުނީ ރޯދަމަހުގެ ބޮޑުބޭނުމެށް ،
ސިޔާސީ
16 May 2018
އަގު އަވަދުވެސް ހުންނާނީ ތަކެތި ގަންނަ މިންވަރާއި ތަކެތި ލިބޭމިންވަރަށް ގުޅިފައެވެ. އެހެންކަމުން ތަކެތީގެ އަގުބޮޑުވެގެން މަމެން ވިޔަފާރިވެރިންނަށް ޖައްސާލުމުގެ ބޭނުމެއްނެތެވެ. ސަރުކާރުން ރައްޔިތުންދެކެ ލޯވިވަންނާ ތަކެތި އެތެރެކުރާ މިންވަރު ނުވަތަ ދިވެހިން އުފެއްދުންތެރިކަން އިތުރުކުރަން ބާރުއަޅަންވީއެވެ