ނައިކީގެ ޒޫމް އެއާ ޕަލްސްއަކަށް މީހަކު އަރައިގެން.
ކޮރޯނާވައިރަހުގެ ނުރައްކަލާ ކުރިމަތިލައި ކުރީ ސަފުގައި މަސައްކަތްކުރާ ސިއްހީ އެހީތެރިންނަށް އެހީވުމުގެ ގޮތުން، މަޝްހޫރު ކުންފުނި ނައިކީން އެމެރިކާގެ ހޮސްޕިޓަލްތަކަށް 30،000 ބޫޓް ހަދިޔާކުރަން ނިންމައިފި އެވެ.
އެ ކުންފުނިން ބުނި ގޮތުގައި ސިއްހީ ދާއިރާގެ މީހުންނަށް ހާއްސަކޮށްގެން މިދިޔަ އަހަރުގެ ނޮވެމްބަރު މަހުގެ ތެރޭގައި ނެރުނު "އެއާ ޒޫމް ޕަލްސް" ގެ މޮޑެލްގެ ބޫޓްތައް ސިއްހީ ހިދުމަތްދޭ ތަންތަނަށް ފޯރުކޮށްދިނުމުގެ މަސައްކަތް ކުރިއަށް ގެންދަން ނިންމާފައި ވަހީ ހިލޭސާބަހަށް މަސައްކަތްކުރާ ޖަމިއްޔާ ގުޑް360 އާ ގުޅިގެންނެވެ.
In recognition of frontline healthcare workers around the world, Nike will donate the Air Zoom Pulse and other product to healthcare athletes.
— Nike (@Nike) May 4, 2020
ނައިކީން ނެރުނު ބަޔާނެއްގައި ބުނި ގޮތުގައި އެންމެ ފުރަތަމަ ބޫޓު ހަދިޔާކުރަން ނިންމާފައި ވަނީ ވެޓެރަންސް ހެލްތު އެޑްމިނިސްޓްރޭޝަންގެ ދަށުގައި ހުރި ފެސިލިޓީތަކަށެވެ. އެގޮތުން އެންމެ ފުރަތަމަ ބޫޓް ހަދިޔާކުރާނެ ސިޓީތަކުގެ ތެރޭގައި ހިމެނެނީ މިހާތަނަށް ކޮރޯނާވައިރަހުން ޖައްސާ ކޮވިޑް-19 އަށް އެމެރިކާ އިން އެންމެ ގިނަ މީހުން ޕޮޒިޓިވް ނިއު ޔޯކާއި ޝިކާގޯ އާއި ލޮސް އެންޖެލިސް އަދި މެމްފިސްއަށެވެ.
Stepping up for New Yorkers? Nike Just Did It!
— Mayor Bill de Blasio (@NYCMayor) May 4, 2020
Thank you so much for supporting our front line health care heroes and the @NYCMayorsFund. https://t.co/CVmWXSvAiO
ބޫޓްގެ އިތުރުން ނިއު ޔޯކާއި ލޮސް އެންޖެލިސްގެ ސިއްހީ އެހީތެރިންނަށް 95،000 ހާއްސަ އިސްޓާކީނު ވެސް ހަދިޔާކުރާނެ ކަމަށް ބުންޏެވެ.
"މި ދަނޑިވަޅަކީ ސިއްހީ އެހީތެރިންގެ ހިދުމަތުގެ އަގު ވަޒަންކުރަން ޖެހޭ ވަގުތެއް. އަދި އެ މީހުންނަކީ މި ނާޒުކު ދަނޑިވަޅުގައި އެންމެ ބޮޑު ބުރައެއް އުފުލާ މީހުން. އެ މީހުންގެ އަގުވަޒަންކުރުމަކީ ހުރިހާ އެންމެން ވެސް ކުރަން ޖެހޭނެ ކަމެއް،" ނައިކީން ބުންޏެވެ. "އަހަރެމެން މި ކުންފުނިން ވެސް ތިބީ ސިއްހީ އެހީތެރިންނާ އެކު."
ނައިކީން ދޭން ނިންމި އެހީ ގުޅިގެން ނިއު ޔޯކްގެ މޭޔަރު ބިލް ޑި ބްލާޒިއޯ ވަނީ އެ ކުންފުންޏަށް ޝުކުރު ވެސް އަދާކޮށްފަ އެވެ.
ނައިކީން ބުނިގޮތުގައި އެމެރިކާގެ ސިއްހީ އެހީތެރިންނަށް ހަދިޔާކުރާ 30،000 ބޫޓްގެ އިތުރުން އިނގިރޭސިވިލާތުގެ ލަންޑަނާއި ސްޕެއިންގެ ބާސެލޯނާ އާއި އިޓަލީގެ މިލާނާއި ފްރާންސްގެ ޕެރިހާއި ޖަރުމަނުގެ ބާލިން އާއި ބެލްޖިއަމަށް އިތުރު 2،500 ބޫޓް ވެސް ހަދިޔާކުރާނެ އެވެ.
Copyright © 2021 Mihaaru · Terms and Conditions · Privacy Policy
Share your opinion about "Mihaaru" new website
"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް
ކޮމެންޓްތައް
ކަމަނަ1
07 May 2020
އޭޝިއާ އަށް ލައްގާނަމަ.... ރާއްޖެއަށް ލިބުނަސް ލިބޭނީ ބައެއް މީހުނަން... ލިބެންވީ އާންމުކޮށް ލިސްޓުގެ ފުލަށް ލާ ސެނަހިޔާ އަށް.... އެބޭފުޅުން ކީއްކަން ކޮށްދެނީ އިނގޭނެ ހޯދާ ބެލީމަ....