ބޮލީވުޑްގެ ބަތަލާއަކު ގެދޮރު ނެތި މަގުމަތީގައި

އަލީސާ: މިހާރު ދިރިއުޅެނީ މަގުމަތީގައި

ފާތުމަތު އަނީސާ، މިހާރު

12 ޖޫން 2016 - 08:01

މިއީ މުއްސަނދިކަމުން ފަގީރުކަމަށް ބަދަލުވީ ބަތަލާއެއްގެ ވާހަކަ އެވެ. މޮޑެލް އަދި އެކްޓަރު އަލީސާ ޚާން ބޮލީވުޑްގެ ވިދާބަބުޅާ ދުނިޔެއިން ދިއްލީގެ މަގުމައްޗަށް ގިނަވި ގޮތުގެ ވާހަކަ އެވެ.

އަންނަ އޮގަސްޓްމަހު ރިލީޒްކުރަން ތައްޔާރުވަމުންދާ "އާއިނާ"ގައި އިމްރާން ހާޝިމީއާ އެކު ލީޑްރޯލު ކުޅޭ އަލީސާ ޚާން ދިއްލީގެ މަގުމަތުގައި "އެނބުރެނިކޮށް" ފެނިފައިވާ ކަމަށް އިންޑިއާ ޓުޑޭ ނޫހުން ބުނެފައިވެ އެވެ. މި ޚަބަރުގައިވާ ގޮތުން އަލީސާ މަގުމައްޗަށް ގިނަވީ އޭނާގެ މަންމަ އާއި ބޭބެ އޭނާ ގެއިން ނެރެލުމުންނެވެ.

ގާޒީއާބާދުގައި ދިރިއުޅޭ އަލީސާ ވަނީ 2011 ގައި ރިލީޒްްކޮށްފައިވާ "މައި ހަޒްބަންޑްސް ވައިފް" ކިޔާ ފިލްމެއްގެ ވެސް ލީޑް ރޯލު ކުޅެފަ އެވެ. އަދި ވަރަށް ގިނަ މިއުޒިކް ވީޑިއޯތައް ވެސް އަލީސާ ކުޅެފައިވެ އެވެ.

އަލީސާ މަގުމަތީގައި (ވ) އަދި އޭނާ މިހާރު ކުޅޭ "އާއިނާ"ގެ ބަތަލު އިމްރާން ހާޝިމީ

އަލީސާ އެ ހާލުގައި މަގުމަތީގައި އުޅެނިކޮށް އޭނާއާ ބައްދަލުކޮށް ސުވާލުކުރި ނޫސްވެރިން ގާތު އަލީސާ ބުނީ އޭނާގެ ލޯބިވެރިޔާއާ ބެހޭ ގޮތުން ފުލުހުންނަށް ޝަކުވާއެއް ކުރުމުން އޭނާގެ މަންމަ އާއި ބޭބެއާ ދެމީހުން ރުޅިއައިސްގެން އޭނާ ގެއިން ނެރެލީ ކަމަށެވެ.

އަލީސާ ބުނި ގޮތުގައި އޭނާ ރައްޓެހިވެގެން އުޅުނު މީހާ ވަނީ އެ ދެ މީހުންގެ ވަރަށް ގައިގޯޅި ވީޑިއޯއެއް ތައްޔާރުކޮށް އެ ވީޑިއޯ ސޯޝަލް މީޑިއާގައި ލީކް ކޮށްލާނެކަމަށް ބުނެ ބިރުދައްކާފަ އެވެ.

ފުލުހުންނަށް އެކަމުގެ ޝަކުވާ ހުށަހެޅީ އެހެންވެ އެވެ. އެފަދަ އެއް ވީޑިއޯ އޭނާގެ ކުރީގެ ލޯބިވެރިޔާ ސޯޝަލް މީޑިއާ އަށް ލީ ކަމަށާއި ފުލުހުންނަށް ޝަކުވާ ހުށަހެޅުމުން މިހާރު އެ ވީޑިއޯ ނަގާފައިވާ ކަމަށް ބުނެފައިވެ އެވެ. އަލީސާ ބުނަނީ މި ކަންތައްތަކުގެ ސަބަބުން މަންމަ އާއި ބޭބެ ރުޅި އައިސްގެން ގެއިން ބޭރުކޮށްލީ ކަމަށެވެ.

މިހާރު އަލީސާ ދިރިއުޅެނީ ރައްޓެހިންގެ ގޭގެގަޔާއި ފައްޅިތަކުގެ ބޭރުގަ އެވެ.

މީގެ ކުރިން 2007 ގައި ވެސް ގީތަންޖަލީ ނާގްޕާލް ކިޔާ ބޮލީވުޑް ބަތަލާއަކު މަގުމަތީގައި، ވަންނާނެ ތަނެއް ނެތިގެން އުޅެނިކޮށް ފެނިފައިވެ އެވެ.

ބޮލީވުޑް އިންޑިއާ

7 ކޮމެންޓް, 73 ރިއެކްޝަންސް

450

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަނާ

13 June 2016

ތިކަހަލަ ވީޑިއޯ ތައްޔާރުކުރުމަށް ފުރސަތު ދޭތީނު . ތިޔަހެން ވާންޖެހެނީ.

450

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަކު

13 June 2016

މިނަށްވުރެ ގޮތްކުޑަވީމާވެސް ނެރެލަފާނެ. މައިންބަފައިންނަށް ހުތުއަރުވާ ކުއްޖެއްތިޔައީ.

450

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

12 June 2016

ތިގޮތައް ކިތައް ދިވެހި ޒުވާނުން މުސްލިމު ސައްތައިން ސައްތަވެފަ ތިބި މައިންބަފައިން ގެ ސަބަބުން މަގުމަތިވަނީ. ވެރިންނަކަށް ، މީޑިޔާ އަކަށް ނުފެނާނެ. އެކަމަކު މަސްތުވާ ތަކެތީގެ ތުހުމަތުވެގެން ހައްޔަރު ކުރާއިރު ހުންނާނެ ނޫހުގަ ޖަހާފަ. ވަޒީފާއެއް ނުލިބިގެން މަގުމަތީގަ ކިސަޑު ކޭ އިރަކު ނުފެންނާނެ. ރީތިވެފަ ކުރިން ލާރި ހުރި ކުއްޖެއްވީމަ ތިހެން ތި ކިޔަނީ. ނުކިޔާށެކޭނޫން. ދިވެހި ޒުވާނުންގެ ވާހަކަވެސް ޖަހާބަލަ. ހަމަ އެކަނި މޮޅެތިކަން ކަން ކުރާ ރީތި، ލާރި ލިބޭ ކުދިންވާހަކައެއް ނޫން ޖަހާނީ.

450

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސާޒިމް

12 June 2016

ފިލްމުކުޅޭށޭ ކިޔާފަ ދަނިކޮށްވެސް ބުނީ ނުދާށޭ، ވަންނާނެ ތަނެއް ނެތެއްނުންހޭ. އެކަމުވެސް ހެވޭ، މަގުމަތީ އުޅެން ޖެހުނަސް ފިލްމު ކުޅޭށޭ ކިޔާފަ ދިޔައީ. ދެން ކޮންވާހަކައެއް ދައްކާކަށް. ދެންވެސް ފުރާ އޮޑިއަކަށް އަރައިގެން ރަށަށް އާދޭ!