ރާއްޖޭގެ ރައީސް ޔާމީން މިދިޔަ އަހަރު ސައޫދީ އަށް ވަޑައިގަތުމުން، ރަސްގެފާނު ސަލްމާން، އެމަނިކުފާނަށް ރަސްމީ ގޮތުން މަރުޙަބާ ދަންނަވަނީ.---- ފޮޓޯ: ރައީސް އޮފީސް
17 މާޗް 2017 - 11:35
172 comments
ސައުދީ ރަސްގެފާނު ސަލްމާން ބިން އަބްދުލްއަޒީޒު މާދަމާ ރާއްޖެ އަށް ކުރައްވަން ހަމަޖެހިފައި އޮތް ދަތުރުފުޅު މިއަދު ފަސް ކުރައްވައިފި އެވެ.
ރައީސް އޮފީހުގައި ފޮރިން މިނިސްޓަރު މުހައްމަދު އާސިމް ދެންމެ ދެއްވި ބަޔާނެއްގައި ވިދާޅުވީ، ސަލްމާން ރަސްގެފާނުގެ ދަތުރުފުޅު ފަސްކުރެއްވީ، މިހާރު ރާއްޖޭގައި ފެތުރެމުންދާ ހުމުގެ ރޯގާއާ ގުޅިގެން ކަމަށެވެ.
"މި ދަތުރުފުޅު ފަހުގެ ތާރީޚަަކަށް ހަމަޖެހުމުން އެ ތާރީޚު ވެސް އިއުލާން ކުރާނެ ވާހަކަ އެންމެހައި ބޭފުޅުންނަށް ދަންނަވަން،" ފޮރިން މިނިސްޓަރު ވިދާޅުވި އެވެ.
ސަލްމާން ރަސްގެފާނު މާދަމާ ރާއްޖެ ވަޑައިގަންނަވާތީ ވަރަށް ގިނަ ތައްޔާރީތައް ވެސް ވަނީ ވެފަ އެވެ. އެމަނިކުފާނު މާލެ ވަޑައިގަންނަވާތީ، މާލޭ ރަސްމީ ފާލަން ސަރަހައްދު ވަރަށް ބޮޑަށް ޒީނަތްތެރިކޮށް، އަދި މީގެ ތިން ދުވަސްކުރިން ފެށިގެން އެ ސަރަހައްދުގެ ސަލާމަތީ ކަންތައްތައް ވެސް ވަނީ ބަލަހައްޓަން ފަށައިފަ އެވެ. މީގެ އިތުރުން އެމަނިކުފާނާއި ވަފުދު ތިއްބެވުމަށް ދެ ރިސޯޓް ހަމަޖައްސައި އެ ބޭފުޅުންނަށް ބޭނުންވާ ވަރަށް ގިނަ މުދާ ވެސް ވަނީ ރާއްޖެ އެތެރެކޮށްފަ އެވެ.
ރަސްގެފާނުގެ ދަތުރުފުޅު ފަސްކުރެއްވިއިރު، ސައޫދީގެ ޝާހީ އާއިލާ އަށް ފ. އަތޮޅު ވިއްކަން އުޅޭ ކަމަށް ބުނެ އެ މައްސަލަ ވަނީ ވަރަށް ބޮޑަށް ހޫނުވެފަ އެވެ. އަދި އެކަމާ ގުޅޭ ގޮތުން ވެރިކަންކުރާ ޕީޕީއެމްގެ ޕާލަމެންޓްރީ ގުރޫޕުގެ ލީޑަރު އަހުމަދު ނިހާން ބަޔަކާ އެކު ދެއްކެވި ވާހަކައެއްގެ އޯޑިއޯއެއް ވެސް ވަނީ ރޭގައި ލީކްކޮށްލައިފަ އެވެ. މިއީ ފ. އަތޮޅުގެ މަޝްރޫއާ ގުޅޭ ގޮތުން ޕީޕީއެމްގެ މެމްބަރަކު މިހާ ތަފުސީލުކޮށް ވާހަކަ ދެއްކެވި ފުރަތަމަ ފަހަރު ކަމަށް ވެ އެވެ.
ރައީސް ޔާމީން ވިދާޅުވެފައި ވަނީ ފ. އަތޮޅު ވިއްކާލަން ނޫޅޭ ކަމަށާއި އެ އަތޮޅުގައި ސައޫދީން ހިންގަނީ 10 ބިލިއަން ޑޮލަރުގެ ބޮޑު މަޝްރޫއެއް ކަމަށެވެ.
ރަސްގެފާނު ރާއްޖެ އަށް ވަޑައިގަތުމަށް ނިންމެވީ، މީގެ ތިން ހަފުތާ ކުރިން ފެއްޓެވި އޭޝިޔާގެ ދަތުރުފުޅުގެ ތެރެއިންނެވެ. މި ދަތުރުފުޅުގައި ރަސްގެފާނު މިހާރު ވަނީ މެލޭޝިޔާ، އިންޑޮނީޝިއާ އަށް ޖަޕާން އަދި ޗައިނާ އަށް ވެސް ވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްކަކާކޯ
19 March 2017
ފ. އަތޮޅު ސައުދީ އަށް ވާރުތަ ވާގޮތައް ވިއްކީމާ އަންނަން އޮތް މިޤައުމުގެ ދަރިކޮޅަށް ވެވޭ ހާދަބަޮޑު ޚިޔާނާތެއް! އެމީހުން އެތަން ގަނެފައި އިންޑިޔާ، ނުވަތަ އިޒްރޭލް ނުވަތަ އެމެރިކާއަށް ވިއްކިޔަސް އަހަރުމެންނަށް ކުރެވޭނެ އެއްވެސް ކަމެއް ނޯންނާނެ! އެއީ އެހާމެ ނުރައްކާތެރިކަމެއް! ރައްޔިތުން ވޯޓްދޭއިރު މިކަންކަމާ ވިސްނާ! 500ރ އަށް ވޯޓް ވިއްކުމަކީ އަމިއްލަ ނަފްސް 500ރ އަށް ވިއްކާލުން! އެއްވެސް އަގެއްނެތް ނަފްސެއް.
ނަސީބު
18 March 2017
ރަސްގެފާނުގެ ދަތުރުފުޅު ކެންސަލްވީމާ ދެރަވާނީ ޔާމީނަށް އެކަނިތަ؟ ބަލަގަ މޮޔައިންނޭ! ދެންވެސް ހޭއަރާބަލަ ! ޕާރޓީ ތަ މުހިއްމީ ނުވަތަ ޤަުމުތަ؟
މީނާ
19 March 2017
ގައުމު މުހިއްމުނަމަ ގައުމު ވިއްކާލަން ސަޕޯޓެއް ނުކުރާނެ
މަންސޫރު
19 March 2017
ޑުބާއީގެ އަގުބޮޑު އުސް އިމާރާތަކުން 10 މިލިއަން ޑޮލަރުގެ އެޕާރޓްމެންޓަކަން ފާރަލައިގެން ހަމަ ނިދި ނުނިނދާ އުޅެނިކޮށް ހަދިޔާ ދަތުރު ކެންސަލްވީމައި ކަޑަވާނެތާ! ގެއްލުންވީ ނާޖާއިޒު ފައިދާނަގައިގެން މުއްސަނދިކަން ހޯދަން އުޅުނު ބައިގަނޑަށް.
އަލީ
18 March 2017
ރަގަޅު ދެން މިރާއްޖެއައް ނާންނައްޗޭ!!
ކޮބާހީވޭ
18 March 2017
ހުމުގެކަންތައް ސިއްރުކުރަން އުޅުނީ ކީއްވެކަން މިހާރު ޔަގީންވެއްޖެ.
ދަވޭ
18 March 2017
ސައޫދީ ރަސްގެފާނުގެ ދަތުރުފުޅު ފަސްކުރައްވީ އެއީ ރާއްޖޭގައި ފްލޫ އައުޓް ބްރޭކެއް އޮތް ކަމަށް އިދިކޮޅު ކްރިޓިކްސް އިން ޕްރޮޕެގެންޑާ ފަތުރައިގެން އާންމުން ޕެނިކް ރޫމަށް ވައްދައިގެންނެވެ. މީ އެއްގޮތަކަށް ވެސް ހަގީގަތެއް ހުރި ކަމެއް ނޫނެވެ. މިކަމުގައި އާންމުންނަށް އިންފޮމޭޝަން ފްލޯ ކުރުމުގައި ހެލްތް މިނިސްޓްރީން ސޯޝަލް މީޑިއާގައި ތިބޭ ކަނޑުކޮހުން ގޮވާ ވާހަކަ ތަކަށް ބޭސް ކޮށް ހިޔަންޏަށް މުޑި ނަގައިގެން ވާހަކަ ދެއްކުން އެއީ މީގައި އެންމެ ބޮޑު މައްސަލަ އަކީ. މިރާއްޖޭގައި މިޒަމާނުގައި ކިޔަވައިގެން އައިސް ސަރުކާރުގެ ސީޓް ތަކުގައި ތިބެނީ ހަގީގީ ފެންވަރު ނެތި ހަމަ އެކަނި ސްޓޭޓަސް އެއްގެ ބޭނުމުގައި ކިޔަވައިގެން ތިބި މީހުން ކަން މިދޭހަވަނީ. 4 ލައްކަ ދިވެހިން ރާއްޖޭގައި ފްލޫ އައުޓް ބްރޭކެއް އުޅެއޭ ބުންނަސް މަމެން އެކަން ގަބޫލު ނުުކުރާނަމެވެ. ގަބޫލު ނުުކުރާނަމެވެ.
މާކުންބޭ
19 March 2017
ކަލޯ މިއީ އަހަރުމެންގެ ވެސް ޤައުމު މިޤައުމެއް ނުވިއްކޭނެ! ކަލޯއަށް އިގޭތަ ވިއްކީމާ ވާނެގޮތް! ދެން ގަނެފައި އެމީހުން ބޭނުން ފަރާތަކަށް ވިއްކޭނެ! ޔަހޫދީންނަށް، އިންޑިޔާއަށް ނުވަތަ އެމެރިކާ އަށް ފ އަތޮޅު ވިއްކިޔަސް އަހަރުމެންނަށް ކުރެވޭނެ ކަމެއް ނޯންނާނެ! ފައިސާގެ ލާލަޗުގައި އަމިއްލަ ދަރިވެސް މިމީހުން ވިއްކާލަފާނެ! ވޯޓް ދޭއިރު މިކަންކަމަށް ދިވެހި ރައްޔިތުން ވިސްނަވާ!
އާދަމް
18 March 2017
ސައުދީ ސަރުކާރުގެއިސް ވެރިޔަކާ ހަވަލާދީ ލިބުން މައުލޫމާތެއް - ފަސްކުރީކީނޫން ކެންސަލްކުރީ ދެން ނުދާނެ.
މަންސޫރު
17 March 2017
ރަސްގެފާނަށް މި އިވެނީ ނިހާން މޮޅުކޮއްލަން ބުނާއަޑު، ރަޝިއާގެ ކަޅު ފައިސާއަށްވުރެ ސައުދީ ކާޅުފައިސާ މާ ދޮންވާނެޔޭ އެމީހުންނަކީ މުސްލިމުންވީމައި. އެހިސާބުން ހަލާސް.
އައްލަބެ
17 March 2017
ނިޙާނޫ ރަސްގެފާނު ދަތުރުފުޅު އެދިޔައީ ސައިބޯނި ބޮތްކަކަށްވެގެން! އަދިވެސް ނުފޯރާފޮތިން ފޫގަޅަން އުޅޭތި! ވާހަކަ ދެއްކިޔަސް ތީދެން ތަންފުކެއް ބޮޑުވަރު! ރައްޔިތުން ގުނބޯލި ހެއްދިއްޖެ ދޯ! ދެން ދަށްކާނީ ވޯޓުން! ވަރަށް ސަލާމް
ހަސަން
17 March 2017
މިހާރު ސައުދީ ރަސްގެފާނަށް އެނގިވަޑައިގެންފި އެއްވެސް، އެއްވެސް ތާއީދެއްނެތް ވެރިއެއްކަން، ދެން ވަޑިނުގަންނަވާނެ.
ރަކިސް
17 March 2017
މިޔަށް ކިޔަނީ އަތަށް ގޮވުން.