ރައީސް އަބްދުﷲ ޔާމީން ސައޫދީއަށް ވަޑައިގަތުމުން، ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒް އާލްސައުދު އެމަނިކުފާނަށް ރަސްމީ ގޮތުން މަރުޙަބާ ދެންނެވުމަށް ރަތް ދޫލައިގައި ވަޑައިގަންނަވަނީ: ސައުދީ ސަރުކާރުން ރާއްޖޭގެ އަތޮޅެއް ގަންނަން ނޫޅޭ ކަމަށް ބުނެ އެމްބަސީން ވަނީ ބަޔާން ނެރެފައި.--ފޮޓޯ: ރައީސް އޮފީސް
10 މާޗް 2017 - 10:54
162 comments
ސައުދީ އަރަބިއްޔާގެ ސަރުކާރުން ރާއްޖޭގެ އެއްވެސް އަތޮޅެއް ނުވަތަ ބިމެއް ގަންނަން ނޫޅޭ ކަމަށާއި އެފަދަ ބޮޑު މަޝްރޫއަކަށް އިންވެސްޓް ކުރަން ވެސް ނިންމާފައި ނުވާ ކަމަށް ރާއްޖޭގައި ހުންނަ އެ ގައުމުގެ އެމްބަސީން ރޭގައި ބުނެފި އެވެ.
ފ. އަތޮޅުގެ މައްސަލާގައި ސައޫދީން ބަޔާނެއް މި ނެރުނީ އެ ގައުމުގެ ޝާހީ އާއިލާގެ އިސް ފަރާތްތަކަކަށް ފ. އަތޮޅު ދިގު މުއްދަތަކަށް ވިއްކާލަން ދިވެހި ސަރުކާރުން ނިންމާފައިވާ ކަމުގެ ތުހުމަތުތައް ކުރަމުން ދަނިކޮށެވެ. ސައުދީ ސަރުކާރަށް ނިސްބަތްވާގޮތަށް މީޑީއާ ރިޕޯޓްތަކާއި އެހެން ގޮތްގޮތުން ކުރަމުން ދިޔަ ތުހުމަތުތަކަކީ އެއްވެސް ހަގީގަތެއް ނެތް ވާހަކަތަކެއް ކަމަށް ސައޫދީގެ އެމްބަސީގެ ބަޔާނުގައި ބުންޏެވެ.
އެމްބަސީން ބުނީ ސައޫދީ ސަރުކާރުން ރާއްޖޭގެ ބިމެއް ގަންނަން އުޅޭ ކަމަށް ހަގީގަތެއް ނެތް ވާހަކަތައް ފެތުރިއިރު އެމްބަސީން އެކަމުގެ ހަގީގަތް ސާފުކޮށްފައި ނުވާތީ ހިތާމަކުރާ ކަމަށެވެ.
ރާއްޖޭގައި އިންވެސްޓްކުރަން ސައުދީ ސަރުކާރުން ނޫޅޭ ކަމަށް އެ ބަޔާނުގައި ބުނެފައިވީ ނަމަވެސް ފ. އަތޮޅުގައި ބިޔަ މަޝްރޫއެއް ހިންގަން ނިންމައި އެކަމުގެ މަޝްވަރާތައް ސައޫދީ އަރަބިއްޔާ އެކު ހިނގަމުން އަންނަ ކަމަށް ރައީސް އަބްދުﷲ ޔާމީން ދާދި ފަހުން ވަނީ ވިދާޅުވެފަ އެވެ. އެ މަޝްރޫއާ އެކު ދުނިޔޭގެ ޗާޓުގެ އެންމެ ކުރިއަށް ރާއްޖެ ޖެހޭނެ ކަމުގެ ޔަގީންކަން ދެއްވި ނަމަވެސް، އެ މަޝްރޫއު ކުރިއަށް ގެންދަނީ ކޮން ބަޔަކާ އެކު ކަމެއް އެމަނިކުފާނު ވިދާޅެއް ނުވެ އެވެ.
ފ. އަތޮޅަށް ހަދަން އުޅޭ ގޮތަމާ މެދު އުފައްދާ ސުވާލުތަކާއި ކުރާ ތުހުމަތުތަކަށް ރައްދު ދެއްވައި ރައީސް ވިދާޅުވެފައިވާ ގޮތުގައި އެ އަތޮޅުގައި ހިންގާ މަޝްރޫއު ފަދަ، ބިޔަ މަޝްރޫއުތަކުގެ ތަފްސީލު ނުލިބިގެން އެއްވެސް މީހަކު ކަންބޮޑުވާކަށް ނުޖެހެ އެވެ. އެ ތަފްސީލުތައް ހާމަކުރާނީ، މަޝްވަރާތައް ނިމި ހާމަކުރަން ޖެހޭ ހިސާބުން ކަމަށް ވިދާޅުވި އެވެ.
"ފ. އަތޮޅަށް އަންނަން މިއޮތީ އެތައް ހާސް ބިލިއަން ޑޮލަރެއްގެ ޕްރޮޖެކްޓެއް. އަޅުގަނޑު ހަނދާންވާ ގޮތުން ވެއްޖިއްޔާ، އަޅުގަނޑުމެންގެ ނެގޯސިއޭޝަންތަކުގެ ތެރޭގައި އެއް އެސްޓިމޭޓަކަށް ގާތްގަނޑަކަށް 10 ބިލިއަން ޑޮލަރުގެ މަޝްރޫއެއް މިއީ." ފ. އަތޮޅުގައި ހިންގާ މަޝްރޫއާ ބެހޭ ގިނަ މައުލޫމާތުތަކެއް ފުރަތަމަ ފަހަރަށް ހާމަކުރައްވަމުން ރައީސް ވިދާޅުވެފައިވެ އެވެ.
އެމަނިކުފާނު ވިދާޅުވީ އެ މަޝްރޫއުގެ ސަބަބުން "ހީނުކުރާ މިންވަރަށް" ފ. އަތޮޅު ތަރައްގީ ވާނެ ކަމަށެވެ. އޭގެ ނަފާ ލިބެން އޮތީ ހަމައެކަނި އެ އަތޮޅުގެ ރައްޔިތުންނަށް ނޫން ކަމަށާއި އެއީ ދިވެހި ހުރިހާ ރައްޔިތުންނަށް ފައިދާކުރާނެ މަޝްރޫއެއް ކަމަށް ވެސް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންދީނި
12 March 2017
މަތީގައިވާ ފޮޓޯގެ އެންމެ ކުރީސަފުގައި އެތިބީ ނަމޫނާ އިސްލާމީ ވެރިކަން ކުރާމީހުން ކަމަށް ޤަބޫލުކުރާ 2 މީހުން...އެކަމަކު ރައްޔިތުން ގަނަތެޅެނީ....ވެރިން މަޖާކުރުމުގައި
ޖައްލާ
11 March 2017
މީތެދެއްނަމަ ޝައިނީ އާއި ސަރުކާރުންހަދަނީ ދޮގު
ރޯނު އެދުރު
11 March 2017
ދިވެހިން މިހާރު ޚިޔާލީ ދުނިޔެ ދޫކޮށް ހަގީގީ ދުނިޔެ އަށް ބަދަލުވާން ޖެހޭ. ކޮންމެ ކަމެއް ހިނގަން ނުވަތަ ވާން ދުނިޔޭގެ ކަންތަކާ ގުޅޭ ސަބަބެއް ބޭނުންވާނެ. ޚިޔާލު ނުވަތަ ސިކުނޑިން އަށް ކުރެވޭ އުއްމީދު ހަގީގަތަކަށް ބަދަލުވާން ސަބަބުތަކެއް ބޭނުންވާނެ. ފާފު އަތޮޅު 10 ބިލިއަން އެމެރިކާ ޑޮލަރު ގެ އިނވެސްޓުމަންޓަކަށް އެޓްރެކް ވެދާނެ ކަމަށް ގަބޫލު ކުރެވޭނަމަ އެއީ ހަގީގަތެއް ނެތް އުއްމީދެއް. އެއީ ދިވެހި ރާއްޖެ އިން ތެޔޮ ނަގާނެ ވާހަކަ ފަދަ ފިރިހެނުން ކުދިން ވިހެއުން ފަދަ އަޑުތަކެއް. ދިވެހި ރާއްޖޭގެ ރަށެއް ބިލިޔަނަރަކު އަމިއްލަ ޕޮރޮޕަޓީ އަކަށް ގަނެފާނެ. ވޯޓު ދޭންޖެހެނީ މީހަކު ދައްކާ ދަޅައަކަށް ނުން. ހަގީގަތާ ބުއްދީގެ ހަމަތަކަށް ވިސްނާ ކުރެވިދާނެ ކަންތަކާ އެކަން ކޮއްދީފާނެ މީހަކަށް ވޯޓު ދޭން ދަސްކޮށްގެން. ވޯޓު ގެ ބަދަލުގާ ލިބޭ ވަގުތީ ފާއިދާ އެއް ނެގުމަކީ ގޯހެއް ނުން، ވިޔަފާރި އެއް. އެހެންނަމަވެސް ވޯޓު އަކީ ސިއްރުން ކުރާކަމަކަށް ވާތީ ވޯޓު ދޭއިރު ހަގީގަތާ ޚިޔާާލާ މީހުން ހައްދަން ދައްކާވާހަކަ އަށް ނުވިސްނާ ތިމާގެ ދިރި އުޅުމަށް އެންމެ އަވަހަށް ރަގަޅު ބަދަލެއް ގެނެސް ދެވިދާނެ ފަރާތަކަށް ވޯޓު ދިނީމާ ބަރާބަރު ވާނެ. މުހިއްމީ ތިމާގެ ނަފްސަށް އެންމެ އަވަސް ކޮށް ދިގު މުއްދަތަކަށް ލިބިދާނެ ހަރުދަނާ މަންފާ އަކަށް ވިސްނުން
ޖައިސަމް
11 March 2017
ޔާމިނު ދޮގު ހަދަނީ، ނޫނީ ސައުދީން ދޮގު ހަދަނީ. ކޮންމެ ގޮތެއްވިޔަސް އެހާ ސަޅިއެއްނޫން.
ޔާމިނު
11 March 2017
ޔާމިނާ ވެރިކަން ހަވާލުކުރީތޯ ނޫނީ ލާރީގެ ބޭނުނުގައި ޔާމިނަށް ވޯޓް ވިއްކާލީތޯ. ވިއްކާލި އެއްޗެއްވިއްޔާ ވިއްކިމީހާގެ ބާރު ކެނޑުނީ އެ ގަތްމީހާ ހެދިހައި ގޮތަކަށް ރުގިގެން ހުންނަންޖެހޭނީ ދެން ފަހަރަކުންވެސް ވޯޓް ވިއްކާނުލާތި
މަަދީ
11 March 2017
ދިމާވޭ ހީފުޅުކުރައްވައިގެން ތިއުޅުއްވާ ގިތަކަށް ނޫން އެކަން ދަނީ ސައުދީ އެމްބަސީން އެދެއްކީ ރަނގަޅު ވާހަކައެއް ރައީސް ވެސް އެދެއްކީ ރަނގަޅު ވާހަކައެއް އަޅުގަނޑުވެސް ނާހަން ރައީސް ވިދާޅުވިއަޑެއް ފ ގައި އިންވެސްޓް ކުރަނީ ސައުދީ ސަރުކާރުންނޭ ބުނި އަޑެއް . އަޅުގަނޑަށް އެނގުފައިވާ ގޮތުގައި ފ ގައި އިންވެސްޓް ކުރަނީ ސައުދީގެ ޝާހީ އާއިލާއިން މާދަމާވެސް ސައުދީގެ ވެރިކަން ފުރޮޅިދާނެ އެހެންވީމައި އެވެރިން އެކަން ކުރަނީ އެކަމަށްވެސް ވިސްނާފަ.
ތެދު
11 March 2017
އިންވެސްޓް ކުރަނީ ސައުދީ ސަރުކާރުންނޭ ބުނި އަޑެއް ނާހަން. އަޅުގަނޑަށް އެނގުފައިވާ ގޮތުގައި ފ ގައި އިންވެސްޓް ކުރަނީ ސައުދީގެ ޝާހީ އާއިލާއިން < އެންބަސީޔަކާ އެއްވެސް ގުޅުމެއްނެތް: މަދީ ހަމަތެދެއް ވިދޅުވީ
ސޮކްތެރެޕީ
11 March 2017
ޔާމިން ހޮވޭނަކަން އެގޭތީ އެމްޑީޕީ މީހުން ބިރުގަންނަނީ.
ދޮންދީނި
12 March 2017
ޔާމީނު ތާއީދުބޮޑުކަމުން އަމިއްލަ ޕޓ ގެ ޕްރައިމަރީގަވެސް ވާދަކުރަން ކުރަން ނުކެރިގެން އެއުޅެނީ...އެހެންވީމާ މޑޕ މީހުން ބިރުގަންނާނެއެންނުދޯ!...ލޮލް
ކަރުންމަތީގެ ޑޮކްޓަރު
11 March 2017
ހައިރާން އަންތަރީސް ވެދާނެ. ސައުދީއަކުން ނޫޅެޔޭ ރާއްޖެއިން ތަނެއް ގަންނާކަށް. އެހެނެއް ކަމަކު ސައޫދީގެ އިންވެސްޓަރުން ފާފު އަތޮޅު ތަރައްޤީ ކުރުމަކީ ސައޫދީ ސަރުކާރާ ގުޅުން ހުރި ކަމަކަށް ނުވާނެ. މީގައި ހުރިހާ ގޯހެއް ހަދާ އޮޅުވާލީ އަބުރު ރައްކާތެރި ކުރުމުގެ ޤާނޫނާ ދެކޮޅު ހަދާ ނޫސްވެރިންނާ އިދިކޮޅު މީހުން.
އަލިބެގެއައްޔު
11 March 2017
މިސްރު ސަރުކާރުގެ އިސްވެރިންނަށް ފައިސާދީގެން މިސްރުގެ ދެރަށްވެސް ގަންނަން ސައުދީގެ މިހާރުގެ ރަސްގޭފާނަކަށް ހުރި ބޭފުޅާ ވަރަށް މަސައްކަތް ކުރި. ނަމަވެސް އެކަން ހުއްޓުވީ މިސްރުގެ ސްޕްރީމް ކޯޓުން.
ބޮޑުބޭބެ ނާފީޔާ
11 March 2017
އާނ.. ގަންނާކައް ނޫޅޭ..އެމީހުން އުޅެނީ ރާއްޖެއައް ކަދުރު ހުސްކުރީ ކޮތަޅު ވީއްކަންވީއްޔާ އެއްބީލީއަން ޚަރަދުކޮއްގެން..