ޚަބަރު / މެމްބަރު އަހުމަދު ތޯރިގް (މަހިބަދޫ)

ރައްޔިތުންނަށް އެންމެ ފައިދާ ބޮޑު ގޮތަކީ ޝައިނީ އިސްތިއުފާ ދެއްވުން: ތޯރިގް

ނޫސްވެރިންގެ ބައްދަލުވުމެއްގައި ތޯރިގް (ކ) ވާހަކަ ދައްކަވަނީ: ޝައިނީއަށް ނުކުރެއްވި ހުރި ބައެއް ކަންކަން ވަނީ މައްސަލައެއްގެ ގޮތުގައި ނަންގަވާފައި

މުހައްމަދު ޔާމީން، މިހާރު

27 ޖޫން 2017 - 13:13

75 comments

ރައްޔިތުންނަށް އެންމެ ފައިދާ ބޮޑު ގޮތަކީ ފިޝަރީޒް މިނިސްޓަރު ޑރ. މުހައްމަދު ޝައިނީ އިސްތިއުފާ ދެއްވުން ކަމަށް މަޖިލިހުގެ މަހިބަދޫ ދާއިރާގެ ޕީޕީއެމް މެމްބަރު އަހުމަދު ތޯރިގް (ޓޮމް) މިއަދު ވިދާޅުވެއްޖެ އެވެ.

ފޭސްބުކް ޕޯސްޓެއްގައި ތޯރިގް ވިދާޅުވީ މަސްވެރިކަމުގެ ސިނާއަތުގައި މަސައްކަތް ކުރާ މީހުންގެ ދަތިތައް ހައްލު ނުވެ ދިއުމުގެ ޒިންމާ ޝައިނީ ނަންގަވަން ޖެހޭނެ ކަމަށެވެ. އަދި އިތުރަށް މަގާމުގައި ހުންނަވައިގެން އެކަމަށް ހައްލެއް ފެންނާނެ ކަމަށް ދެކިވަޑައިނުގަންނަވާ ކަމަށް ވެސް އޭނާ ވިދާޅުވި އެވެ.

"ރައްޔިތުންނަށް އެންމެ ފައިދާ ބޮޑު ގޮތަކީ ޝައިނީ މަގާމުން އިސްތިއުފާ ދެއްވުން ކަމަށް މަހިބަދޫ ދާއިރާ ތަމްސީލް ކުރާ މެމްބަރުގެ ހައިސިއްޔަތުން ދެކޭތީ، ޝައިނީ މަގާމުން އިސްތިއުފާ ދެއްވުމަށް ގޮވާލަން،" ރައީސް އަބްދުﷲ ޔާމީންގެ އެންމެ ގާތް އެއް މިނިސްޓަރާ ގުޅޭ ގޮތުން ތޯރިގް ވިދާޅުވި އެވެ.

ނޫސްވެރިންގެ ބައްދަލުވުމެއްގައި ޝައިނީ ވާހަކަ ދައްކަވަނީ. - ފޮޓޯ: މިހާރު

އޭނާ ވިދާޅުވި ގޮތުގައި ސަރުކާރުގެ މެނިފެސްޓޯގައި ހިމެނޭ "ބެޔަސް، ނުބެޔަސް" ސިޔާސަތު ތިން އަހަރު ވެގެން ދިޔައިރު ވެސް ކާމިޔާބުވެފައެއް ނެތެވެ. މަސްވެރިން ބާނާ މަސް ގަނެވޭނެ އެންމެ ދަށް އަގެއް ކަނޑައެޅުމާ ބެހޭ "ރެގިއުލޭޓްރީ ބޮޑީއެއް" އުފައްދަން މަޖިލިހުގެ ޕީޕީއެމް މެމްބަރުން އެދިވަޑައިގެން ނަމަވެސް، އެކަން ވެސް ކުރައްވާފައި ނުވާ ކަމަށް، ޝައިނީ އިސްތިއުފާ ދެއްވަން ޖެހޭ ސަބަބުތަކުގެ ތެރޭގައި ތޯރިގު ހިމެނުއްވި އެވެ.

މީގެ އިތުރުން ބޮޑު ކަންނެލި އެކްސްޕޯޓް ކުރާ ފަރާތްތަކާއި މިނިސްޓަރާ ދެމެދު "ޖާއިޒު ނޫން" ގުޅުންތަކެއް އޮންނަ ކަމަށް ގިނަ އަދަދެއްގެ މަސްވެރިން ދެކޭ ކަމަށް ވެސް ވިދާޅުވި އެވެ.

އޭނާ ނެންގެވި އެހެން މައްސަލަތަކުގެ ތެރޭގައި މާލޭގެ ފަޅުން މަސްވެރިންނަށް ދިމާވާ ދަތިތައް ހައްލުކޮށް މަސްވެރިންގެ ހައްގުތައް ހޯދައި ދެއްވަން ޝައިނީ މަސައްކަތް ނުކުރެއްވުން ހިމެނެ އެވެ.

ތޯރިގު ވިދާޅުވި ގޮތުގައި އޮޑިޓް އޮފީހުން މާލިއްޔަތު ކޮމެޓީ އަށް ހުށަހެޅި، ފާއިތުވެދިޔަ އަހަރުތަކުގެ ފިޝަރީޒް މިނިސްޓްރީގެ އޮޑިޓް ރިޕޯޓުތަކުގައި މާލިއްޔަތު ގަވާއިދާއި ބެސްޓް ޕްރެކްޓިސްއާ ހިލާފަށް ހުރި ކަންކަން ރަނގަޅު ކުރަމުން ދާކަން އޮޑިޓް ރިޕޯޓުތަކުން ނުފެނެ އެވެ.

ރާއްޖޭގައި އުފެދުނު އެންމެ މޮޅު ފޯވަޑުންގެ ތެރޭގައި ހިމެނޭ ތޯރިގު ވަނީ ކުޑަ ދުވަސްކޮޅަކަށް އެފްއޭއެމްގެ ރައީސްކަން ކުރައްވައިފަ އެވެ. އެކަމަކު އެ މަގާމުން އޭނާ ބޭރުކުރަން ސަރުކާރަށް ނިސްބަތްވާ ބައެއް މެމްބަރުންނާއި ބައެއް މިނިސްޓަރުންގެ ނުފޫޒު އޮތް ކަމަށް، ތޯރިގާ ކައިރި ބައެއް ފަރާތްތަކުން ދެކެ އެވެ.

ފިޝަރީޒް މިނިސްޓްރީ އަށް އެކި ގޮތްގޮތުން ލިބެން ޖެހޭ 39 މިލިއަނަށް ވުރެ ގިނަ ރުފިޔާ ހޯދަން ފިޔަވަޅު އަޅާފައި ނެތް ކަމަށް އޮޑިޓް ރިޕޯޓުގައި ވަނީ ބުނެފަ އެވެ. އަދި ހަރު މުދަލުގެ ރެކޯޑް ރަނގަޅަށް ބަލަހައްޓާފައި ނެތުމާއި މާލީ ބަޔާންތައް މާލިއްޔަތު ގާނޫނުގައިވާ ގޮތުގެ މަތިން އޮޑިޓް ކުރަން އޮޑިޓް އޮފީހަށް ހުށަހަޅާފައި ނެތް މައްސަލަ ވެސް އެ ރިޕޯޓުގައި ފާހަގަކޮށްފައިވެ އެވެ.

Fisheries Ministry ah liben jehey 39 million rufiyyaa nulibi ebahuri: Audit report

The most trusted news source in the Maldives

Mihaaru

މަސްވެރިން ފިޝަރީޒް މިނިސްޓަރު މެމްބަރު އަހުމަދު ތޯރިގް (މަހިބަދޫ) ކުރީގެ މިނިސްޓަރު ޑރ. މުހައްމަދު ޝައިނީ ފިޝަރީޒް އެންޑް އޯޝަން ރިސޯސަސް މިނިސްޓްރީ

75 ކޮމެންޓް, 235 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މީރު ބަހުރު

29 June 2017

ރާއްޖޭގައި ހުރި މަސްބޭރުކުރާ ކުންފުނިތަކުން ބޮޑެތި ޙިއްޞާތައް ނަގައިގެން ކައިބަނޑުފުރާފައި ހުރި ވަރު ދެކިބަލަ: މަސްވެރިން ހަނާވެނިމިއްޖެ 2018 ގައި މަސްވެރިން ވޯޓުލާން ގެންދަންޖެހޭނީ ފުރޮޅުލީ ގޮނޑީގައި! މަސްވެރިންނާއި، ދަނޑުވެރިން ބިކަވެ ނިމިއްޖެ. 10000 ރ އާއި 8000 ރ ބިލާހަކަށްވެ ނިމިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހިބަދޫއެޑަމް

28 June 2017

ޝައިނީގެ ވާހަކަ ގޮވުމުގެ ކުރިން ތިމާހެ ދާއިރާއަށް، ރަށަށް ވޯޓުދިން މީހުނަށް ކޮށްދެވިފަ ވަނީ ކޮނަ ކަމެއްތޯ ސުވާލުކޮށްލާ.. އަތޮޅު ހޮސްޕިޓަލް ހިދުމަތާ އިމާރާތުގެ ގޮތުން ދުވަހެއް ދުވަހަކަށް ދަށަށް، ސްކޫލް ކްލާސްރޫމްތައް ގެއްލިްއްޖެ، މަގުހެދުން ފިނިހަކު ދުވެލީ، ބަނދަެުގެ ވަހަކަ އިންތިހާބު ކެމްޕެިނުގަ އެކަނި އިވެނީ، ފުޓްބޯޅަދަނޑު ހަމަ އޮތް ހާލަތުގައި، ޒުވާނުންނަށް އެއްވެސް ކަމެއް ނުކޮށްދޭ، ރައްޔިތުންނާ ގުޅުމެއ ނެތް، ރަށު ކައުންސިލާ ދިމާ އިދިކޮޅު، ރަސު ކައުންސިލައް އެއވެސްކަމއެއގަ އެއްބަރުލުން ނުލިބޭ، ކައުނސްިލް އިންތިހާބުން ޕާޓީ ފެއިލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮގުބާ

28 June 2017

ދިވެރާއްޖޭގެ ރަށްޔެތުންނަށް މިހާރުގެ މިއޮށް ސަރުކާރުން ހުރިހާކަމެއްވެސް ކޮއްދެންވީ ހިލެ މިހާރުގެ މިއޮށް ސަރުކާރުން ރަށްޔެތުންގެ ތަރަށްގީއަށް ބޮޑެތި މަސްރޫޢުތަށް ކުރިއަށް ގެންދާއިރު ރަށްޔެތުންނަށް ކޮންމެވެސް ބާރެއް އަރާނެ ބޮޑި ކަންކަން ނިމުނީމަ ދެން ފުއްޕާފަ ވެރިކަމުއަރާމީހަކަށް ރަށްޔެތުންނަށް މުސާރަ ނުދެވޭނެ ސަބަބެއް ނޯނާނެ ކޮންކުރީޓުން ނޫނީއްޔަ ތަރަށްގީއެއް ނުކުރެވޭނެ ދަޑިފަނަކުން ތަރަށްގީއެއް ނުކުރެވޭނެ މިއުޅެނީ ދަޑިފަނުން އަޅާފަހުރި ތަންތަން ރީތި އިމާރަތް ތަކަކަށް ބަދަލުކޮށްފަ ރަންެތުންގެ ޖީބަށް ލުއިކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕުއްބާ

28 June 2017

ރައްޔެތުންތަ ނޫނީ ރައްޔިތުންތަ؟. ޖުމްލަތައް ވަކިކޮށްލަން ފުލުސްޓޮޕް ޖަހާލިނަމަ ތިލިޔުނު އެއްޗެއް ކިޔާމީހަކަށް ދޭހަވާން ފަސޭހަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިދިކޮޅު

28 June 2017

ހިތަށްއަރާއެބަ މިމީހުންނަށް ކިހާވަރަކަށް ސަރުކާރުން މަޅަން ލިބުނީމަބާއެ ހިތް ފުރޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

28 June 2017

ޝައިނީ ނޫޅެ އީޔޫއަށް ރާއޖެއިން ބޭރުކުރާ މަހުންނަގާ ޑިއުޓީކުޑަކުރާކށްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހިބަދޫ އިއްސެ

28 June 2017

ކިޔުން ތެރިންނަށް / ރައްޔިތުންނަށް / އަދި ޚާއްސަކޮށް މަހިބަދޫ ދާއިރާ ގެ މީހުންނަށް މި ވާއެތި ސާފެއްނޫންހެން ހީވަނީ،، ބުނެލާނަން އިނގޭ ؟ 2014 ގެ މަޖުލިސް އިންތިޚާބަށްފަހު ކަން ކަން ހިނގަމުން އެނބުރެމުން ހިމޫން ވަމުންގޮސް 2017 ގެ މިހިސާބަށްދިޔައިރު " ޓޮމް " އަށް އިހުސާސް ވިއްޖެ އަނހާ ތަކުރާ މިހާރު ދާއިރާގެ ތާއިދު ވަރަށް ދސށްވެއްޖެ ކަމާއި' ދެން މިކަހަލަ ރޮކެޓެއް ޖަހާއިގެން ނޫން ގޮތަކަށް ދާއިރާގެ ތާއީދު ހިފެހެއްޓެން ނެތްކަން. ވަރަށް ސާފުކޮން މި ބުނީ ވަރަށް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޝާ

28 June 2017

ޝައީނީ ނަގާ ހޫރުވާލާ ދުވަސް އައީސް ޖެހުނީދޯ.. ދެން މީހާރު ރާކަނީމަސް ކެވީފަހުންނާނެ. ވަރައް ރީއްޗެއްނޫން.. ހުރީހާ އެއްޗެއް ކިޔައި ސަރުކާރު ދީފާއު ކުރަން އުޅުނީމަ ލީބުނު ހަދީޔާ ރަނގަޅުދޯ ޝައީނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާއިރާ އަހަންމަދު

28 June 2017

ހާދަ އަވަހޭދޯ ތިމާޢަށް ތިމާފެނި ބޮޑާާޥާލެއް؟ ބަލަމަމީ ކަލޭހޮވަން މަސައްކަތްކޮށް ވޯޓްދިން މީހެއް ހޮވުނުފަހުން ދަންނަކަމަށްވެސް ނުހަދާ. ކަލޭ ތިމަގާމުން އިސްތިއުފާ ދީފާ ބޯޅަ ކުޅެން ދިއުމަށް އަހަރެން ގޮވާލަން. އަހަރެންނަކީ ކަލެއަށް ވޯޓް ދިން މީހަކަށް ވާތީ ކަލޭ އިސްތިއުފާދިނުމަށް ގޮވުމުގެ ހައްގު އަހަރެންނަށް ލިބިގެންވޭ. އަވަހަށް އިސްތިއުފާދީ. އަހަރެން ތޯރިގުގެ އިސްތިއުފާއަށް ގޮވާލި ވާހަކަ ފަލަ ސުރުޚީގައި ލިޔެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިހަކަޖޯޑު

27 June 2017

ޝައިނީ, އަނިިލް, ފަދަ މީހުންނަކީ އަންފިޓް ޒަމާނަށް ނުފެތޭ ހިސާބުގަ ތިބި ފިނިހަކަ ސްޕީޑްގެ ދެމީހުން. ކިހިނެއް މިވެރިންނަށް ރަތްޔިތުންނަށް ކަމެއް ކޮށްދެވޭނީ.