ނާޒިމްގެ އާއިލީ ކުންފުންޏަށް ދެ މިލިއަން ދައްކަން މައުމޫންގެ ހަތަރު ބޭޭފުޅުންގެ މައްޗަށް ހުކުމްކޮށްފި
މައުމޫންގެ ހަތަރު ބޭފުޅުން: ނާޒިމްގެ އާއިލީ ކުންފުންޏަށް 2.1 މިލިއަން ދައްކަން ކޯޓުން ހުކުމްކުރީ އިމާރާތުގެ އަގެއް ނުދެއްކި މައްސަލާގައި --ފޮޓޯ/މިހާރު
21 ނޮވެމްބަރ 2017 - 10:31
27 comments
ކުރީގެ ޑިފެންސް މިނިސްޓަރު މުހައްމަދު ނާޒިމްގެ އާއިލީ ކުންފުންޏަށް 2.1 މިލިއަން ރުފިޔާ ދައްކަން ކުރީގެ ރައީސް މައުމޫން އަބްދުލް ގައްޔޫމްގެ ހަތަރު ބޭފުޅުންގެ މައްްޗަށް ސިވިލް ކޯޓުން އިއްޔެ ހުކުމްކޮށްފި އެވެ.
ނާޒިމްގެ އާއިލީ ކުންފުނި ރަޝީދު ކޮންސްޓްރަކްޝަން އެންޑް ކާޕެންޓްރީ (އާރްސީސީ) އަށް 2.1 މިލިއަން ދައްކަން ދުންޔާ މައުމޫނާއި ޔުމްނާ މައުމޫނާއި އަހުމަދު ފާރިސް މައުމޫން އަދި ޣައްސާން މައުމޫންގެ މައްޗަށް ހުކުމްކުރީ ޗާންދަނީމަގުގައި އެ ހަތަރު ބޭފުޅުންގެ ނަމުގައި އޮތް ބިމެއްގައި ހަތް ބުރީގެ އިމާރާތެއް ކުރުވުމަށް ފަހު، އާރްސީސީ އަށް ދައްކަން ޖެހޭ ފައިސާ ނުދެއްކި ކަމަށް ބުނެ އެ ކުންފުނިން ދައުވާ ކުރުމުންނެވެ.
ހުކުމުގައިވަނީ އެއީ މައުމޫންގެ ހަތަރު ބޭފުޅުން ދައްކަން ޖެހޭ ފައިސާކަން ސާބިތުވާ ކަމަށާއި އެހެންވެ 30 ދުވަހުގެ ތެރޭގައި އެ ފައިސާ އެއްކޮށް ކޯޓަށް ދެއްކުމަށެވެ.
އެ ދައުވާ އަށް އިންކާރުކޮށް، އެ ހަތަރު ބޭފުޅުންގެ ފަރާތުން ކޯޓުގައި ބުނެފައިވަނީ އެ އިމާރާތުގެ ފެންވަރު ދަށްކަމުން އިތުރު މަރާމާތުތައް ކުރަން ޖެހުނު ކަމަށާއި އެކަންކަން ރަނގަޅު ކުރަން ހޭދަވި މުއްދަތުގައި ވެސް 2.1 މިލިއަންގެ ގެއްލުން ވެފައިވާ ކަމަށެވެ. އަދި އެތަން އިމާރާތް ކޮށްފައި ހުރީ އެއްބަސްވުމާ އެއްގޮތަށް ނޫން ކަމަށް އެ ބޭފުޅުންގެ ފަރާތުން ބުނެފައިވެ އެވެ.
އެކަމަކު ކޯޓުގެ ހުކުމުގައި ވަނީ އިމާރާތް ނިންމައި، އެ ބޭފުޅުންނާ ހަވާލު ކުރުމުން އިމާރާތާ ހަވާލުވެ، އެކަމުގެ ލިޔުން އާރްސީސީއަށް ދީފައިވާ ކަމަށެވެ. އެ ފައިސާ ނުލިބިގެން ފައިސާ ދައުވާ ކުރުމުން އެތަނުގެ ހާލަތާ މެދު މިހާރު ސުވާލު އުފެއްދިޔަސް އެއީ އާރްސީސީ އަށް ލިބެންޖެހޭ ފައިސާ ނުދީ ހިފަހައްޓަން އޮތް އުޒުރެއް ކަމަށް ނުބެލެވޭ ކަމަށް ގާޒީ އަބްދުއްނާސިރު ޝަފީގު ކުރެއްވި ހުކުމުގައިވެ އެވެ.
އިމާރާތުގެ މަސައްކަތް ހިނގިއިރު ދުންޔާ އާއި ޔުމްނާ އާއި ފާރިސް އަދި ޣައްސާންގެ ފަރާތުުން އެތަން މޮނީޓާ ކުރި ކަން އެނގޭ ކަމަށް ވެސް ހުކުމުގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވައްލަ
23 November 2017
ތިޔަމީހުން އަތުގައި އެވަރަށް ފައިސާ ހުންނާނެ އެއްކޮށްފަ، އެ ހެޔޯ އުމުރު ދުވަހު އެއްވެސް މަސައްކަތެއް ނުކޮށް ތިއްބަސް، އަވަހަށް ފައިސާ ދައްކާ
ސާފު
22 November 2017
އަދުލު އިންސާފުގެ އިރު އުދަރެހުން އަރަންއުޅޭހެން އެބަހީވޭ.
މުޤާބޭ
22 November 2017
އެބޭފުޅުންވެސް ހީކުރީ މާބޮޑުހުކުމެއް އންނާނެކަމަށް، މިވަރު އަދަދެއްވީމާ އެބޭފުޅުން އެތިބީ ހެވިފަ 2މ، މިއީ ކޯންޗެއް؟؟؟ ކުޑަވާ އިންގިލީގެ ފުއްޓައްކެކުން މިދީބަލަ.!
އަހަންމާ
21 November 2017
ތިދެންމާބޮޑުއެއްޗެއްނޫނެންނު ގުޅިފައިވާޕާޓީތަކުން ތިކަންހަމަޖައްސަދޭނެ ހާއްސަކޮށް ގާސިމްބެ
އަށްޑޫ މީހާ
21 November 2017
ތި ކޯންޗެއް. އެންމެ ފޯނުކޯލަކުން ތިކަން ނިމިއްޖެ.
އަފިހުން ގޮއްޔެ
21 November 2017
ހުކުމުގައިވަނީ "އެއީ މައުމޫންގެ ހަތަރު ބޭފުޅުން ދައްކަން ޖެހޭ ފައިސާކަން ސާބިތުވާ ކަމަށާއި އެހެންވެ 30 ދުވަހުގެ ތެރޭގައި އެ ފައިސާ އެއްކޮށް ކޯޓަށް ދެއްކުމަށެވެ" ސަރުޢީ ކޯޓުތަކުން ކުރާ ހުކުމް އުތަ، ލަދުން ދެފައި ގާތްކޮށްލަން ނުކެރެ. މިޒާތުގެ ހުކުމަށް ކިޔާނީ ސިޔާސީ ހުކުމް ނޫން ދެން ހުކުމެއްބާ!
ރާއްޖެ
22 November 2017
އެއީ ހުކުމުގެ ކޯޓޭޝަނެއް ނަމަ އޮންނާނީ ކޮމާކޯޅި " " އެއް ތެރޭގަ. ވާނުވާ ނޭނގުނަސް ކޮމެންޓްކުރާތި. މީހާގެ ވިސްނުން ތިހުންނަނީ ސިޔާސީވެ އަރާ އާސްމާނުގަ.
5522221
21 November 2017
މިސަރުކާރު ކިހާއިންސާފުވެރި، ސަރުކާރުގެ އިސްމަގާމެއްގައި ހުރި އަދި ކުރީގެ ފޮރިންމިނިސްޓަރަށް ނުބަލާ ދައުވާ އެކުރީ، ރައީސް ޔާމީން 2018.
މރ. ހަނދާނެއް ނުނެތޭ
21 November 2017
މިސަރުކާރު، ދެހަޅަ ޖަހާ ވައި އުތުރަށް އަރާނެކަމަށް އުއްމީދުކުރަން.
ޑާޑާޑާޑާ
21 November 2017
ތިހެން އަޑިއަޑިން އޭރަކުކަިރީގައުޅޭ ސިޔާސީމީހުންނައް ކޮންޓްރެކްޓްދެންޏާ ވާނެގޮތް
ބޯގޯސްބޯއި
21 November 2017
މިހެންވެގެންނޭ މައުމޫނު ވިދާޅުވަނީ ތިމަންނާއަތުގައި ލޯލާރިއެއްވެސް ނޯންނާނޭ.
ތީހަމަ ތިނަމުގެވެރިޔާ
21 November 2017
ދެމިލިޔަނުގެ ކޮންޓްރެކްޓެއް ހަދައިގެން ބިލްޑިންގ އެއް އަޅާ ކޮނަމެ މީހަކީ އަތުގައި 2 މިލިޔަނުން ދިޔައި ފައިސާ ހުރެގެން އުޅޭ މީހެއް ނޫން. 4 މަސްދުވަހު ސަފީރުކަން ކޮށްލީމާ އެތިބެ ޔޫކޭ ތަންތަނުން ގެ ގަނެލެވެނީ
މަގޭވޯޓް
21 November 2017
މި4 ބޭފުޅުންނަށް މީކޯޗެއް 2 މިލިޔަން ރުފިޔާއަކީ 2 ބިލިޔަންވެސް ހުންނާނެ މިމީހުންއަތުގަ.