އަރަބިއްޔާ ސްކޫލްގެ ޕްރިންސިޕަލް ކަމުން އިސްތިއުފާ ދެއްވި މުސްތަފާ.
14 ޖެނުއަރީ 2018 - 14:52
24 comments
ހައްޖަށް މީހުން ގެންދިޔުމުގެ ހުއްދަ ނެތި ހަަތަރު ދިވެއްސަކު ހައްޖަށް ފޮނުވައިގެން ހާލުގައި ޖެހުނު މައްސަލައިގައި އަރަބިއްޔާގެ ކުރީގެ ޕްރިންސިޕަލް ނަސްރުﷲ މުސްތަފާގެ މައްޗަށް މިދިޔަ ހަފުތާގައި ދައުވާ ކޮށްފި އެވެ.
ޕްރޮސެކިއުޓާ ޖެނެރަލް އޮފީހުގެ މީޑިއާ އޮފިޝަލަކު މިއަދު ވިދާޅުވީ އެ މައްސަލައިގައި ނަސްރުﷲގެ މައްޗަށް ދެ ދައުވާއެއް އުފުލާފައިވާ ކަމަށެވެ. އެއީ، ހުއްދަ ހޯދައިގެން ކުރަން ޖެހޭ ކަމެއް ހުއްދަ ނުނަގައި ކުރި ކަމުގެ ކުށުގެ ދައުވާ އާއި އެނގި ހުރެ ސައްހަ ނޫން ލިއުމެއް އުފެއްދި ކަމުގެ ކުށުގެ ދައުވާ އެވެ.
ހަތަރު މީހެއްގެ އަތުން ފައިސާ ނަގައި އެ މީހުން މައްކާގައި ހާލުގައި ޖެއްސި މައްސަލަ ފުލުހުން ބެލީ އިސްލާމިކް މިނިސްޓްރީން ހުށަހަޅައިގެންނެވެ.
ހައްޖުގެ އަޅުކަމަށް މައްކާ އަށް ފޮނުވި ދެމަފިރިއަކާއި އުމުރުން ދުވަސްވީ ދެ ފިރިހެނަކު ހާލުގައި ޖެހުނީ، ރަސްމީ ކޯޓާގެ ބޭރުން އަަދި ހައްޖަށް މީހުން ގެންދިއުމުގެ ހުއްދަ ލިބިފައިނުވާ މީހަކު، ބައެއްގެ އަތުން ފައިސާ ނަގައިގެން ހައްޖަށް ފޮނުވުމުން ކަމަށް އިސްލާމިކް މިނިސްޓްރީން ވަނީ ބުނެފަ އެވެ.
އޭގެ ތެރޭގައި ހިމެނޭ ދެމަފިރިންނާ ހަވާލާދީ އިސްލާމިކް މިނިސްޓްރީން ބުނެފައި ވަނީ، އެ ދެ މީހުންގެ އަތުން 70،000ރ. ނެގީ ނަސްރުﷲ ކަމަށް އެ ދެމަފިރިން ބުނާ ކަމަށެވެ. އަދި ހައްޖަށް ދެވޭނެ ކަމުގެ ލިޔުން ވެސް ނަސްރުﷲ ދެއްވި ކަމަށް، އެ ދެމަފިރިންނާ ހަވާލާދީ މިނިސްޓްރީން ވަނީ ބުނެފަ އެވެ.
އެ ހަތަރު މީހުން ސައޫދީ އަށް ގޮސް ހާލުގައި ޖެހުމުން، ސަރުކާރުން އަންގައިގެން އެ މީހުންނާ ފަހުން ހަވާލުވީ، ހައްޖު ކޯޕަރޭޝަނުންނެވެ. އަދި ހަތަރު މީހުން ހައްޖުގެ ކަންތައް ފުރިހަމަކުރީ ހައްޖު ކޯޕަރޭޝަނާ އެކުގަ އެވެ.
ހައްޖަށް ގެންދަން ހުއްދަ ދެނީ ވަކި ކުންފުނިތަކަކަށް ކަމަށް ވާއިރު، އަމިއްލަ ގޮތުން މީހުން ހައްޖަށް ފޮނުވުމަކީ މަނާ ކަމެކެވެ. އެ މައްސަލަ ފުލުހުންނަށް ހުށަހެޅީ، އިސްލާމިކް މިނިސްޓްރީން ބަލަން ޖެހޭ ކަންކަން ބަލައި ރިޕޯޓެއް އެކުލަވައިލުމަށް ފަހު އެވެ.
މައްކާގައި ދިވެހިންތަކެއް ހާލުގައި ޖެއްސި މައްސަލަ ލިޔުމާ ގުޅިގެން، އެއީ އޭނާގެ އަބުރަށް އަރައިގަތުން ކަމަށް ތުހުމަތުކޮށް، ނަސްރުﷲ ވަނީ "މިހާރު"ގެ ފަސް ނޫސްވެރިއެއްގެ މައްޗަށް ސިވިލް ކޯޓުގައި ދައުވާ އުފުލައިފަ އެވެ. އެ މައްސަލައިގައި އަންނަ އަންގާރަ ދުވަހު ސިވިލް ކޯޓަށް ހާޒިރުވާން ބައެއް ނޫސްވެރިންނަށް ވަނީ ޗިޓް ވެސް ފޮނުވައިފަ އެވެ. އަދި އެ މައްސަލައިގައި ވީމީޑިއާގެ މައްޗަށް ވެސް ނަސްރުﷲ ވަނީ ދައުވާ ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްމާއިލް ނަސީމް
15 January 2018
މާފަހަތުގަ ތިއުޅެނީ. މީނަ މިހާރު ދެން ކުރެވޭނެ ކަންތައް ވެސް ކޮއްފިޔޭ! ސޮއި ކޮއްފި ފިޔާތޮއްޓައް! ދެން ގޯސް ވާނީ ދިޔަ ފްލައިޓުގެ ޕައިލަޓު!
މޮގާބޭ
15 January 2018
މދެމީހަކު ޒިނޭ ކުރަނިކޮށް ފެނުނުކަމަށް ހަތަރު ފިރެހެނުން ހެކިބަސްދިނުމުން އެއީ އަބުރަށް އަރައިގަތުން ކަމުގައި ވާނެތޯއެވެ؟ އަދި ޤާޞީ އެ ވާހަކަ އަޑު އެއްސެވުމަކީ ފާފަ ވެރި ވާނެކަމެއްތޯ އެބޭފުޅާކައިރީ އަހާލަށް އަޅުގަނޑު ބޭނުމެވެ. މި ދެންނެވި ހަތަރު ހެކިންނާއި ޤާޞީ އެ ކުރެއްވެވީ ކުށެއްކަމުގައިވާނަމަ " މިހާރު ނޫހުގެ" ފަސް ނޫސްވެރިން އެ ކުރެއްވެވީ ބޮޑު ކުށެކެވެ. ޙުކުމް އަލް މޮގާބޭ.
އަދިކިރިޔާ ރޭކާމިލީ
15 January 2018
އަންހެނުން ދަލުގައިޖެއްސުމަކީ މަކަރާއި ހީލަތްހުރެގެން ނޫނީ ނުކުރެވޭނެކަމެއް. މިކަން އެކުރަމުން ގެންދަނީ ދީނުގެ ނިވަލުގައިހުރެ. މިފަދަ މީހަކު ނަހަދާނެ މަކަރެއް ހީލަތެއް އިޔަޙޫދީއެއް ނޯންނާނެ.
ހިޔަމަ
15 January 2018
ދެރަކަމެއް މިކަހަލަ މީހުންނާ ހެދި ޢިލްމުވެރިންގެ އަގުވެއްޓެނީ.އެހެން މީހުންނަށް އިބުރަތަކަށް ސާބިތު ވެއްޖެނަމަ ބޮޑު އަދަބެއް ދޭން ފެނޭ.
ބޮޑުޝޭޚް
15 January 2018
ކިތައް ދިވެހިންތޯ ހައްޖުގެ އަޅުކަމަށް ރިޝްވަތާއި ނާޖާއިޒު ނުފޫޒު ބޭނުންކޮށްގެން ދަނީ... ހަމަ ހައްޖައްދާން ލާރިކޮޅެއް ލިބޭއިރަށްދު ދުއްވައިގަންނާނީ ކޮންވެސްމީހަކާއި ގުޅައިގެން ނަހަމަ ގޮތެއްގައި ހައްޖައްދާން ޖާގަހޯދަން ދެން މިފަދަ މީހުންނަށް ބޮޑިލިބުނީމަ ދެންކިޔާނެ އޭއްޗެކޭ މީއްޗެކޭ..ާ
ހަސީނާ
15 January 2018
ހައްޖައްދާން މިއަދު ލާރިދެއްކިޔަސް ދެވޭނީ 2023 އެކަމަކު ސިޔާސީ ނުފޫޒު ބޭނުންކޮށްގެން މިއަހަރު މީހުން ހައްޖައްދޭ، ބޮޑޫވަރު ދޯ މިއީ ހައްޖުގެ އަޅުކަން ވިއްޔާ.
1234
15 January 2018
ޝޭހުކަމުގެ ލައިސަންސް އަތުލެވޭ އުސޫލެއް އޮވޭތޯ؟ އެހެން މިބުނީ މެޑިކަލް، ލޯޔަރުން ، އިންޖިނީރުންގެ މައްޗައް މިފަދަ ކުށެއް ސާބިތު. ވެއްޖެނަމަ ލައިސަންސް ގެއްލޭތީ..
އތޔުތރުތޔުޔު
14 January 2018
މި ސޭހު އަދި ކުޑަކުދިން އެއްކޮއްގެންވެސް ދަރުސްދޭ..
ރައްޔިތުމީހާ...
14 January 2018
ހުއްދަނެތިފޮނުވި މައްސަލަ އެކައްޏެއްނޫން ފައިސާއަތުލި ފަރާތްތަކަށް ހިޔާނާތްތެރިވި މައްސަލައާއި މަކަރާއި ހީލަތްހަދާ އޮޅުވާލި މައްސަލަތަކަށްވެސް ދައުވާކުރަންޖެހޭ އަދި އެ ހައްޖުވެރިންނަށް މިކަމުގެ ސަބަބުން އިހްސާސްވި ހުރިހައި ދަތިއުނދަގޫތަކުގެ ބަދަލު ހޯދަދޭންޖެހޭ !
އިމާމް
15 January 2018
ބަލަ އެއީ ޖަގަހައިގެ އިމާމްއެވެ. އެއީ ކެމްޕިއަންގެ ދީނީ އުސްތާޒްއެވެ. މި ދަޢުވާ އެކީވެސް އޮޅުވާލުމެކެވެ. ކޮބައިތޯ އޮޅުވާލުމުގެ ތެތެއިން ސަޢުދީ އަރަބިއްޔާގެ އެމްބަސީން ވިސާ ހޯދި މައްސަލަ. މީގެ ކުރިން އެފަދަ މައްސަލަ ތަކުގައި މުޅިންވެސް ދަޢުވާ ކޮށްފައި ހުރީ އޮޅުވާލުމާއި މަކަރާއި ހީލަތުގެ މައްޗަށެއްނުންތޯ؟؟؟؟؟؟
ސޭކު
14 January 2018
މިވެސް ޝޭޚެއް ތޯ؟ ދޮގާ މަކަރާ ޙީލަތް ހެދީމަވެސް ހަމަ ޝޭޚެއް؟
އިބިރިހިންބެއްޔާ
15 January 2018
ޝޭޚުން އެކަނިތޯ ތިބުނާއެއްޗެއް ހަދަނީ؟
ކޮބާ ހީވޭ ކަމެއްހެން
14 January 2018
އެންމެ ރަނގަޅުވާނީ ތީނަގެ ޓިވީ ޕްރޮގްރާމްތަކާއި ރޭޑިޔޯ ޕްރޮގްރާމްތައް އަބުރަކަށްބެލުމެއް ނެތި ސްޓޭޝަންތަކުން ގެނެސް ދިނިއްޔާ.