ގާސިމް އޭނާގެ ސަން އައިލެންޑް ރިސޯޓުގެ މޫދުކޮޓަރިތައް ކައިރީގައި :
17 ޖެނުއަރީ 2018 - 20:37
70 comments
ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ ހުރިހާ ރިސޯޓުތަކެއް މޯލްޑިވްސް ކަސްޓަމްސް އިން ބަލައި ފާސްކުރަމުން އެބަދެ އެވެ.
ކޯޓު އަމުރަކާއެކު ކަސްޓަމްސް އިން ފާސްކުރަނީ ގާސިމްގެ ރިސޯޓްތައް ކަމަށްވާ ޕެރަޑައިސް އާއި ސަން އައިލެންޑާއި ރޯޔަލް އައިލެންޑާއި ހޮލިޑޭ އައިލެންޑުގެ އިތުރުން ފަން އައިލެންޑް ރިސޯޓެވެ. ކަސްޓަމްސްގެ އޮފިޝަލުންނާ އެކު ފުލުހުން ވެސް އަންނަނީ ހަރަކާތްތެރިވަމުންނެވެ.
ސަން އައިލެންޑް ރިސޯޓް ފާސްކުރަން ނެރުނު އަމުރުގައި އެ ރިސޯޓް ފާސްކުރަން ބޭނުންވާ ސަބަބެއް ކަމަށް ބުނެފައި ވަނީ، ކަސްޓަމްސްގެ ބޮންޑެޑްވެއާ ހައުސް އިން ރޯޔަލް އައިލެންޑް އެންޑް ސްޕާ މެނޭޖްމަންޓުގެ ނަމުގައި ދޫކުރި ބަނގުރާ، ސަން އައިލެންޑަށް ގެންގޮސްފައިވާ ކަމަށް ތުހުމަތު ކުރެވޭތީ އެ މައްސަލައާ ގުޅުން ހުރި ހެކި ހޯދުމަށެވެ.
އެ ރިސޯޓުގައި ހުރި އެ މައްސަލައާ ގުޅުން ހުރި ހުރިހާ ލިޔެކިޔުންތަކަކާއި ބަނގުރަލާއި އޫރު މަހުގެ ފިޒިކަލް ސްޓޮކާއި ސްޓޮކް ބަލަހައްޓާ ކޮމްޕިއުޓަރު ސިސްޓަމްތަކާއި ސްޓޯރޭޖް ޑިވައިސްތަކުގެ އިތުރުން މައްސަލައާ ގުޅުން ހުރި ހުރިހާ ސާމާނެއް ފާސްކުރަން ވަނީ ހުއްދަ ދީފަ އެވެ. ގާޒީ އަލީ އާދަމް އިއްޔެ ރޭ ނެރުއްވާފައި މި އަމުރުގައި ފާސްކުރުމަށް ހުއްދަ ދީފައި ވަނީ 18 ގަޑިއިރެވެ.
ރައްޔިތުންގެ މަޖިލީހުގެ މެންބަރުންނަށް ރިޝްވަތު ދޭން އުޅުނު ކަމުގެ ކުށުގައި ޖަލަށް ލާން ހުކުމް ކޮށްފައި ވަނިކޮށް ބޭސްފަރުވާއަށް ރާއްޖޭން ބޭރަށް ވަޑައިގެން ގޮތަށް މިހާރު ޖަރުމަނުގައި އުޅުއްވާ ގާސިމްގެ ކުންފުނިތަކުން ގިނަ އަދަދެއްގެ ފައިސާ ހޯދަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދައުވާކޮށްފައިވެ އެވެ. އެގޮތުން 2.5 ބިލިއަނަށް ވުރެ ގިނަ ރުފިޔާ ހޯދަން އެންމެ ފުރަތަމަ ކުރި ދައުވާތައް ކުރިއަށް ދަނިކޮށް މިހާރު ވަނީ ގާސިމްގެ ތިން ކުންފުންޏެއް އަތުން އިތުރު 75 މިލިއަނަށް ވުރެ ގިނަ ރުފިޔާ ހޯދަން މީރާ އިން ދައުވާކޮށްފި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
18 January 2018
އަދި މިއަހަރު ފެންނާނެ ގާސިމްގެ ރިސޯޓްތަށް ބަންދުކުރާ މަންޒަރު، އެމަންޒަރުބަލަންތިބޭތި، ހަމަ ގައިމުވެސް އެކަންކޮށްފައިނޫނީ މިސަރުކާރު މައިތިރިނުވާނެ
ޢާނދޮގޭ
18 January 2018
ކަސްޓަމް ބޭފުޅުން ލައްވާ ސިޔާސީ ކުޅިވަރު މިހާރު ކުޅެން ފެށީ ދެއްތޯ. ކޮބައިތޯ ނޮވެންބަރު މަސް ނިމުމުގެ ކުރިން ސިމާއްޓެ މެން ދޭން ބުނި ޕުރޮމޯސަން، އަހަރަކު 6 ފަހަރު މި ވެސް ދެނީ
ޝިދާ ނަޒީރު
18 January 2018
ގުޑް.
ހަސަނު
18 January 2018
މީގެ ކުރިން ދުވަހަކަވެސް ކަސްޓަމްސްއިން ރިސޯޓުތަކުގެ ބަނގުރަލާ އޫރުމަހުގެ ސްޓޮކް ބަހައްޓަދީފައެއް ނެތް.. ރިސޯޓު ވިޔަފާރި ހިނގާތާ 45 އަހަރު ފަހުން ކުއްލިއަކަށް ކަސްޓަމުން އަރާ ރިސޯޓުގާ ބަނގުރާ ހުރީ ހަމައަށް ތޯ، އޭގެން ހުރުހާ ޓޫރިސްޓުންނަށް ބޮވޭވަރަށް ހުރިތޯ ބަލާން މިޖެހުނީ އެއީ ގާސިމް ވީމަ އަދި ގާސިމް ޔާމީނާ ދެކޮލަށް ބަސް ބުނާންފެށީމަ... އަޅުގަނޑަށް ހަމަ ޔަގީން ސުކޫލު ތަކުގާ ވަޅި ހަރާ މައްސަލަ އާ މިކަމަކާ ގުޅުމެއް ނެތްކަން.. އަދި ވަޅި ހަރާ މައްސަލަ އަށް ވުރެ މި މައްސަލަ ބޮޑު ނުވާނެ ކަންވެސް ޔަގީން... އެހެންނަމަވެސް އަޅުގަނޑުމެންނާ ކުރިމަތި ކުރައްވާފައި މިވާ ފުލުހުންނަކީ މާތް ކަލާނގެ އަޅުގަނޑޫމެން ކުރައްވާ އިމްތިހާނެއްކަން ކަށަވަރު...
އައްޔު
18 January 2018
ހަސަނާ ޚަބަރު ކިޔާލަބަލަ ބަލަގަ ހަސަނު އަންހެނުންގެއަށް ދިން އޯޑަރު މަންމަމެން ގެޔަށް ގެންދިޔުމަކީ މައްސަލައެއް ނުން އަންހެނުން ބަލާނެ ދޯ ޕިއްޒާ ކޮބައިތޯ؟
މީއަހުމަދު
18 January 2018
ޔާމީނުގެ ޒާތީ ލާބައަށް ޓަކާ ދައުލަތުގެ މުއައްސަސާތައް ބޭނުންކުރާއިރު، ފުލުހުން އެކަންކަމަށް ވާގިދޭކަމީ ހިތާމަހުރިކަމެކެވެ. 7 ފެބްރުއަރީގައި ވެސް ނެރުނު ކަހަލަ ހިތްވަރެއް ނެރެގެންވެސް، ޣައިރު ޤާނޫނީ އަމުރުތަކަށް ތަބާނުވެ، މި ޤައުމު އެބަ ސަލާމަތްކޮށް، ތިބާރެންގެ ދަރިންނާ، ދަރިންގެ ދަރިންނަށްވެސް މިޤައުމުގައި އުޅެވޭނެ ގޮތް ހަދައިދޭން އެބަޖެހޭ ނޫންހެއްޔެވެ. ވިސްނާލާށެވެ!
ާއުސްތާޒާ
19 January 2018
އެކަން އެހެން ކުރައްވަން ނޫންތޯ 30 އަހަރުވަންދެން ތައުލީމީ ދާއިރާގަ ހުރި މީހަކު ކުއްލިއަކަށް ޑިފެންސް މިނިސްޓރަކަށް ހެއްދެވީ.
ޔުނައިޓެޑް އައްޑޫ
18 January 2018
ޕީޕީއެމްގެ ރިޔާސީ ޓިކެޓްތަ ތިޔަ ހޯދަނީ؟
ތަކުރާ
18 January 2018
ނަޝީދަށް ތާއީދެއް ނުކުރަން. ނުވެސް ކުރާނަން. ނަޝީދުގެ ވެރިކަމުގައި ގައުމު ފުނޑުފުނޑުވެ ބައިބައިވެ ދިޔައީ. އިގްތިސާދީގޮތުން ނިކަމެތިވެ އާއިލާތައް ރޫޅި މުޅި ގައުމު ބައިބައި ކޮށްލި. ނަޝީދު އަށް ތާއީދު ނުކުރުމަކީ ގައުމަށް ކޮށްދެވޭބޮޑު ހެޔޮކަމެއް. އަދި ގައުމީ ވާޖިބެއް....އަޅުގަނޑު ހަމަލޮލުން ދުށީމު ބޭންކު އޮފް މޯލްޑިވުސް ސ. ހިތަދޫ ބުރާންޗް ބޭރުގައި ފަތިހު 4 ޖެހުމާއި އެކު ދަމާފައި އޮތް ކިޔުލައިނު... ކީއްކުރަންތޯ ކިޔު ޖެހިގެން ދުވާލަކު ބޭންކުން ވިއްކަނީ 600 ޑޮލަރ އަދި އެއީ 3 މީހަކައް ކޮންމެ މީހަކައް 200 ނަމަވެސް މީސްމީހުން މިފަދަ އުނދަގޫތަކާއި ކުރިމަތި ލަމުން ދިޔައީ ގޮތެއްނެތިގެން... ނަޝީދުގެ ވެރިކަމުގައި މަދުބަޔަކައް ގައުމުގެ މުއްސަނދި ކަން ފޭރިގަނެވުނަސް ރައްޔަތުން ގަނޑުތަޅުވައިލި ރައީސެއް... މަވާ ސަލާމް..
ނަރު
18 January 2018
މި ޕޯސްޓްއާއި ތި ކޮމެންޓައި ކޮބާ ގުޅުން؟
އަލީ އަސްފާގު
18 January 2018
ޔާމީނު ވެސް ކުރަނީ ނަސީދު ގެ ވެރިކަން. އެހެން ނޫން ނަމަ މިހާރު ޖީ އެސްޓީ ނުނަގާނެތާ.
މަޒް
18 January 2018
ގޮތް ހުސްވާ ވަރަކަށް ގާސިމަށް ބާރު ކުރާނެ.. ގާސިމާ ހިއްވަރު ކޮއްލާ... ދެން އޮތީ މަދު ދުވަސްކޮޅެއް
ޢަމީން
18 January 2018
ކަސްތަމްސްއިން ކުރާނެ މަަްކަތް ހުސްވީތަ ހެހެ
ކަބްޖީ
18 January 2018
ކަބްޖީއަކީ ސަރުކާރާ ދެކޮޅު ވިސްނުމުގެ މީހެއް. ރައީސް ޔާމީނަށް ދުވަހަކުވެސް ތާއީދުކުރި މީހެއް ނޫން. އެކަމަކު ސަރުކާރުން ގާސިމްގެ ރިސޯޓްތައް ޗެކްނުކުރެވެންވީ ސަބަބެއް ނެތް. ގާސިމްއަކީ ގަވައިދުން ޓެކްސްދައްކާ މީހެއް ނޫން. ރަށްތައް ނަގައިގެން ހަދަނީއެއް ނޫން. އެރަށްތަކުން ލިބެންވާ ވަޒީފާއާއި ޖީއެސްޓީ ނުލިބޭ. އެހެންވީމަ، ކަބްޖީ ދެކޭގޮތުގައި ގާސިމްވެސް ގާނޫނާ ޚިލާފުކަންކަން ކޮށްގެން ނުވާނެ. މިހެން ބުނިކަމުގައިވިޔަސް، މިސަރުކާރަކީ ކަބްޖީއަށް އެއްވެސްގޮތަކަށް ކަމުދާ ސަރުކާރެއް ނޫން. ދެރަކަމަކީ ރަގަޅު އޮޕޮސިޝަންއެއް ނެތްކަން.