ސަން އައިލެންޑްގައި ޓޫރިސްޓުންތަކެއް: ވިލާގެ ރިސޯޓްތަކުން ނުއަގުގައި އެނދު ވިއްކާ ކަމަށް މިނިސްޓްރީން ބުނޭ.
21 ޖެނުއަރީ 2018 - 23:30
30 comments
ރާއްޖެ އަށް އަންނަ ޓޫރިސްޓުންގެ ސަލާމަތާއި ރައްކާތެރިކަމާއި ހިތްހަމަޖެހުމަކީ އެންމެ އިސްކަންދޭ ކަންތައް ކަމަށާއި އެކަންކަމާ ގުޅޭ ގޮތުން މަޓީ އާއި ކަމާ ބެހޭ އެހެން މުއައްސަސާތަކާ އެކު މަޝްވަރާކޮށް ހައްލު ހޯދުމަށް މަސައްކަތް ކުރަމުން އަންނަ ކަމަށް ޓޫރިޒަމް މިިނިސްޓްރީން ބުނެފި އެވެ.
ވިލާ ގްރޫޕްގެ ޗެއާމަން އަދި ޖުމްހޫރީ ޕާޓީގެ ލީޑަރު ގާސިމްގެ އިބްރާހިމްގެ ފަސް ރިސޯޓަކުން ގާނޫނާއި ގަވައިދާ ހިލާފު ކަންތައްތަކެއް ކުރަމުންދާ ކަމަށް ބުނެ ޓޫރިޒަމް މިނިސްޓްރީން ނެރުނު ބަޔާނެއްގައި ބުނީ ދައްކަން ޖެހޭ ފައިސާ ނުދައްކައި ރިސޯޓްތައް ހިންގުމުގެ ސަބަބުން ދައުލަތަށް ވެސް ބޮޑެތި ގެއްލުންތަކެއްވަމުންދާ ކަމަށެވެ.
"...ދައުލަތަށް ލިބެން ޖެހޭ މި ފައިސާ ނުލިބުމުގެ ސަބަބުން ދައުލަތުން ރައްޔިތުންނަށް ފޯރުކޮށް ދޭން ޖެހޭ ހިދުމަތްތައް ފޯރުކޮށް ދިނުމަގަ އާއި ދައުލަތުން ހިންގާ ތަރައްގީގެ މަޝްރޫއުތަކަށް ވަރަށް ބޮޑަށް ނޭދެވޭ އަސަރު ކުރެ އެވެ." މިނިސްޓްރީގެ ބަޔާނުގައިވެ އެވެ. "ހަމަ އެހެންމެ ގާނޫނާއި ގަވައިދުތަކުގެ ދަށުން ދައުލަތަށް ދައްކަން ޖެހޭ ކުއްޔާއި ޓެކްސްތައް ދައްކަމުން ނުދާ ފަރާތްތަކާ ގުޅޭ ޝަކުވާތައް، ކުއްޔާއި ޓެކްސް ދައްކަމުންދާ ފަރާތްތަކުން ތަކުރާރުކޮށް މިނިސްޓްރީ އަށް ދަނީ ހުށަހަޅުންނެވެ."
ޓޫރިޒަމް މިނިސްޓްރީން ބުނީ ވިލާ ޝިޕިން އެންޑް ޓްރޭޑް އާއި އެ ކުންފުންޏާ ގުޅުން ހުރި ކުންފުނިތަކަށް ދޫކޮށްފައިވާ ބައެއް ރަށްތަކާއި ފަޅުތަކުން ދައުލަތުން ދައްކަން ޖެހޭ ފައިސާ ހޯދުމަށް މޯލްޑިވްސް އިންލަންޑް ރެވިއު އޮތޯރިޓީ (މީރާ) އިން މިހާރު ވެސް ކޯޓްތަކަށް މައްސަލަތައް ހުށަހަޅާފައިވާ ކަމަށެވެ.
ޓޫރިޒަމް މިނިސްޓްރީން ބުނި ގޮތުގައި ވިލާއާ ގުޅުން ހުރި ކުންފުނިތަކުން މިހާރު ވެސް ހިންގަމުންދާ ބައެއް ރިސޯޓްތަކުން ގްރީން ޓެކްސް އާއި ޓީޖީއެސްޓީ ވޭތުވެ ދިޔަ މަސްތަކުގައި ދައްކާފައި ނުވާތީ އެ ފައިސާ ދެއްކުމަށް ވެސް މީރާ އިން ވަނީ އަންގައިފަ އެވެ.
ޓޫރިޒަމް މިނިސްޓްރީގެ ބަޔާނުގައި ބުނެފައިވާ ގޮތުގައި ވިލާއާ ގުޅުން ހުރި އެއްވެސް ރިސޯޓަކާ ދޭތެރޭ ގާނޫނާ ހިލާފަށް އެއްވެސް ފިޔަވަޅެއް ސަރުކާރުން މިހާތަނަށް އަޅައިފައެއް ނުވާނެ އެވެ. ނަމަވެސް "ބަނގުރަލާއި އޫރުމަހުގެ ގަވައިދާ" ވިލާ އިން ހިލާފުވެފައިވާ ކަމަށް ކަސްޓަމްސް އިން މިނިސްޓްރީ އަށް އަންގާފައިވާ ކަމަށް ޓޫރިޒަމް މިނިސްޓްރީން ބުންޏެވެ.
"އެ ކުންފުންޏާ ގުޅުން ހުރި ކުންފުނިތަކުގެ ދަށުން ހިންގާ ބައެއް ރިސޯޓްތަކުން ގަވައިދުގެ އެކި މާއްދާތަކާ ހިލާފުވެފައިވާ ކަމަށް ކަސްޓަމްސް އިން މިނިސްޓްރީ އަށް ވަނީ އަންގަވައިފަ އެވެ." ބަޔާނުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮލެޖް އިކޮނޮމިސްޓް
22 January 2018
ރާއްޖޭގައި ގަވައިދު ހަދާފައި ހުންނަނީ ރަނގަޅަށް. އެކަމަކު ގަވައިދާއި ޚިލާފު ވިޔަސް ގާނޫނު އައިސް އަރާ ހަމަކުރާނީ އިންސާފު ގާއިމު ކުރާނީ ފިޔަވަޅު އަޅާނީ ދެކޮޅުވެރި ވީމަ.
ރާޖާ
22 January 2018
ގަޅިވެގެން ވެސް ބޮޑުވަރު . ފައިސާ ނުދައްކައިގެން ކޯޓަށް މައްސަލަ ހުށަހަޅާފައިވާ ނަމަ، އެ މައްސަލަ ނިމެންދެން މަޑު ނުކުރެވުނީ ކޮން ކަމެއް ލައިގަނެގެންބާ! ވާހަކަ ދައްކަން ފަށާއިރު ދައްކަނީ އެހެން ވާހަކައެއް ނިމޭ އިރު ފައިން އެރިފަ. މިއޮތީވާ އެކޮނޮމިސްޓް ސަރުކާރެއް.
އެދުރުބެ
22 January 2018
ތި މައްސަލަ އަކީ މަޓީ އާއި ގުޅޭ މައްސަލަ އެއް ނޫން. ލޯ އެންޑް އޯޑަރ އިޝޫއެއް. އަބަދަކު ސިޔާސީ މީހުން ބޭނުންހާ ކުޅިއެއް ކުޅެން ފުރުސަތު ނުދެވޭނެ. ވިލާ ގްރޫޕް ވިއްކާލައިގެންވިޔަސް ސަރުކާރަށް ދައްކަންޖެހޭ ފައިސާ ހޯދާ.
ވާލުސޮރު
22 January 2018
ރާއްޖޭގެ އެންމެ ބޮޑު މައްސަލައަކީ ގާނޫނާ ގަވައިދުތަކަކީ އެއިރެއްގަ ބާރުގަ ތިބި ބަޔަކު ނުރުހޭ ބަޔަކު ހަންމަތަކުރަން ބޭނުންކުރާ ހަންމުއްޓަކަށް ވުމެވެ. މީގަ ވަކި ސަރުކާރެއް ވަކި ވެރިއެއް އިސްތިސްނާއެއްނޫނެވެ!
ދޮންމަނިކުބެ
22 January 2018
ވިލާ ގުރޫޕުން ވޭތުވެދިޔަ 10 މަސް ދުވަހު ޖީއެސްޓީއާއި ގްރީން ޓެކްސް ނުދައްކާ ކަމަށް މީރާއިން ވަނީ ބުނެފަ. ވިލާ ގުރޫޕުގެ ބައެއް ރިސޯޓުތަކުންވަނީ ބަނގުރާ އެތެރެކުރުމާއި ވިއްކުމުގައި އަމަލުކުރަން ޖެހޭ އުސޫލާ މުޅިން ހިލާފުވެފަ. އަދި ވިލާގެ ބައެއް ރިސޯޓުތަކުން ދައްކަން ޖެހޭ ޖީއެސްޓީއާއި ގްރީން ޓެކްސް ނުދައްކާތީ އެ ފައިސާ ދައްކަން ތަކުރާރުކޮށްވަނީ އަންގާފަ. މިހާރުވެސް ވިލާ ގުރޫޕުން ބައެއް ފަޅުތަކަށް ދައްކަން ޖެހޭ ފައިސާ ހޯދުމަށް ކޯޓަށް މައްސަލަ ހުށަހަޅާފައިވޭ. ނޯވަން އިޒް އެބައުދަ ލޯ. ކޮބާތޯ ހަޔާތް..ލަދު.. 10 މަސް ދުވަހު ޖީއެސްޓީއާއި ގްރީން ޓެކްސް ނުދައްކާ. މުވައްޒަފުން ނެރިގެން މުޒާހިރާކޮށްގެން ނުވަތަ އިދިކޮޅޭމެން މުޒާހިރާކޮށްގެން ނުވަތަ އިންޓަވިޔުތައްދީގެން ހީނުކުރާތީ ޖީއެސްޓީއާއި ގްރީން ޓެކްސްއިން ރެކެވިދާނެކަމަށް. ޖެހޭނީ ދައްކަން. ރިސޯޓެއް ވިއްކާލައިގެންވެސް މިފައިސާ ހޯދުމަކީ ސަރުކާރުން ކުރަން ލާޒިމުކަމެއް. ރައްޔިތުންގެ ޙައްޤުގަ. ޤައުމުގެ ޙައްޤުގަ.
ބަލަގަ
22 January 2018
ކޯޓުތަށް ހުނަނީ ކޮންމެވެސް ކަމަކު.... ކޯއްޓަކުން ކުރެވޭ ހުކުމަކުން މެނުވީ މީހެއްގެ މުދަލެއް ނެގިގެން ނުވާނެ.....
ދޯބަދަން
22 January 2018
ބަގާވާތް ކުރުމަކީ ހާދަ ނުބައި ސުންޕާކަމެކެވެ.
ކޮތަރުގެ އަސަރު
22 January 2018
ދެން މައްސަލަ ހައްލު ކުރަނީ މައްސަލަ އުފެއްދާ ފައެއްނޫނެވެ. މައްސަލަ ހައްލުކުުރަނީ ފުރަތަމަ މުދާ ޢަސްބުން ފޭރުމަށްފަހު ކަމަށްވާނަމަ އެއީ ސޯމާލިޔާގެ ޕައިރޭޓްންގެ އުސޫލެވެ. މަޝްވަރާ ކުރަނީއޭ ކިޔާފައި މިހާރު ތިޔަކުރަަ ކަމަކީ މަޓީގައި ބާކީތިބި ރިސޯޓް އޯނަރުންނަށް ބިރިދެއްކުން ނޫން ދެންކޮން ކަމެއްބާވައެވެ. ރައްޔިތުންނަށް ޚިދުމަތް ކުރަން ލާރި ހޯދަންވާނީ ހުއްދަ އުސޫލުތަކުގެ ތެރެއިންނެވެ. އެއީ ދިވެހިން ބޭނުންވާގޮތެވެ. ތިމާގެ އަނބި މީހާ ތިމާ ލާރި ގެނައީ ހާލާލު ގޮތުގަތޯ ނުބެލިއަސް ގިނަ ދިވެހިން އެކަން ބަލައެވެ.
ކުޑަ ފޫޅު
22 January 2018
"ބޮޑު ބުޅަލޭ ނާދޭ މިގޭ ދޮށަށް ނާދޭ މިގެއަކު ނެތް ރޯ ކުއްޖެއް އެގޭ ދޮށަށް ދާންދޭ..ހެހެހއެ.ޒަމީރު މިކިޔަނީ މިހެންތޯއެޗެ ބަލަ މިވާގޮތް ނޭގޭ އެއްމެ މީހެއް ވެސް މި ޤައުމަކު ނެތެވެ
އަހުމަދު އަލަނާސިގެ
22 January 2018
ކިތައްރިސޯޓުންތޯ ޓޫރިޒަމްގެ ޤަވާއިދާއި ހިލާފަށް ބިދޭސީން ގެންގުޅެނީ.. ޓޫރިޒަމަށް ހުއްދަ ދީފައިވަނީ 45:55 ގެ ނިސްބަތަށް، ބިދޭސީން ގެންގުޅެން،. އެކަމަކު ޗަންޕާގެ ކުންފުނިތަކާއި ޔުނިވާސަލުގެ ރިސޯޓުތަކާއި ކުރައުންގެ ރިސޯޓު ތަކުގައި ގިނައީ ބިދޭސީން. އަދިީ ގިނަ އިންޓަނޭޝަނަލް ރިސޯޓުތަކުގައިވެސް، ގިނައީ، ބިދޭސީން ޢިމިގުރޭޝަން ޢިމިގުރޭޝަން ކޮބައިތޯ؟ ޓޫރިޒަމް މިނިސްޓްރީ ކޮބައިތޯ؟ ކީއްވެތޯ ފިޔަވަޅު، ނާޅަނީ،؟
ހަޖަމް
22 January 2018
ނުކެރޭނެ ފިޔަވަޅު އަޅާކަށް، ދަށުވެފަ، ކެމްޕެއިނަށް ލާރިދޭ މީހުން އެއީ
މަރީ
22 January 2018
ތީހަމަ ބޮޑު ކުޅިގަނޑެއް. މިސަރުކާރުގެ ޓުއަރިޒަމް ސިޔާސަތު ވަރަށް ސާފު. އަމިއްލަ ބޭނުމަށް އެހަލާކުކޮއްލަނީ މިގައުމުގެ މުސްތަގްބަލާއި އިގްތިސޯދު. ބޭކާރު ވާހަކަ ނުދައްކާ އިސްތިއުފާ ދީ.