ވިސާމް: އޭނާގެ އިތުރުން އާމިރު ވެސް ރޭ ހައްޔަރުކުރީ އިންޒާރު ދޭ ވީޑިއޯގެ މައްސަލާގައި --ފޮޓޯ/މިހާރު
17 މާޗް 2018 - 16:37
7 comments
ފުލުހުންގެ ޔުނިފޯމްގައި ތިބި ބަޔަކު ސަރުކާރަށް އިންޒާރު ދޭ ވީޑިއޯއެއް އާންމުކުރި މައްސަލާގައި ހައްޔަރު ކުރި ރާއްޖެ ޓީވީގެ ދެ ނޫސްވެރިން ކަމަށްވާ މުހައްމަދު ވިސާމާއި އާމިރު ސަލީމް 10 ދުވަހަށް ބަންދުގައި ބައިތިއްބަން ކްރިމިނަލް ކޯޓުން މިއަދު އަމުރު ކޮށްފި އެވެ.
ފުލުހުންގެ ޔުނިފޯމްގައި ތިބި ބަޔަކު ސަރުކާރަށް އިންޒާރު ދޭ ވީޑިއޯއެއް އާންމުކުރި މައްސަލާގައި ވިސާމާއި އާމިރު ރޭ ހައްޔަރުކުރީ ކޯޓު އަމުރެއްގެ ދަށުންނެވެ. އެ މީހުން 10 ދުވަހަށް ބަންދުގައި ބައިތިއްބަން ކޯޓުން އަމުރުކުރީ ބަންދާ މެދު ގޮތެއް ނިންމަން މިއަދު މެންދުރު ކޯޓަށް ގެންދިއުމުންނެވެ.
ވިސާމާއި އާމިރުގެ އިތުރުން ރާއްޖެ ޓީވީގެ ނޫސްވެރިޔާ މުހައްމަދު ފަޒީން ވެސް ރޭ ވަނީ ހައްޔަރުކޮށްފަ އެވެ. އިދިކޮޅު ފަރާތްތަކުން ރޭ ބޭއްވި މުޒާހަރާ ކަވަރު ކުރުމުގައި ހަރަކާތްތެރިވަމުން ދަނިކޮށް ފަޒީން ހައްޔަރުކުރީ ފުލުހުންގެ އަމުރަށް ނުކިޔަމަންތެރިވުމުގެ ތުހުމަތުގަ އެވެ. އޭނާގެ ބަންދާ މެދު ގޮތެއް ނިންމަން އަދި ކޯޓަކަށް ނުގެންދެ އެވެ.
އިންޒާރު ދޭ ވީޑިއޯގެ މައްސަލާގައި ވިސާމާއި އާމިރު ރޭ ހައްޔަރުކުރީ، ވެރިކަން ކުރާ ޕާޓީ ޕީޕީއެމުން އިއްޔެ ބޭއްވި ނޫސްވެރިންގެ ބައްދަލުވުމުގައި، އެކަމުގެ ތުހުމަތު ރާއްޖެ ޓީޥީގެ މައްޗަށް ކޮށްފައި ވަނިކޮށެވެ.
އެކަމާ ގުޅިގެން ރާއްޖެ ޓީވީން ބުނެފައިވަނީ ގާނޫނާ ޚިލާފް އެއްވެސް ކަމަކަށް އެ ސްޓޭޝަނުން ހިތްވަރު ނުދޭ ކަމަށާއި އެތަނުގެ ނޫސްވެރިން ހައްޔަރުކުރީ އެ ސްޓޭޝަން ބަންދު ކުރުމުގެ ނިޔަތުގައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޙުއްމާ
18 March 2018
ކީއްކުރަން 10 ދވަސްޖެހީ؟ އުމުރު ދުވަސް ޖަހަންވީނުން. މިމީހުނަށް ހީވާކަހަލަ ތިމެންނަމެން މަތް ﷲ އަށް ޖަވާބުދާރީ ވާންޖެހޭދުވަސް ނައައްނާނެހެން. ޤިޔާމަތްދުވަހުން އަނިޔާވެރިވި މީހުނަށް ޙައްޤު ޖަޒާ ލިބޭނެ ކަމީ ކަށަވަރު ޔަޤީން ވާކަމެއް. މާތް ﷲ މި ޤައުމުގަ ތިބި އަނިޔާވެރި ވެރިންގެ ފުށުން ދިވެހި ރާއްޖޭގެ ހުރިހާ ރައްޔިތުން ސަލާމަތް ކުރައްވައި އަނިޔާ ވެރިންނަށް ދެދުނިޔެއިން ޖަޒާ ދެއްވާދޭވެ. އާމީން ޔާ ރައްބަލް ޢާލަމީނަ އާމީން.
ޖިންނިބޭ
17 March 2018
މިއީ ވެސް ހަމަ ގައުމު ހަލާކު ކުރާ ބައެއް މައުމޫނެކޭ ޔާމީނެކޭ ނެތް ތަފާތެއް
އަލި
17 March 2018
ކިހާ ހެއްވާ ނިއުސް ކޮންފަރެސް ގަ އަދުރޭ ހިންޓެއް ދެނީ ހައްޔަރު ކުރަންވީ މިވެނި ބަޔެކޭ ދެން ފުލުހުން ގޮސް ހައްޔަރު ކޮއްލަނީ އަދުރޭ މިހާރު ޕޮލިސް އިންޓަލިޖަންސް ގެ ހެޑަކީވެސް ހީހީ ހަލާކު ވޭ ދިވެހި ފުލުހުންނޭ ލަދުކޮބާ ތި މުވައްސަސާގެ އަގުވެއްޓި ނިމިއްޖެ އަހަރުމެން ހާދަ އިޙްތިރާމް ކުރިތަނެކޭތީ އެއްމެ މީހަކައް ޓަކާ ތިހާވާ ހަޑި ދެން އަންތަރީސްވޭ
ބަސްފޮތް.
17 March 2018
2018 ގެ ޖުލައިގެ ކުރިން ރާއްޖެޓީވީ ބަންދުކުރާނެ ކަމީ އެއްވެސް ޝައްކެއް އޮތް ކަމެއް ނޫން.
ކުތުބުޚާނާ
17 March 2018
މާދަމާ ވާނެގޮތެއް އިނގޭ އެއްވެސް އާދަމުގެ ދަރިއެއް އަދި އުފަންވެފައެއްނެތް. އިއްޔެ ހެނދުނު ޢާއިލާ އާއެކު ހެނދުނު ސައިބުއި އެތައްބަޔަކު މިއަދު ދުނިޔެއަކު ނެތް. ﷲއަކްބަރު.
އަލިބެސި
17 March 2018
އަހަރުމެން ހެޔޮ ރާ ޓީވީ ބަންދުކުރިޔަސް ސޯޝަލް މީޑިޔާއިން ނޭގޭ މައުލޫމާތެއް ނޯންނާނެ ރާއްޖެޓީވީ ހުއްޓަސް ނެތަސް މި ވެރިކަން ކުރާމީހާޔަށް ވޯޓް ދޭނެ އެއްވެސް ގޮތެށް ނެތް ނިކަމެތި މުސްލިމުން ނައްދޭން ދިވެހިން އެއްކުރި ލާރި ކޮޅު ދަވާލި ކޮންބަޔެށް ކޮންމެހެން ރާ ޓީވީ ބުނެގެން ނޫނޭ އެކަން އެގެނީ ސަލާމް
ރަދީފް
17 March 2018
ކުތުބުޙާނާ އަށް. ތި ބަސްފޮތް އެއީ ''ނޯވް އިޓް އޯލް ބޯޑް'' އަޅުވައިގެން އުޅޭ ބޮޑު ރޯނުއެދުރެއް.އަދި މުރަނގަ ގަސްދޮށު މާލިމީއެއް.