ޚަބަރު / އެމްއެންޑީއެފްގެ ރެހެންދި ހެލިކޮޕްޓަރު

ހެލިކޮޕްޓަރު ގެންގޮސް މަތިންދާބޯޓެއް ދޭން އިންޑިއާ އިން ވަނީ އެއްބަސްވެފައި

އިންޑިއާގެ ޑޯނިއާ މެރިޓައިމް ސަވަޔަލެންސް މަތިންދާބޯޓެއް.

މުހައްމަދު ޔާމީން، މިހާރު

05 އެޕްރީލް 2018 - 16:55

ރާއްޖޭގައި ދުއްވާ އިންޑިއާގެ ހެލިކޮޕްޓަރު ފޮނުވާލާފައި ޑޯނިއާ މެރިޓައިމް ސަވަޔަލެންސް މަތިންދާބޯޓެއް ދިނުމަށް އެ ގައުމުން އެއްބަސްވެފައިވާ ކަމަށް ދިވެހި ސަރުކާރުގެ އޮފިޝަލަކު މިއަދު ވިދާޅުވެއްޖެ އެވެ.

އިންޑިއާ ސަރުކާރުން ވަނީ ދިވެހި އަސްކަރިއްޔާ އަށް ދެ ހެލިކޮޕްޓަރެއް ދީފަ އެވެ. ދިވެހި ސިފައިން ތަމްރީނު ކުރެވެން ދެން، އެ ހެލިކޮޕްޓަރުތައް އޮޕަރޭޓް ކުރަނީ އިންޑިއާގެ ކަނޑުގެ ސިފައިންނެވެ. އެކަމަކު، އޭގެ ތެރެއިން އެއް ހެލިކޮޕްޓަރު އަނބުރާ ގެންދަން ދިވެހި ސަރުކާރުން ވަނީ އެދިފަ އެވެ.

ސަރުކާރުގެ އޮފިޝަލަކު "މިހާރު" އަށް ވިދާޅުވީ ރާއްޖެ އާއި އިންޑިއާ ސަރުކާރާ ދެމެދު އެއްބަސްވެފައި އޮތީ ހެލިކަޕްޓަރެއްގެ ބަދަލުގައި މަތިންދާ ބޯޓެއް ރާއްޖެ އަށް ދިނުމަށް ކަމަށެވެ. އެކަމަކު، އެކަމާ ގުޅޭ އެއްބަސްވުމެއްގައި ދެ ގައުމުން އަދި މިހާތަނަށް ސޮއިކޮށްފައި ނުވާ ކަމަށް އޭނާ ވިދާޅުވި އެވެ.

Helicopter fonuvaalanee India sifain ekani operation hingaathee

The most trusted news source in the Maldives

Mihaaru

އޭނާ ވިދާޅުވި ގޮތުގައި ސަރުކާރުން މަތިންދާ ބޯޓު ބޭނުން ކުރާނީ ހެލިކޮޕްޓަރުގެ ބޭނުން ކުރި ގޮތަށެވެ.

"އެމްއެންޑީއެފްގެ ބޭނުންތަކަށާއި ބަލި މީހުން އުފުލުމަށް މަތިންދާ ބޯޓު ބޭނުން ކުރާ ގޮތަށް އޮތީ. އެކަމަކު، އެ މަތިންދާ ބޯޓު ލިބޭނެ ވަކި ދުވަހެއް ބުނާކަށް ނޭނގޭ،" އޮފިޝަލް ވިދާޅުވި އެވެ.

އިންޑިއާ އިން ދެ ހެލިކޮޕްޓަރެއް ރާއްޖޭގައި އޮޕަރޭޓް ކުރާއިރު، ފުރަތަމަ ހެލިކޮޕްޓަރު ގެނައީ ކުރީގެ ރައީސް މުހައްމަދު ނަޝީދުގެ ވެރިކަމުގައި 2010 ގަ އެވެ. ސ. ގަން އެއާޕޯޓުގައި އެ ހެލިކޮޕްޓަރު ބާއްވާފައި އޮންނައިރު، ފަހުން ގެނައި ހެލިކޮޕްޓަރު އޭޕްރީލް، 2011 ގައި ރާއްޖެ ގެނެސް، އޮޕަރޭޓް ކުރަނީ ލ. ކައްދޫ އެއާޕޯޓުގައި އިންޑިއާ ސަރުކާރުން ހަދައި ދީފައިވާ ހޭންގަރުގައި ބާއްވައިގެންނެވެ.

ދިވެހި ސަރުކާރުގެ އެހެން އޮފިޝަލަކު އިއްޔެ ވިދާޅުވީ ހެލިކޮޕްޓަރު ފޮނުވާލަން ޖެހެނީ ގިނަ ކަންބޮޑުވުންތަކެއް ހުރުމާ އެކު ހައްލު ހޯދައިދޭން އިންޑިއާ އަށް ދިން ފުރުސަތުގައި އެކަމަށް ހައްލުތައް ނުހޯދުމުން ކަމަށެވެ. އެގޮތުން އައްޑޫގައި، އިންޑިއާ ސިފައިން އެކަނި އޮޕަރޭޝަންތައް ހިންގުމަކީ ދިވެހި ސަރުކާރުގެ ކަންބޮޑުވުން އޮތް މައްސަލައެއް ކަމަށް ވެސް ސަރުކާރުގެ އޮފިޝަލް ވިދާޅުވި އެވެ.

ގަމުގައި އޮންނަ ހެލިކޮޕްޓަރު އޮޕަރޭޓް ކުރުމުގެ އެއްބަސްވުން ހަމަވެފައި ވިޔަސް، ދިވެހި ސަރުކާރުގެ ވިސްނުމަކީ އެ އެއްބަސްވުން އާ ނުކުރުމެވެ.

India in Raajje ah hadhiyaakuri 1 helicopter gendhan edhefi

The most trusted news source in the Maldives

Mihaaru

ދެ ހެލިކޮޕްޓަރުގެ ތެރެއިން އެކަތި ގެންދަން ދިވެހި ސަރުކާރުން އެދިފައި މިވަނީ، ރާއްޖޭގެ ސިޔާސީ މަސްރަހު ހަލަބޮލިވެ، ރާއްޖެ-އިންޑިއާގެ ޚިޔާލު ތަފާތުވުން ބޮޑުވެފައި ވަނިކޮށެވެ. ރާއްޖޭގެ ސިޔާސީ ކަންކަމަށް ހައްލު ހޯދަން އެދި އިންޑިއާ އިން ހަރުކަށި، ބަޔާންތައް ނެރެފައިވާ މައްސަލައިގައި، ދިވެހި ސަރުކާރުން ހިތްހަމައެއް ނުޖެހެ އެވެ. ސަރުކާރުން ތަކުރާރުކޮށް ދޭ ޖަވާބަކީ، ބޭރުގެ ބާރުތަކާ އެކު ކިތަންމެ އެކުވެރި ގުޅުމެއް އޮތް ނަމަވެސް ރާއްޖޭގެ ކަންކަން އަމިއްލަ އަށް ނިންމަން ފުރުސަތު ދޭން ޖެހޭ ކަމަށެވެ.

އިންޑިއާ ދިވެހި ސަރުކާރު އެމްއެންޑީއެފް އިންޑިއާގެ އަސްކަރިއްޔާ އެމްއެންޑީއެފްގެ ރެހެންދި ހެލިކޮޕްޓަރު ރާއްޖެ-އިންޑިއާ ޑިޕްލޮމެޓިކް ގުޅުން

31 ކޮމެންޓް, 78 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދު

12 August 2018

އިނގިރޭސިން ބާ ފަހާ ފޮއްޓެއް ހިފައިގެން އައިސް އިންޑިއާ އަޅުވެތި ކުރި ގޮތަށް، އިންޑިއާއިން ރާއްޖެ އަޅުވެތި ކުރެވިދާނެ ކަމަށް ހީކުރުމަކީ ގޯހެއް. ދިވެހިން ބޭނުމިއްޔާ ބެރޭންޑް ނިވް ހެލިކަޕްޓަރ ވެސް ގަނެވިދާނެ. އެކަމަކު ދިވެހިންގެ ވިސްނުން ހުރީ މަތިންދާ ބޯޓް ގަތުމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮއްކޮބެ

07 April 2018

ކޮއްކޯ ! ސެސްނާ މަތިންދާބޯޓުންފެށިގެން ކޮންކޮންކޯޑް ދުއްވޭފެންވަރުގެ ޕައިލެޓުން މިރާއްޖޭގައި އެބަތިބި މިއަދު ހާދަފަހަތުގައޭ ތިޔައުޅެނީ ވަރައްބޮޑުތަންރަގަޅު ކުރަން އެބަޖެހޭ!ހަމައެފަދައިން ޑޮކްޓަރުން ވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖައިބު

06 April 2018

ތިޔައީ އާދަޔާ ޚިލާފު ހެލިކޮޕްޓަރަކީތަ އިންޑިއާ ނޫން މީހަކަށް ދުއްވަން ނޭނގޭން؟ ގަސްތުގައި ދިވެހިންނަށް ދުއްްވަން ދަސްކޮށްނުދިނީބާ ނޫނީ ދަސްކުރާނެ ދިވެއްސަކު ނުވީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ

06 April 2018

ސަރުކާރުން އިނޑިޔާ މީހުންނަށް ވޯކުވިސާ ދިނުން އޮތީ ހުއްޓުވާފައި "ސިންޓަމް އެރައެއް" ކަމަށް ބުނެފައި... ކޮބާ އިންސާފު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

12 August 2018

ހުރިހާ އެރާ ވެސް އަރާނެ ފާޅުގައި އިންޑިއާ ސިފައިން ރާއްޖެ އަރައިގަންނަ ވާހަކަ ދަންކަންޏާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާން

06 April 2018

ތީރާއްޖޭގެ ކަންކަން ޖާސޫސްކުރަން ދޭ އެއްޗެހި ދޭނެ އެކަމު އެދުއްވަން މުޅިންވެސް ތިބޭނީ އިންޑިޔާ މީހުން އެއީ ހަދިޔާކުރުމެއްނޫން ޖާސޫސްކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮކްތެރެޕީ

06 April 2018

ކީކުރަން އިންޑިޔާއަ ބަރޯސާވާންވީ އެމީހުންނާ ދުރައްޖެހޭވަރަކަ ރާއްޖެތަރައްގީ ވާކަންފާހަގަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

05 April 2018

"ފުރަތަމަ ހެލިކޮޕްޓަރު ގެނައީ ކުރީގެ ރައީސް މުހައްމަދު ނަޝީދުގެ ވެރިކަމުގައި 2010 ގަ އެވެ. ސ. ގަން އެއާޕޯޓުގައި އެ ހެލިކޮޕްޓަރު ބާއްވާފައި އޮންނައިރު، ފަހުން ގެނައި ހެލިކޮޕްޓަރު ގެނައީ އޭޕްރީލް، 2011 ގައެވެ". އެހެންވީމަ ފަހުން ގެނައި ހެލިކޮޕްޓަރު ގެނައީ ކޮން ބޭފުޅެއްގެ ވެރިކަމުގަބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީފުތު

06 April 2018

މި 2 ހެލިކޮޕްޓަރު ވެސް ދިނުމަށް އެެއްބަސްވީ 2007 ގައި މަނަވަރު ހަވާލު ކުރި ދުވަހު. އެގްރީމެންޓު ޑްރާފްޓު ޗެކް ކުރީ އަހަރެން. ލިޔެކިއުން ބެލީމަ މިކަމުގެ ހެކި މިހާރުވެސް ފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންސޫރު

05 April 2018

މި ބޯޓުން އިދިކޮޅު މުޒާހަރާއަށް ބޮން އެޅޭނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

05 April 2018

މިނިވަން 50 ފާހަގަ ކުރަން ޖުލައި 26ގައި މަދު ވަގުތުކޮޅަކަށް 15 ޑޮލަރު ޚަރަދު ކުރެވެނު އެކަމަކު ގައުމީ ދިފާއީ ބާރުގެ ބޭނުން ކުރަން އެއްޗިހި ހޯދަން މިޖެހެނީ ސަލާން ޖަހައިގެން. ޑޯނިއާ ބްރޭން ނިއު މަތިންދާބޯޓެއް އެބަލިބޭ 10 މިލިއަން ޑޮލަރަށް. ރާއްޖެ އަންނަ ޓޫރިސްޓުންގެ އަދަދު އުޅޭ އަހަރަކު 1 މިލިއަން. ގްރީން ޓެކްސްގެ ގޮތުގައި އެއަންނަ ޓޫރިސްޓުން އަތުން ދައުލަތަށް ލިބޭ އަހަރަކު 48 މިލިއަން ޑޮލަރު. ކީއްވާނީ ސަލާން ޖަހައިގެން އަވައްޓެރި ގައުމުތަކުނެ ބާ ހެލިކޮޕްޓާރާއި، މަނަވަރު، ހޯދުމުގެ ބަދަލުގައި އެފައިސާއިން އެތަކެތި ގަތިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންނާނު

05 April 2018

ފައިސާއަށް ވާގޮތެއްނޭގޭ ދެންކިހިނެއް ތިޔަވަރު ކަމެއް ކުރާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިސާބު

05 April 2018

ސިވިލްސާވިސް މުއައްޒިފުންގެ މުސާރަޔޯ؟ ޢާސަންދަޔޯ؟ މިވެސް އެއްކުރަން ވާނެ ދޯ ހިސާބު ކުރާއިރު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤާދިރު

06 April 2018

ތަރައްޤީގެ ބޮޑެތި މަޝްރޫޢުތަކަށް ކުރާ ޚަރަދު ވެސް އެއްކުރަން ވާނެދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫1234

05 April 2018

‫އަހަންނަށް ފެންނަނީ އެންމެ ބޮޑު ކުއްޔެއް ދިވެހި ސަރުކާރަަށް ދޭ ގައުމަކަށް އައްޑޫގައި އެއަރ ބޭސްއެއް އަޅަން ހުއްދަ ދޭން. ދުނިޔޭގެ އެތައް ގައުމެއްގައު އެފަދަ ބޭސްތައް އެބަހުރި. ސިއްރުން އިންޑިޔާ އެކަނި ތިބެގެން ބޭސް ހިންގުމުގެ ބަދަލުގައި އޯޕަންކޮށްލަންވީ ރާއްޖެއަށް ފައިދާ ބޮޑުގޮތަކަށް..