ފޭދޫ ބޮޑުމަގުގައި ފެންބޮޑުވެފައި: ވާރޭ ވެހިއްޖެ ނަމަ މި މަހުގައި ފެންބޮޑުވާ މައްސަލަ ބޮޑު. ފޮޓޯ/ އަހުމަދު އަދުޝަން
20 އެޕްރީލް 2018 - 18:36
8 comments
އައްޑު އަށް މިހާރު ކުރަމުންދާ ވިއްސާރައިގައި ބައެއް ރަށްރަށުގެ އެކި ހިސާބުތަކުގައި ފެންބޮޑުވެއްޖެ އެވެ.
މި ވިއްސާރާގައި ހިތަދު އާއި ފޭދޫ، މަރަދޫފޭދޫ އަދި މަރަދޫގެ އެކި ހިސާބުތަކުގައި ވަނީ ފެންބޮޑުވެފައިވެ އެވެ. ވަކިން ޚާއްސަކޮށް މި ރަށްތަކުގެ ބައެއް މަގުތަކުގައި ހިނގާ މީހުންނާއި ވެހިކަލްތައް ދުއްވަން ދަތިވާ ވަރަށް ފެންބޮޑުވެފައި ވެ އެވެ. ބައެއް ގޭގެ ގޯތިތެރޭގައި ވެސް ވަނީ ފެން ބޮޑުވެ ބޮޑެތި ދަތިތަކާ ކުރިމަތިވެފަ އެވެ.
ތާރު އަޅާފައި އޮންނަ ފޭދޫ ބޮޑުމަގަކީ ފެންބޮޑުވުމުގެ މައްސަލަ ވަކިން ބޮޑު މަގެކެވެ. ފެން ހިންދަން ޖަންކްޝަންތަކެއް ބޮޑު މަގާއި އެ މަގާ ގުޅުން ހުރި މަގުތަކުގައި ބަހައްޓާފައި ހުރި ނަމަވެސް އެ ކަމަށް އެކަށީގެންވާ ހައްލެއް ނުލިބެ އެވެ.
އެމްއެންޑީއެފުން ބުނީ ފޭދު އަށް ބޯކޮށް ވާރޭ ވެހި، މަގުތަކުގައި ފެންބޮޑުވުމާ ގުޅިގެން ފެން ހިއްކުމުގެ މަސައްކަތުގައި މިއަދު މެންދުރު 2:00 އިން ފެށިގެން ސިފައިން ހަރަކާތްތެރިވަމުން އަންނަ ކަމަށެވެ.
ފެންބޮޑުވެފައިވާ މަގެއްގައި މީހަކު ސައިކަލާ އެކު. ފޮޓޯ: ކިޔުންތެރިއެއް.
މޫސުމާ ބެހޭ އިދާރާ އިން ބުނީ ރޭ ފަތިހު 5:00 އިން ފެށިގެން މިއަދު ހަވީރު 5:00 އާ ހަމައަށް އައްޑު އަށް 76.7 މިލިލީޓަރުގެ ވާރޭ ވެހިފައިވާ ކަމަށެވެ. މިރޭ 8:00 އާ ހަމައަށް ދެކުނުގެ އަތޮޅުތަކަށް ވަނީ ވަނީ އެލާޓް ވެސް ނެރެފަ އެވެ. މިއަދު ހެނދުނުން ފެށިގެން ހުއްޓުމެއް ނެތި އައްޑު އަށް ދަނީ ވާރޭ ވެހެމުންނެވެ.
ފެންބޮޑުވެފައިވާ ފޭދޫގެ މަގެއް: ވާރޭ ވެހޭ ނަމަ މަގުގަތަކުގެ ހާލަތު ވަރަށް ދަށް. ފޮޓޯ: ކިޔުންތެރިއެއް
މޫސުމާ ބެހޭ އިދާރާ އިން ބުނި ގޮތުގައި ކުރިއަށް އޮތް 24 ގަޑިއިރު ވެސް ދެކުނުގެ އަތޮޅުތަކަށް ބޯކޮށް ވާރޭ ވެހޭނެ ކަމަށް ލަފާ ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
21 April 2018
02 ވަނަ ފޮޓޯގަ އެފެންނަނީ އައްޑޫ ސިޓީގެ މަގެއްތަ؟؟ ލަދުކޮ ބާ؟؟
ކަރަންފޫ
21 April 2018
ވާރޭ ވެހޭ ކޮންމެ ފަހަރަކު މާލޭގަ ފެން ބޮޑުވޭ!
ބޮޑުކަތުރުފަނި
20 April 2018
މޫދާ ޖެހިގެން އޮންނަ މަގުގައި އަހަރަކު އެތައްފަހަރު އުނަގަނޑާހަމައަށް ފެންބޮޑުއެބަވޭ. މަގުން ފެށިގެން ބީޗަށް 10 ފޫޓުދިގު ކާނެއް ހަދާނުލެވޭ ދިވެހި ދައުލަތަކަށް.
މަރޭމިތުރާ
20 April 2018
ކާރިސާތަކުން ގުދުރަތީ ވާގެއްލުމަށް ބަލާނެ ޔާރަކު ނެތީތޯ؟..................................................ވާރެއާއެކު ލިބުނު ގެއްލުންތަކަށް އެހީދޭނެ ސަރުކާރެއްނެތީތޯ؟
ރަށްފުށުމީހާ
20 April 2018
އެވެރިންގެރަށް ސިންގަޕޫރަށް ހަދަމުން އެހެރަގެންދަނީއޭ، ............. ފައިސާކޮޅަށް ވޯޓުދީފާ ރޮއެރޮއެ ތިބޭށޭ ކަލޭމެން.
މަހަށްދޭދޭ
20 April 2018
ހުރިހާ ގޭގޭގެ ދިޔަދޮވި ހޮޅި ތައް މަގުމައްޗަށް ގުޅާފައި ހުރުމުން ވާނީ މިހެންނޭ މަމެން ބުނަން ނެތީމު ދޯ. ތަމެން ދެން މަހަށް ދޭބަލަ މަަހަށް މަހަށް މަހަށް ދޭބަލަ އައްޑޫ ސިޓީ ކައުންސިލަރޭ މެން.
ނަގިއްޔާ
20 April 2018
ސިޓީއެއްގެ ލަގަބު ދީފާއޮތް ތަނަކަށް ކުޑަފެން ކޮޅެއް ވެހިލާއިރަށް ފެން ބޮޑުވުމަކީ ކަންބޮޑު ވާންޖެހޭ ވަރު ކަމެއް. ހުޅަގު މޫސުމުގެ ތެތް ކިއްޕަތި މުޅި ސީޓީގަ ބާއްދާލީމަ އަދި ކިހާވަރެއް ވާނެބާ. އަދި މިއުޅެނީ ރަގަޅަށް ހުޅަގު މޫސުން ނުފެށިގެން.
ބާޣު
20 April 2018
މިޒާތުގެ ކަންކަމާ ވާހަކަ ދައްކާ މީހަކު ނޫޅޭ