މައުމޫނާއި ދެ ފަނޑިޔާރުންނަށް ކުރާ ދައުވާގެ އަޑުއެހުމެއް މިއަދު ބާއްވަނީ

މައުމޫނާއި އުއްތަމަ ފަނޑިޔާރާއި ފަނޑިޔާރު އަލީ ހަމީދު: އެ ބޭފުޅުންނަށް ކުރާ ދައުވާއެއްގެ އަޑުއެހުމެއް މިއަދު ބާއްވަން ވަނީ ހަމަޖައްސާފައި

މުއިއްޒު އިބްރާހިމް، މިހާރު

23 އެޕްރީލް 2018 - 11:01

4 comments

ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދު އަދި ސުޕްރީމް ކޯޓުގެ ފަނޑިޔާރު އަލީ ހަމީދަށް ކުރާ ދައުވާއެއްގެ އަޑުއެހުމެއް މިއަދު ބާއްވަން ކްރިމިނަލް ކޯޓުން ހަމަޖައްސައިފި އެވެ.

މިދިޔަ ފެބްރުއަރީ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރަށް ފަހު، ރައީސް އަބްދުﷲ ޔާމީން އިއުލާން ކުރެއްވި ކުއްލި ނުރައްކަލުގެ ހާލަތުގައި، ހައްޔަރުކުރި މައުމޫނާއި ދެ ފަނޑިޔާރުންނަށް ކުރާ ދައުވާތަކުގެ ތެރެއިން މިއަދު މެންދުރު 3:00 ގައި ބާއްވަން ހަމަޖައްސާފައިވަނީ އެ ބޭފުޅުން އަދުލު އިންސާފު ގާއިމްކުރަން ހުރަސް އެޅުމުގެ ދައުވާގެ އަޑުއެހުމެކެވެ.

އެ ދައުވާ ކުރަނީ އެ ބޭފުޅުންގެ މައްޗަށް ކުރެވޭ ތުހުމަތުތަކާ ގުޅޭ ހެކިތަކެއް ހުރި ކަމަށް ބެލެވޭތީ އެ ބޭފުޅުންގެ ފޯނު ދޭން އެންގުމުން ފޯނު ދީފައި ނުވާތީ އެވެ.

އެ މައްސަލައިގެ އަޑުއެހުމެއް މީގެ ކުރިން ވެސް ކްރިމިނަލް ކޯޓުގައި ބާއްވާފައިވާއިރު، އެ ދުވަހު ވަނީ ވަކީލުން ހަމަޖައްސަން އެ ބޭފުޅުންނަށް ފުރުސަތު ދީފަ އެވެ.

އަދުލު އިންސާފު ގާއިމްކުރަން ހުރަސް އެޅުމުގެ ދައުވާގެ އިތުރުން ޓެރަރިޒަމްގެ ދައުވާ އާއި އިތުރު ދައުވާތަކެއް ވެސް މައުމޫނާއި ދެ ފަނޑިޔާރުންގެ މައްޗަށް ދައުލަތުން ކުރެ އެވެ. އޭގެ ތެރެއިން ބައެއް މައްސަލަތަކުގެ އަޑުއެހުންތައް ކުރިން ވަނީ ފަށައިފަ އެވެ.

މައުމޫނާއި ދެ ފަނޑިޔާރުންގެ އިތުރުން ކުރީގެ ޕޮލިސް ކޮމިޝަނަރު އަހުމަދު އަރީފާއި ރައްޔިތުންގެ މަޖިލީހުގެ ބައެއް މެމްބަރުންގެ މައްޗަށް ވެސް އެ މައްސަލަތަކާ ގުޅިގެން ޓެރަރިޒަމްގެ ދައުވާ ވަނީ އުފުލައިފަ އެވެ. އެ ބޭފުޅުންގެ ޝަރީއަތް އަދި ނުފަށަ އެވެ.

ރައީސް މައުމޫން އަބްދުލްގައްޔޫމް ކުށްކުރުން ކްރިމިނަލް ކޯޓް ކުރީގެ ފަނޑިޔާރު އަލީ ހަމީދު ކުރީގެ އުއްތަމަ ފަނޑިޔާރު އަބްދުﷲ ސައީދު

4 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކާފަބޭ

23 April 2018

ޖަލުގަހުންނައިރު ބައްދަލުކުރަންއެދާވަކީލުން ޝަރީއަތުގެ މަޖިލީހުން ބަލައިނުގަންނަނީތޯ؟ އެމަޖިލީހުން ވަކީލުންހަމަޖައްސަންފުރުސަތުދޭތީއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮނދު ބޔޑު

23 April 2018

އަދުލު އިންސާފު އެއްމެ ބޮޑަށް ޤާއިމު ކުރެއްވި މީހުންގެ މައްޗަށް ހުރަސް އެޅުމުގެ ދައުވާ ކުރަނީ ...ވަރަށް ޖޯކް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަހާސްކީރާއްޖެ

23 April 2018

އާ ގާނޫނުލް އުޤޫބާތާއެކު ކަންކަން ރަނގަޅުވާނެ ކަމަށް އުއްމީދުކުރެވުނު. އެކަމަކު ކޯޓާއި ޕީޖީގެ އަމަލުތައް މިހާރު ހުރި ގޮތުން ކުރީގެ ގާނޫނުގެ 88 (ހ) ބޭނުން ކުރި ގޮތަށް އަނެއްކާވެސް މިއޮތީ ބޭނުންކުރަން ފަށާފަ. ޕޮލިސް ޓެގް ކޮށްފަ ކަމެއް ސާފުކޮށްދޭށޭ ކިޔާފަ ޓްވީޓެއް ކުރިޔަސް މި ވަނީ ޕޮލިހަށް ދޮގު މައުލޫމާތު ދިން ކަމަށް. އޮފީހުގެ ސާރވަރ މެއިންޓެނަންސްއަށް ޑައުންކޮށްލިޔަސް މިއޮތީ ޖިނާއީ ކުށަކަށްވެފަ. މަގުމަތިން ދާ ފުލުހެއް ހުއްޓުވާފަ ގަޑިން ކިހާއިރެއްތޯ އަހާލިޔަސް އެ ވަނީ ދައުލަތް ހިންގުމަށް ހުރަސްއެޅީ ކަމަށް ފުލުހުންނަށް ގާނޫނީ ހެކި ނުހޯދުނަސް އެކަންވެސް މި ވަނީ ތުހުމަތު ކުރެވޭ މީހާ ތަހުގީގަށް ހުރަސްއެޅީކަމަށް. ޖެހިގެން ހުރިގޭގަ ކުޑަކުއްޖަކު އާދަޔާހިލާފަށް ރޯތީ، ފުލުހަށް ގުޅާފަ ކުޑަކުއްޖަކަށް އަނިޔާކުރަނީހެން ހީވެޔޭ އެކަން ބަލައިދޭށޭ ބުނެފަ އެގެއަށް ދާއިރު އެ ކުއްޖާ ރުއިން ހުއްޓާލިޔަސް މިވަނީ ގާނޫނު ތަންފީޒުކުރާ ފަރާތަކަށް ދޮގު މައުލޫމާތު ދިނީކަމަށް.