ޚަބަރު / މަގުމަތީގެ އެކްސިޑެންޓް

ތިން ލައްކަ އަށް ވުރެ ބޮޑު ބިލަކާ އެކު ޒުވާނަކު ޓްރީ ޓޮޕް ހޮސްޕިޓަލުގައި ތާށިވެފައި

ޓްރީ ޓޮޕް ހޮސްޕިޓަލް: އެތަނުގައި ފަރުވާ ދިން ޒުވާނަކަށް އެރި ބިލް ބޮޑުވެގެން، އާއިލާއިން ވަނީ އާއްމުންގެ އެހީތެރިކަމަށް އެދިފައި

މިދިޔަ ރޯދަ މަހު ހުޅުމާލޭގައި ހިނގި އެކްސިޑެންޓެއްގައި ޒަހަމްވެގެން ޓްރީ ޓޮޕް ހޮސްޕިޓަލުން ފަރުވާ ދިން ޒުވާނެއްގެ ބިލް ބޮޑުވެ، އާއިލާ އަށް އެ ނުދެއްކިގެން އާއްމުންގެ އެހީތެރި ކަމަށް އެދެފި އެވެ.

އެހީ އަށް އެދިފައި ވަނީ މިދިޔަ ޖޫން މަހުގެ އެއް ވަނަ ދުވަހުގެ ރޭ ހުޅުމާލޭ ގެ ދެ ވަނަ ފިޔަވަހީގައި ހިނގި ސައިކަލް އެކްސިޑެންޓުގައި ޒަޚަމްވި ލ. ކަލައިދޫ ޕެންޒީމާގޭ މުހައްމަދު ނިޒާމް، 22، ގެ އާާއިލާއިންނެވެ. ބާރު ސްޕީޑެއްގައި ދުއްވާފައި ދަނިކޮށް، މަގު ބަންދުކުރަން ހުރަސްކޮށްފައި އޮތް ދަގަނޑު ހޮޅިއެއްގައި ޖެހިގެން ނިޒާމްގެ މޫނު ވަނީ ވަރަށް ބޮޑަށް ޒަހަމްވެފަ އެވެ.

އެކްސިޑެންޓުގައި އޭނާގެ ކޯކަށިގަނޑާއި ނޭފަތުގެ ކަށިގަނޑުގެ އިތުރުން ނިތްކުރިމަތިން، ކަށިގަނޑާ އެކު ވަނީ ފަޅައިގެން ގޮސްފަ އެވެ. އަދި ލޯމަތިން ވެސް ފަޅައިގެން ގޮސް، ލޮލަށް ބޮޑެތި ގެއްލުންތަކެއް ވެފައި ވެ އެވެ.

ލިބިފައިވާ ގެއްލުންތަކަށް، ޓްރީ ޓޮޕްގެ އައިސީޔޫގައި ނިޒާމަށް ހަފުތާއަކަށް ވުރެ ގިނަ ދުވަހު ފަރުވާ ދިނެވެ. އަދި މުޅިން ރަނގަޅުވެ، ނިޒާމް ހޮސްޕިޓަލުން ދޫކޮށްލަން ނިންމީ މިދިޔަ ބުރާސްފަތި ދުވަހު އެވެ. އެކަމަކު އޭނާ ދޫކޮށްލެވެން އޮތީ ހޮސްޕިޓަލުގެ ބިލަށް އަރާފައިވާ 350،000 ރުފިޔާ ދެއްކުމުންނެވެ.

އާއިލާ އިން ބުނިގޮތުގައި އެކްސިޑެންޓަށް ފަހު ނިޒާމް އެންމެ ފުރަތަމަ ގެންދިޔައީ ހުޅުމާލޭ ހޮސްޕިޓަލަށެވެ. އެކަމަކު އެތަނުގައި ސީޓީ ސްކޭން ހެއްދެން ނެތުމުން، ހޮސްޕިޓަލުން ލަފާ ދިނީ މާލެއަށް ގެންދަން ކަމަށާއި އެކަމަކު އެކަމަށް ވަގުތު ނަގާނެ ކަމަށް ބުނި ކަމަށް އާއިލާއިން ބުންޏެވެ.

"ހޮސްޕިޓަލުން ބުނީ ކޮއްކޮގެ ހާލު ސީރިއަސްކަމަށް. އޭރު ނޭފަތުން ލޭ ވެސް ކޮންޓްރޯލް ނުވޭ. ދެން އެތަނުން ސަޖެސްޓް ކުރީ ބޭނުން ނަމަ ޓްރީޓޮޕަށް ގެންދަން. އަޅުގަނޑުމެންނަށް އެނގޭ އެތަން އަގުބޮޑުވާނެކަން އެކަމަކު ކޮއްކޮގެ ފުރާނަ ސަލާމަތް ކުރަން އެ ވަގުތު އެ ޑިޒިޝަން ނެގީ،" ނިޒާމްގެ އާއިލާ އިން ވާހަކަދެއްކި މީހަކު ބުންޏެވެ.

އޭނާ ބުނީ ޓްރީ ޓޮޕް ހޮސްޕިޓަލުން ކޮއްކޮގެ ބޮލުގެ ދެ އޮޕަރޭޝަނަކާއި މޫނު މަތީގެ އޮޕަރޭޝަނެއް ވެސް ކުރި ކަމަށެވެ. އަދި ހޮސްޕިޓަލުގެ ބިލް އައުމުން، އެ އަށް އެރި ފައިސާ ހޯދުމަށް އާސަންދަ އާއި އެންސްޕާ މެދުވެރިކޮށް މަސައްކަތް ކުރި ކަމަށް ވެސް ބުންޏެވެ.

އެކަމަކު އާސަންދަ އިން ނިޒާމްގެ އާއިލާ އަށް ލިބުނީ 18،000 ރުފިޔާ އެވެ. އެންސްޕާއަކުން އަދި އެހީއެއް ނުލިބެ އެވެ. ނަމަވެސް އިންޝުއަރެންސް ކަވަރު ކޮށްފައި އޮތުމުންނާއި ރަހުމަތްތެރިންގެ އެހީގައި އެ އާއިލާ އިން ވަނީ ބިލްގެ ތިން ބައިކުޅަ ދެ ބަޔަށްވާ ފައިސާ ހަމަކޮށްފަ އެވެ. ނިޒާމްގެ ބިލަށް ޓްރީ ޓޮޕް ހޮސްޕިޓަލުން 30 ޕަސެންޓުގެ ޑިސްކައުންޓެއް ދިނެވެ.

"މިހާރު އަޅުގަނޑުމެން ބޭނުންވަނީ 111،000 ރުފިޔާ. އެ ފައިސާ ހަމަނުކުރެވި، ހޮސްޕިޓަލުގައި އޮންނަ ކޮންމެ ދުވަހަކަށް 1،800 ރުފިޔާ އެބަ އަރާ. އެހެންވެ، މިކަމުގައި އަޅުގަނޑުމެންނަށް އެހީތެރިވެދިނުން އެދެން،" އޭނާ ބުންޏެވެ.

ހުޅުމާލޭގެ ދެ ވަނަ ފިޔަވައްސަށް ހުއްދަ ނެތި ވަނުމަކީ މަނާކަމެކެވެ. އެނގިފައިވާ ގޮތުގައި ނިޒާމް އާއި އިތުރު މީހަކު އެ ސަރަހައްދަށް ވަނީ ގަވައިދާ ހިލާފަށެވެ. އަދި އެ އެކްސިޑެންޓު ހިނގުމާއެކު، އެތަނުގެ ސެކިއުރިޓީ ބެލެހެއްޓުން، ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން ވަނީ ފުލުހުންނާ ހަވާލުކޮށްފަ އެވެ.

މިދިޔަ ބުރާސްފަތި ދުވަހު ނިމުނު މި އަހަރުގެ ރޯދަ މަހު ހުޅުމާލޭގައި ހިނގި އެހެން އެކްސިޑެންޓުގައި ޒުވާނަކު މަރު ވެސް ވެފައި ވެ އެވެ.

188 ކޮމެންޓް, 456 ރިއެކްޝަންސް

icon happy icon happy 9%
icon sad icon sad 78%
icon angry icon angry 13%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ފަސީ

18 June 2018

މިއީ ގައުމަށް ކަމެއް ނުކޮށްދެވިގެން ދިވެހިރާއްޖޭގެ ބޮޑު މަހުޖަނަކު ހުޅުވި ހޮސްޕިޓަލެއް. ވަރަށް ކަންތައް ކޮށްދެވިއްޖެއެއްނު. މިއަށްވުރެ ރަނގަޅުވީސް އެސޮރުގޮވައިގެން އިންޑިއާއަށް ދިޔަނަމަ. މަށަށް ހަމަޔަޤީން އެވަރުގެ ބޮޑު ބިލެއް ނުދޭނެ އިންޑިއާއަކުން މިވަރުގެ ކަމެއްގަ

The name is already taken The name is available. Register?

ހުޔާ

18 June 2018

ބީއެމްއެލް އިން ލުއި ލޯނު ނަގައިގެން ދެއްކުން އެންމެ ރަގަޅީ. އޭރުން އެފައިސާ ދައްކަންޖެހޭނީ ހަމަ އަމިއްލައަށެއްނު! ރައްޔިތުން ނުޖެހޭ ކޮންމެހެން މީހުން ވަނުން މަނާ ސަރަހައްދުތަކަށް ފުލް ސްޕީޑުގަ ދުއްވާ މީހުން އެކްސިޑެންޓު ވީމަ އެކަމުގެ މެޑިކަލް ފައިސާ ދޭކަށް!

The name is already taken The name is available. Register?

ޔާމީން2018

18 June 2018

ތީ ބޮޑު އިމްތިހާނެއް ކަމަށް ބަލާފަ ތި ފައިސާ ދެއްކޭނެ ގޮތެއް އަވަހަށް ހޯދޭތޯ ބަލާ. ﷲ އެއްވެސް އިންސާނަކަށް ނުވާވަރުގެ އިމްތިހާނެއް ނުޖައްސަވާނެ.ﷲ އެއީ ހުރިހާ ކަމަކަށް ކުޅަދުންވަންތަ.

The name is already taken The name is available. Register?

ޒުވާނުންގެ ސިޓީން

18 June 2018

ކޮބާތޯ ޒުވާނުންގެ ރައީސް، އެކަން ހަމަޖައްސަވާދެއްވާ، އާދޭސްކުރާވަރެއްނުވާނެ

The name is already taken The name is available. Register?

ރއހުމަނ

18 June 2018

ޙިދުމަތް ލިބުނީތީ ސުކުރުވެރި ވުމުގެ ބަދަލުގައި ހޮސްޕިޓަލް ބަދުނާމު ކުރުން އެއީ ހިތާމަ ކުރާކަމެއް. ދެންވެސް އެ ހޮސްޕިޓަލްގެ ވެރިންނަށް ބިލަށް ފައިސާ ދެއްކުމަށް ލުޔެއް ލިބޭތޯ ދަންނެވުން ރަނގަޅުވާނެ.

The name is already taken The name is available. Register?

ލިމް

18 June 2018

މިހާރުވެސް ޑިސްކައުންޓެއް ދީފަވަނީ

The name is already taken The name is available. Register?

ވައިޓުހައުސް

18 June 2018

މީހާ ހައްޔަރުކޮއްފައި ނުބާއްވާދޫކޮއްލަންޖެހޭ.. ދޫކޮއްލިޔަސް ފައިސާހޯދޭނެ ނިޒާމެއް ޔާމިނުހޯދާދޭން އެދެން..ފައިސާނުދެއްކޭހާލު ހައްޔަރެއްގަ ހުރެގެން ބަލިމީހާއައް ވާނީ އިތުރުއަނިޔާއަކައް އަދިއާއިލާއައްލިބޭ ހާސްކަން އިހުސާސްކޮއްލަމާދޯ

The name is already taken The name is available. Register?

ހިނާޖް ޝަރީފް

18 June 2018

ޔާމިން ބުނެގެންތަ ވަނުން މަނާ ސަރަހައްދުތަކަށް ވަންނަނީ؟

The name is already taken The name is available. Register?

ސޮރީ

18 June 2018

ތާކުން ލޯނެއް ނަގައިގެން ތި ފައިސާ ދައްކާ.

The name is already taken The name is available. Register?

ޢިނާ

18 June 2018

ހިސާބުތައް ދިމާނުވޭ !! ސޮރީ، ދޮގު ހަދައިގެން ފައިސާ އެއް ނުދޭނަން !!

The name is already taken The name is available. Register?

ހިނާޖް ޝަރީފް

18 June 2018

އަސްލުވެސް!!!!

The name is already taken The name is available. Register?

ޖިމަ

17 June 2018

ފިސާރި ބާރަށް ހަޅޭލަމުން މުސްކުޅިން ބިރުގަންނަވަމުން ސައިކަލެއް އަތުޖެހޭއިރަށް ދުއްވާނެ. ވާނެ ހައެތިވީމާ އަހަރުމެންތަ ލާރި ދައްކަންވީ؟ ނުވާނެ ތިކަމެއް

The name is already taken The name is available. Register?

އިސްމާލު

17 June 2018

މިކަހަލަ ކަންކަން ދިމާވާތީއޭ އަހަރުމެން މިކިޔަނީ ބާރަށް ނުދުއްވާށޭ.. ހަމަ ކަމެއް ޖެހުނީމަ އެހީވާންވެސް މި ތިބެނީ އަހަރުމެން..

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454